Post: #1
Title: تعالوا شوفوا البطيخ في السودان ما لاقي زول يعملوا صادر . دولار مشتت
Author: Osman Musa
Date: 10-02-2021, 07:22 AM
06:22 AM October, 02 2021 سودانيز اون لاين
Osman Musa-
مكتبتى
رابط مختصر
مشينا لى عزاء في منطقة قريبة للنهود.
دي الجنة .
مافي أي فرق بين هنا والكنتري الامريكي.
خصوبة الأرض عندنا عجيبة .
في احجام بطيخ ما بتترحل من كبرها.
يعني الشغلة محتاجة خبرة في النقل
المبرد و التعبية.
الخير عندنا مضروب في مية.
ممكن العربية تكون في كردفان ماشة نص ساعة
في زراعة اسرة واحدة .
المشكلة انو السودانيين شعب مسكين جدا في
التسويق . التسويق في السودان صفر .
الحل في الاهتمام بالصادر.
|
Post: #2
Title: Re: تعالوا شوفوا البطيخ في السودان ما لاقي �
Author: أبوذر بابكر
Date: 10-02-2021, 07:58 AM
Parent: #1
ازيك يا ابو عفان
من الحاجات الما قادر استوعبها
وشايفها كضب كضب
انه البطيخ عندنا هنا بتباع ب الشقة
والله جد
محل الخضروات او السوبر ماركت
تلقاهو مقطع البطيخة لي كم شقة
وانت تجي تشتري شقة
مش حاجة محيرة ؟
|
Post: #3
Title: Re: تعالوا شوفوا البطيخ في السودان ما لاقي �
Author: Osman Musa
Date: 10-02-2021, 08:48 AM
Parent: #2
أخونا أستاذ ابوذر
سلامات
نعم بالشقة حتي بلاد الخواجات ممكن تشتري شقة بطيخة
ويدوك الشقة مطعونة في عود.
ويحسبوليك حق العود زاتو .
هسع عليك الله زي اخونا بريمة القاعدة في واشنطن دا
لو خلاها الفلهمة ورجع لى اهلو في براري الكبابيش. شحن
بطيخ وفرشو بالكوم في واشنطن DC البطيخة بي ناين نايتي ناين. 9.99
ما كان احسن ليه ؟
انت عارف يا ابوذر شحنة براد واحد ممكن تعمل ليه
ربح 60 ألف دولار .
لو الحظ ضرب معاو .
بعدين البطيخ في أمريكا مطلوب صيف شتاء .
ياخ في بيت العزاء في كردفان جابوا لينا في الصينية ضلعة حاشي
ليها ضل .
وصينية كبيرة مليانة بطيخ.
والسكاكين على كيفك تقطع.
شعب ينسيك الحزن وينسيك المات منو .
يا ابوذر والله ربنا وهبلينا نعمة ضخمة.
بس تعمل شنو
مع الافندية الباقين شوكة حوت للمصدرين والبلد.
|
Post: #4
Title: Re: تعالوا شوفوا البطيخ في السودان ما لاقي �
Author: Osman Musa
Date: 10-02-2021, 10:19 AM
Parent: #3
طبعا يا ابوذر ظهر في السودان سوق عريض
للتجارة في حب البطيخ.
الآن في ناس بتزرع نوع بطيخ عشان حصاد الحب .
و عندو سوق ضخم .
وفي بطيخ الأكل .
بس لو ناس البحوث الزراعية اجتهدو في زراعة
نفس نوعية بطيخنا الكبار دا بس يكون
Seedless .
بتخيل لى نوعية البطيخ البدون حبوب خامشة السوق
العالمي اكتر .
|
Post: #5
Title: Re: تعالوا شوفوا البطيخ في السودان ما لاقي �
Author: علي عبدالوهاب عثمان
Date: 10-02-2021, 10:09 PM
Parent: #4
الحبيب عثمان .. تحياتي
ما يحتاج لحد أمريكا ممكن تربح ملايين من أقرب ميناء
هو ميناء جدة .. في اسواق جدة البطيخ طبعاً بالكيلو 4-5 ريال للكيلو
الباخرة من بورتسودان يكمن في الغالب 8 ساعات
كل الخضار في السما بعد الكورونا .. تخيل كيلو البامية 25 ريال ومن الهند
ممكن بامية السودان تكون 40-50 ريال
نحن كل وقتنا ضائع في العسكري والمدني ومظاهرات ورقص وهتاف
احتفالات وورش عمل .. 65 سنة من الاستقلال نفس الفيلم
كنت أتمنى يوماً ان اسمع أرقام ولكن كل الكلام ( سوف .. سنقوم ان شاء الله .. الخ)
تحياتي عثمان يا جميل
|
Post: #6
Title: Re: تعالوا شوفوا البطيخ في السودان ما لاقي �
Author: علاء سيداحمد
Date: 10-03-2021, 05:33 AM
Parent: #5
سلمات يا ابوعفان
هاك بطيخ النهود :
|
Post: #7
Title: Re: تعالوا شوفوا البطيخ في السودان ما لاقي �
Author: Osman Musa
Date: 10-03-2021, 07:46 AM
Parent: #5
أخونا شيخ علي عبدالوهاب
سلام
عمك قال سنعبر . غايتو ما عارف حيعبر كيف.
تحياتي
|
Post: #8
Title: Re: تعالوا شوفوا البطيخ في السودان ما لاقي �
Author: Arif Nashed
Date: 10-03-2021, 07:57 PM
Parent: #7
عثمان وضيوفك تحياتي
البطيخ بيتعمل مربي وعصير
ويقولوا انتاج ماف.
|
|