|
|
|
 Re: كيزان شندى عمر التاج بتاع بنك ام رمان مثال (Re: الشيخ سيد أحمد)
|
الشيخ ياود سيد احمد
طبعا ماحااحكى لك قصة
جعلى الجزيرة....
بس اللبنانين او الشوام
عندهم مثل بقول مافيش
بلد مافيها مقابر يعنى هو
اربجي مافيها كيزان وامنجية
بس برضو مابلحقو الكوز عمر التاج
نصير الكيزان وقائد الجنجويد
اما قصة سيرة شندى دا تار قديم بينى
وبين صديقى ود شندى خالد عامر جمال الدين
هو وقريبو المهندس عصام ابراهيم جمال الدين
هنا في الدوحة وهم اقرباء الناظر الكوز المبايع للبشير
انت بس خسمنى احكى لك الحكاية
| |
  
|
|
|
|
|
|
|
|
Re: كيزان شندى عمر التاج بتاع بنك ام رمان مثال (Re: الشيخ سيد أحمد)
|
الشيخ ياود سيد احمد
مع انو خسيمتك ماجايبا تمنها
لكن برضو احاحكى الحكاية
في منتصف تسعينات القرن
الماضى كان معنا هنا في الدوحة
الاخ الصديق المهندس الزراعى عصام
ابراهيم جمال الدين شيوعى متمرد على
سيدو التجانى الطيب وخالد عامر من حواري
سيديك الميرغنى وكان بزور الدوحة من فترة
لفترة وبنزل مع قريبه عصام خالد كان
تاجر جمال اي بعير سبق وكنت ساكن معاهم
في شقة عصام في احد زيارات خالد لاحظت
انو عصام وخالد طوالى بوشوشو مع بعض ولمن
ادخل عليهم بسكتو وبغيرو الموضوع ويدورو فينى
عربى جزيرة لقيت الدوحة الهاملة دي انت كان
حدك تربالى في اربجى قمت لاحظت حاجة تانية عصام
طوال الاسبوع دا بتصل بى قبل خروجى من المكت ويخبرنى
ماتجيب معاك الجرائد السودانية انا جبتها وكان معنا هنا قربهم
اسمه عبدالله ود البيه من مشاهير ام درمان الظرفاء واحد ضباط
جهاز امن نميرى وافضل من كتب قصص في ادب المخابرات انت
بس اكتب في قوقل عبدالله ود البيه وتجيك قصصه انا مامر على
زول داهية زى عبدالله ود البيه وهو عارف المناكفات بينى وعصام وخالد
قام عزمنا غداء في بيته انا من المكتب جيت ببت عبدالله لقيت عصام وخالد
وصلو قبلى بمجرد وصولى ود البيه مشى وجاب جريدة ورمها في حجرى
وبمجرد ماطالعت المانشيت فكيت ديك يالضحكة الساخرة المانشيت كان
بقول ناظر الجعلين يقود وفد ويقدم البيعة للبشير وهو قريبهم ودا الكانو
خايفين منه انى اعرف هذا الخبر واليوم داك وريتهم المكشن بلا بصلة وظلو
يلعنو ويشتمو في قريبهم ود البيه
ود البيه جيل مامون عوض ابوزيد وهاشم العطا وبصر ان هاشم العطا ماكان
عضو حزب شيوعى زي اصرار عمر التاج انو ماكوز
| |
|
|
|
|
|
|
| |
بدر الدين الأمير
الشيخ سيد أحمد
فيس بوك
تويتر
انستقرام
يوتيوب
بنتيريست