الهدنــــدوة فى إرتريـا أكثر من الذين فى كسلا.

02:00 PM October, 18 2021

سودانيز اون لاين
Abureesh-أمريكا
مكتبتى
رابط مختصر

لقد سررت لكلام الناظر ترك منذ يومين حين ذكر انه بموقفه هذا يمثل البجا من حلايب حتى مصوع.. وأعاد الرجل التعريف الصحيح لإثنية البجـا الذى يحاول البعض حصره فى مجموعات دون غيرها.
والهدندوة والحدارب يعيشون فى إرتريا من مئات السنين لأنه أساسا لم تكن هناك حدود ولا حتى دول مستقلة إلا بعد قدوم الإستعمار. والحدارب (الهدندوة) فى إرتريا مواطنون ارتريون ولهم كامل حقوق المواطنة.
بل انهم اندمجوا مع المجتمعات الإرترية إجتماعيا حيث يتجلى ذلك فى الموسيقى وفنون الرقص وغيرها التى تأثرت كثيرا بالموسيقى والفنون الإرترية . وكم تمنيت أن يجتمع النظار مثل ترك ودقلل وغيرهم وينسقوا
لتقوية الوحدة البجاوية ثم التصدى لمظالم الشرق بصوت واحد مما يخشاه الخصوم. الفيديــو أدناه لأبناء قبيلة الهدندوة التى تسمى فى إرتريـا حدارب Hidarab وهم جزء أصيل من الشعب الإرترى. وتراث
الهدندوة الحدارب حاضر دائما فى التلفزيون الارترى الرسمى، وفى كل مناحى الحياة هناك.

في ده اتفق معاك.

كلنا كافارقة كتلة واحدة، اهل، او ده اصلا ماعايز نقاش!!!

في السبعينات لما رحلنا للخرطوم كاسرة، من دنقلا انا كنتا بقضي يومي مع اهلي الاثيوبيين والارتريين ولا ادري لماذا!!!

ربما مستدعيات الذاكرة الجينية!!

لدرجة، احد الاعزاء الاثيوبيين دورا معاي، او راح معبي البنية من الغضب!!!

ليه؟

لانو كان بتكلم معاي "تكرنجا"، وانا مافهمتو، او حاولتا اثبتو بالاعتذار، ولكن اعتبر هذا استفذاذ واستعلاء مقصود، من اثيوبي متنكر لي اصلو، يدعي زوا انو سوداني!!!!

ايوا ماصدق اطلاقا، ان يكون شخصي سوداني اوما اثيوبي!!!!

ماوقع ليهو اني اكون سوداني!!!!

لوما الحجازين من بقية اصحابي في الشلة، كان رحتا فيها، بي "هوك" بتاع تايسون، لانو ماخطر بي بالي انو اثيوبي اخوي، يروح فاكي فيني بنية!!!

نعم اطلاقا ماصدق كلام بقية الشلة اي الاجاويد، ليهو، كيف الفردة ده اي شخصي الماضعيف، سوداني اوما اثيوبي!!!

باختصار عمرنا كافارقة ما كان بينا حدود بالصيغة الارية الحالية، النازية بطبعها، الموغلة في الوحشية في عالم اليوم، العنصري، الذكوري، الشوفوني، مقارنة بعالم عصر سيادتنا،
البمثل فعلا، قمة هرم، العصر الذهبي للبشرية، عكس التصور العام الحالي!!!!!!

عارفك، بتخاف من كلام زي ده، عن نازية البيض، لوفي امريكا ولا اوربا، ولكن دي الحقيقة المجردة وبشهادة اجدادم!!!

باختصار، البسوو ده تشادي، او ده ارتري، فليعلم انو لم يفعل اكثر من تجسيد تنزيل مخزون/رصيد/ركام/مكون "العبد الحبشي" الجوانا!

اعني ارث العبودية المركوز في اعماقنا، اللي ابرذ سماتا كرور الفرذ والوعي القبلي!!!

اصدق مثال هم "الدناقلة"، "المحس" و"الحلفاويين"!!!

دنقلا اسم لي موقع جغرافي او مش بطريقي ذكوري بعينه، كما العباس مثلا، عشان "الدنقلاوي" يتوهم "الدناقلة" كقبيلة!!!!

هذا مزاح، ونموذج صارخ لي هرار الوعي القبلي!!!

اما "الحلفاويين" فيا للنكتة بحق، لحدي الستينات فكانو بتبرأو من الانتماء لي حاجة اسمها "سودان"!!!!

