شوف الصينيين عاملين حسابهم لفيسبوك من سنة دو

08:27 PM October, 05 2021

سودانيز اون لاين
Abureesh-أمريكا
مكتبتى
رابط مختصر

إستقلوا تقريبا فى كل شئ..ومن بدرى

يوتيوب عندهم قصادها يوكو Yuku.com
amazon >> taobao تاوباو
Google >> QQ
WhatsApp>> WeChat

بعدين بالمناسبة هم قفلوا المواقع العالمية دى من زمان.

أبو الريش

سلام

لا أعتقد أن الغرض الأساسي من الصين كان هو الاستقلال، ولكنه كان أحتجاجا من الديمقراطية المفتوحة والغير مشروطة في وسائل التواصل الاجتماعي، والحكومة الصينية بتمارس رقاة لصيقة على كل وسائل التواصل الاجتماعي.

سلام
استاذ ابوالريش

الصينيين عبروا زمان

مافي اي وجه مقارنة بين WhatsApp>> WeChat
WeChat ويشات تطبيق شامل محادثات وشات ودفع وخدمات لاحصر لها
وماتنسي تطبيق Ali pay

من المتوقع ان تصبح الصين قريبا أول دولة رقمية في العالم
ولسه ناسنا بقفلوا الطرق ومتشاكلين في الكراسي!

صدقت يا عز الدين
وأنا استعمل WeChat من حوالى 7 سنة، وعشت هناك 5 سنة تقريبا.. ما أتذكر حتى القروش الفى جيبى ارجع بيها البيت.. كله بال WeChat بس الجهة العاوز تدفع ليها توريهم التلفون بتاعك وخلاص. من القطر
للتاكسى للبقالة للمطعم.. حتى بتاع الأورنيش كتيرين منهم يوريك تلفونه وانت توريه تلفونك وكل واحد يمشى بدربه والقروش تكون اتحولت .. والله بالصورة دى.. فى الإلكترونيات الإستهلاكية الصينيون فاتوا اوروبا وأمريكا.

Quote: وأنا استعمل WeChat من حوالى 7 سنة، وعشت هناك 5 سنة تقريبا.. ما أتذكر حتى القروش الفى جيبى ارجع بيها البيت.. كله بال WeChat بس الجهة العاوز تدفع ليها توريهم التلفون بتاعك وخلاص. من القطر

يازول قبل 7 سنوات بتحتاج انك تعمل UPDATE
وتغيير ال DDR الي 32 RAM وتكبر HDD ل 5T
كلامك صاح كل الدفع بالموبايل WECHAT و ALI PAY ونظام الكود
انا اخر مرة شفته فيها عملة ورقية كان قبل سنتين او ثلاثة تقريبا
والقروش الكاش (العملة الورقية) اصبحت من الماضي السحيق
وبقي السوبر ماركة تشتري وتدفع براك وتبقي مارق
والتكاسي والباصات والمترو و و و واي حاجة كله كود تمسح وتكسح
كل الخدمات بقت ذاتية و اون لاين
تشتري اي حاجة من DABAO وفي اقل من ساعة تكون عندك
واصبح موبايلك والكود هو بطاقتك وجواز سفرك وشهادة سكنك وشخصيتك

بالمناسبة انا لمحتك مره من بعيد في مطعم السدة في قوانجو

Quote: لا أعتقد أن الغرض الأساسي من الصين كان هو الاستقلال، ولكنه كان أحتجاجا من الديمقراطية المفتوحة والغير مشروطة في وسائل التواصل الاجتماعي، والحكومة الصينية بتمارس رقابة لصيقة على كل وسائل التواصل الاجتماعي.

سلام دينق
نعم الانترنيت والاتصالات في الصين مراقبة بالكامل وكل المواقع والتطبيقات العالمية
محظورة قوقل وواتساب والكثير من البرامج التي لايمكن الدخول اليها الا عن طريق VPN
والغرض الأساسي هو الاستقلال من الهيمنة الامريكية والخوف من التجسس
وليس أحتجاجا علي الديمقراطية المفتوحة
بالاضافة الي اهداف اقتصادية لان مستخدمي الانترنيت الصينيين اكثر من 500 مليون مستخدم

وفي المقابل طورت الصين اللاف البرامج والتطبيقات المحلية التي فاقت البرامج والتطبيقات العالمية

أنتم عارفين، الصينين ديل هم ناس يأجوج ومأجوج ..
خلي أمريكا تحاصرهم للعالم ..

لو مرقوا فينا لا يخلو أخضر أو يابس سواء تكنولوجيا أو موارد .. أحسن نبعدوا من شر التكنولوجيا بتاعتهم ومنهم هم ذاتهم ..!

بريمة

Quote: يازول قبل 7 سنوات بتحتاج انك تعمل UPDATE

معليش ما فهمتنى.. أقصد عندى الويجات من 7 سنوات.. لكن الصين من 2006 واخر مرة زرتها السنة الفاتت.. و كان عندى مكتب فى إيوو لثلاث سنوات، ثم استقريت فى شينزين.. فركة كعب من قوانجوو. فى شنزين فى Huaqiangbeilu
أكبر سوق الكترونيات فى العالم. أزور gz كتير جدا.. ومن 2007 ما بفوت معرض كانتون إلا ما ندر (رحم الله أخانا كنتونا2) مرتين فى السنة. ومعارض شنزين وشنغهاى وبيجن. وعييييك
ما متذكر المطعم اللى ذكرته لكن فى مطعم شعبى كبير فيه حوش. يبيع فول وحاجات بالشكل دا وتلقى فيه السودانيين دائما.