Post: #2
Title: Re: خالد سلك ووجدي صالح في المواجهة
Author: محمد البشرى الخضر
Date: 09-22-2021, 06:41 PM
Parent: #1
التصريحات المتداولة عن استعدادهم للمواجهة المنسوبة لسلك دي حقيقة يا دفعة؟
|
Post: #3
Title: Re: خالد سلك ووجدي صالح في المواجهة
Author: Gafar Bashir
Date: 09-22-2021, 06:55 PM
Parent: #2
اظنها لكنما لاقي المصدر حتي الان
|
Post: #4
Title: Re: خالد سلك ووجدي صالح في المواجهة
Author: Gafar Bashir
Date: 09-22-2021, 06:58 PM
Parent: #3
كان عنده لقاء في الجيزرة مما لاقي الرابط تبعه والكلام منسوب للقاء
|
Post: #5
Title: Re: خالد سلك ووجدي صالح في المواجهة
Author: Gafar Bashir
Date: 09-22-2021, 07:11 PM
Parent: #4
الخرطوم: نبض نيوز
انتقد وزير شؤون مجلس الوزراء خالد عمر يوسف الشهير بسلك، تصريحات رئيس مجلس السيادة الانتقالي الفريق أول ركن عبد الفتاح البرهان ونائبه الفريق أول محمد حمدان دقلو،and واعتبرها تهديد للتحول الديمقراطي.
وقال إن بعض الجنرالات يقرأون من الكتاب القديم، وأضاف أن البرهان وحميدتي تناسيا الوضع الأمني وهو مسؤولية المكون العسكري.
وتابع: جاهزون للمواجهة اذا كان المكون العسكري لا يرغب في شراكة.
وأكد سلك في مقابلة مع الجزيرة، أن الفترة الانتقالية ستنتهي بانتخابات حرة وهيكلة للمؤسسات العسكرية.
|
Post: #6
Title: Re: خالد سلك ووجدي صالح في المواجهة
Author: Gafar Bashir
Date: 09-22-2021, 07:15 PM
Parent: #5
لازم المواجهة مافي مفر
العسكر كتروها
وحمدوك زي الاطرش في الزفة
الناس اليدهاي في النار 30 سنة لازم تواجه
تتجاوز ضعف الرموز اللي جوا مكاننهم بالغلط
وتتجاوز ناس سنة اولي سياسة ،،، البفلقوا في روحهم بالحجار ويخبطوا راسهم بالحيط
ولا كل الاتعمل ده والتضحيات في مهب الريح
مؤسف البحصل في السودان ده
|
Post: #7
Title: Re: خالد سلك ووجدي صالح في المواجهة
Author: محمد البشرى الخضر
Date: 09-22-2021, 07:20 PM
مصدر شنو يا جعفر يا خ ما تساله عديل هههه
بعدين شنو حمدوك زي الاطرش في الزفة هو سبب الحيرقان الحاصل دا من العسكر
كلامه امس عن ضرورة هيكلة القوات النظامية و قبل ايام في لقاء الدعم السريع عن ضرورة تكوين جيش واحد و قبلهن بتنظيمه لورشة افضل ممارسات التفكيك ودعا لها اليونيتامس وخبراء دوليين القال احدهم لابد من ان يشمل التفكيك الاجهزة الامنية و قبل كل ذلك في خطاب الفصل السادس البقى عود عشر للجماعة
فا شنو.. اقرا صاح يا دفعة سيبك من هرتلة الطرش ديل
|
Post: #8
Title: Re: خالد سلك ووجدي صالح في المواجهة
Author: Gafar Bashir
Date: 09-22-2021, 07:27 PM
Parent: #7
انا عارف يا دفعة المعلومة
لكن الكلام الحايم عن لقاء خالد مع الجزيرة
يا حبيبنا ما تامل كتير في حمدوك ده مافي مواجهة من حكومته مع العسكر
لو ياريتو بتطش
الموضوع فردي بس
فردي يا شخصي يا حزبي
عشان تعرف تقرا صاح
|
Post: #9
Title: Re: خالد سلك ووجدي صالح في المواجهة
Author: ABUHUSSEIN
Date: 09-22-2021, 07:31 PM
Parent: #7
سلام
الجوز ديل جابو الهوا للثورة
سلك حسب رأي ليه اطماع كبيرة جدا في السلطة اكبر من وزير
و البعمل فيه دا عايز يكبر كومو
وجدي اسلوبو جلف جدا و برضو بلعب صالح ورقو ...
