هذا السيناريو مرفوض ياحمدوك - ( !!!). ماهو ؟؟ المطلوب موقف ثوري حاسم وفوري

11:53 PM October, 27 2021

سودانيز اون لاين
كمال عباس-usa
مكتبتى
رابط مختصر

علي حمدوك. ان يعلم
ان الطيبة والتقديرات الذاتية العاطفية. لا مكان لها في محيط ثوري هادر
ً
مافي حاجة اسمها حرصا علي الأرواح وسلامة المواطن والاحتراب الأهلي . أدعو المواطنين للهدوء والعودة لمنازلهم حرصا. علي ارواحهم

او إعطاء اَي إشارة للمجتمع الدولي. بان رئيس الوزراء. قد استسلم للأمر الواقع
.
وقرر البقاء بداره

الثورة لم تبدأ بتقلدك السلطة ولن تنتهي بذهابك عن السلطة
ذهابك واعتزالك. - لن ينهي ما يجري في في الشارع - بل يزيد الثورة اشتعالا ولكن ستكون انت الخاسر
ان لم تستجيب لنبض الشارع
خاطب الشارع. وأعلن موقفا. ثوريا الان قبل الغد

حاشية
هذا الكلام استباقي فيه استقرأ وتحسب
لم ابنيه علي اَي موقف اتخذه حمدوك اى معلومة سلبية حوله

Quote: خاطب الشارع وأعلن موقفا ثوريا

شارع وموقف ثوري؟
الاتنين!

من متين حمدوك بطلع الشارع ولا بتخذ مواقف ثورية؟ :)
نحن حمدوكنا يقعد لينا في البيت كدة صامد صامت، تلجنا في تلاجتنا
شوف ثوارك بي وين، بعد تنتهوا من موضوع ثورتكم بنرجعوا مكتب رئاسة الوزراء بالعربية المصفحة يمارس بروده تاني لحدي ما ينط فيها عسكري جديد

ذلك حقا ما اخشاه و هو ان دكتور حمدوك بتسامحه المعروف يقبل العودة للشراكة مع العساكر حرصا علي السودان.
الانقلاب طلاق بائن بينونة كبري ليس معه شراكة مع عسكر و جنجويد فمن يقتل المتظاهرين السلميين حماية لسلطة مغتصبة سوف يحرص علي الحرية و السلام و العدالة بأي و بذلك يكون قد فارق شعارات الثورة و روحها و جسدها دونما عودة لطريق الشعب.

الشارع هيأ نفسه لثورة أخري فلا يجب أن ينصاع لمن يجره للوراء اذا حدث ذلك لا قدر الله.

لو صدقت توقعاتك حمدوووك يكون مهندس الانقلاب

فرصة ذهبية للسيد حمدوك أن يدخل التاريخ من ابوابه الواسعة

الشارع .. كل الشارع معك .. وعلي كل .. الكلمة الأخيرة للثوار .

هو ياتو يوم الشارع ما كان معاهو!
الزول ما قال ولا كلمة في ثورة ديسمبر ولا صرح ولا حتى كتب منشور ذاتو، في الحقيقة ولا قبلها ما اتعرفت ليه معارضة للنظام
ورغم كدة قبل ما ينزل من الطيارة كل الناس كانت بتهتف شكراً حمدوك وهو أساساً لسة ما فتح خشمه ذاتو :)
الناس تكون منطقية في تطلعاتها
ولا كان عاوزين المنشور حلم حلم كلمونا نحلم معاكم بي بات مان يجينا طاير من بلاد السند وبي ضربة واحدة يكتل حميدتي والبرهان ويملاً السودان عدلاً بعد أن ملئ جوراً :)

شخصيا
لم أطالب -مثلا - حمدوك. بان يخرج في مظاهرة -يقود اعتصام -يعمل مخاطبة. جماهيرية في الشارع

لا
فقط عليه ان يلقي كلمة او خطاب -عبر فيديو يوضح فيه حقيقة ماجوي منذ لحظة اعتقاله وحني إعادته لمنزله

والأهم ان يطمئن الناس ويجدد العهد ويدعم. بالكلمة نضال الشعب ضد الانقلاب وهو نضال سفك فيه دم وأزهقت فيه ارواح

وليفعل هذا بما يتناسب مه طبيعته وتركيبته النفسية -اَي بهدوء وبرود واتزان- المهم ان تصل الرسالة للشارع

قريت المنشور الكتبه منعم سليمان عن زيارته لي حمدوك؟
أرجع أقراهو تاني شوف حمدوك جاب فيه سيرة لكلامك دة !
أو حتى أشار مجرد إشارة للوزراء المسجونين !!