نعم في حلفا "سوداني" كانت مفردة شتيمة، تحقير، تعني في وعيهم "عبد"!!!!!!!

ده شوف عين، وانا يافع طفل!!!

لهذا ده محفور في الذاكرة!!!

الانتماء لي "مصر" و "المصريين" لدي البعض، في حلفا، كان علــــــــــني!!!!!!!!!!

بي مناسبة "حبش" و"عبدن حبشي" الواردة علنا رسميا وشعبيا، في الاحاديث "النبوية" ماكانت حينها قاصرة علي اهلنا في اثيوبيا!!!

لا ابدا!!

حبــــــشي، باختصار تعني كــــــــــوشي، من حيث حقايق التاريخ!!!

ولهذا كلنا كقوم سود كنا "حبش" في وعي بدو الاعراب، كنتيجة للصراع المدمر، العنيف جدا جدا، الدار بينا نحن اهل الارض في يمن اليوم وسعودية اليوم، وبينم، اي بدو الاعراب،
الجونا كلاجئئين، مهاجرين، من دون جواز او تاشيرة، او كفيل، او من دون ما يصنفو ك"بدون" وفقا للكتاب والسنة، اي "الجنسية العربية"، كمافي ادبيات وعيهم النازي القبلي!!!

لهذا ماصدفة المتداول عن سيدهم "بلال الحبشي" انو كان من دنقلا، عاصمة رماة الحدق اللي ابادو 100,000 اعرابي وهذا لم يحدث قط في تاريخ غزوات الاستعمار والاسترقاق لامثالنا، المسماة فتوحات، ونشر ل"الاسلام" اي الاستعمار العربي!!!

تكرر معي ذات الأمر في رحلتين جويتين في عامين مختلفين ومع مضيفتين لا تشبهان بعضهما ....
تصر كل منهما أن تحادث جاري في المقعد المجاور باللغة الانجليزية وتخاطبني بلسان امهري مبين ...
حتى أن إحداهما طلبت بشكل عفوي رؤية جواز سفري من شدة اقتناعها بأنني من بلادها ولست سودانيا

الحدود مصنوعة والتداخل القبلي ـ سبق ترسيم الحدود
ـ للشرق قضية والتضرر والظلم مس جميع المكونات وهي قضية كل من
فيه ...وحدة ومتانة نسيج الشرق هي الأولوية والترياق وهي الضمانة الوحيدة لنيل الحقوق ـ

فرقة شباب هدندوة إرتريـا .. فى رقصـة غنائيـة يمجدون وطنهم إرتريـا.. نحن وجدودنا ما شفنا ارتريا فى حياتنا
وعاوزين يطلعونا ارتريين!

لكنهم في أرتريا ما موجودين على مستويات الحكم المهمة!!
يعني يجيبوهم في رقصّة في التلفزيون، نظام ديكور وكدا.

لا لا يا أخ ابوالريش
اهلنا الهدندوة في إريتريا قليلين.
وهم

لا لا يا أخ ابوالريش
اهلنا الهدندوة في إريتريا قليلين.
وهم بالمناسبة متداخلين ومتصاهرين في منطقتنا تصاهر قديم
منطقتنا بين الدامر و كبوشية .
وسوق الدامر يعتبر السوق التاني ليهم بعد أسواق الشرق .

يابوالريش،
ياخي مافيها حاجة لوطلعوكم ناس ترك، القتا بمثلك ارتريين!!!

يا لشماتة ابلة امنة مختار!!!!!!!

لولي انا ارتري اثيوبي صومالي جيبوتي من كل قلبي، بمعني بريحني جدا لوقالو لي انتا "حبشي"، مقارنة بي "عربي"!!!!!

الموضوع الاساسي هنا، هو كارثة هرار الوعي القبلي، البخلي الهدندوي ينظر للبني عامر كارتري، بي معني اجنبي، والجلابي ينظر للهدندوي زاتو كارتري بدورو، و"الغرابي" كتشادي، وهكذا!!

هذه مصيبتنا في السودان، وهكذا كرور عفن وعي قبلي، جهوي، وافد اجنبي، غريب ودخيل، جانا مع المرتد ابن ابي السرح، كدين واسلام، وماليه من ترهات وعي استرقاق!!!!

ماكان اطلاقا عندنا فرذ قبلي، عبر مئات الاف السنين، كمجتمعات حضرية بي معني مستقرة، تمتهن الزراعة كقاعدة..... اموية، لاابوية وهذا مفصلي لونعلم..........

