Post: #1
Title: رسالة للجيش السوداني عموما و الفريق البرهان خصوصا
Author: Nasser Amin
Date: 10-22-2021, 10:51 PM
09:51 PM October, 22 2021 سودانيز اون لاين
Nasser Amin-
مكتبتى
رابط مختصر
د.حمدوك مافي حل للحكومة نهائي، و عادي ممكن
الثورة تبدأ تاني وهي ما انتهت و الناس مشتاقة للبمبان
و السك و العك و القنص والخ الخ.....
و عندنا اعتصام ما تم بفضل القتلة.
عندك تفويض ما تفرط فيهو نهائي
ناس معتصمين في جزء من شارع
في الخرطوم وجبات، موز و حماية
وانتهازيين لا يعرف الشعب السوداني
لهم وزنا و لا يعرف اسماء احزابهم.
و أمس شوارع السودان كلها تنتفض.
سؤال: انتو الجيش ما شايف الفوضى
دي؟
ضابط جيش يؤدي التحية لخريج خامسة
ابتدائي و يحتمي به القائد العام.
عار و الله عار
التصحيح واجب و سريع
عشان نثق و تبقى البلد موحدة.
اثق و جدا في قوات شعبنا المسلحة
|
Post: #2
Title: Re: رسالة للجيش السوداني عموما و الفريق البره
Author: Hafiz Bashir
Date: 10-22-2021, 11:29 PM
Parent: #1
Quote: التصحيح واجب و سريع
عشان نثق و تبقى البلد موحدة.
اثق و جدا في قوات شعبنا المسلحة |
عارف يا ناصر أنا مستغرب جداً من محمد سليمان الفكي اول ما سمع بإنو في إنقلاب وقبل ما يعرف أي حاجة عنو قال "هبوا لحماية ثورتكم".
|
Post: #3
Title: Re: رسالة للجيش السوداني عموما و الفريق البره
Author: Nasser Amin
Date: 10-22-2021, 11:47 PM
Parent: #2
Quote: عارف يا ناصر أنا مستغرب جداً من محمد سليمان الفكي اول ما سمع بإنو في إنقلاب وقبل ما يعرف أي حاجة عنو قال "هبوا لحماية ثورتكم"
|
يا حافظ في لقاء مع ود الفكي بعد عرف
انو في انقلاب اتصل بالبرهان في صباح
يوم الانقلاب الباكر ووراهو الحاصل...
بعد ما عرف عمل التغريدة بحسن نية
على اساس حماية الفترة الانتقالية.
البرهان و حميدتي مبيتين النية وزي حكاية
الكديس و الفار في نص البحر "ما تكتحني"
الموضوع واضح و صريح من الثنائي بداية الازمة
مع المكون المدني و الاختيار بعناية.
الثنائي استهدفوا العناصر الثورية و الفاهمة
في السيادي و مجلس الوزراء.
الموضوع بدأ بي د. أكرم و مدني و بقوا يتشنوا
على شخصيات بعينها ، كويسة أو كعبة في رأي
الناس....المهم دا مخطط مشى و ماشي حتى
المحطة دي.
*عملوا عليك انقلاب ، زول قال للشعب أن يساعدوك
و يساندوك تجي تنبذوا.
أبلد زول في السودان هو البرهان
وقائده حميدتي قائد الفلول و اعتصام الموز
|
Post: #4
Title: Re: رسالة للجيش السوداني عموما و الفريق البره
Author: Hafiz Bashir
Date: 10-23-2021, 00:00 AM
Parent: #3
Quote: عمل التغريدة بحسن نية
على اساس حماية الفترة الانتقالية. |
يا ناصر واحدة من إشكلات الثورة إنها إكتملت تماماً في الشارع ولكن ظل الجيش على ما هو عليه بتبعيته للنظام البائد.
عشان تكتمل الثورة لازم يحصل تغيير في الجيش، ربما عن طريق الخطة الإصلاحية المفترضة خلال الفترة الإنتقالية.
ولكن الطريق الأقصر هو أن تحدث ثورة داخل الجيش وموازية لثورة الشعب.
أي إنقلاب يحصل إحتمال يكون إنقلاب فلولي على الفترة الإنتقالية بكاملها،
وإحتمال يكون إنقلاب من شرفاء الجيش على جنرالات لجنة البشير الأمنية وداعم للفترة الإنتقالية.
