|
Re: خطاب العنصرية و الكراهية في اعتصام الفلول (Re: Nasser Amin)
|
كنت قد كتبت عنها في بوست اخر واحدة. في اعتصام القصرتعلن ً انهم حا يلشخو ابراهيم الشيخ ويقطعو حتة حتة ثم يرمو بهذا القطع في ربوع البلد المختلفة واعلنت المتحدثة انها ستأكل كبد ابراهيم الشيخ المحير في الامر هو هياج واستحسان الحضور والدراكولات - من اكل الموز لأكل لحوم البشر !
| |
|
|
|
|
|
|
Re: خطاب العنصرية و الكراهية في اعتصام الفلول (Re: كمال عباس)
|
حاولت عبثا تدارك جلطة نشلخو شايقي قالت لانو شلوخ الشايقي غالية طيب انتي عاوزة تهيني ابراهيم الشيخ وتحطو من قدرو كيف " تكرميه " بشلوخ غالية ؟ تشويه اجساد وتحقيرها موت الخصوم -طبعا في القرون الوسطي ". يتم عادة بوضع رموز مسيئة ومحطة من قدر الانسان ! وطبعا هذا ما قصدته المتحدثة وهي إساءة بالغة لمكون اصيل من مكونات الوطن !
| |
|
|
|
|
|
|
Re: خطاب العنصرية و الكراهية في اعتصام الفلول (Re: كمال عباس)
|
حاجة تحيير الزولة دي في شخصها قد تكون ما نصيحة او جاهلة وغير مدركة لأبعاد كلامها وعواقبه. وقد لا تكون مدركة للجريمة التي ترتكبها بقولها هذا. لكن المحيير كيف زول طارح نفسو في الساحة السياسية يسمح لها تتكلم من منصته. دا إنتحار سياسي كامل لعساكر السيادي ولجبريل ومناوي ومن شايعهم.
| |
|
|
|
|
|
|
Re: خطاب العنصرية و الكراهية في اعتصام الفلول (Re: Hafiz Bashir)
|
ايوة يا حافظ شوف الهياج والحماس الذي قوبل به خطابها ! يعني الناس دي شايفة انو الكلام دا بعبر عنها !
يا اخي نحن في قطاع كبير منا اعترض علي شعار اَي كوز ندوسو دوس. مع انو معنوي وفِي ناس اعترضت. علي هتاف تلقائي بقول " وداد ام جضوم الليلة ماب تنوم " ومع انو ما اتقال في منصة !
| |
|
|
|
|
|
|
Re: خطاب العنصرية و الكراهية في اعتصام الفلول (Re: Hafiz Bashir)
|
السؤال الحقيقي ليه الغضب على ابراهيم الشيخ و الآن تحديدا! عشان قال لابد من استبدال البرهان؟ هل دي قضية معتصمي الموز؟ بقاء البرهان مش كان الموضوع توسعة المشاركة وحل الحكومة! زي في فيديو تاني بعض المساكين فاكرين التوم هجو وزير الدفاع فا بقوا يهتفوا ليه عسكرية عسكرية!! طيب يا شيخ التوم يا بتاع الحرية و التغيير مش كان تثبتهم وتقول أهتفوا مدنية.
| |
|
|
|
|
|
|
Re: خطاب العنصرية و الكراهية في اعتصام الفلول (Re: muntasir)
|
سلام ناصر ... طبعا لم أندهش مثل ما تفعلون ... منذ إعتصام القيادة بل قبل ذلك ومنذ البوست الشهير هنا في سودانيز (١٧ ونص) الليهو ٤ سنة أنا بكتب عن عنصرية أولاد الغرب الرامنها في الجلابة زورا وبهتانا ... خطاب الكراهية الذي يبرر الشتم والاعتداء في شوارع المدن لدرجة القتل تم بإيعاز من قيادات الغرب السياسية وقيادات المتمردين على الدولة ... وما حصل ويحصل داخل إعتصام القصر هو امتداد لي مسلسل مستمر منذ سنوات وشفنا حلقات منو هنا سودانيز (الغالي وإسماعيل) ...
| |
|
|
|
|
|
|
Re: خطاب العنصرية و الكراهية في اعتصام الفلول (Re: muntasir)
|
Quote: سلام ناصر ... طبعا لم أندهش مثل ما تفعلون ... منذ إعتصام القيادة بل قبل ذلك ومنذ البوست الشهير هنا في سودانيز (١٧ ونص) الليهو ٤ سنة أنا بكتب عن عنصرية أولاد الغرب الرامنها في الجلابة زورا وبهتانا ... خطاب الكراهية الذي يبرر الشتم والاعتداء في شوارع المدن لدرجة القتل تم بإيعاز من قيادات الغرب السياسية وقيادات المتمردين على الدولة ... وما حصل ويحصل داخل إعتصام القصر هو امتداد لي مسلسل مستمر منذ سنوات وشفنا حلقات منو هنا سودانيز (الغالي وإسماعيل) ...
|
و عليكم السلام صلاح
لو ملاحظ العنصرية دي زمان شديد ما كان موجودة
الناس كان متعايشة .
الانقاذ اججت مسألة القبليات و الاثنيات و اشتغلت شغل شديد
لو ملاحظ فترة كدا ظهرت موضة اشرطة الكاست بتاعة النكات
البتسخر من القبائل و الاثنيات حتى مع تقليد اللهجات و طريقة الكلام
و الانقاذ مشجعة الموضوع دا و ما حاولت ايقافه و عارفه انو خطر يهدد النسيج الاجتماعي
فكانت تأجج الصراعات و تنحاز لهذا او ذاك ليضمن لها الاستمرارية
لو ما اختفت كل اشكال العنصرية البلد ما ح تتقدم شبر دا لو ما اتفرتقت.
| |
|
|
|
|
|
|
|