مع التحفظ على التعليق السخيف

Quote: لولي انا ارتري اثيوبي صومالي جيبوتي من كل قلبي، بمعني بريحني جدا لوقالو لي انتا "حبشي"، مقارنة بي "عربي"!!!!!

أنا بجاوى يا بشاشا وهذا يكفى..
بعدين شنو حكاية ما ممثلين فى الحكومة.. عايزين ننقل أمراض السودان القبلية لإقليم البجا.. البجا ما عاوزين محاصصات فى الخرطوم.. عاوزين سيادتهم فى ارضهم ومواردهم.

Quote: أنا بجاوى يا بشاشا وهذا يكفى..

ده كلام وين؟
يعني شنو "انا بجاوي، وهذا يكفي"؟
ده فهم قبلي، جهوي!!!!
ياخي كلنا كافارقة بجا!!!
كلنا، ارتريين!
كلنا سودانيين!
نوبيين، كوشيين وهكذا!!!
المعيار بالنسبة لينا هو الثقافة، مش الجغرافيا أو القبيلة أو الاثنيات!!!
بناءا عليه، هناك ثقافتان لاثالث لهما في العالم كلو!
ثقافة سودانية اي افريقية، واخري غير سودانية اي غير افريقية، اي ارية تشمل الاوربيين الاسيويين والساميين!

فلو ده حاصل، فيعني شنو "بجاوي"؟

لو لي، فانا افريقي فل استوب!!

تقريبا نفس المعنى والتعابير مختلفة.

ونحن الان نريد تحقيق العدالة، ومع صحة كلامك يا بشابشة إلا ان البجا لم يتم إضطهادهم كأفارقة أو كسودانيين، وإنما كإثنية اسمها بجا. القفز على هذه الحقيقة لا يفيـد.
وحسب قوانين الأمم المتحدة التى وقع عليها السودان، فإن أى مجموعة عرقية لها الحق فى تقرير المصير متى شاءت.. دع عنك متى حاق بها الظلم والتمييز.

Quote: إلا ان البجا لم يتم إضطهادهم كأفارقة أو كسودانيين، وإنما كإثنية اسمها بجا

يا ابوالريش،
برضك فاهم خطأ!!
الاضطهاد لامثالك لاعلاقة له بي مصطلح/عرق/اسم/اثنية:

بجا!!!
ياخي اسمع كلامك "المضطهد" بشاشا بكسر الها، الجاني، يا مضطهد بفتح الها، المجني عليك!!!

اهل BA,KA ادري بشعابها!!

عكس تصورك، امثال بشاشا، مشكلة حياتم كلها هو مصطلح/اسم/معني/مفهوم افريقيا وافارقة، مش "البجا"!!!

نعم امثال بشاشا اي الجلابة، صنيعة الاحتلال من حيث طريقة التفكير، اللي اساسا خبوب الوعي القبلي، ماسمعو زاتو بي حاجة اسمها بجا!!!

دعك من امثال بشاشا:
في الشرق، امثال ترك المجولب، لاينظرون لامثالك من غير الهدندوة ك"بجا"، تقول لي "اثنية بجا؟

لوكان الكل بجا، الشرق كان ولع كدا، ليستخدم كاداة؟

اله دارفور اي العوقة البرهان، خليفة القشير او حمرتي، خليفة موسي خلال، كان حركو ترك ومن ثم الشرق كما قطعة الشطرنج؟

بمعني امثالك كبني عامر في وعي المجولب ترك، دون، وافدين، اجانب، تقول لي بجا؟

والبني عامري بذات الطريقة محتقر للهدندوي وهذا طبيعي بل اساس كرور الفرذ القبلي!!!

لايمكن نفهم طبيعة الوعي القبلي النازي الابارثيدي بي طبعو مالم نفهم طبيعة الثقافة الارية القوقاذية البدوية، الانجبت صيغة ومفهوم "قبيلة" في مرجعيتم في مقابل صيغة ومفهوم "دولة" في مرجعية ثقافتنا!!!!

الدولة والقبيلة، خطان متوازيان لايلتقيان ابدا، الا بهيمنة قبيلة بعينها هيمة مطلقة علي بقية القبائل، وهذا يلغي صيغة دولة، اللي اخترعناها نحن، السودانيين حصريا!!!!

