|
|
|
 Re: إلى حيدروف .. تعال ومعاك التانين ديلك (Re: طلحة عبدالله)
|
حدثنا عبد المجيد جابر
قال : Quote: مرة الشيخ العلامة عبد الحميد فشك قال في خطبة جماهيرية من خطبة الشهيرة إن تحديد النسل حرام. وقال إن مرة واحدة حبت تتحدي إرادة الله وقعدت تاخد حبوب منع الحمل لكن الله قالها طيب خدي بقى... وفجأة الست الجاحدة الكافرة اللي بتتحدى إرادة الله دي بقت حامل في توأم، وهاتتجنن من إن ده حصل ازاي!! ولما جات تولد، الدكتور وهو بيطلع العيال لقي كل واحد قافل إيده علي حاجة كده مش باينه. ولما فتح إيدين العيال لقي برشام منع الحمل اللي كانت أمهم بتاخده. فخر الدكتور ساجداً، وكبَّر المصلون ودخل الناس في دين الله أفواجا... والدنيا بقت فشاخولا..
|
خخخخخخخ
| |
 
|
|
|
|
|
|
|
|
Re: إلى حيدروف .. تعال ومعاك التانين ديلك (Re: طلحة عبدالله)
|
حاشية
التانين ديلك المقصودين هنا هم
ناس الشيخ فلان قال فلان بدخل الجنة وفلان بدخل
النار
ناس العالم الجليل ماسك مفاتيج الجنة والنار
ناس دا كافر ودا ملحد ودا من الفرقة الناجية
ناس فهم الدين دا خلوه لينا نحن بس انتو عليكم
تبركوا لينا في الجابرة دي وتستغربوا حينا
وتخافوا احيانا وتتبسموا تارة وتجعروا تارة أخرى
ناس اقتلوهم فجروهم جزوا رقابهم انثروا جماجمهم
لأنهم كفار لأنهم سبوا الرسول لأنهم ازدروا الدين
بانتقادهم لفقهاء التراث الذين هم فوق مستوى الخطأ
والعلل البشرية ..
الخ الخ الخ
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: HAIDER ALZAIN)
|
في الابتدائية كان عندنا درس العصر الزامي..
بعدين اي زول قرأ تالتة ثانوي في الحلة بيعتبر استاذ
ومن حقه يجي يملأ درس العصر
وفي الحقيقة خريجي الثانوي اكتسبو الحق دا بندرتهم..
اظنهم كانوا خمسة بالكتير ستة..
المهم استاذ عكاشة عليهو درس الدين..
فقال من ضمن درسه.
واحدة مسيحية ماشية في الغابة قام لم فيها قاطع طريق
وأراد ان يغتصبها.. فاستعاذت منه ودعت وابتهلت بالمسبح وامه ان ينقذوها منه..
فلم يتركها اللص.. ورفعت بوجهه الصليب الذي ترتديه قلادة
فبصق عليه وقال لها انا مسلم..
فرمت بالليل أرضا وقالت أسألك يا اله المسلمين ان تنقذني منه...
فلم يتركها وطرحها أرضا..
وعندما هم بها إذ بثعبان يخرج من شجرة فيلدغه في عنقه ليموت..
بعد اتخيلنا منظر الثعبان والمسلم الشرير ميت جاحظ العينين
والمرأة مطروحة أرضا ونحن نتفكر في ماهية الاغتصاب
فجأة قطع تخيلاتنا سؤال جابر النبيه
ودا لقبو لقبوهو بيو الاساتذه لانه كان شاطر وبيتعلم الانجليزي
من حصص الإذاعة بتاعت بي بي سي..
المهم قال ليهو.. والمرأة أسلمت؟
رد استاذ عكاشة..
نعم وحسن اسلامها..
