Post: #1
Title: خلية ازمة
Author: Gafar Bashir
Date: 10-20-2021, 08:06 AM
Parent: #0
07:06 AM October, 20 2021 سودانيز اون لاين
Gafar Bashir-Saudi Arabia
مكتبتى
رابط مختصر
وقال مصدر حكومي، لوكالة الصحافة الفرنسية، إن "خلية الأزمة يرأسها رئيس الوزراء عبدالله حمدوك، وتضم اثنين من العسكريين، واثنين من كل جانب، (تجمع) الحرية والتغيير والمجموعة المنشقة عنه التي تطالب بحل الحكومة".
ودعا مجلس الوزراء جميع الأطراف إلى أن تنأى عن التصعيد والتصعيد المضاد، وأن يُعلي الجميع المصلحة العليا للمواطنين والبلاد.
وأكد على أهمية الحوار بين جميع أطراف الأزمة الحالية، سواء بين مكونات الحرية والتغيير، أو بين مكونات الحرية والتغيير والمكون العسكري في مجلس السيادة الانتقالي.
ولفت المجلس إلى أن توقف الحوار خلال الفترة الماضية بين مكونات الشراكة يشكل خطورة على مستقبل البلاد، داعياً إلى التوافق على حلول للقضايا الآنية، وبقية متطلبات الانتقال الديمقراطي.
|
Post: #2
Title: Re: خلية ازمة
Author: Gafar Bashir
Date: 10-20-2021, 08:15 AM
Parent: #1
يسير الدكتور حمدوك علي الطريق السليم
يضع نفسه تماما في المكان الذي يجب ان يكون فيه
وسط بين الجميع لكنه غير محايد بل منحاز للثورة والتحول الديمقراطي
منشغل بالقضايا الكبري التي تعيق التحول
من جهة ثانية
الناظر لخلية الازمة المكونة ... بل والازمة المعنية نفسها لا يمكنه الا التفكير في الابتزاز السياسي
فالطرف الثاني من الازمة ليس سوي شريك في الحكم
يطالب بالمزيد من المقاعد لو احسنا الظن ... في نفس الوقت الذي تعاني منه مناكق اخري بعدم تمثيلها جغرافيا
مثل شرق السودان او شمال السودان
ولو اسئنا فالطرف الثاني لا يريد مجرد مقاعد بل يريدها جميعا
واقصاء الاخرين ... والدعوة لتوسيع المشاركة كلمة حق اريد بها باطل
وهو ليس قراءة للنوايا بقدر ماهو وصف لواقع الحال
فماذا يعني وزير مالية وحاكم اقليم يطالبون باقالة الحكومة المدنية وتغيير كل من فيها عداهم هم الاثنين
رغم ان مقاعدهم هي مقاعد مدنية وليست عسكرية
الفرق كبير بين الازمات الفعلية والمفتعلة
لكنه تمرين جيد للدكتور حمدوك لممارسة القيادة
والشارع قادر علي فرز وتمييز الصفوف
|
Post: #3
Title: Re: خلية ازمة
Author: Asim Ali
Date: 10-20-2021, 08:33 AM
Parent: #2
ياجعفر اللجنه دى ممكن تقول لجنه مائده مستديره للتوافق
لكن خليه ازمه اعتقد تكون من اشخاص (محايدين) من خارج اطراف الصراع
تحاول تتعامل مع اساس الازمه وابطال مفعول تصاعدها وامتصاص وتدارك الاثار الانيه والمحتمله للازمه
.
