قام بالضلام قام بالليل ما انتظر الضوء

01:58 AM October, 30 2021

سودانيز اون لاين
اخلاص عبدالرحمن المشرف-
مكتبتى
رابط مختصر

قاموا بالضلام ما انتظروا ضوء

الشباب ما استنى الصباح يا جماعة
بدو من بدري ، ابرهة لو عندو عقل
ما يلاوي
ده شباب ما بتلاوي ، المصارعة معاه
نتيجتها محسومة ، جائين بصدورهم
متوكلين شديد ال يعيش يعيش حر
وال بموت شهيد عند ربه.

لو برهان عندو عقل يتنحي والجيش والجنجويد
يرجعوا ، ده بحر ح يبلع كل ال بعترضه

قلوبنا معهم يا دكتورة..
المرة دى الثوار يمسكوا ثورتهم فى يدهم، ما يسلموها للعطالة المقنعة قحت.. التى ثبت أنهم خانوا الأمانة وبدل يسلموا الامانات الى أهلها سلموها لأحزابهم الفاشلة.
هم أول من خانوا ثورة ديسمبر، ولقد قلنا مثل هذا الكلام منذ إبريل 2020 فليراجع من شاء بوستاتنا فى المنبر.
زمان حين كنا نعمل ونقوم بواجبنا من أجل اهلنا فى دارفور لم نقدم أحداً لقيادتنا بل عارضنا الإنقاذ كما لم يعارضها أحد من أحزاب الشؤم. ما قعد بالسودان إلا هذه الأحزاب.
ليس هناك من هو كامل، ولكن لو الأحزاب تتدهور فهذا سبب كافى لإيقاف التدهور ولا تستطيع ان تعتذر بقصر التجربة.. لو هناك مجهود وخطط وفوق ذلك نية سليمة يمكن
أن تعتذر وتطلب مزيدا من الوقت.. ولكن أن يحتمى كل حزب خلف دولة أجنبية ويكون السودان مرتعا لكل مخابرات العالم فنقول لا وألف لا.
شوفى مريم الصادق.. (فوجئت) بموقف مصر كما تتفاجأ حكومة السودان بالخريف كل عام، وتتساءل كيف مصر لم تدين الإنقلاب.. يا منصورة مصر لم تدين الإنقلاب لأنها
هى التى خططت له وسلمت الخرائط للبرهان، فى نفس الوقت الذى كنت تهللين بأخيك الكبير. والان تتعرضين لشماتة أبلة ظاظا. مصر الرسمية لا يدفعها نحو السودان غير الطمع.

اهلاً باشمهندس Abureesh
سامح شكري ما كلف نفسه يرد علي
وزيرة خارجية السودان.
موقف يدل علي كرههم للديمقراطية.

قلت دوماً نحن مختلفون عن شعوب المنطقة
العربية، نحن نعشق الديمقراطية والعدل .

يسيبونا في حالنا و نكون شاكرين

وضح جلياً ان الشارع للثوار.
وهكذا تعادلت كفة الثورة بل. اقول
رجحت علي القوة العسكرية ولن يستطيع
الجيش بكل منظوماته ان يدعي انه يملك قوة.
علي مستوي العالم لا يقف معه الا متأمرون
لا يستطيعون المجاهرة بدعمه وان كانوا يدعمونه
سراً وهذا يضع قادة الجيش في خانة ان لم اقل
الخيانة فهي عدم القدرة علي معرفة مصالح البلاد.

رضي قادة الجيش ان يقودهم غير سودانيين من دول
الجوار وتتعارض مصالح السودان معهم .
علي الجيش مراجعة وضعه .

بت المشرف ياكنداكة
لك التجلة التقدير
نحن شعب اراد الحياة

طوفان نار حمرا زلزال بركان
غضب طبيعة الخ الخ
كل التشبيهات دي ما بتنصف البحصل
حاليا في السودان
يالغباء من يعترض هذا .

بدرنا الامير
قريباً نحتفل بعودة الحكم المدني
و اطلاق سراح المعتقلين وعلي راسهم
دكتور حمدوك ووزير الاعلام وكل الكوكبة
المضئية
النصر آت.

اهلاً استاذ طلحة
ده شباب ما ممكن يهزم.
برهان كانت لديه فرصة لا تتاح بالساهل
كان سيكتب اسمه مع التقدير الا انه مرتان
اضاع الفرصة ، لا ادري هل تلحقه دعوة
صالحين ام سينتهي ك أسوأ ما يكون .

الزول ده ما في زول ينصحه، الي الان ثبت
ان مستشاريه مودينو الكوشة

الصورة أبلغ تعبير
٣٠ اكتوبر لن يكون النهاية
مواصلة التتريس والعصيان المدني.

Arief كيفك يا صديق

ده شباب ما بنهزم
واثق من نفسه وعارف مطالبه
و ح يصل .
30 اكتوبر بداية المسيرة وح تزداد
الحشود الي ان يحققوا المدنيااا
ويبنوهو ال بحلموا بيهو.