Post: #2
Title: Re: نحن مطالبنا نحل الثورة
Author: أحمد محمد عمر
Date: 10-18-2021, 06:28 PM
Parent: #1
العسكري أب دقن لقى الناس بجيبو شفع الخلاوي قال يجرب حظه يخم ناس المسجد
وحدث ما حدث 
|
Post: #3
Title: Re: نحن مطالبنا نحل الثورة
Author: Asim Ali
Date: 10-18-2021, 06:35 PM
Parent: #2
الشافع دا من خليقتو ولبسو دا الا يكون كتايب ظل
اللبس دا تبع ياتو جهه نظاميه ؟؟
|
Post: #4
Title: Re: نحن مطالبنا نحل الثورة
Author: كمال عباس
Date: 10-18-2021, 06:36 PM
Parent: #3
غناء وشعر يمجد العسكر ويدعو لإنقلاب!
متحدث "ترباسي" تحدث بإسم الإدارة الأهلية يدعو لإسقاط الثورة!
واحد مغبون ـ يبدو إنه من أنصار الحركة المسلحة يحذر المتحدثيين قبله
نحن مع الثورة وضد العسكر مافي زول يستغل المنصة يدعو لإنقلاب ـ
قال هذا وهو يتعرض للدفر ومحاولات إخراسه !
|
Post: #5
Title: Re: نحن مطالبنا نحل الثورة
Author: أحمد محمد عمر
Date: 10-18-2021, 06:59 PM
Parent: #4
استعجلوا شديد ما مرتبين حالهم ولا متفقين على أي حاجة
قايلين الموضوع بس أحشد من طرف والأمور بتمشي
|
Post: #6
Title: Re: نحن مطالبنا نحل الثورة
Author: محمد البشرى الخضر
Date: 10-18-2021, 07:23 PM
Parent: #5
ما هو دا المقصود اي حشد و السلام و البافي على السيسي - اقصد البرهان, حالة طوارئ استجابة للحشود كمان لو حصل صدام و دم بين المتظاهرين عز الطلب
لكن عبد الوهاب يعمل شنو مع المبعوث الامريكي الخلى شغله وقعد حرسه دا كل يوم و التاني راكب ترحاله و ناطي ليه في القصر!
|
Post: #8
Title: Re: نحن مطالبنا نحل الثورة
Author: اْسامة اْباّرو
Date: 10-19-2021, 03:23 AM
Parent: #2
تبقى عوجة كان ساككوهو فى العربون🙈
لكن ي جماعة قالوا شافع الخلوة ب 3000 جنية
اها باقيلكم زول الجامع البالغ المكلف بى كم؟
يا بيعة ما تمت🤣
|
Post: #7
Title: Re: نحن مطالبنا نحل الثورة
Author: Hassan Farah
Date: 10-18-2021, 09:03 PM
Parent: #1
اليوم مظاهرات في الفاشر لاعاوزين مني اركو ولاجبريل نفسه...باعو القضيه وراسهم مع القتله
|
Post: #9
Title: Re: نحن مطالبنا نحل الثورة
Author: نعمات عماد
Date: 10-19-2021, 05:51 AM
Parent: #7
يا باش اسمه عبد البرهان، كما قال المرتزق.
الحشد 3 فئات :
كيزان يطالبوا بحل الثورة
حركات تحاول سرقة الثورة
ناس جاية تأكل و تشرب و تقبض و تمشي
بيوتها إلى حين قيام انتخابات مدفوعة.
|
Post: #10
Title: Re: نحن مطالبنا نحل الثورة
Author: Osama Mohammed
Date: 10-19-2021, 06:13 AM
Parent: #9
| Quote: يا باش اسمه عبد البرهان، كما قال المرتزق. |
الشفاتة مسمينو (كبسور)
والجنجويدي القاتل حرامي الدهب شاري الذمم مسمنو (طبيز)
|
Post: #11
Title: Re: نحن مطالبنا نحل الثورة
Author: نعمات عماد
Date: 10-19-2021, 06:37 AM
Parent: #10
Quote:
الشفاتة مسمينو (كبسور)
والجنجويدي القاتل حرامي الدهب شاري الذمم مسمنو (طبيز) |
👌
للأسف أي حكومة يوجد فيها كبسور و طبيز هي حكومة تحارب نفسها.
|
Post: #12
Title: Re: نحن مطالبنا نحل الثورة
Author: Asim Ali
Date: 10-19-2021, 07:04 AM
Parent: #11
المستغرب ليهو التناقض بتاع كيزان الحركات (الشق المدنى الكيزانى) ماسكين وزارات الاقتصاد معاش الناس وطالقين ناسهم يقو ليك الازمات والناس ماقادره تعيش و..و...الخ
الببغاوات الفاكينهم فى الاعتصام ديل ماعارفين البلد ماسك مفاتيح الاقتصاد فى الحكومه منو ؟؟
|
Post: #13
Title: Re: نحن مطالبنا نحل الثورة
Author: نعمات عماد
Date: 10-19-2021, 07:27 AM
Parent: #12
سلام عاصم
كما تعلم لب الموضوع هو رعب برهان و حميدتي و اللجنة الأمنية من العقاب،
لذلك خلقوا فوضى تضم أصحاب مصالح متناقضة بشعارات متضاربة:
كيزان يكذبون و يهتفون ضد أنفسهم ،هم أعتادوا الوصول للسلطة بالكذب.