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: HAIDER ALZAIN)
|
وقال ليك راجل صالح كان ماشي في الشارع معاهو تلميذه بعلم فيه
لاقاهم شافع ماشي في الطريق ولا سألهم ولا اتكلم معاهم قام الرجل الصالح سل ليك سيفه وجخخخخخ ضبح الشافع
المعاهو قال ليه دة شنو يا شيخنا دحين دي ما جريمة قتل؟!!
قال ليه لا لا الولد دة أمه وأبوهو ناس صالحين لكن هو لمن يكبر حيعذبهم بي كفره عشان كدة قلنا نجازفه من هسة ما يتعب لينا المؤمنين ديل
________
تطعنوا في ضل الفيل سااااااااي اولاد الهرمة 
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: HAIDER ALZAIN)
|
اي اي يا حيدروف ديل ناس البقول ليك الفيضان
دا غضب ولو جاء عندهم يقول ليك دا امتحان للمسلمين
عينة البقولوا ليك اذا اكلت بالشمال الشيطان بياكل معاك
زي ديل يا حيدروف أنا شايفهم مغيبين وبسطاء ساي
لكن الكلام في أصحاب الدقون الطويلة والجلاليب القصيرة
من عينة البعدي رمضان كلو يسأل الله أن يبيد الكفار وبلادهم
وبعد العيد يمشي يقضي اجازتو في بلاد الكفار ديل
ناس المرأة كالدواب لأن كلاهما مركوب خخخخخخخ
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: طلحة عبدالله)
|
يا طلحة انت ماشي بعيد لشنو
في قريتنا في الشمالية مقابر اسمها مقابر منصور
الناس بتحكي قالوا اصلاً الموقع دا ما كان مقابر لكن لما اتوفى شيخنا منصور
الناس شالت الجثمان ومشو المقابر المعروفة لكن بمجرد ما ختو العنقريب في الواطة
العنقريب طاااار والناس بقو يهللو ويكبرو ويصرخو ويعوعو وجارين وراهو لحدي ما استقر في الحتة الاتعملت فيها المقابر الحالية
شفت كيف؟؟؟؟
لاقاني واحد في مصر قبل سنين حلف قال شيخو قعد تحت الموية تلاتة يوم
قلتلو شيخك دا اسمو فنجاط وللا منو !!!
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: أحمد محمد عمر)
|
ياعمك الفيـل وقت حب يفتح حتة يمرر منها الحاجات دي للناس اختار منهم صفوة وفق اشتراطات
وحييات معينة .. مررها آيات ودلالاات للبهم الناكرنه وناسينه همسيلف...
تاني بالخاتم المصطفى عليه افضل الصلاة والسلام قفل الباب دا وخلى للبهم عقلهم وفكرهم وتدبرهم ..الأداهم العلم
الخلاهم هم براهم يصنعوا آيات بتمثل معجزات وسحر في زمن القبلهم.. لاية ما يفتح الباب مرة تانية للوصفو بالكلــب ..
اها دا بيجي في ظرف نكران ونسيان عظيييم ..
الناس المبطبطة وعيونها بتنشف من الدموع قدام الكعبة زييك .. ديل اول ناس حا يكوركو
أوووه ماي God الشغلانية اتاريها صحي .. ويجروا يباروا الكلب....
