Post: #1
Title: رساله الى أبناء السودان ….
Author: سعاد تكة
Date: 10-19-2021, 10:54 AM
09:54 AM October, 19 2021 سودانيز اون لاين
سعاد تكة-السودان
مكتبتى
رابط مختصر
رساله الى أبناء السودان ….
عذراً اطفال وشباب الوطن… يعتصرني الألم كل ما اتذكر حيويتكم وحماسكم ايام الثورة ، وانتم تجملون شاشات العالم بهتافاتكم سلمية سليمة كنموذج فريد من نوعه ، قبل أن تقتل فرحتكم وانتم تستقبلون العيد ، حقيقتا نشعر بالخزي والعار والخجل في أن نورث أبناءنا وطن منهار مسروق ...
سألني أحدهم ببراءة ( ليه هم مصريين يحكمونا رغم رفضنا لهم) نظرت له بألم ولسان حالي يقول ( لك الله يا ابني) انهم لا يريدون أن يحكموا السودان بل يريدون أن ينهبوا ثرواته … يريدون أن يأخذوا حقك لكي ينعم به أطفالهم …
ماذا نقول للتاريخ بعد أن قضينا أكثر من ستون عاما منذ الاستقلال في الصراعات السياسية وفي من سيحكم وليس كيف يحكم؟
يعيشون خوا سياسيا وأوهام بأن كل واحد منهم هو الأفضل والاحق بحكم السودان … حتي الدين استغلوه واستعملوه مطيه لسرقاتهم ونهبهم لأموال السودان… يخنقون كل من له وطنية ويحاولون جره إلى نقطه الصفر.
استخلفكم بالله أيها السياسيون كفانا احباط وهزيمة … لا تورثوا الشباب والأطفال الهزيمة… في كل شي في التعليم والصحة والحياه عامة.
متى سنتحد ونطور البلد ونستفيد من خيراته … فا أبناءنا يحلمون بغدا أجمل وبلد متطور في مصاف الدول المتقدمة.
هل سمعتم أو ذكر التاريخ بان في اي بلد : أن ناظر قبيله الذي دورة مجتمعي وينحصر في القضايا المجتمعية فقط وحلها يغلق اقليم بحاله واكبر مورد للبلاد ، ويهدد …. بأي حق سمح لنفسه زيادة معاناه الشعب وصب البنزين على النار.
يا سياسيوا البلد لقد عشتم قرابه الستون عاما وانتم في الصراعات السياسية ولازلتم في نقطة البداية بل خواء فكري وسياسي …. كفا السودان من صراعاتكم !!! با الله عليكم ماذا تريدون؟ والي أين ستصلون؟ اتركوا هذا النفاق السياسي ... ان صفات المنافق ثلاثة : ( إذا حدث كذب... وإذا وعد اخلف ... وإذا اؤتمن خان) ...
اتركوا السودان في حاله .. نريدو وجوه وعقول جديدة تطور السودان وتؤسس له …. لقد جات ثوره الشباب رفضا لكل هذا الصراع السياسي ، هذا عصر التكنولوجيا الحديثة … دعوهم يعيشوا زمنهم لقد عشتوا زمنكم ولم تقدموا شيئا للسودان ، فأنتم لهم الاعمام والأجداد، فكونوا لهم قدوه واتركوا الصراعات جانبا ... فهم يريدون المدنيه لكي يمارسوا حقهم الطبيعي في الحرية والسلام والعداله … وليبقي الجيش السوداني حاميا للسودان ، فلا تخلطوا الأدوار بالله عليكم ، وليبقي الجيش حاميا لهم ومقدسا في نظرهم.
واخيرا نقولها كلمه صدق المؤسس حمدوك لا غبار عليه بشهادة الجميع دعوه يكمل ما بدأه من بنيه تحتية مؤسسة للوطن حتى يصنع الشباب مستفبلهم كما يرونه من تقدم في ظل المدنية …
مدنياااااأاااه
سعاد تكه
|
Post: #2
Title: Re: رساله الى أبناء السودان ….