جبريل هدفه عودة الكيزان و أيضاً يشارك مناوي في صنع ضجة تستبق
أي تغيير في وثيقة جوبا حتى لو أصبح الثمن ضياع الشرق و تقسيم السودان
بين الكيزان و الدعم و الحركات.
|
Post: #14
Title: Re: نحن مطالبنا نحل الثورة
Author: أحمد محمد عمر
Date: 10-19-2021, 08:27 AM
Parent: #13
أيام اعتصام الشفاتة
حميدتي يا ثعلب
ثعلب على نفسك
من وين بهايمك ديل
من وين خرفانك ديل
من وين شركاتك ديل
|
Post: #15
Title: Re: نحن مطالبنا نحل الثورة
Author: أحمد محمد عمر
Date: 10-19-2021, 11:20 AM
Parent: #14
Quote: الحشد 3 فئات :
كيزان يطالبوا بحل الثورة
حركات تحاول سرقة الثورة
ناس جاية تأكل و تشرب و تقبض و تمشي |
الليلة العدد زاد
في فئة كبيرة غلبتها الحياة في ظل حكومة حمدوك، بعضهم دخلوا الاعتصام وفي بالهم تتشال الحكومة دي بغض النظر عن البديل
|
Post: #16
Title: Re: نحن مطالبنا نحل الثورة
Author: طلحة عبدالله
Date: 10-19-2021, 11:41 AM
Parent: #15
Quote:
Montaser Ebrahim
بسم الله الرحمن الرحيم
نظارة قبيلة الفلاتة
تصريح صحفي حول نصب خيمة لقبيلة الفلاتة بميدان اعتصام القصر
قبيلة الفلاتة لن تهزم الثورة
نصبت مجموعة من ابناء الفلاتة المنتمين الي النظام المباد والامن الشعبي والاجهزة الامنية الاخري؛ خيمة في ميدان اعتصام القصر الجمهوري منتحلين اسم القبيلة، واضعين صورة الناظر محمد الفاتح السماني ناظر عموم الفلاتة بالسودان علي بوابة الخيمة دون علمه بلاضافة الي صورة الناظر الاب احمد السماني الذي توفاه الله قبل ستة اعوام.
من قام بهذا الفعل المدعوا عيسي ادريس الذي ظهر في كلمة من منصة الاعتصام يدعوا فيها الي حل الثورة كاغرب طلب يزاع علي المنصة.
هذا المدعو يدعي انه وكيل الناظر بولاية الخرطوم ؛وفي الواقع الناظر لم يفوضه للقيام باعباء الوكالة في الخرطوم ونعد تحركاته باسم وكيل الناظر تزوير لن نسكت عليه.
نوضح للراي العام ان القبيلة وحدة اجتماعية تحفظ علاقة الدم والقرابة ولايمكن ان تكون منصة سياسية لان داخل القبيلة يوجد ثوار وفلول واشخاص غير منتمين سياسيًا كغيرها من القبائل لذلك نعترض علي توظيف القبائل سياسياً ومن له راي فاليعبر عنه عبر المواعين السياسية وليس القبلية.
نعترض بشدة علي وضع صورة الوالد الناظر احمد السماني في هذه الاماكن ولن نفوت هذا الفعل وسنقوم باجراء اللازم في مواجهة من قام بذلك.
نعاهد الشعب السوداني ان قبيلة الفلاتة لن تهزم ثورة ديسمبر التي مهرها ابناءناء بدمائهم الطاهرة.
تنفي النظارة صلتها بالخيمة المنصوبة علي ارض الاعتصام وتطالب الفلول بنصب خيمتهم باسم الحزب المحلول بدل استغلال اسم القبيلة والزج بها في السياسة.
كما توكد النظارة ان المدعو عيسي لايمثل الناظر بولاية الخرطوم وليس له اي صفة تخول له التحدث باسم الفلاتة.
اي محاولة من الفلول للتخفي وراء القبيلة سنقاومه بشده وسنتخذ في مواجهته اجراءات قانونية.
أخيرًا نعلن دعمنا الكامل لمليونية ٢١ اكتوبر لدعم الانتقال السلمي الديمقراطي وتحقيق اهداف ثورة ديسمبر.
محمد الفاتح احمد السماني
ناظر عموم الفلاته
١٨ اكتوبر ٢٠٢١
|
........
أبوحميد عمر التاج عمل ليكم شنو في البيان بتاع الناس البتاعين ؟؟خخخخخخخ
|
Post: #17
Title: Re: نحن مطالبنا نحل الثورة
Author: أحمد محمد عمر
Date: 10-19-2021, 12:32 PM
Parent: #16
عمر التاج بعد يرتقي وعيه لدرجة العبارة العجيبة الواردة في البيان دي بعديها احتمال يخلي الكضب
| Quote: نعترض علي توظيف القبائل سياسياً ومن له راي فاليعبر عنه عبر المواعين السياسية وليس القبلية. |
|
|