لما اسمع بإنقلاب بخت 90% للإحتمال الأول و10% للإحتمال التاني.
ورغم ذلك ما بهب إلا بعد ما أعرف أي الإحتمالات قد تحقق.
|
Post: #5
Title: Re: رسالة للجيش السوداني عموما و الفريق البره
Author: Nasser Amin
Date: 10-23-2021, 00:12 AM
Parent: #3
يا قواتنا المسلحة السودانية , زول بهدد باجتياح العاصمة
انا زاتي عندي قبيلة كبيرة نتسلح ولا شنو ولا الكلام دا كيف؟
دي قنابل موقوتة و انا وريتكم هسي, البكاء بعدين ما بنفع.
نحن دايرين جيش واااااااااااااااااحد لا شريك له يعمل انقلاب يقلب هوبة
مافي مشكلة بس جيش واحد.
دا سيناريو الدول الاخرى سوريا , ليبيا الخ الخ
وقائد الجيش مبسوط بمعية سعادة الفريق الاول دقلو
Quote:
من أمام بوابات القصر الجمهوري حركة مسلحة، تهدد علناً باجتياح الخرطوم عبر استخدام السلاح الناري بواسطة سيارات اللاندكروزر العسكرية (المقطوعة)، وقال المتحدث بأن الارتال العسكرية لحركته على مسافة قريبة!!
يأتي هذا الحديث عقب هزيمة الانقلاب (غير التقليدي) الذي قطع شوطاً وكان الاعتصام مدفوع الثمن .. أحد حلقاته ويهدف إلى خنق الحكومة تمهيدا للانقلاب .. أو كما قال زعيمهم الدعي التوم هجو (الليلة ما بنرجع.. إلا البيان يطلع) .. قاصدا إذاعة الفريق البرهان خبر الإنقلاب على الوثيقة الدستورية ! ويبدو انه قد طال انتظارهم !!
وكان للشعب السوداني كلمته امام الانقلابيين حيث خرجت المليونيات بكل مدن السودان دعما لحكومة د.عبدالله حمدوك وتأكيداً على الانتقال المدني الديمقراطي .. عبر مواكب زلزال 21 أكتوبر رافضين الانقلاب بكل حلقاته الشريرة وأظهر الشعب والثوار استعدادهم الدفاع عن ثورتهم وشعارتها حتى لو ادى ذلك الى استشهاد الملايين منهم.
|
...
..
.
|
Post: #6
Title: Re: رسالة للجيش السوداني عموما و الفريق البره
Author: Nasser Amin
Date: 10-23-2021, 00:37 AM
Parent: #5
Quote:
عشان تكتمل الثورة لازم يحصل تغيير في الجيش، ربما عن طريق الخطة الإصلاحية المفترضة خلال الفترة الإنتقالية.
ولكن الطريق الأقصر هو أن تحدث ثورة داخل الجيش وموازية لثورة الشعب.
|
عارف الجوطة دي كلها و المشاكل دي كلها من منو؟ من حميدتي
عايز جيش حقو براهو و شركة اسرية عشان لمن يزعل
يفرز عيشتو و يبتز الناس و الجيش زاتو.
ما عايز الهيكلة و الانضمام للجيش الاصل
هسي ما شايف الزول البهدد في الفيديو الفوق.
في زول سألو أو حقق معاهو , الفوضى بتبدأ كدا.
و حزب الله في لبنان لكم اسوة سيئة
ضباط الجيش الشرفاء و ضباط الصف و الجنود اكربوا قاشكم
الشعب السوداني لن يعترف بقوة غير الجيش السوداني.
لو ما حصل نتسلح كلنا و ندافع عن اهلنا و عرضنا
|
Post: #7
Title: Re: رسالة للجيش السوداني عموما و الفريق البره
Author: Nasser Amin
Date: 10-23-2021, 01:58 AM
Parent: #6
شايف الفيديو الفوق ملأ الفيس
و الناس متخوفة و مقلقة شديد
عايز ناس الجيش على الاقل
يطمئنوا الناس بالقبض على
صاحب الفيديو و التحقيق
معه و مع حركته و قائد حركته.
عشان ما نبقى بوم ساي، و كتبنا من قبل
السلام سمح و شكله طعمو مر
|
|