تحياتي لصاحب البوست وكل المتداخلين

أعتقد ردود الفعل المسربة من حمدوك ومكتبه كفيلة بدحض هذه قراتك الأستباقية لموقف حمدوك


تم تداول رسالة من حمدوك على نطاق واسع وتم نشرها في القنوات التي تشكل مصدر رئيسي الأخبار في الوقت الراهن :



دعا رئيس الوزراء السوداني عبد الله حمدوك، اليوم الإثنين، السودانيين إلى التمسك بالحراك السلمي واحتلال الشوارع للوقوف في وجه الانقلاب العسكري الجاري في البلاد.
ونقلت وزارة الإعلام السودانية على حسابها الرسمي بموقع "فيسبوك" أن عبد الله حمدوك، قال في رسالة من مقر إقامته الجبرية إنه "يطلب من السودانيين التمسك بالسلمية واحتلال الشوارع للدفاع عن ثورتهم".
’

ودليل أخر هو البيان الصادر من مكتب حمدوك وهو بالطبع يعبر عن موقف الرجل بلا مواربة



وقال مكتب رئيس الوزراء إنه "تم اختطاف حمدوك وزوجته فجر اليوم الاثنين 25 أكتوبر 2021 من مقر إقامتهما بالخرطوم، وتم اقتيادهما لجهة غير معلومة من قبل قوة عسكرية. كما اعتقلت القوات الأمنية بالتزامن عدداً من أعضاء مجلس السيادة والوزراء وقيادات سياسية".
وأضاف المكتب في بيانه: "ما حدث يمثل تمزيقاً للوثيقة الدستورية وانقلاباً مكتملاً على مكتسبات الثورة التي مهرها شعبنا بالدماء بحثاً عن الحرية والسلام والعدالة".
وحمّل البيان "القيادات العسكرية في السودان المسؤولية الكاملة عن حياة وسلامة رئيس حمدوك وأسرته". وقال: "تتحمل هذه القيادات التبعات الجنائية والقانونية والسياسية للقرارات الأحادية التي اتخذتها".
وتابع: "الثورة السودانية التي انتصرت بالسلمية عصية على الانهزام، كما أن الدماء التي سكبها الثوار على طول الطريق نحو الحرية والسلام والعدالة، لن تضيع سُدى بين أقدام المغامرين".
وقال: "حمدوك، القائد الذي قدمته الثورة السودانية على رأس الجهاز التنفيذي لحكومة الثورة، أهون عليه أن يضحى بحياته، على أن يضحي بالثورة وبثقة الشعب السوداني في قدرته على الوصول بها إلى غاياتها".
ودعى البيان "الشعب السوداني للخروج والتظاهر واستخدام كل الوسائل السلمية المعلومة التي خبرها وجربها، لاستعادة ثورته من أي مختطف".


ـ

Quote: تم تداول رسالة من حمدوك على نطاق واسع

علي الحلال ما كتب كلمة
أمس كانوا معاهو الصحفيين في بيته لو بنطق كانوا صوروهو فيديو لايف

Quote: علي الحلال ما كتب كلمة

مئات المواقع والقنوات نشرت رسالة حمدوك للشعب صبيحة الإنقلاب

كلها نكضبها ونصدق أحمد محمد عمر !!!!!!!!!!!!!

حمدوك داخل فى ضفورو المسكين
المدنيين طلعوا من طوعو
والعساكر ماسكين التغيير بالحته الفيها الحديده
والشعب شايفه قشه فى نص البحر
حمدوك متمنى الواطه دى تتشق وتبلعه
حمل ثقيل الله يعينه

Quote: مئات المواقع والقنوات نشرت رسالة حمدوك للشعب صبيحة الإنقلاب كلها نكضبها ونصدق أحمد محمد عمر

تصدق حمدوك القاعد في بيته وشايل تلفونه وبستقبل في الزوار
شوف تصريحاته للصحفيين فيها جنس الكلام المكتوب في الرسالة دة؟

