Post: #2
Title: Re: مني اركو مناوي ، جبريل ابراهيم و التوم هجو
Author: بكرى ابوبكر
Date: 10-17-2021, 03:42 PM
Parent: #1
|
Post: #3
Title: Re: مني اركو مناوي ، جبريل ابراهيم و التوم هجو
Author: ترهاقا
Date: 10-17-2021, 04:07 PM
Parent: #2
استخدام الاطفال في هكذا وضع يعتبر جريمة واستغلال ظروف ، الناس دييل مفروض يقدموهم لمحاكمة
علنية إن كانت هنالك عدالة ،
وبي جهة تانية نقول ( رُب ضارة نافعة ) كفاية الشعب السوداني عرف مين جبريل ومين
مناوي ومين هجو ، بهلوانات السياسة السودانية.
|
Post: #4
Title: Re: مني اركو مناوي ، جبريل ابراهيم و التوم هجو
Author: عمر التاج
Date: 10-18-2021, 07:08 AM
Parent: #3
مني وجبريل والتوم ديل، مش ياهم شركاء السلام بتاعين حكومتك يا بكري؟
أيام الثورة لما انا كنت بقول عليهم متمردين، ناسك في المنبر كانوا بتنمروا ويقولوا لي لا ..
ديل حركات الكفاح والنضال المسلح .. ديل أخوة و رفقاء ثورة السلاح
اها خموا وصروا..
قلنا ليكم حركات مسلحه ماتدخلوها الخرطوم
قلتوا لا ..الخرطوم حقتهم، و كل البلد دارفور
الان كل الأشياء في فترة سلطتكم بغير مسماها الحقيقي يا بكري
السلام يعني انفراط الأمن وال٩ طويلة وال٤ عميقة
والعدالة عبارة عن شركة إعادة تمكين يساريين وحلفاء، لاغير
العدالة مجرد لجنة سياسية تقرر لصالح أحزاب سياسية معينة
والحرية مجرد معتقلات لاصحاب الفكر المناوئ
وحتى "منبرك الحر" أصبح مزيفا
يتم فيه تقييد مداخلات أصحاب الرأي المناوئ
وحذف البوستات من قبل عصابة ٤ طويلة " بدر ودينق واحمد عمر وابو الريش"
وأتت تعلم، انه لا سبب يجعلك تقييد مداخلاتي كل مرة ، الا السبب الفي رأسي
زمن الكيزان ماكنت بتصل لدرجة الحذف الا لمن خالف قوانين المنبر..
لكن في زمن الحرية المزيف تحذف لانه بدر ومولانا قالوا ليك احذف ..
وانت زي الأطرش في الزفة، تحذف من غير ما تعرف البوست فيه شنو؟
الثورة ياحليلا يابكري ..
قلت لي أطفال الخلاوي ؟
طيب ديل كانوا بيحملوا لافتات الروضة؟
|
Post: #5
Title: Re: مني اركو مناوي ، جبريل ابراهيم و التوم هجو
Author: طلحة عبدالله
Date: 10-18-2021, 08:01 AM
Parent: #4
Quote:
وحتى "منبرك الحر" أصبح مزيفا
يتم فيه تقييد مداخلات أصحاب الرأي المناوئ |
خخخخخخخ
يا عمر التاج يا بتاع الجنغلوبا واللا أيا كان اسمها
قالوا ليك اطفال خلاوي خلاوي يعنى جايبهم من الخلاوي
اللى رسلوهم ليها أهلهم عشان يحفظوا القران ويتدارسوا
امور الدين .. تجي خامي ليك اطفال جوا مع اسرهم
بمحض ارادتم ؟؟ على سبيل المقارنة يعنى ؟؟
يعنى قررت تساعد في رش نفسك واللا شنو ؟
يحزنني هذا يا عمر التاج
يحزنني بشدة ..
حتى أها شوف 
...........
الكوتة كملت بالورجغة الفوق دي واللا فيها
باقي؟؟ لأنو شخشيا عايزك تواصل في رش روحك
خخخخخخخخخخ
|
Post: #6
Title: Re: مني اركو مناوي ، جبريل ابراهيم و التوم هجو
Author: طلحة عبدالله
Date: 10-18-2021, 08:06 AM
Parent: #5
ثم Quote:
مني وجبريل والتوم ديل، مش ياهم شركاء السلام بتاعين حكومتك يا بكري؟
أيام الثورة لما انا كنت بقول عليهم متمردين، ناسك في المنبر كانوا بتنمروا ويقولوا لي لا ..