|
Post: #4
Title: Re: خلية ازمة
Author: Gafar Bashir
Date: 10-20-2021, 08:36 AM
Parent: #2
الشرق قضية عادلة
واي خلط اوراق مع قحت ٢ بضيع الحقوق دي
لانو المنطلقات مختلفة والاهداف مختلفة
الشرق ازمة تراخي فيها الجانب المدني والجانب العسكري
ازمة لها تاريخ طويل من الصراعات
يجب فهم التعقيدات جيدا بادارة حوار حقيقي موسع مع جميع الاطراف
وفي نفس الوقت اتخاذ ما يلزم لفتح الطريق للميناء كخطوة مبدئية وحسن نوايا من الطرفين
|
Post: #5
Title: Re: خلية ازمة
Author: Gafar Bashir
Date: 10-20-2021, 08:48 AM
Parent: #4
سلام يا عاصم
صحيح يا عاصم الخلية هي لجنة لنزع فتيلرالازمة والسيطرة علي النتائج
اكثر من ادارة اساس الازمة ... او في الحقيقة البداية من تعريف الازمة المقصودة نفسها
صعب جدا الجلوس في طاولة نتصافح باليد اليمين وكل واحد داسي الخنجر بتاعو بيدو الشمال
ادارة الازمة مثلا زي الشرق بيتطلب حوار موسع
ادارة الازمة مع شركاء السلام محتاجة حوار موسع يضم جميع المناطق
ماهو نفس الشراكة والسلام ده مطلوب فيهو برضو توسيع القاعدة
مش كدة
بدل يكون وزير المالية تابع لدارفور
يتم ترشيح وزير المالية من تلات جهات الغرب والشرق والشمال
باعتبارها مسارات السلام
الجانب المدني نفسو مفروض يلتقط القفاز لمناقشة الازمة بجميع ابعادها
|
Post: #6
Title: Re: خلية ازمة
Author: Asim Ali
Date: 10-20-2021, 10:36 AM
Parent: #5
Quote:
صحيح يا عاصم الخلية هي لجنة لنزع فتيلرالازمة والسيطرة علي النتائج
اكثر من ادارة اساس الازمة
|
فعلا ياجعفر اصطلاحا كدا
لكن فى الحاله دى اى معالجات من الخليه مايكون جزء من دورها وضع ملامح وخارطه طريق لحل/ادارة الازمه
حيكون اجتمال تكرارالازمه(ربما مع اختلاف الادوات والمظاهر) خلال الانتقاليه ونكون دايرين ف ساقيه جحا لانو منبع الخطر والمشكله قائم
|
Post: #7
Title: Re: خلية ازمة
Author: Mahjob Abdalla
Date: 10-20-2021, 11:04 AM
Parent: #6
Quote: بدل يكون وزير المالية تابع لدارفور
يتم ترشيح وزير المالية من تلات جهات الغرب والشرق والشمال |
سلام جعفر
الناس ومن يمثلون حكومة السودان رفضو مبدأ المحاصصة الجهوية في البداية و مشت جوبا عملت مفاوضات بمسارات جهوية و التى بالضرورة لابد و ان تنتج محاصصة جهوية و في ذات الوقت استخفو بالمسارات
الاخرى عندما جاء تكوين الحكومة.
و الطامة الكبرى انو الناس الاتفاوضت بأسم المسارات الجهوية اتو بخلفيتهم السياسية و العسكرية و لكن الحكومة فرضت عليهم او وضعتهم في قوالب الجهوية عن قصد حتى يتفرق الدم و ده سوء نية مبيته
من حكومة السودان و لذلك انتجت هذا المسخ الذى قد يعجل بنهاية الدولة السودانية.
|
Post: #10
Title: Re: خلية ازمة
Author: Gafar Bashir
Date: 10-20-2021, 11:30 AM
Parent: #7
يا حبيبنا محجوب
البلد الدبيب بتلف ليهو في رقبتو
جميع الاطراف مدنية وعسكرية الان بشوفوا نتايج عملهم
والمغفل ما عذر ليهو انو استغفل ...