السلام عليكم ورحمة الله وبركاته
شكراً الأخ كمال وتحية عبرك لكل زوار الخيط
أتفق تماما مع الأخ البصير وعلينا جميعا أن ننظر بعين العقل والمنطق والواقع للراهن.
حمدوك لا يمكن أن يكون بهذه الرعونة التي يصفه بها البعض، ولمثل هذه الظروف التي يوجد فيها هو أحكامها.
ومؤكد تماما من منطق ومنطلق خطاب حمدوك أنه مع الشارع ولا يمكن لشخص مثله أن يخنع أو يخضع أو يبيع موقفه
و الحكمة تقتضي علينا في هذ الحالة أن تمثل تماما ما قاله حمدوك:

Quote: دعا رئيس الوزراء السوداني عبد الله حمدوك، اليوم الإثنين، السودانيين إلى التمسك بالحراك السلمي واحتلال الشوارع للوقوف في وجه الانقلاب العسكري الجاري في البلاد. ونقلت وزارة الإعلام السودانية على حسابها الرسمي بموقع "فيسبوك" أن عبد الله حمدوك، قال في رسالة من مقر إقامته الجبرية إنه "يطلب من السودانيين التمسك بالسلمية واحتلال الشوارع للدفاع عن ثورتهم

___
الحليلة

Quote: دعا رئيس الوزراء السوداني عبد الله حمدوك، اليوم الإثنين

أنا بقول إنه الكلام دة ما حصل
واحد كتب امنياته وفي باله اردوغان ورسلها واتساب
البيانات الصحيحة هي الكان بكتبها مكتب حمدوك المصادمين ناس ياسر عرمان وبيأكدوا فيها إنه مختفي في جهة غير معلومة، يعني فاقدين التواصل معاهو
فلو كانت الرسالة دي حقيقية كان ببساطة نشروها في موقع مكتب رئيس الوزراء !

البيان الوحيد الطلع بعد خروج حمدوك هو دة:

Quote: بسم الله الرحمن الرحيم التحية للشهداء والجرحى وتمنيات العودة للمفقودين التحية للثورة السودانية التحية للشعب السوداني الذي قهر الظلم وهد عمائد الاستبداد شعبنا الأبي تمت مساء اليوم إعادة رئيس الوزراء د. عبدالله حمدوك وقرينته إلى مقر إقامتهما بالخرطوم تحت الحراسة المشددة. يؤكد مكتب رئيس الوزراء أن عدداً من الوزراء والقادة السياسيين لا يزالون قيد الاعتقال في أماكن مجهولة. مكتب رئيس الوزراء د. عبدالله حمدوك 26 أكتوبر2021

شايف ليك فيه دعوة للخروج؟
كل ما فيه تحية للثورة، تمنيات بعودة المفقودين، الرئيس عاد، الوزراء محبوسين
لكن ما فيه دعوة لي أي حاجة ولا حتى مطالبة بإطلاق سراح القادة السياسيين ديل

السيناريو الوحيد الممكن يدعم موقف حمدوك إنه يكون لحدي هسة محتجز ومننوع عنه التواصل ومنعم سليمان كضاب ما قابله ولا حاجة

Quote: تحديثات: _تاكد إعتقال الحاج وراق _ حمدوك لازال قيد الإقامة الجبرية بمنزله وقابله مدير مكتبه ويتعرض لضغوطات متزايدة لدعم الإنقلاب _ تعليمات صدرت للجيش والدعم السريع للنزول للشوارع بإعداد كبيرة لتفيذ الطواريء ومنع التجوال ولمزيدا من القمع _ كامل ادريس بشكل كبير هو رئيس وزراء الانقلاب (اتي به من جنيف قبل الانقلاب بايام قليلة) والان هو بالخرطوم Bakka Khalil

Quote: وممنوع عنه التواصل

حتى دي ذاتها عايزة تلتيق لأنه اتواصل هاتفياً مع وزير الخارجية الأمريكي

حسب قرايتي لموقف حمدوك أنه متمسك بحكومته ومتمسك بالشراكة مع العسكر على ضوء الوثيقة الدستورية.
على الأقل هذا هو الموقف الذي يريد أن يظهر هو فيه.

رغم أن إستعادة الشراكة مع العسكر وإرجاع نفس الحكومة السابقة بوزرائها والمدنيين من مجلس سيادتها ليجلسوا مع نفس العسكر أصبح بعيد عن التصور.
ولكني أتفهم جداً موقف حمدوك بإعتبار موقعه كرئيس وزراء.
وهو الموقف الأنسب لمخاطبة رئيس الوزراء للعالم.

