Post: #1
Title: الحركات المسلحة ، هل كانت فذلكة كيزانية؟
Author: ترهاقا
Date: 10-17-2021, 02:20 AM
01:20 AM October, 17 2021 سودانيز اون لاين
ترهاقا-
مكتبتى
رابط مختصر
(adsbygoogle = window.adsbygoogle || []).push({}); قالوا شالوا السلاح عشان التهميش وعشان إنسان دارفور ، والليلة سمن وعسل مع من في إعتقادي همشمهم وأبادهم ، هل دي كانت لعبة كيزانية بالاشتراك مع جبريل ومناوي للبقاء في السلطة ؟ كل الاحداث التي أمامي تقول بأن لم يكن هنالك خلاف بين البشير وجبريل ومناوي ، بل كانا أداة لتنفيذ مخطط والاحداث الحالية تثبت ذلك ، الكيمان إتقسمت ، البرهان وشلته العسكرية حميدتي وجنجويده، ومناوي وجبريل وأحزاب الفكة هم الاعداء الحقيقيين لثورة هذا الشعب العظيم ، يمكن أكون على خطأ أو صواب ، المايك معاكم
|
Post: #2
Title: Re: الحركات المسلحة ، هل كانت فذلكة كيزانية؟
Author: Asim Ali
Date: 10-17-2021, 03:00 AM
Parent: #1
الانتقال من صفوف التنظيم للحركات لاسماء كثيره بارزه ونشطه كيزانياووامسك منها زى وزير صحه الانقاذ صاحب التصريح السالب فى حق مرضى السرطان من ضمن مسئولى الاتحاد الاسلامى العالمى للمنظمات الطلابيه كان غريب ان تجدو هو واسماء اخرى بعضها كانمع مصطفى عثمان فى الصداقه الشعبيه العالميه ...الخ
علامه استفهام كبيره
دلالتها الاهم النيه المبيته من الكيزان لسرقه الحركات السياسيه والمسلحه واستخدامها ادوات فى لعبه تمييع القضيه وتحييد الشعب
|
Post: #3
Title: Re: الحركات المسلحة ، هل كانت فذلكة كيزانية؟
Author: ترهاقا
Date: 10-17-2021, 03:42 AM
Parent: #2
| Quote: دلالتها الاهم النيه المبيته من الكيزان لسرقه الحركات السياسيه والمسلحه واستخدامها ادوات فى لعبه تمييع القضيه وتحييد الشعب |
أعتقد يا عاصم وجود أمثال جبريل ومناوي وهجو أصبح خصما على الثورة ، فلو جبريل فهو صنيعة الاخوان ولو مناوي فهو كذلك
ولهم مصالحهم الشخصية ودارفور ما قضيتهم ، ولو هجو بهلوان ، ما معنى حركتان مسلحتان من قبيلة واحدة؟
لابد من إلغاء شراكة الدم اللي اصبحت بوابة للكيزان والمرتزقة
|
Post: #4
Title: Re: الحركات المسلحة ، هل كانت فذلكة كيزانية؟
Author: بكرى ابوبكر
Date: 10-17-2021, 03:57 AM
Parent: #3
حبيبنا ساطور
سلام و احترام ليك و لضيوفك الكرام
كان قلنا كل كلامك صاح في ما يسمي بحركات الكفاح المسلح
اها التوم هجو دا شنو...
غايتو يا حبيبنا ساطور القريتو انو تاريخ الحروب الاهلية و غير الاهلية بتقوم لاسباب تافه و يكون وراها اغبياء و بكون اولها كلام فارغ
علشان كده بتوقع الحرب القادمة في الخرطوم حا يكون سببها حميتي،جبريل، مناوي و التوم هجو الحا يخرش الكبريتة
|
Post: #5
Title: Re: الحركات المسلحة ، هل كانت فذلكة كيزانية؟
Author: Hani Arabi Mohamed
Date: 10-17-2021, 06:05 AM
Parent: #1
| Quote: الحركات المسلحة ، هل كانت فذلكة كيزانية؟ |
بعضها فقط ... ما كلها
|
Post: #6
Title: Re: الحركات المسلحة ، هل كانت فذلكة كيزانية؟
Author: علي عبدالوهاب عثمان
Date: 10-17-2021, 07:31 AM
Parent: #5
فنانا الجميل ترهاقا .. تحياتي
أرى أنك وضعت يدك على الجرح
وخاصة مناوي وجبريل
واليوم هم يريدون استقطاب اصوات الكيزان والاسلاميين
بأي طريقة .. وكلما اقتربت الانتخابات سيكون المزيد من التواصل بينهم
ليس لديهم برنامج ولا شعبية حتى في دارفور
وخاصة جبريل براغماتي من الطراز الأول
بوست مهم ..
