لاقيت رئيسة جالية واشنطن مرمر وهي امرأة أنيقة لابسة توب أبيض موشح بعلم السودان قلت ليها؛ تستحقي جائزة أجمل لبس معبر عن السودان قالت لي انت من وين؟ كنت داير أقول ليها من الكمير، لكن انتبهت للمكان وقلت ليها؛ غرينسبورو قالت لي؛ أجدع ناس متى ما احتجنا ليكم نلقاكم جنبنا قلت ليها نحن زي المداحين لا نرفض الدعوات وجلاليبنا وبصاتنا جاهزات
Post: #2 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 10-31-2021, 03:50 PM Parent: #1
يوم ٢٣ جيت للمظاهرة بواشنطن ورجعت يوم ٣٠ للمظاهرة التانية سايق تقريباً ٢٢٤٠ كلم بنزين في حدود ٢٣٣ دولار زيت ٣٥ دولار جبت معاي ستة انفار؛ خلي تاني واحد يجي يشكك في نضالي
Post: #3 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 10-31-2021, 04:00 PM Parent: #2
عزمت الجماعة المعاي في المرتين في المطعم الأفغاني بالاسكندرية كباب مشكل وبرياني جكن وكبسة ٨٤ دولار ضربوا ضرب الزول بعد المظاهرات بكون مهوي
Post: #4 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 10-31-2021, 04:04 PM Parent: #3
واحد يرسل لي رقم الواتساب بتاعو عشان ارسل ليهو الصور عشان ينزلها وين كدا عشان ينزلها هنا
لفّة طويلة!!
Post: #5 Title: Re: مظاهرات واشنطن كانت ضخمة وكنت أحمل اللآفت Author: ABDALLAH ABDALLAH Date: 10-31-2021, 04:19 PM Parent: #1
كان يوماً هادراً أدى إلى قفل شارع 15 وشارع بنسلفانيا بين مبنى الكونقرس والبيت الأبيض فى واشنطن بسبب حشود ثوار السودانيين الأمريكان ممن حضروا من معظم الولايات الأمريكيه دعماً لحكومة الثوره والحكم المدنى الديقراطى. تواصلت الهتافات والأناشيد الوطنيه بمكبرات الصوت أمام البيت الأبيض وشارع 15 حتى الليل . كان يوماً سودانياً مشهوداً فى العاصمه الأمريكيه . الحاجه الوحيده النقصت لى فى تلك السانحه أنه وللمره الثانيه لم أسعد بلقائك
Post: #6 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 10-31-2021, 04:25 PM Parent: #5
ح يكون يوم خالد في ذاكرة الزول يا مولانا شفت امرأة كبيرة تتحرك مع الحشود بالكرسي المربع بالكون قدام الزول ويحيط بها أولادها وأحفادها دا من المناظر التي لن تبارح ذاكرتي اليومية المجنونة
شكراً لجالية واشنطن على هذا التنظيم والحفاوة والنضال
سلام استاذ ابوبكر والله عندنا حاجات مشتركة بنحبها تعرف يا ابوبكر المطعم دا عندي معاهو عشق غريب منذ ان كنت اقيم بمنطقة واشنطن...يا اخي الكوارع بتاعتو مبالغة.... رسل لي الصور علشان ارفعها لك هنا صور و فيديوهات من مظاهرات السودانيين حول العالم في ٣٠ اكتوبر ٢٠٢١صور و فيديوهات من مظاهرات السودانيين حول العالم في ٣٠ اكتوبر ٢٠٢١
Post: #8 Title: Re: مظاهرات واشنطن كانت ضخمة وكنت أحمل اللآفت Author: ABDALLAH ABDALLAH Date: 10-31-2021, 04:38 PM Parent: #5
عيب علينا يا حبيبنا مرتين تجى واشنطن وتمشى تتغدى بمطعم دنيا الأفغانى بالأسكندريه حظنا العاثر لم يسعدنا باللقاء وإلا لضبحنا لكم وعزمناكم بدارنا بمدينة وودبيردج البمر بها ال 95. المره الجايه إن شاء الله نحتفل بمغادرة الما بيوفى بعهد الله المخادع البرهان ولمن تجى واشنطن شيل علامه أكتب عليها المستنير عشان نشوفك من بعيد .