في اللحظة ديك امثال الصنديد طلحتوف بيكون عاضي على دينه على فرع شجرة ويكفكف في جلابيته من الخمسين مزة البيجرنها تحت الشجرة. :)
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: HAIDER ALZAIN)
|
| Quote: ياخي اكتر تجارة مربحة هي بيع منتج للناس ما حا تستخدمو الا بعد تموت |
نسيبي، خال المدام أحد المدافعين عن دين الله والذائدين عن حياضه صباح مساء على أرض المعارك بمنصة فيسبوك
عندو كمية ضخمة من الأبحاث العلمية القيمة المنشورة فيسبوكياً حول خطر العلمانية والتحذير من كفرها، على شاكلة: ذكر أحد العلمانيون التائبون إنه الدين العلماني أباح للرجل الزواج من خروف أقرن
مرة نشر صورة الفوتوشوب الفيها صورة محمود محمد طه وقالوا أضافها القراي لمنهج التربية الاسلامية
قلت ليه يا الحبيب عندك نسخة من الكتاب دة أو منشور من إدارة المناهج أو أي حاجة بتسند الخبر الانت نشرته دة ولا ياها بس الصورة المفبركة دي؟
يقول لي أنا متأكد من الكلام دة وانت أصبر وحتشوف
لما زنقته شديد قال لي ياخي بداية العام الدراسي باقي ليها كم شهر ننتظرها وبعد داك بتتأكد بي نفسك
بصراحة اليوم داك عجبتني ثقته في نفسه :)
مريح ليك روحه خاص من حركات ناس البشرى بتاعة أمشي فتش الدليل والمصدر وبتاع
_____________
ذات مرة بعد أن خلص منشوره اليومي في ذم العلمانية رسل لي رابط بتاع هجرة لي كندا وقال لي يا هندسة شوف لينا معاك الموضوع دة .. والله صحي
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: أحمد محمد عمر)
|
والغريب في كدا شنو يا أبو حميد
ما أهو الشيخ الجليل والقطب الاسلامي الكبير
عبد الجي يوسف أو أيا كان اسمه بشتم وبسب
في العلمانية من تركيا ولا استبعد والله أن يكون
مقيما قرب (تحت أو فوق) أحد البارات أو الأندية الليلية..
يا زول جيب لينا كلام نندهش فيهو مش تقول
لي خال المرا عايز يقدم طلب هجرة لكندا ...
علي الطلاق هسة الواحد يقوم يعد ليك أولاد وأهل وأقارب ناس أمريكا
روسيا دنا عذابها القاعدين في أمريكا وبلاد
الكفر والألحاد .
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: HAIDER ALZAIN)
|
هوي يا احمد عمر ما تلقى تنظير مسكين ساي و تطلع بيه العالي
نحن نؤمن بالقرآن إيمان يقين, اي شي مذكور فيه مصدقنه و مؤمنين بيه, أما ما عداه فقابل لكدا وكدا
اسي الزول الانقلب نصو حمار دا قدام القاضي لو كان ذكر في القرآن كما ذكرت القصص الأخرى كنا آمنا و صدقنا.
____________________
صحي سميك تاب آمن و اعتزل الشغلة ولا حركات واتساب ساي
| |
|
|
|
|
|
|
|
|
Re: إلى حيدروف .. تعال ومعاك التانين ديلك (Re: طلحة عبدالله)
|
| Quote: مصدقنه و مؤمنين بيه |
أيواااا دي ياها تسليم القلتها أنا ذاتي
بدون أي منطق أو دليل معملي زي ما قال الإمام علي لو كان الدين بالرأي لكان أسفل الخف أولى من أعلاه
فااا شنو داير تنتقد الأحداث دي انتقدها عشان ما وردت في القرآن لكن ما تنتقدها عشان ما منطقية لأنه في زيها واردة في القرآن
____________
سميي دة أحمد عمر؟
أهو داك يا زول بتونس معانا في البوست بتاع قلة الأدب :)
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: أحمد محمد عمر)
|
| Quote: صحي سميك تاب آمن و اعتزل الشغلة ولا حركات واتساب ساي |
أهااااا انت قاصد الواثق من نفسه؟
تصدق قالها حيدر لكن ما انتبهت ليها :)
دي آخر تغريدة ليه | Quote: أنا حاسي إنه الله دا لو نزل بي كرعيو عديل الشعب الدوساني دا حيخُت إيده في كتفه و يقول ليه: أقعُد يا حاج نحنا بننجز ليك أمورك، إنت كبرت على الكلام دا خليك مرتاح في كرسيك دا بس. |
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: أحمد محمد عمر)
|
يا صلاح الزبير
أنا جبت كلام دجالين مشعوذين بتاعين أساطير
قاعدين يفتروا على الله بالكذب زي بتاع
حيدروف واللي رديت عليهو ببتاع عبد المجيد
جابر القالوا الشيخ العلامة عبد الحميد فشك او أيا كان اسمو
ودا من باب السخرية على هذه الهرطقات المأفونة خخخخ.
