هذه المظاهرات وما كان قبلها لا تخدم غير الكيزان

11:14 PM October, 01 2021

سودانيز اون لاين
منتصر عبد الباسط-
مكتبتى
رابط مختصر

ما هي مطالبهم ؟!
لو وافق العسكر وأعطوا السيادي كولو للمدنيبن
دا أكبر انجاز سيكون تحقق للكيزان
لأنو هناك أطراف كثيرة تنتظر ابتعاد العسكر من المشهد
ليصعدوا تحركاتهم لاجهاض الفترة الإنتقالية وكلها المحركنها
الكيزان لذلك الكيزان يسعون عبر اختراقهم لليسار السجمان
لفعل كل ما يدفع العسكر لنفض يدهم من دعم الثورة ودعم
وحماية الفترة الإنتقالية
فالكيزان جاهزين لسنارويين متوقعان في حال يئس العسكر
من استمرار الشراكة الموسعة أو المختصرة علي الشراكة مع قحت
الإحتمال الأول يريده القحاتة الغبيانين والكيزان الماكرين
وهو أن ينفض الجيش يده من الشراكة ويترك كل السلطات للقحاتة
كنوع من فكرة (علي وعلى اعدائي) ويقدم البرهان استقالته
ويتبعه حميدتي
يمشي البرهان بيتو ويمشي حمديتي بجيشو الخلا يترقب
ليهجم الكيزان علي حملان قحت
ويجدون الحركات المسلحة سبقتهم
وكل حركة شالت الحتة المتيسرة ليعلن الكيزان
الجهاد وعيييييك يا فوضي وكأن القحاتة انخسفت
بيهم الأرض
التصرف التاني
يعلن الجيش اخراج قحت من الشراكة
وإعلان حكومة جديدة ويستخدموا القمع ضد المتظاهرين
ويتكون عهد شمولي لكن مبارك دوليا
زي نظام السيسي
ودا برضو خيار ما بطال للكيزان
بستطاعتهم العودة عبره للمشهد
تدريجيا ويخرجوا من السجون
ويعودا للسلطة تدريجيا

يا حبيبنا منتصر
انت بتقرا من ياتو كتاب

ما بحصل لانو العملاء البرهان وحميرتي امريكا ماسكاهم من بيضهم
ولو، لو ( لو ) حصل
اي تحرك زي دة للكيزان حا يتعلقو في مشانق قدام بيوتهم ...

الشعب دة خلاص صبر عليهم ما فيه الكفاية . وبعد كدة ما حيشوفو الا ( ما كسبت يداهم)

يا منتصر والله مبالغة وزي ما قالوا ليك فوق انت بتقرأ
من ياتو كتاب ؟؟
ياخ الشعب دا نسيتو نهائي واللا ما معترف بيهو واللا كيف ؟
الشعب الذي ازال اعتى منظومة أمنية بعسسها وكتائب ظلها
ودفاعا الشعبي والما شعبي و..و..و تفتكر ح يخليهم تاني يرجعوا
كيف بس ؟؟
اذا كان دحرهم وهم في أوج قوتهم وبطشهم فما بالك وهم حاليا
مرجفين ضعفاء لا حول لهم ولا قوة .
المواكب التى خرجت وستخرج لاحقا لحسم نوايا الفلول ومغامراتهم وقد
وصلت الرسالة لهم ولغيرهم بل ولكل العالم وستصل مرة واتنين وتلات
إلى ما نهاية وفي كل مرة ستكون أكثر وضوحا من سابقتها.
من وجهة نظري مزق الكتاب البتقرأ منو دا وأرميهو في أقرب مكب
هذا مع كامل الاحترام والتقدير لقرايتك طبعا.

الكيزان شقا تهم شقاوة

صراعات الحشود والمسيرات المؤيدة للسلطة أو أجنحة منها
انما هي عادة كيزانية مارستها الانقاذ طولل ٣٠ سنة
ومارسها الحزب مع أو ضد البشير حتى ايام سقوطه
وفي النهاية ما أفادت غير الصرف والاتفاق على الترتيبات وشراء الذمم

والله بالغتو!
العراك الأن ليس بين الكيزان كسلطة حاكمة
والمعارضة
بل إن العراك على تركة وغنيمة خلفها الكيزان
هو عراك بين كتل وأحزاب
كل حزب منها يريد نصيبه منها
ولسان حالهم قال ولا زال يقول
كتروا الشوربة حقت اللحم عشان
تكفي
أعملو عشرة مدنيين في السيادى
وما تسيبو راس النيفة رئاسة السيادي للعسكر
العسكر زي الجزار الوقع في سيد خروف بخيل😂
والرفض للإنتخابات
وابتزاز العسكر كي يسلط اليسار
دون غيرهم ويمنحهم سلطة ابدية
ويكون العسكر حراس وغفر لليسار
ليبرتعو فيها
البرهان هو وياسر العطا وربما حميدتي
ربما بصغط اماراتي من خلفه مصر الوحيدين
الحريصين على الشراكة مع المدنيين
تستمر حتى العبور لبر السلام
للخلاص من كيزان السودان
والكيزان يدعمون التصعيد في الخفاء
عشان يخسر المدنيين أنصارهم من العسكر
وينكشف الظهر وينهار ما تم تحقيقه
اليسار مدعومين الأن من الكيزان
زي الزول البأجر سكران عشان يخرب الحفلة
فلم يكن دعم السكران ودفع حق البتاع
حبا فيه لكن كهدف تكتيكي لا أكثر