Post: #1
Title: الحزب الجمهوري في أمريكا .. يرفع ضغطنا .. وي وي وووي .. كتمت فينا!
Author: Biraima M Adam
Date: 09-30-2021, 01:12 PM
12:12 PM September, 30 2021 سودانيز اون لاين
Biraima M Adam-أمريكا الشمالية
مكتبتى
رابط مختصر
6 مليون من موظفي الحكومة الفدرالية والمستشارين .. مهددون بالأيقاف منذ غداً الجمعة من وظائفنا .. بسبب تعنت الجزب الجمهوري للمصادقة علي رفع قف دين أمريكا ..
بريمة
|
Post: #2
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 09-30-2021, 01:17 PM
Parent: #1
تصحيح
وهل تصدقوا الديون التى يراد سدادها هى ديون حكومة الجمهوريين في عهد الرئيس دونالد تراب .. فواتير سابقة .. ورطوا فيها الشعب الأمريكي .. والأن قالوا ما يرفعوا سقف الدين لكي يسددوها!!
بالله شفتم حكم أبتكوا .. أكلوا تمام وقشوا خشومهم .. وعايزين ينفضوا أيديهم بيضاء من سداد فاتورة أكلهم!
بريمة
|
Post: #3
Title: Re: الحزب الجمهوري في أمريكا .. يرفع ضغطنا .. وي
Author: بدر الدين الأمير
Date: 09-30-2021, 02:11 PM
Parent: #2
تصرخ بس ياعبار
|
Post: #4
Title: Re: الحزب الجمهوري في أمريكا .. يرفع ضغطنا .. وي
Author: عماد الدين الطيب عمر
Date: 09-30-2021, 02:39 PM
Parent: #1
ايوة يا اخي
خليك في امريكا بتاعتك دي
كل يوم قادينا حميدتي حميدتي
انت السودان مالك و مالو
|
Post: #5
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 09-30-2021, 06:05 PM
Parent: #4
المورقاتي، ود الأمير،
مؤآساة ساكت ما في .. !
دي خوة شنو دي
المغصة .. ما يصوتوا إلا متأخرة اليوم يعنى 11:59pm .. حتى نعرفوا النتيجة .. مساء الخميس اليوم ..
نكونوا مساهرين منتظرين القرار ..! ..
ومن لحظة أعلان النتيجة .. لو ح يقفلوا الحكومة .. هناك موظفين ح يكونوا شغالين طوال الليل حتى يرفدوا كل الموظفين ويقفلوا الحكومة ..
-----------------
المورقاتي: زي الموظفين البقفلوا الحكومة ديل .. لو السودان كان الجماعة رشوهم .. عشان يخلوهم!
بريمة
|
Post: #6
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 09-30-2021, 06:15 PM
Parent: #5
Quote: ايوة يا اخي
خليك في امريكا بتاعتك دي
كل يوم قادينا حميدتي حميدتي
انت السودان مالك و مالو |
أنت شمتان ليه؟
أنت مفتكر نحن في السودان؟؟ ..
ح يدونا قروش بتاعت ال Unemployment .. قروش البطالة لأننا رفدنا ليس بسبب فشل أداء وظائفنا .. لكن نتيجة فشل الحكومة ..
بالنسبة لي لأني جاي مستشار من شركة في القطاع الخاص .. شركتنا تستمر تدفع لينا مواهي كاملة ونحن في منازلنا .. وإذا لم تستطع يتم تسرحنا وتدفع لينا حق البطالة إلي نجدوا عمل أخر أو يمضي علي الواحدة 6 أشهر ولم يتحصل علي عمل ..
يعنى علي أقل تقدير .. ح يكون عندي قروش 6 شهور وأنا عاطل .. وما تنسي قروش كورونا برضوا ح أستلمها .. الشغلانه شكلها أفضل من الدعك الذي نحن فيه.
العم سام سخي سخاء حاتم الطائي ..
بريمة
|
Post: #7
Title: Re: الحزب الجمهوري في أمريكا .. يرفع ضغطنا .. وي
Author: Gafar Bashir
Date: 09-30-2021, 06:23 PM
Parent: #6
| Quote: ليس بسبب فشل أداء وظائفنا .. لكن نتيجة فشل الحكومة .. |
مش الحكومة دي هي شغل الموظفين اللي هم انتو ولا انا غلطان
|
Post: #8
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 09-30-2021, 09:24 PM
Parent: #7
حافظ،Quote: جعفر
| Quote: مش الحكومة دي هي شغل الموظفين اللي هم انتو ولا انا غلطان |
لا لا .. يا حافظ .. نحن ليس السبب .. نحن هنا بنقتل أنفسنا في الشغل .. ما تشوفنا معاكم كل الوقت .. أنا قدام الكمبيوتر 16 ساعة عمل .. وأي "بريك" بخش معاكم أنّقر وأطلع.
