Post: #1
Title: أخيرا قررت أبقى قحاتي قح، كفروا لي!
Author: عمر التاج
Date: 10-18-2021, 06:32 AM
;يعتبر هذا البوست امتداد لسلسلة عايز أكون :
عايز أبقى شيوعي، بماذا تنصحون؟
فكرت أبقى كوز ، بس ما عارف ابدأ من وين ؟
أخيرا .. قررت أبقى قحتاوي ، باركوا لي!
"قحاتي" هذه المرة لا تعني تحالفي مع السلطة القحتاوية التي فشلت في الايفاء بمتطلبات حياة الشعب السوداني
بل هي مجرد مرحلة دعم مؤفت لقوى الحرية والتغيير تو (قحت٢)
والتي قررت أن تتغدى بالعطالة في قحط١
قبل أن يتعشوا بها ..
قحاتي تختلف من قحتاوي
قحاتي من قحت يقحت قحتا
وقحتاوي من قحط يقحط قحطا
المهم ؛ مبرووك علينا جميعا!
|
Post: #2
Title: Re: أخيرا قررت أبقى قحاتي قح، كفروا لي!
Author: adil amin
Date: 10-18-2021, 06:38 AM
Parent: #1
4 طويلة قحت1+5طويلة قحت2= 9طويلة
الخمسة ديل مصطلح جقود لي ال
جبريل
مناوي
اردول
هجو
عسكوري
لا يمثلون الا انفسهم
وحمدوك ما لقي محكمة دستورية للفيش والتشبيه
وكمان ترك قال الجماعة حول حمدوك دل صبية دراويش ساكت ناس 4 طويلة البعثي والناصري والشيوعي
انت وحمدوك بعد ده الا تجو كادوا
وتصفر معانا العداد بس
وتاني التعيين بي المحكمة الدستورية فقط للمرحلة الثانية من
مدنياوووووووو
ما تكبر اللفة ساكت يا عمر التاج
|
Post: #3
Title: Re: أخيرا قررت أبقى قحاتي قح، كفروا لي!
Author: muntasir
Date: 10-18-2021, 06:42 AM
Parent: #2
زي ما قال يوسف وهبى شرف الكوز زي عود الكبريت
|
Post: #4
Title: Re: أخيرا قررت أبقى قحاتي قح، كفروا لي!
Author: Asim Ali
Date: 10-18-2021, 07:25 AM
Parent: #2
واحد ماعندو شىء يقولو حاول يزرزرنى فى عبارة (افريقى قح) هربا من الاجابه فى عمق مداخلتى
هسى مايجو يعملو ليك فيها لفويين ويهربو من مداخله جاده برضو
|
Post: #5
Title: Re: أخيرا قررت أبقى قحاتي قح، كفروا لي!
Author: علي عبدالوهاب عثمان
Date: 10-18-2021, 07:39 AM
Parent: #4
حبيبنا عمر التاج تحياتي
صدقني اصبحت زي حبيبنا اردوغان الرئيس التركي
تجذب الاضواء وتثير انتباه خصومك والمختلفين معك
لكن يا عمر مشكلتك تنسحب من المعركة بسرعة
ده يعمل احباط لمتابعين البوست
تحياتي اردوغان المنبر الحبيب عمر
|
Post: #6
Title: Re: أخيرا قررت أبقى قحاتي قح، كفروا لي!
Author: Hassan Farah
Date: 10-18-2021, 09:36 AM
Parent: #1
هسى مايجو يعملو ليك فيها لفويين ويهربو من مداخله جاده برضو
----------------------------------------------------------------------
عاصم على سؤال
هل انت من المعجبين باطروحات عمر التاج؟
|
Post: #7
Title: Re: أخيرا قررت أبقى قحاتي قح، كفروا لي!
Author: Asim Ali
Date: 10-18-2021, 01:08 PM
Parent: #6
Quote:
عاصم على سؤال
هل انت من المعجبين باطروحات عمر التاج؟
|
عمر التاج بيفتح مواضيع اختلف الناس معاهو ولا اتفقو
الناس بتدخل تشتم وتهاتر وتطلع لكن نقااش فى صميم الطرح غالبا مافى
طبعا غير الهتافيين
بل محاولات حرف عن الموضوع الاساسى
مالو الناس تتناقش
قول عمر التاج كوز
اقل شىء انو انسان بناقش ويتناقش
وصدقنى ناس هنا عندهم مكانه اجتماعيه فى المنبر وقدر لكن مواضعيهم مابفكر افتحها لانو ادخل مفتكر انو تناول حاد القاها ونسه اصحاب وهزار وتفريق زمن
|
Post: #8
Title: Re: أخيرا قررت أبقى قحاتي قح، كفروا لي!