وعليه....
الزندقة في البوست دا على مسؤلية أحمد محمد عمر
وهيثم غالي وجرجير فوق البيعة .. خخخخخخخ
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: طلحة عبدالله)
|
Quote: وكان سلمان وأبو الدرداء يأكلان في صحفة فسبحت الصحفة أو سبح ما فيها،
وعباد بن بشر وأسيد بن حضير خرجا من عند رسول الله صلى الله عليه وسلم في ليلة مظلمة فأضاء لهما نور مثل طرف السوط فلما افترقا افترق الضوء معهما. رواه البخاري وغيره |
قال ليك هم بياكلوا والأكل بسبح :)
وديل عصاتهم انقلبت بطارية لمن اتفارقوا العصاتين بقن بطاطير وضون ليهم
_________
البخاري دة بنحقر ليكم عادي .. داك عفيناكم منه
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: طلحة عبدالله)
|
أمسك عندك دا يا طلحتوف ..
دا من عينة حبيبنا منتصر عبدالباسط بس معكوس من مراية و شايف الخزعبلات جزء من الدين..
Quote: واااا دي ياها تسليم القلتها أنا ذاتي
بدون أي منطق أو دليل معملي زي ما قال الإمام علي لو كان الدين بالرأي لكان أسفل الخف أولى من أعلاه
فااا شنو داير تنتقد الأحداث دي انتقدها عشان ما وردت في القرآن لكن ما تنتقدها عشان ما منطقية لأنه في زيها واردة في القرآن
|
يا احدهم ما ذكره ليك طلحة وضربنا له الامثال ليس هو الدين..
ولا الممارسات دي بتعني الدين..
فرق بين ورود الاحداث دي في القرآن عظة ومواعظ وسرد للغيبيات الشكلت جزء من ايمانك بالدين ككل .
وبين تجليها وإدعاء آخرين انه حدثت او بتحدث ليهم او لمعارفهم وشيوخهم..
إذا جيت تساوي لي بين الكلام ورواة الاحداث دي ومابين ورد في القرآن..
فانت بتعتقد او تعتنق انه هؤلاء المشائخ او اصحاب الكرامات دين..وليسم عوالق وطفليات تتلصق وتتغذى باسم الدين على حساب الرجرجة والدهماء !
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: أحمد محمد عمر)
|
جاء اتونس معاهو وقال ليهو ربنا راضي عنك ووصاهو ومشى
والا جاء قال ليهو اخترت انت واديتك رسالة للناس
او يجي مثلاً يقول ليهو انا برسل ليك عزرائيل وجبريل امشي اقتلالكفار..
حلمه البيرويهو لي وتصرفه هو البيحكم موقفي منه عشان اعرفه اتعشى ونام تقيل .!
بعدين خليك من دا كله
انا القدامك دا حلمت بالرسول وحلمت بي ابوبكر
ومرة انا وعمر بن الخطاب اتشاكلنا في الحلم لمن سكاني بالحلة ..
وغيرهم ..
اما الكان بيجوك زمان في مسلسل رمضان لا اله الا الله محمد رسول الله
فاحلامي بيهم ما تديك الدرب .