دولتنا تاريخيا كانت للبشرية كلها، دعك من قبيلة، قبايل، عرق، جنس، اثنية، ومااليه من عفن عالم اليوم!!!

نعم اي مخلوق، بشر، بقر، ممكن يجي خاشي، يقعد يقوم علي كيفو، وكت ماشاء، من دون تاشيرة، جوازات، بطاقات، كفيل، قرين كارد، سوشيل سيكيورتي....الخ!!!

نعم ماكان هناك زاتو مفهوم "مواطن" في مقابل "غير مواطن"!!!!!!!!!

لاحظ الان نلهث عشان نصل مرحلة "دولة المواطنة" تخيل، وكانو هذا تقدم، تقدمي، حداثي، مستنير!!!!

عيييييييييييييييييييييييك!!!!!

حولا ولاقوة!!!!!!!!!

والانكآ يقولو ليك "تنــــــــوع" كمان بلاخجلة، ياللهـــــــول بحق!!!!!

شئ مرعب مخيف، صعب توصفو!!!!!!

باختصار مشكلتنا في السودان هو عقدة اصلنا كافارقة، الجاكين منو!!!

حتي مفاهيم "نوبة"، "كوشيين"، "بجا" افرغت من معناه تماما، بي سبب عفن الوعي القبلي الجهوي، كاكبر تجلي لي مركب النقص الجوانا، واكبر تنزيل لي وعي الاسترقاق العروبي، ثقافيا، وقبلها روحيا!!!!

اقوليك :
يشهد الله يا أخ بشاشا .
السودان محتاج ليك .
وبسرعة.
محتاج ليك جوه البلد.
في دي الأيام الوكرانة في جهل القبلية.
قوة البلد في حجمها وتماسكها. ما في دا
خاساوي ودا تكروني ودا من الدموكاب.
وجودك في السودان جد مفيد .
الوقفة ضد مناوي ومبارك وترك و البرهان ضرورية
وتلميح د. حمدوك لى كلامك واضح.
البلد على حافة التشتت. لو الناس بتفكر ب دي
الطريقة الجلافيط.
الناس لازم تكون أكبر من كدا .

اب عفان، تحياتي، أو خالص الشكر.
نتمني نكون قدر حسن ظنك بينا.
بالنسبة للسودان، ساعين نقطي باقي العمر هناك، باذنه امون رع!
معزتي.

Quote: بمعني امثالك كبني عامر في وعي المجولب ترك، دون، وافدين، اجانب، تقول لي بجا؟

بالله عليك يا كمال بشاشا انت تتصرف حسب رأى ووعى الناس؟ خسـارة.

Quote: والبني عامري بذات الطريقة محتقر للهدندوي

عزيزى القارئ.. شوف لو بشاشا المثقف خريج الفلسفــة يتكلم بتعميم عجائز الإنجليز فى رائعة الطيب صالح، موسم الهجرة الى الشمال.. (أنتو الأجلنب كلكم كدا)
الغريبة ترك الما متعلم يتكلم بطريقة أفضل من هذه بكثير. لا تستطيع إنكار القبيلة وأثرها فى السياسة.. وانت فى أمريكا وتتذكر مشكلة قبيلة الـ Standing Rock
التى أوةقفت الحكومة الأمريكية على كراع واحدة حين رفضت مبرور أنبوب البترول الماشى كندا عبر أرض قبيلتهم ولاية نورث داكوتا، . قالوا للكونجرس هاش هاشونا.

وبمناسبة وعى (المجولب ترك) فى النص الأول أعلاه، أهديكم القصة دى:
أحد الكتاب الأوروبيين زاره صديقه، وبعد التكريم وما اليه، خرجوا للنزهة، ومر الكاتب بكشك جرايد واشترى جريدة. لما رجع ليه الباقى الكاتب قال لصاحب الكشك شكــراً. ولكن
صاحب الكشك لم يرد عليه.. فغضب الضيف وقال للكاتب، هذا رجل فظ، كيف لا يرد عليك الشكر.. فقال له الكاتب، هو كل يوم ما يرد!! فقال الضيف، ولكن لماذا تتعب نفسك
وتشكره أو تحييه؟ فقال الكاتب، أعلم ذلك ولكن لن أسمح لأى كان أن يحدد لى طريقة سلوكى أو تعاملى مع الناس. طبعا ترك غير مقصود لأنه يحترم الناس، وهو محترم مع نفسه
لذلك ليس فاقد شئ حتى لا يعطيه.