Post: #1
Title: هل بعد شهر حايكون رئيس مجلس السيادة قحاتي ونائبه وناس برهان فراجة ساي...يا ناس انتو ما عندكم رأس!!!
Author: توفيق عيسى مكي
Date: 10-03-2021, 00:21 AM
11:21 PM October, 03 2021 سودانيز اون لاين
توفيق عيسى مكي-
مكتبتى
رابط مختصر
الجقلبة الحاصلة اليومين دي من ناس الحرية والتغيير
الحياة حلوة وملزاتها أحلى وخلط الخيال بالواقع فيه نشوة
بس مؤكد في كم رأس حا يطير (والله على ما أقول شهيد ) عشان تكتمل
مشاهد الفلم الهندي العجيب ده وندخل في الفلم الكابوي الأمريكي العفن
في إشارات اللبيب البيفهم زي حلاتنا كده
مثلا في خلايا داعش حايمة في البلد
والهرجلة المدرسة الحصلت قبيل في قاعة الصداقة
اللعبة بقت بتتلعب باحترافية ومنطقية
والله لو كنت من المكون المدني الموقع على الوثيقة بأعلى صوتي بقول وااااااي
وبرضو لو كنت من العسكر واااين تلاتة
ده سمبك وركب في السودان
|
Post: #2
Title: Re: هل بعد شهر حايكون رئيس مجلس السيادة قحاتي
Author: توفيق عيسى مكي
Date: 10-03-2021, 00:28 AM
Parent: #1
نصيحة لوجه الله
اعملوا زي ما كان بيعمل نميري والكيزان
اقعوا الشيوخ
وأولياء الله الصالحين
ما بيغير ما هو مكتوب وحتما حا يصير
لكن بحفظ العباد والبلاد
والناس الغلابة
وبيأخر الشئ الكعب حبه
حبه دي أمكن تجر 30 سنة
|
Post: #3
Title: Re: هل بعد شهر حايكون رئيس مجلس السيادة قحاتي
Author: توفيق عيسى مكي
Date: 10-03-2021, 00:41 AM
Parent: #2
الجقلبة حاصلة حتى في المنبر هنا
.
.
.
أمريكا اتجاهها ون وي
ديمقراطي أو جمهوري
لعب التلاتة ورقات برفع كثافتها
أي أحزاب يسارية تحت أي لحظة حا تدوسها دوس
وتطلع إيمان صليبا
وأي كوز غير الموت ما عندها فيه فهم ومنطق
انا متأكد السيسي السودان اليوم جاهز في غرفة اللبس جاهز
ليطلع للجمهور المشتهيهو وراجيهو
المخرج الأمريكي شاطر في صناعة فلم المخلص
والمنتقم
الجقلبة مهما حصلت هنا ولا هناك
السنبك راكب من زمان
وده كله تحصيل حاصل
|
Post: #4
Title: Re: هل بعد شهر حايكون رئيس مجلس السيادة قحاتي
Author: توفيق عيسى مكي
Date: 11-05-2021, 09:38 PM
Parent: #3
حصل ولا ما حصل ؟
قلتو شنو ما سامع كويس حصل ولا ما حصل ....!!!
|
|