Author: عمر التاج
Date: 10-19-2021, 07:41 AM
Parent: #7
Quote: لكن يا عمر مشكلتك تنسحب من المعركة بسرعة
ده يعمل احباط لمتابعين البوست |
تحياتي الحبيب علي ..
رسالتنا في كل بوستات "عايز اكون" يا استاذنا هي توضيح فكرة بسيطة جدا
ان الأحزاب والجماعات السياسية والدينية في السودان ..
ليست شرا كلها، وليست خيرا كلها
مافي جماعة كلها شياطين، ومافي جماعة كلها ملائكة
وعشان ينصلح حال البلد لا بد أن يعمل كل الاخيار يدا واحدا لنهضة البلد
ولا بد أن يصطحبوا معهم فكرة إصلاح الاشرار واسهامهم في البناء وفق بروتوكولات محددة ..
أما إذا كانت فئة تعمل وآخرى تهدم .. فلن ينصلح الحال بأي حال
وستظل كل فئة تلعن الأخرى إلى يوم الدمار الاعظم ..
بخصوص الانسحاب هو ليس انسحابا بل تأجيل معارك مفروض علي
بسبب تقليل مداخلاتي اليومية بأمر ادمن الموقع .
..
..
الصديق عاصم علي وكثير من اهل الرجاحة والمنطق في المنبر
لا يناقشون أو يتداخلون بناء على توجه الكاتب
بل على ما يكتبه في البوست المحدد ..
بعكس كثير من الجهلاء يظن أن ما يكتبه فلان خطأ وان كان قرأنا
ظنا منهم أن فلان لايكتب الا ضد مصالحهم الشخصية ..
.
.
.
الخلاصة .. أن هناك محور جديد لم يكن في حسبانك يا حسن
وهو محور قحت٢ .. الذي إنحاز بكامل ارادته ليكون خصما لقحت١
ولا نستبعد أن يتم تكوين حلف كبير بين مكونات قحت٢ والإسلاميين واللجنة الأمنية والكيزان وانصار السنة
وكل ناغم على حكومة حمدوك..
وعندها ستكتبون نهايتكم بايدكم كما كتبتها جموع الشعب الان.
|
Post: #9
Title: Re: أخيرا قررت أبقى قحاتي قح، كفروا لي!
Author: Hassan Farah
Date: 10-19-2021, 08:07 AM
Parent: #1
عمر التاج بيفتح مواضيع اختلف الناس معاهو ولا اتفقو
==================================
مواضيع شنو يا عاصم على؟ دا بوق دعاية كيزانية رخيصة التعامل معه يكون بالردم وسد المنافذ امامه لكى لا ينشر سمومه
هات بوست واحد لعمر التاج كان فيه موضوعيا
|
Post: #10
Title: Re: أخيرا قررت أبقى قحاتي قح، كفروا لي!
Author: HAIDER ALZAIN
Date: 10-19-2021, 12:26 PM
Parent: #9
Quote: الصديق عاصم علي وكثير من اهل الرجاحة والمنطق في المنبر
لا يناقشون أو يتداخلون بناء على توجه الكاتب
بل على ما يكتبه في البوست المحدد .
بعكس كثير من الجهلاء يظن أن ما يكتبه فلان خطأ وان كان قرأنا
ظنا منهم أن فلان لايكتب الا ضد مصالحهم الشخصية .. |
عمر التاج ..
بعض - الجهلاء الذين تقصدهم - وانا منهم ، تداخل معك فيما تكتب من اخبار غير دقيقة او ملفقة
واحياناً منجورة .. واحياناً مفبركة .. او تم اسنادها لمعلومة في الاساس هي خطأ او تم تحريفها
او تم اللعب في الخبر الاصلي بالتحريف والتشويه ..
هذا بالاضافة لكذبك ولفك ودورانك حول الموضوع ثم وحين إجابتك تاتي إجابتك مضمنة كذبة وتحريف آخر..
إذن كل ما يُكتب هنا ويدور حول هو حول ما تكتبه وتنقله او تلفقه سيـان
لم يأتي أحد ليكتب عنأكلتك المفضلة او لونك او فنانك او ما تحت تكتك
بل انت الذي بادرت هنا لتصنيف الناس المختلف معاهم سياساً بناءاً على مقاسات وماتحت لباساتهم..
فما تركب وش وتعمل في مسكين وبرئ وانك ضحية للإغتصاب الفكري والمعنوي بالمنبر..
بل استغفر وتوب وسيتوب الله عليك ان شاء..
|
|