السبب هو الأدارة الأمريكية .. وكلمة إدارة يقصد بها الحكومات المتعاقبة ..
مثلاً الفاتورة التي يراد تغطيتها .. هى بسبب سياسية الرئيس دونالد ترامب .. عمل تخفيض للضرائب للمواطن الأمريكي .. وقلل فاتورة العلاج .. وعمل سور ما بين أمريكا والمكسيك .. وعييك ..
هذه الفواتير هى مديونية علي الحكومة والمفروض يتم سدادها من عوائد أخري .. ولحكمة الله، جاء الكورونا وتحول الصرف لتغطية الصرف علي تطعيم كورونا ..
وحصلت الفجوة ..
ومثل هذا الخلل يحصل بأستمرار .. مرات الصرف علي الحروب الخارجية برضو يدخل فاتورة جديدة .. وهناك برامج تسمى ال Entitlements .. وهى البرامج التى تغطي الصرف علي كبار السن .. والأسر الضعيفة .. وقدامي المحاربين .. وغيرها هى تأكل من ميزانية الدولة دون عائد .. فإذا الكنغرس رفض الصرف عليها ترفع الحكومة العجز لتغطيتها ..
وهكذا تحصل الفجوات في الميزانية مما يؤدي إلي رفع ال Debt Ceiling .. رفع سقف الديون ..
يا حافظ نحن هنا لو عينك رمشت بشلعوك .. والله ما عندك خيار غير تنجح .. one way
--------------------------
معذرة يا جعفر .. رديت عليك بأسم حافظ بشير
بريمة
|
Post: #9
Title: Re: الحزب الجمهوري في أمريكا .. يرفع ضغطنا .. وي
Author: Nasser Amin
Date: 09-30-2021, 09:48 PM
Parent: #8
يا بريمة سلامات
ان شاء الله و باذن الله ما بتجيكم عوجة دعواتنا
لكم و ربنا كريم.
بس لو بطلت الانحياز الاعمى للقبيلة و الاجندة
الغريبة علينا يكون أحسن و أبرك.
شفت السودانيين الليلة قالوا شنو؟ في الخرطوم
و في مدن اخر.
مدنية و بس
|
Post: #10
Title: Re: الحزب الجمهوري في أمريكا .. يرفع ضغطنا .. وي
Author: كمال عباس
Date: 09-30-2021, 10:08 PM
Parent: #9
ودا قاعد كل سنة مع الأعياد
|
Post: #11
Title: Re: الحزب الجمهوري في أمريكا .. يرفع ضغطنا .. وي
Author: Deng
Date: 10-02-2021, 09:15 AM
Parent: #10
يا عبار أنت ما حضرت زمن بيل كلينتون في منتصف التسعينيات؟
عندما هدد الجمهوريين الذين كانوا يستحوذون على الأغلبية في الكونجرس بقيادة نيوت قنقريتش في الكونجرس الرئيس بيل كلينتون بأنهم سوف يقفلون الحكومة بسبب عدم التوصل لأتفاق حول الميزانية، قال لهم أقفلوها والشعب الأمريكي سوف يلفظكم في الانتخابات القادمة. قبل الجمهوريين التحدي وقفلوا الحكومة في فترتين. الفترة الأولى كانت لمدة خمس أيام والفترة الثانية امتدت لأكثر من 21 يوما. وفي الانتخابات التالية خسر الجمهوريين الانتخابات الرئاسية وفاز الرئيس كلينتون بفترة ثانية أنتعش فيها الاقتصاد الأمريكي والعالمي بصورة ملحوظة.
|
Post: #12
Title: Re: الحزب الجمهوري في أمريكا .. يرفع ضغطنا .. وي
Author: Osman Musa
Date: 10-02-2021, 09:40 AM
Parent: #11
يا أخ بريمة سلام
احمدو ربك كتير انك مقيم في بلاد فيها دستور محترم .
ما بتجيك عوجة يا زول .
الأخ دينق.
سلام
النجاح الاقتصادي الضخم الصادف فترة الرئيس كلينتون
يرجع لوزير خزانتو روبرت روبن صاحب العقل المتقد .
والله يا دينق روبن دا يستحق تمثال في أي ملف.
|
Post: #13
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 10-02-2021, 01:06 PM
Parent: #12
العبار دينق
أنا لم أعرف كيف تم تمرير القرار .. هل الزعيمة بيلوسي مررت القرار عن طريق النواب الديمقراطيين فقط .. أم ماذا فعلت ..
ما يهمنى صحيت الصباح .. ولقيت ما شالوا ال access بتاعي بره السيسم ..