Post: #9 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 10-31-2021, 04:43 PM Parent: #8
يا بكري، ما في الدنيا دي أكل أطعم وألذ من الأكل الافغاني والباكستاني؛ انت قايل أمريكا دي دخلت افغانستان وصرفت القروش دي كلها عشان الإرهاب؟! أبداً قعدوا العشرين سنة دي عشان يعرفوا سر المندي
Post: #11 Title: Re: مظاهرات واشنطن كانت ضخمة وكنت أحمل اللآفت Author: muntasir Date: 10-31-2021, 04:47 PM Parent: #8
يا بك انا لي ١٠ سنين من فرجينيا متعارف لسه فاتحين لكن في مطعم افغاني في كريستال سيتي جنب السڤن إلڤن ومحل الستربتيز كان مشيت يوم الأحد عنده كوارع محمد أحمد عوض شنو ، وأمشي سڤن كورنر في المطعم الصيني زي ما بقولوا السعوديين مطعم البطة حيعجبك الصور الفي حيطة بس ممكن تعمل منها رواية، مطعمك الافغاني ده اسمو جلو كباب؟
Post: #10 Title: Re: مظاهرات واشنطن كانت ضخمة وكنت أحمل اللآفت Author: HAIDER ALZAIN Date: 10-31-2021, 04:44 PM Parent: #1
زارا ما لاقيتها..
Post: #12 Title: Re: مظاهرات واشنطن كانت ضخمة وكنت أحمل اللآفت Author: بسمات الشيخ Date: 10-31-2021, 05:49 PM Parent: #10
ما دام كنت سايق اكثر من ٢٢٠٠ كيلومتر عشان تشارك في المظاهرة لاسقاط دكتاتورية البرهان وحميرتي ،فعداك العيب واثبت انك ثوري حتى النخاع زي ناس عطبرة ....
Post: #13 Title: Re: مظاهرات واشنطن كانت ضخمة وكنت أحمل اللآفت Author: عمر أبوعاقلة Date: 10-31-2021, 07:06 PM Parent: #12
أعمل حسابك يا مستنير من مداخلاتك هسة مداخلة زي دي يلموا فيها الفلول يقولوا مظاهرات واشنطون مدفوعة ومدعومة من الخونة والعملاء
Quote: عزمت الجماعة المعاي في المرتين في المطعم الأفغاني بالاسكندرية كباب مشكل وبرياني جكن وكبسة ٨٤ دولار ضربوا ضرب الزول بعد المظاهرات بكون مهوي
تحياتي
Post: #14 Title: Re: مظاهرات واشنطن كانت ضخمة وكنت أحمل اللآفت Author: Abureesh Date: 10-31-2021, 07:40 PM Parent: #13
المستنير أبوبكر سلام وهذا جهاد كبير، جزاك اللخ خير وجعله فى ميزان حسناتك :) بالله عليك العفو والعافية فى مناقشات الدنيا التى لا تسوى جناح بعوضة.. أنا قعدت فى ونستون ساليم Winston Salem قريب من سنة فى 2017، ومشيت قرينسبورو (Route 40) ولم أعرف سودانى.. البروف الكنت شغال معاه فى جامعة Wake Forest مرة قال لى شاف سودانى فى داون تاون WS وكان عايز يعرفنا لكن ما لم فيه تانى.