العندو اجندة ده ما واضح ... الطرف التاني لو احسنا الظن انو استغفل
بتحمل المسئولية
ياريت بقدر الشجاعة الوقفوا بيها كلهم ودقوا صدرهم قالوا نحن قيادة
يرجعوا يعترفوا بالاخطاء ويقودوا الامور في اتجاها الصحيح
اهم حاجة في الكلام ده استكمال المؤسسات القانونية المدنية
لانو لو كانت مكتملة وما معطلة عن قصد ... الاخطاء بتقل
|
Post: #8
Title: Re: خلية ازمة
Author: محمد البشرى الخضر
Date: 10-20-2021, 11:06 AM
Parent: #6
لأن الازمة مفتعلة يا دفعة, الطرف التاني ما عايز يقصي ولا ياخد مقاعد زيادة بقدر ما هو بخدم في اجندة العسكر وبنفذ في دوره من صفقة ما, في حدها الاعلى خلق ازمة دستورية بالحديث عن ان الحرية و التغيير الوقعت على الوثيقة انشقت ولم تعد موجودة بالتالي يمكن الغاء الوثيقة ببساطة وبغطاء قانوني و انسى حكاية تسليم رئاسة السيادي, وفي حدها الادنى الاخلال بالتوازن في مقاعد التشريعي بالتالي تمرير عدد من الصفقات (التطبيع و القاعدة الروسية) و القوانين (قانون جديد للدعم السريع مثلا يمنع ادماجه) بل حتى تعديل الوثيقة و التحكم في تشكيل المفوضيات وربما الغاء قانون ازالة التمكين .
المهم السند الدولي وضح للجميع انه لايمكن تمرير اي صفقة او انقلاب بأي شكل كان بدون موافقة حمدوك, ودا الخلى اللغة نحوه تختلف من الجميع بدءا من ترك مرورا بمناوي و انتهاء بيك انت زاتك يا فردة 
#شكرا_حمدوك
|
Post: #11
Title: Re: خلية ازمة
Author: Gafar Bashir
Date: 10-20-2021, 12:17 PM
Parent: #8
يا عمك سلام
ياخ انت صعب خلاص اصلوووو ما بتمرر
لكن ما حانجر معاك لمعارك جانبية يا فلول ... دة ما وقتها برجع ليك فيها مافي حاجة اتغيرت
الموضوع المهم العسكر طموحهم واضح سواء الدعم السريع او قيادة القوات المسلحة ..
الجانب الواضح جدا هو ما بين القوي المحسوبة علي الشق المدني
ماهم ديل زاتهم كانوا قبل السلام جزء من الحرية والتغيير
ولما تم السلام وجاء مجلس شركاء السلام ... كانت الاجندة هي تفكيك قوي الحرية
واستبدالها بمجلس الشركاء ... ما مدسوس ولا خافي حتي لو تداخل مع اجندة العسكر والفلول بتمرير صفقات او ارباك المشهد او التخلص من لجنة التمكين
ياخي مافي حاجة استهلكتنا وعطلت الشق المدني اكتر من ملف السلام
وكان علي امل انو تكون خطوة لاغلاق ملف وفتح ملفات تانية
لكن واضح انو مافي حاجة كفاية
علي الاقل تهدئة ملف دارفور وفتح ملف الشرق ... او ملف الشمال
يعني مني حاكم دارفور قاعد يعمل شنو في الخرطوم؟
المجتمع الدولي عامل قوي ورسائله واضحة لكن ما كفاية ... لاصلاح الحال
الميزان الحقيقي هو الشارع
|
Post: #9
Title: Re: خلية ازمة
Author: Gafar Bashir
Date: 10-20-2021, 11:23 AM
Parent: #6
والله يا عاصم ما اظن
يعني الان المطلوب من اللجنة احتواء الازمة فقط وعدم انفلاتها وتقريب وجهات نظر للايام القادمة
لكن موضوع ازمة اذا عرفنا الازمة بانها توسيع المشاركة علي المستوي الراسي
اللي هي الحرية والتغيير
والافقي اللي هي مسارات السلام
ده عايز ليهو شجاعة من كل الاطراف لحوار موسع
يضم اطراف النزاع شرط تضمين اصحاب المصلحة الحقيقية
عشان ما يكون الموضوع مجرد وثيقة مبادرة لا تساوي ثمن الحبر الكتبت بيها
ولا عندها اي اليات للتنفيذ
|
|