وإنت ودرجة ايمانك تصدقني والا لا
قالوا المؤمن صديق:)
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: HAIDER ALZAIN)
|
whatever
سؤالي هل عندك معيار ثابت محكم بترفض أو تقبل بيه الحلم؟
بعدين هل في قائمة معتمدة بالمواضيع الممكن تتكلم بيها مع النبي؟
معيارك شنو في رفض الحبة الأبت تتهضم والنص الانقلب حمار؟
هل عندنا مقياس لقدرة ربنا ؟ يعني بنقدر نجيبه ونحدد بيه هل الموضوع دة صعب على ربنا ولا ببقى؟
إحساسك تجاه الزول ما بنفع مقياس لأنه الشيخ الإنت شايفه دجال حيرانه شايفينو ربع نبي، والاتنين ما عندكم برهان من الله على تصنيفكم دة
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: أحمد محمد عمر)
|
دي أسئلة كتيرة منك يآخ ..
بعدين بتحول الحدث من فضاء الدجل العام لدجلي التجملي عن نفسي
وهو نفس العقبة الوقف فيها حمــار المستنير .
| Quote: سؤالي هل عندك معيار ثابت محكم بترفض أو تقبل بيه الحلم؟ |
نعم المعيار قلته فوق.. الرسول جاك لشي خاص ليك براك والا جاك كمبعوث للناس؟
| Quote: بعدين هل في قائمة معتمدة بالمواضيع الممكن تتكلم بيها مع النبي؟ |
سؤالك دا ماعنده اي حتة هنا .. او مامفهوم..
| Quote: معيارك شنو في رفض الحبة الأبت تتهضم والنص الانقلب حمار؟ |
مزاج ساااي ..
| Quote: هل عندنا مقياس لقدرة ربنا ؟ يعني بنقدر نجيبه ونحدد بيه هل الموضوع دة صعب على ربنا ولا ببقى؟ |
نعم عندي ابييلتي scale
Quote: إحساسك تجاه الزول ما بنفع مقياس لأنه الشيخ الإنت شايفه دجال حيرانه شايفينو ربع نبي، والاتنين ما عندكم برهان من الله على تصنيفكم دة
|
إنت اساساً ما ممكن تقيسني او تضع حكمي على الشيـخ وفقاً لحيرانه والشايفنه ربهم او تفتكر انه نظراتنا واحدة ..
لا
كدة بتكون نزلت سكيللي شديد وخليتني زي وزي بقية العوام
المهم
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: HAIDER ALZAIN)
|
Quote: هل عندنا مقياس لقدرة ربنا ؟ يعني بنقدر نجيبه ونحدد بيه هل الموضوع دة صعب على ربنا ولا ببقى؟| Quote: نعم عندي ابييلتي scale |
|
يا سلااام ياخ كدة الواحد ممكن يطلع بمعلومة جديدة من البوست
يلا اتكلم لينا عن حدود قدرة ربنا وكيفية قياسها
وعشان نكون عمليين هل بتعتقد إنه ربنا ما ممكن يقلب شاهد الزور حمار؟
| |
|
|
|
|
|
|
|
|
|
Re: إلى حيدروف .. تعال ومعاك التانين ديلك (Re: أحمد محمد عمر)
|
ديشاااااك
وحاة الله اجتماع 45 دقيقة بس لكن كبوا فيني كمية شغل! مطرة بس
دي شكلها كرامة من كرامات البوست
أراد أن يتزندق فأسكته الله
دي زي خطبة الترابي بعد طلع من جلدة كندة بتاعة أرادوا أن يسكتوني فأنطقني الله :)
المهم
أخدو راحتك في الإجابات المافيشة
أنا ما حأقدر اكتب حرف قبل يوم السبت ... دة لو لقيت طريقة
يلا فتناكم بي عافية
يا شفتوني السبت يا غطست تاني زي الغطسة الفاتت
سلام
| |
|
|
|
|
|
|
| |
طلحة عبدالله
HAIDER ALZAIN
عبدالمنعم الطيب حسن
محمد البشرى الخضر
Salah Zubeir
Ahmed Yassin
فيس بوك
تويتر
انستقرام
يوتيوب
بنتيريست