Post: #2 Title: Re: هل المطالبة بالإنفصال يعتبر ضرب من العنصر Author: معاوية المدير Date: 10-01-2021, 06:44 AM Parent: #1
هل أهلنا الجنوبيين يعتبرو عنصريين ؟...
Post: #3 Title: Re: هل المطالبة بالإنفصال يعتبر ضرب من العنصر Author: معاوية المدير Date: 10-01-2021, 06:45 AM
سلام، نشوفكم بعد الدوآم إن شاء الله.
ماشي الشغل ...
Post: #4 Title: Re: هل المطالبة بالإنفصال يعتبر ضرب من العنصر Author: Ahmed Yassin Date: 10-01-2021, 07:55 AM Parent: #3
السودان كله عنصرية مهما حاولنا نكون اكثر انسانية ياخي لو قلت ليك ما بتصدق.... كمثال توضيحي فقط وليس العموم: جمعيات اهلنا في الخليج ناس الشمال رغم انهم ابناء منطقة واحدة وجزيرة واحدة الا انهم مقسمين الى عشرات الجمعيات.... وخلافاتهم ليس لها حد.... داخل كل جمعية من العشرات دي... كل واحد ينظر الى قريبه ....فالاقرب والاقرب. فقط خليك من كل السودان.. فوراوي....هدندوي. (خاساوي) ...نوباوي ... نوبي ...محسي دنقلاوي .....عريبي...بقاري .. والى اخر القبائل التي لا تعد دا يثبت اننا لسنا....امة سودانية موحدة...
Post: #5 Title: Re: هل المطالبة بالإنفصال يعتبر ضرب من العنصر Author: Salah Zubeir Date: 10-01-2021, 09:59 AM Parent: #4
Quote: عريبي
أحمد إزيك ... دا منو يا فنان ... قريبي ود المدير ياخي شوق السحابه الراحله ...
Post: #6 Title: Re: هل المطالبة بالإنفصال يعتبر ضرب من العنصر Author: Ali Abdalla Date: 10-01-2021, 10:08 AM Parent: #4
التحية لصاحب البوست ولضيوفه الكرام
السودان بلد قبلي حتي الآن،
وللأسف الانتماء للقبيلة يطغي علي الإنتماء للوطن في الفترة الحالية
قديما لم يكن الأمر كذلك ولم يكن صوت الإنتماء للقبيلة والمناطقية عالي
للحد الذي نشاهده الآن٠
أكملت المرحلة الثانوية في مدرسة قومية هي مدرسة حنتوب الثانوية التي
لازلت أكن لها ودا خاصا، فوالله لمن نكن نعرف قبائل بعض، كنا نكتفي فقط
بذكر المنطقة أو القرية التي أتي منها الطالب، مع العلم أن المدرسة يقبل فيها الطلاب من كل أقاليم السودان
وطيلة الفترة التي قضيناها في حنتوب لم نسمع ولم نكن حضور في مشكلة عنصرية واحدة.
عند خروجنا من مجتمع القرية وحنتوب إلي الجامعة والحياة العملية بدأنا نفهم التمايز القبلي إلي أن هجرنا السودان
وإكتوينا بنار الغربة ومن ثم القبلية الصارخة التي ضربت النسيج الاجتماعي السوداني. نحاول أن نحتفظ بتلك الصورة الجميلة التي جمعتنا
بالاحباب من كل بقاع السودان دون جدوي فالكل بدأ يتساقط أمام هذا التيار الجارف.
فما نسمعه في الكلب هاوس يشيب لها الولدان، لم نشارك ولكننا نسمع،
بإختصار: لا للعنصرية والاصطفاف والانفصال علي هذا الاساس
السودان يسع الجميع
تحياتي
Post: #7 Title: Re: هل المطالبة بالإنفصال يعتبر ضرب من العنصر Author: Mahjob Abdalla Date: 10-01-2021, 10:21 AM Parent: #6
سلام ود المدير هنا تسجيل ل بلدياتنا د. فقيرى حمد ممكن يكون relevant للنقاش هنا " target="_blank">
Post: #8 Title: Re: هل المطالبة بالإنفصال يعتبر ضرب من العنصر Author: HAIDER ALZAIN Date: 10-06-2021, 12:30 PM Parent: #7