ديل حركات الكفاح والنضال المسلح .. ديل أخوة و رفقاء ثورة السلاح
|
هسة دي حجتك المفحمة يعنى ؟؟
طيب ببساطة يا عمر التاج أيوة الناس ديل كانوا
كدا او متظاهرين بى كدا وهسة قلبوا أو اظهروا
نواياهم الحقيقية عشان كدا (الشعب) قام عليهم
شنو يعنى الغلط في دا ؟؟
.........
الشعب البين قوسين الفوق دا ما معاهم الفلول
وجبريل ومناوي والتوم كجو والحاكومي
وعمر التاج وآخرين خخخخخخخ
|
Post: #7
Title: Re: مني اركو مناوي ، جبريل ابراهيم و التوم هجو
Author: عمر التاج
Date: 10-18-2021, 08:50 AM
Parent: #6
| Quote: يعنى قررت تساعد في رش نفسك واللا شنو ؟ |
بفهمك الضيق ده يا طلحة ..
حاتخليني افك اخر طلقة في مداخلات اليوم، رغم حاجتي ليها في بوستات أخرى خاصة بتاع بدر الدين البشكك في جعوليتي ورجولتي ..
عشان أوضح شئ اخير..
وهو أن بكري المخاطب في هذا البوست ، هو بكري صاحب البوست وليس صاحب المنبر ..
ولابد لك وللقارئ ولبكري نفسه، أن يفرق بين بكري المدير صاحب الامكانات التقنية
و الذي دعمناه أيام كانت الأجهزة الأمنية تفكر في حظر الموقع لولا ان خاطبناها وحذرناها من مغبة الحظر..
وبين بكري الكاتب غير التحرير صاحب هذا البوست ..
انا بحمد الله كاتب ملتزم ، سواء في هذا المنبر هذا باسمي الحقيقي
أو في منابر أخرى بأسماء أخرى
وتبقى رسالتي في الحياة ماضية ببكري أو الكيزان أو القحاتة ..
ورسالتي هي الإصلاح..
بصلح اي شئ، من الساعة وحتى الحكومات ..
وماعندي خصيم أو عدو الا أصحاب الأجندة التخريبية
وبكري ماشاء الله زول إصلاحي ومؤسس، وقادر على تجاوز دعاوي التخريب والحجر..
بخصوص الأطفال، ياهم الأطفال يا صديق ..
سواء جيئ بهم من الخلاوي أو الروضة أو البيوت
الأطفال يجب الا يقحموا في السياسة حتى يعوها
هذه آخر مداخلة في البوست
وربما المنبر هههه
|
Post: #8
Title: Re: مني اركو مناوي ، جبريل ابراهيم و التوم هجو
Author: طلحة عبدالله
Date: 10-18-2021, 09:00 AM
Quote:
الذي دعمناه أيام كانت الأجهزة الأمنية تفكر في حظر الموقع لولا ان خاطبناها وحذرناها من مغبة الحظر.. |
يا له من كلام خطير خخخخخخ
هسة اديت فرصة لحيدروف الصلد
الكان شاكي انك كوز يقطع الشك
دا باليقين خخخخخ
بس يا عمر الخطير الكلام دا كان متين
وياتو صفة الخلتك تخاطب الأجهزة الأمنية
وكمان تحذرا من حظر الموقع ؟؟
غايتو لغاية ما تجاوب فيبقي بروفايلك
بالنسبة لي كالتالي
الاسم : عمر التاج
الوظيفة : صلاح قوش
الهواية: الورجغة
الامية : أرجع اعود تاني .. 
|
Post: #9
Title: Re: مني اركو مناوي ، جبريل ابراهيم و التوم هجو
Author: بشير أحمد
Date: 10-18-2021, 10:09 AM
Parent: #8
الثورجية ايام ثورة ديسمبر الغير مجيدة تم استخدام اطفال الروضة ....لو عايز صور وفيديو ممكن نجيب ليك.
|
Post: #10
Title: Re: مني اركو مناوي ، جبريل ابراهيم و التوم هجو
Author: Hassan Farah
Date: 10-18-2021, 10:53 AM
Parent: #1
\لو عايز صور وفيديو ممكن نجيب ليك.
---------------------------------------------------
بشير احمد انت قبل كدا فى بوست آخر وعدت تجيب فديو وما جبتو ليوم الليلة
المرة دى ان شاء الله يكون وعدك صادقا
|
|