تحياتي
|
Post: #7
Title: Re: الحركات المسلحة ، هل كانت فذلكة كيزانية؟
Author: Gafar Bashir
Date: 10-17-2021, 08:33 AM
Parent: #6
حبيبنا ترهاقا
لو عايز تجرم او تتهم ده اسهل حاجة
لكن الصعب فعلا انك تفكر وتحاول تفهم مستصحب معاك كل التاريخ ووضع نفسك في مواقع الناس دي
ما حاقول ليك النهاية وردية برضو ... في جزء متسلق وفي جزء ارزقي وفي جزء انتهازي لكن ديل ما الصورة الكاملة
اولا: نقبل انو في ناس بفكرو بطريقة مختلفة من طريقتنا وده ما بيعني انو في واحد مننا غلط بالكامل
ثانيا: في تاريخ طويل من الظلامات كان الصراع وانعدام الثقة فيهو بين الهامش والمركز اللي بمثل الان لحد كبير الحكومة المركزية
ثالثا: الحركات نشات لصراع مع السلطة والاخزاب السياسية ما قدرت تحمي مناطقها واي انحرافات حصلت في مسار الحركات ده جزء منه سببه الصراع والموازنات والاخفاقات للقوي الوطنية ...
خليك من التاريخ القديم اقرا بس من الثورى وحتي الان مسار ملف السلام
كل ما تتراجع خطوة الخصم او العدو بتقدم الخطوة دي وبطالب بخطوات تانية طالما انت في قابل لانك تتراجع من غير ما زول يطلب منك .... ده اخفاقك الذاتي ما عندو علاقة بتنازلات ضمن تفاوض متساوي
|
Post: #8
Title: Re: الحركات المسلحة ، هل كانت فذلكة كيزانية؟
Author: نعمات عماد
Date: 10-17-2021, 09:50 AM
Parent: #7
| Quote: الكيمان إتقسمت ، البرهان وشلته العسكرية حميرتي وجنجويده، ومناوي وجبريل |
سلام ترهاقا
أعتقد إن بداية الصراع بين حركة خليل و شقيقه جبريل و بين حكومة المخلوع
كان في الحقيقة صراع بين الترابي و المخلوع ،أُحرق و قُتل بسببه أبرياء في دارفور.
مشاركة المؤتمر الشعبي في حوار الوثية كانت بداية التصالح و بعد وفاة الترابي و
دخول المخلوع و علي عثمان لسجن كوبر، فأن عداوة جبريل مع الإسلاميين و أداتهم
حميدتي قد تلاشت و حل محلها طموح في قيادة الإسلاميين و حكم السودان بمشاركة
مناوي و حميدتي و اللجنة الأمنية.
|
Post: #9
Title: Re: الحركات المسلحة ، هل كانت فذلكة كيزانية؟
Author: علاء سيداحمد
Date: 10-17-2021, 10:19 AM
Parent: #8
| Quote: الحركات المسلحة ، هل كانت فذلكة كيزانية؟ |
سلمات يا ترهاقا اننقا
الحركات المسلحة فيهم حركات كيزانية وايضاً فيهم حركات انتهازية تأكل فى كل الموائد وكانوا سنداً ودعماً لحكومة الكيزان
وللدلالة : حركة جبريل ابراهيم - وحركة مناوي .
والآن يطالبون بحل الحكومة : ولو كانوا صاديقين كما طالب البعض بحل الحكومة بشقيها العسكري والمدني فى السيادي والوزراء
وتشكيل حكومة جديدة مستقلة : عسكريين لا انتماء حزبي لهم و مدنيين كذلك .
لو كانوا صادقين كان عليهم اولاً تقديم استقالاتهم ومعهم كل عضويتهم الذين يشغلون مناصب فى الدولة والمطالبة بــــــحــــــــــل الحكومة
بحجة ان الحكومة فاقدة للشرعية ثم بعد ذلك كان عليهم ان يطالبوا بحـــــــــل الحكومة ليكونوا متسقين فى مطالبهم .
ولكننى اجزم انهم لن يقدموا استقالاتهم لانهم حصلوا على مناصب لم يكونوا يحلمون بها .
|
Post: #10
Title: Re: الحركات المسلحة ، هل كانت فذلكة كيزانية؟
Author: ترهاقا
Date: 10-18-2021, 02:01 AM
Parent: #9
| Quote: اها التوم هجو دا شنو... |
سلام سيد الحوش
تعرف زي هجو ده ، زي البرميل الفارغ الذي يحدث أكثر ضجيجا ،أما تصرفات
مساعد الياي مناوي والكوز جبريل بتدل على إنو مسألتهم مكاسب شخصية وناس دارفور
والسودان كلو دفعوا تمن هذه الانانية ، مناوي ، جبريل ، المؤتمر اللاوطني حاجة واحدة
ولو اختلفت المسميات
|
|