بريمة
|
Post: #14
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 10-02-2021, 01:11 PM
Parent: #13
ول أبا ناصر أمين
Quote: ان شاء الله و باذن الله ما بتجيكم عوجة دعواتنا
لكم و ربنا كريم.
بس لو بطلت الانحياز الاعمى للقبيلة و الاجندة
الغريبة علينا يكون أحسن و أبرك. |
دعوتك مقبولة بإذن الله .. أنت رجل صالح يا ول أبا ..
في المسألة السياسية .. نحن نضغط من أجل حقوق تنمية متوازنة لكل شعبنا .. السيد حمدوك .. حقنا .. عايشين في محلية واحدة .. عشان تعرف أجندتي ما فيها قبيلة ..
لكن أنا واقف مع حميدتي في أقصي الغرب .. ومع الناظر ترك في أقصي الشرق .. دي يسووها ككيف؟
بريمة
|
Post: #15
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 10-02-2021, 01:18 PM
Parent: #14
ول أبا عثمان موسي
سلام ..
Quote: النجاح الاقتصادي الضخم الصادف فترة الرئيس كلينتون
يرجع لوزير خزانتو روبرت روبن |
والفشل الذريع في عهد الرئيس جورج بوش الأبن .. بسبب وزير الخزانة ألن قرين ..
حقه يسووا ليه تمثال بتاع shaming .. خرب الأقتصاد العالمي بمسألة ال bad assets والتأمين علي التأمين .. وتأمين التأمين .. ولغته غير المفهومة في الأقتصاد.
بريمة
|
Post: #16
Title: Re: الحزب الجمهوري في أمريكا .. يرفع ضغطنا .. وي
Author: Deng
Date: 10-02-2021, 02:05 PM
Parent: #15
Quote: العبار دينق
أنا لم أعرف كيف تم تمرير القرار .. هل الزعيمة بيلوسي مررت القرار عن طريق النواب الديمقراطيين فقط .. أم ماذا فعلت ..
ما يهمنى صحيت الصباح .. ولقيت ما شالوا ال access بتاعي بره السيسم .. |
يا عبار أعتقد أن هنالك إتفاق مؤقت لتشغيل الحكومة لفترة مؤقتة لا أدري المدة كم ولكن قد تكون بداية ديسمبر.
بالله أنت يا عبار مع العامة!
ياخ أنا كنت قايلك مع الجماعة ألوظائفهم تعتبر وظائف أساسية وهامة (Essential jobs)
|
Post: #17
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 10-02-2021, 02:14 PM
Parent: #16
العبار دينق،
| Quote: ياخ أنا كنت قايلك مع الجماعة ألوظائفهم تعتبر وظائف أساسية وهامة (Essential jobs) |
قضيت أكثر من 10 سنوات .. مهما يحصل للحكومة نحن نكون شغالين .. لكن المسألة فيها عذاب .. قوانين صارمة ..
الأن نحن في أرشيف الكنغرس الأمريكي .. والإرشيف ليس من من الأسنشيال ..
ههههاي أنا زول civilian محل القروش تقع أنا واقع ..
بريمة
|
Post: #18
Title: Re: الحزب الجمهوري في أمريكا .. يرفع ضغطنا .. وي
Author: Deng
Date: 10-02-2021, 02:17 PM
Parent: #16
Quote: والفشل الذريع في عهد الرئيس جورج بوش الأبن .. بسبب وزير الخزانة ألن قرين ..
حقه يسووا ليه تمثال بتاع shaming .. خرب الأقتصاد العالمي بمسألة ال bad assets والتأمين علي التأمين .. وتأمين التأمين .. ولغته غير المفهومة في الأقتصاد.
بريمة |
يا عبار ما تظلم الراجل ساكت. الين قرين سبان لم يشغل وظيفة وزير الخزانة، لقد كان ال (Federal Reserve) لمدة طويلة جدا من أيام ريجان لغاية 2006.
|
Post: #19
Title: Re: الحزب الجمهوري في أمريكا .. يرفع ضغطنا .. وي
Author: Biraima M Adam
Date: 10-02-2021, 02:32 PM
Parent: #18
| Quote: يا عبار ما تظلم الراجل ساكت. الين قرين سبان لم يشغل وظيفة وزير الخزانة، لقد كان ال (Federal Reserve) لمدة طويلة جدا من أيام ريجان لغاية 2006. |
الله يخليك يا العبار دينق
الرجل هو كان في ال "فد" FED .. وديل هم يا دينق الذين يخربوا الأقتصاد .. حقيقةً .. ديل بسووا عمايل في رفع وخفض التضخم ..
هنا رؤوساء الفد .. ألن قرين سبان .. هو المنفس جوار المرأة، الرئسة جانيت يلسن ..
وبعدين بالله السر شنو كلهم ينحدرون من أصول يهودية .. ؟
بريمة
|
|
|