الثوار يشوفوا شغلهم وحمدوك يشوف شغلو

سلمات يا كمال عباس
اتفق تماماً مع الاخ محمد على البصير فى كل ما ذكره واورده
الوقت لى لم الشمل وتوحيد الصف والحساب بعدين ولد .

Quote: أنا بقول إنه الكلام دة ما حصل

من أنت ؟؟؟؟؟؟؟؟

ما تنفعل ساي
داير ليك رسالة واتساب زي حقتك دي موقعة من بايدن، ولا أقول ليك .. من ابراهام لينكولن ذاتو بظبطها ليك هسة دي
هسة لو سألتك الرسالة دي جات لمنو؟ ولا نشرها في ياتو قروب واتساب؟
عندك لي جواب ولا جلا؟

في صفحة رسمية لمكتب رئيس الوزراء تستقي منها المعلومات الموثقة
أي حاجة برة النشر الرسمي مشكوك فيها

يا احمد عمر منعم ما اظنه كضاب لأنو في صورة مع حمدوك نشرها عطاف محمد في حسابه, لكن المستغرب ليه انه عطاف دا في لقاء مع قناة لخاهم لخ الجن و بالاسم كمان و ختاها للبرهان بشفتنة
ما عارف كيف خلوه يدخل و يتصور مع حمدوك, ديل لابدين جمب القنوات اي زول بتكلم ما ياهو بعتقوله كما فعلوا مع فايز السليك - او شكلها اعتقالات انتقائية بغرض ما
المهم, الناس ديل ميتين في كلمة من حمدوك مش يؤيد قط يقبل بيها الحاصل, اليوم اوروبا و امريكا قالوا بنعرف رئيس ورزا للسودان حمدوك بس!
اتخيل يلا شكل الضغوط البتقع عليه الآن, كونه صامد وما اداهم العايزنه دا يكفينا منه الآن, تخيل لو كان طلع زي ما تمنو اول ساعات الانقلاب و اعلن هو حل الحكومة مثلا!
فا شنو.. روق و بطل حركات سميك دي!

Quote: بطل حركات سميك دي!

ياخي إنت وهيثم غالي بقيتوا صعبين خلاص

Quote: داير ليك رسالة واتساب زي حقتك دي موقعة من بايدن، ولا أقول ليك .. من ابراهام لينكولن ذاتو بظبطها ليك هسة دي

يا زول أنت موهوم ولا شنو ؟

أنا جبت بيان مكتب حمدوك ـ وفيه فقرة بتقول بوضوح :
((ودعى البيان "الشعب السوداني للخروج والتظاهر واستخدام كل الوسائل السلمية المعلومة التي خبرها وجربها، لاستعادة ثورته من أي مختطف".))

البيان دا نشرتوا كل وسائل الإعلام العربي والدولي

تعرف أنا جبتو من وين ؟

جبتو من هنا ↓

https://www.alhurra.com/sudan/2021/10/25/%D8%AA%D9%82%D8%A7%D8%B1%D9%8A%D8%B1-%D8%A8%D8%A5%D8%B7%D9%84%D8%A7%D9%82-%D8%A7%D9%84%D9%86%D8%A7%D8%B1-%D9%85%D8%AA%D8%B8%D8%A7%D9%87%D8%B1%D9%8A-%D8%A7%D9%84%D8%AE%D8%B1%D8%B7%D9%88%D9%85-%D9%88%D8%AD%D9%85%D8%AF%D9%88%D9%83-%D9%8A%D8%AF%D8%B9%D9%88-%D8%A7%D9%84%D8%B4%D8%B9%D8%A8-%D9%84%D9%80%D8%A7%D8%B3%D8%AA%D8%B9%D8%A7%D8%AF%D8%A9-%D8%A7%D9%84%D8%AB%D9%88%D8%B1%D8%A9https://www.alhurra.com/sudan/2021/10/25/%D8%AA%D9%82%D8%A7%D8%B1%D9%8A%D8%B1-%D8%A8%D8%A5%D8%B7%D9%84%D8%A7%D9%82-%D8%A7%D9%84%D9%86%D8%A7%...AB%D9%88%D8%B1%D8%A9