Author: بسمات الشيخ
Date: 10-19-2021, 11:34 AM
Parent: #1
رسالة قيمة جديرة بان يستوعبها كل سياسي حادب على مصالح الوطن
ولكن للاسف من يستوعب ومن يفهم ...
السياسيين عندنا في وادي والوطنيه في وادي اخر ...
لك الله يا وطن
|
Post: #3
Title: Re: رساله الى أبناء السودان ….
Author: سعاد تكة
Date: 10-19-2021, 12:04 PM
Parent: #2
شكرا الاخت بسمات
كلامك صحيح : السياسيين عندنا في وادي والوطنيه في وادي اخر
|
Post: #4
Title: Re: رساله الى أبناء السودان ….
Author: adil amin
Date: 10-20-2021, 06:29 AM
Parent: #1
سلام اختنا سعاد
واهلنا في عطبرة
يا سعاد ناس هبي هبي يا اكتوبر 1964 ديل الشيوعيين والقوميين والكيزان والسلفيين هم مشكلة السودان الان بعد
65 سنة من الاستقلال وما عايزين يعترفو ولازالو تحت الاستحمار المصري الخليجي والشيطنة ما حزب المؤتمر الوطني بس
المشكلة في ناس عطبرةذاتهم والشباب عبر الفيس بوك
قلنا ليهم اول مراحل التحرر من اصر العرب والمشاريع المصرية ترفع علم الاستقلال الاصلي في بيتكم
ومن سنتين وهم لسه مبارين الترهات ويرحل قطار ويعود قطار ومبارين قحت1 وقحت 2 والجنرالات
قلنا ليهم الواقع الروحي والسياسي للشمال كلو الاقليم الشمالي هو
حزب الاتحادي الديمقراطي الاصل
والحركة الشعبية الاصل في كوادا
لا حقت1 ولا قحت2 ولا جنرالات البقط ولا مسارات برطم
رؤية جون قرنق ومنصور خالد دستور 2005 والمحكمة الدستورية قالو لا الوثيقة الدستوري وناس خالد سلك وسلام جوبا والمسارات وناس برطم
قلنا ليهم مشكلة شمال السودان نرجع بي للحكم الاقليمي الللامركزي باسس جديد ونحرس مواردنا بي
حاكم اقليم منتخب
برلمان اقليم منتخب \
مجالس محلية منتخبة شباب وكنداكات
ادارة اهلية جنسية خضراء فقط
بي مرجعية دستور 1973 وقوانين 1974
مبارين كعوك مايو بي علم مايو لحدي هسة 20 اكتوبر 2021
https://top4top.io/
والله لو رفعو علم الاستقلال من اول يوم ثورة2018 وجدعو علم مايو في كل المدينة كانو عملو زلزال في الشرق الاوسط وكانت
المخابرات المصرية راجعت نفسها مليون مرة واحترمت السودان وجات بي الباب عديل وزارةا الخارجية ووزارة التخطيط والتعاون الدولي
ناس تديهم علم وتديهم برنامج وتوجهم الي ما يحيحهم يقعدو يبارو ليك عقاب القوميين العرب والشيوعيين والكيزان والسلفية
ايتام الترابي وبعاعيت صدام حسين وعبدالناصر
والبنك الدولي ومصر ودول الخليج الناهبة لي اراضي الشمال وذهب الشمال لحدي هسة
اها دي يحلها منو وكيف
والله زهجت من صفحة الفيس الاستخدمتها لتوصيل البرنامج ده وقروبات عطبرة في الواتس
وقعد اتاسف بس علي الروح من الايام واتحسر
وجماعة عطبرة في البورد ده اخير منهم قعاد ساكت
والله يرحم عمنا ابراهيم الشوش والله فقط عظيم
|
Post: #5
Title: Re: رساله الى أبناء السودان ….
Author: Gafar Bashir
Date: 10-20-2021, 08:28 AM
Parent: #4
شكرا استاذة سعاد
تحتاج النخبة السياسية السودانية لاعادة التفكير مرارا وتكرارا في الصورة الحالية
الصراع في جو من الحرية بيفرز في النهاية اعداء الديمقراطية والحرية
لكنه ما لازم يستهلكنا علي حساب الملفات الهامة والقضايا الوطنية
|
|