Post: #15 Title: Re: مظاهرات واشنطن كانت ضخمة وكنت أحمل اللآفت Author: ياسر عدوي Date: 11-01-2021, 02:28 AM Parent: #14
Post: #16 Title: Re: مظاهرات واشنطن كانت ضخمة وكنت أحمل اللآفت Author: Mohamed Doudi Date: 11-01-2021, 02:37 AM Parent: #15
ما لميت فيك يا المستنير لكن قابلت الصادق الحلاوى وحامد شارف من مدينتكم
دودى
Post: #17 Title: Re: مظاهرات واشنطن كانت ضخمة وكنت أحمل اللآفت Author: ياسر عدوي Date: 11-01-2021, 03:44 AM Parent: #16
Post: #18 Title: Re: مظاهرات واشنطن كانت ضخمة وكنت أحمل اللآفت Author: ياسر عدوي Date: 11-01-2021, 04:07 AM Parent: #17
Post: #19 Title: Re: مظاهرات واشنطن كانت ضخمة وكنت أحمل اللآفت Author: ياسر عدوي Date: 11-01-2021, 04:13 AM Parent: #18
Post: #20 Title: Re: مظاهرات واشنطن كانت ضخمة وكنت أحمل اللآفت Author: بكرى ابوبكر Date: 11-01-2021, 04:23 AM Parent: #19
Post: #21 Title: Re: مظاهرات واشنطن كانت ضخمة وكنت أحمل اللآفت Author: ياسر عدوي Date: 11-01-2021, 04:30 AM Parent: #20
السفير نور الدين ساتي
Post: #22 Title: Re: مظاهرات واشنطن كانت ضخمة وكنت أحمل اللآفت Author: Haytham Ghaly Date: 11-01-2021, 04:44 AM Parent: #20
يا مستنير مالك بقيت ازرق وعجوز كدا
تعال راجع اخيرلك هنا
زمنك الهنا كنت شباب وتشبه الراحل الوجيه العميري
Post: #23 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 11-01-2021, 05:49 AM Parent: #22
فكرة اللافتة استوحيتها من بوست فريدة، حاولت أكبر صورة البنت التي سالت دماؤها عند ناس فديكس، لكن جودة الصورة لم تسمح، فقمت جمعت عدة صور معاها وكتبت عنوان الصحفي بوبي غوش مع الصور
بالله، موش لافتة خطيرة؟
Post: #24 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 11-01-2021, 05:50 AM Parent: #23
يا أبو الريش، والله وجاهتك وجاهة رؤساء
التحية لكابتن كيجاب
Post: #25 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 11-01-2021, 05:52 AM Parent: #24
يا مولانا، واضح انو ناس فيرجينيا بذلوا جهدهم ومالهم من أجل انجاح المسيرة العظيمة دي
Post: #26 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 11-01-2021, 05:56 AM Parent: #25
يا هيثم، صحي بقيت اسود، لكن يا زول أمريكا بتخليك شباب خالص آل عجوز آل
برجع لمنتصر الشين بكرة
Post: #27 Title: Re: مظاهرات واشنطن كانت ضخمة وكنت أحمل اللآفت Author: Abureesh Date: 11-01-2021, 06:33 AM Parent: #26
Quote: التحية لكابتن كيجاب[/QUOTE
نعـم أبابكـر.. كيجاب له دين على كل سودانى لأنه رفع اسم السودان عاليا فى المناسبات الرياضيـة العالمية.. وأنا شقيت الجموع لتحيته والسلام عليه.. مع الأسف كتار لم يعرفوه.. إلا بعض الكبار فى السن الزينا. وهذا لأن عظماءنا ومشاهيرنا لا يدرسون فى المدارس. الإحتفاء وتكريم هؤلاء العظام مسؤولية وطنية كبيرة، ورد بعض من الجميل الذى قدموه للسودان.
Post: #28 Title: Re: مظاهرات واشنطن كانت ضخمة وكنت أحمل اللآفت Author: الزبير بشير Date: 11-01-2021, 07:46 AM Parent: #1
المستنير حبابك
2200 كيلو مشوار و الله
نفس مشوار الرياض - المدينة المنوره ( زيارة الحبيب عليه افضل الصلاة و السلام )
بس 6 انفار في 100 دولار كانت جابت حق المشوار مش برضو دولتكم راسمالية
الزبير الختمي
Post: #29 Title: Re: مظاهرات واشنطن كانت ضخمة وكنت أحمل اللآفت Author: أبوبكر عباس Date: 11-01-2021, 01:01 PM Parent: #28
يا دودي، والله كانت فرصة نلاقيك ومولانا عبد الله، لكن الزحمة كانت شديدة وحتى الصادق وحامد ما شفتهم هناك.
عليك الله، يا دودي، لو ترتيبك التنظيمي أعلى من الصادق الحلاوي؛ اقرعو مني وخليهو يحترمني
Post: #30 Title: Re: مظاهرات واشنطن كانت ضخمة وكنت أحمل اللآفت Author: ياسر عدوي Date: 11-01-2021, 02:08 PM Parent: #29
Post: #31 Title: Re: مظاهرات واشنطن كانت ضخمة وكنت أحمل اللآفت Author: ياسر عدوي Date: 11-01-2021, 02:24 PM Parent: #30