دا موقع قناة الحرة ـ قناة أمريكية موجهة للعرب ـ دي مواقع ما بتنشر ساي خبط عشواء

دايرني أصدق زول نكرة أسمو أحمد عمر وأكضب كل مواقع الميديا العالمية ؟؟

و الله محن

العزيز محمد علي البصير

ليس هنالك ما يبرر الانفعال

لكم التحايا

حريف انت موش؟

أنا بتكلم عن (تم تداول رسالة من حمدوك على نطاق واسع) تقوم تجيب لي دليل على بيان مكتب حمدوك؟
هو بيان مكتب حمدوك داير دليل من الحرة؟ ماهو داك قاعد في الصفحة الرسمية على فيسبوك :)

يا زول اقول ليك
انت صاح وانا غلط
ريح اعصابك الموضوع ما مستاهل :)

يا محمد البشرى نحن نتعامل مع حمدوك بلغة الإشارة زي ما الجزائريين كانوا بتعاملوا مع بوتفليقة
نحاول نطلع تصريحات ومواقف من سكوته
ونغني ليه يا حلو دة السكوت مرات كلام وعدم الكلام هو كمان ملام

هيثم الغالي النبي فيك تجي تدي محمد البشرى من حقات أمس ديلاك .. أنا ما بعرف ليهم

جيم تلاتة نقاط كاف

أرجو من الأخ بكري حظر الشبح المدعو أحمد عمر أو أيّاً كان اسمه كما يقول ملاسي

حمدوك خط أحمر

التوقيع: أبوبكر العباس
ع جماعة الدفاع عن حمدوك بالأسافير

Quote: جماعة الدفاع عن حمدوك بالأسافير

ديل ناس من غير ما تقول ونحن نقول ونتبادل كلام الريد كفاية علينا لما تمر نشوفك من بعيد لبعيد

أوووبس هي الشوفة ذاتها مافي :)
دي تبقى يا مافي ومالي الفجة

احمد محمد عمر:
المعادلة هنا صفرية:
اي كلام زي ده، فيا خدم معسكر الثورة، او خدم مصالح معسكر حمرتي.
بناءا عليه، زي كلامك ده يخدم المعسكر الاخر، لانو محض خيال، اوتشكيك مامبني علي اي حقائق!
عندك دليل مادي جيبو جاي.
اما استنتاج من الخيال، فهذا ضار في وكت عصيب زي ده.

دليل على شنو يا بشاشا؟
الخبر بقول تم تداول رسالة واتساب من حمدوك
ما موجود في الخبر منه الاستلم الرسالة دي أساساً عشان نمشي نشيك على حسابه ونشوف هل فعلاً قال ولا لأ
يعني باختصار الخبر ما عندو أي مكان عشان نمشي نتأكد من صدقيته
ناس مكتب حمدوك في الوقت داك بقولوا إنه مختفي وكلامهم معناهو مافي اتصال بيناتهم
لو الكلام المكتوب في الرسالة حقيقي كان على الأقل نشروهو في موقع المكتب

تصريحات جيدة -منسوبة لرئيس الوزراء حمدوك
تصب في الاتجاه. الذي كنّا نريده ونتمناه
مزيدا من التواصل. مزيدا من التفاعل مع نبض الشارع

ــ

إذا كان تجمع المهنين محقا في بيانه
وكانت لجان المقاومة محقة
وكان الحزب الشيوعي ـ مصيبا
سادتي
تمجيد فرد والرهان علي شخص خطأ
راهنو علي المبادئ وعلي أهداف الثورة
وعلي مسار ومسيرة الشهداء

حمدوك أسير ورهينة ولا رأي لرهينة

Quote: حمدوك أسير ورهينة ولا رأي لرهينة

Quote: ح٠دوك أسير ورهينة ولاحمدوك أسير ورهينة ولا رأي لرهينة رأي لرهينة

دي ابجديات
اي زول انتظم في عمل حزبي سياسي بعرف الكلام دا
لو عندك زميل تم اعتقاله بواسطة الامن يتم عزله من اي عمل تنظيمي لمدة سنة على الاقل بعد اطلاق سراحه وذلك كتامين له وللتنظيم فما بالك بان يفاوض او يقوم بتوقيع اتفاقات

غايتو سيييك في قبولنا
توقيت غريب لزمان التوقيع
تبا لك يا حمدوك

جاري البحث عن حمدوك جديد

شكرًا حاتم. الهواري