الاتنين دخلو المدنيين في اضافرينم
المهم
|
Post: #10
Title: Re: خالد سلك ووجدي صالح في المواجهة
Author: Gafar Bashir
Date: 09-22-2021, 08:06 PM
Parent: #9
Quote: الجوز ديل جابو الهوا للثورة
|
بالغت يا ابوحسين
الاتنين ديل روح الثورة
احزفهم هسي من المشهد
وقول لي فضل ليك شنو من الثورة ... مجلس عسكري وكمبارس مدنيين
|
Post: #11
Title: Re: خالد سلك ووجدي صالح في المواجهة
Author: Gafar Bashir
Date: 09-22-2021, 09:35 PM
Parent: #10
امجد فريد ينضم للمواجهة في الجزيرة
تابع يا دفعة عشان تعرف الحمدوك ده اطرش في الزفة
المواجهة خيارات فردية وحزبية
|
Post: #12
Title: Re: خالد سلك ووجدي صالح في المواجهة
Author: كمال عباس
Date: 09-22-2021, 10:13 PM
Parent: #11
العسكر يلجأون لخدعة بني أمية
رفع المصاحف علي أسنة الرماح
رفع ورقة المعاناة الإقتصادية والضيق المعيشي في وجه المكون المدني !
كلمة حق أريد بها باطل
حميدتي الذي يستولي علي عائدات الدهب يتحدث عن المعاناة
ومعظم ميزانية الدولة تذهب للأجهزة الأمنية والجيش
وشركات الجيش ومؤسساته الإقتصادية تفاقم معاناة الشعب
ومن ناحية أخري فإن المكون العسكري والقوات النظامية فشلوا في صيانة
والإستقرار وفي التصدي للفوضي والإنفلات
ـ وهذا المكون هو المسؤول عن المجزرة وسفك الدم
لاتتركوهم يتاجروا بمعاناة الشعب وفشل بعض سياسات المكون المدني
واجهوههم بفشلهم وكوراثهم وجرائمهم ـ
|
Post: #13
Title: Re: خالد سلك ووجدي صالح في المواجهة
Author: Gafar Bashir
Date: 09-23-2021, 08:33 AM
Parent: #12
Quote: لاتتركوهم يتاجروا بمعاناة الشعب وفشل بعض سياسات المكون المدني
واجهوههم بفشلهم وكوراثهم وجرائمهم ـ |
ده المفروض يحصل يا كمال والا حصدنا الرماد
كل الانهيارر الاقتصادي والمعاناة نتيجة للنهب المقننن لثروان البلد محمية بالجيش والمليشيات
ورمتني بداءها وانسلت
المشكلة القوي المدنية ما موحدة كل جهة بتفتكر انها الوريث الشرعي ونتظرة فشل الاخرين لاثبات النظرية لافهموا ولا اتعلموا يعني شنو ديمقراطية ومشاركة
وده بخلي المقاومة والمواجهة فردية او حزبية وده المشهد البائس في السودان للناس الانكوت فعلا في التلاتين سنة الفاتت
اما حمدوك وشلة المزرعة الفارغة اللي ساكنين لحد هسي في مكتبه كمستشارين حتي بعد اقالتهم ،،،
،،، ما ترجي منهم رجاء ،،،
|
Post: #14
Title: Re: خالد سلك ووجدي صالح في المواجهة
Author: محمد البشرى الخضر
Date: 09-23-2021, 09:06 AM
Parent: #13
سلك ماقصر! والحالة بدون سفة هههه
|
Post: #15
Title: Re: خالد سلك ووجدي صالح في المواجهة
Author: Gafar Bashir
Date: 09-23-2021, 11:07 AM
Parent: #14
ههههه
ده حالتو
كان ختو ليكم سفة الاتنين ، الا يجروا .
لسة ما تفتحت ملفات الجيش والاجهزة الامنية فساد واعادة هيكلة
|
Post: #16
Title: Re: خالد سلك ووجدي صالح في المواجهة
Author: طلحة عبدالله
Date: 09-23-2021, 11:57 AM
Parent: #14
السلام عليكم
أعتقد أن فاعلية حمدوك تكمن في الذكاء والدبلومسية التى يتبعها
في مواجهة رعاع الفلول وأصحاب المصالح الذين يعلمون
جيدا أن مصالحهم ستضرر وتزول تماما في حال تمكن الحكم
المدني وأصبح الآمر الناهي المتسيد للمشهد .
استغرب جدا في الذين يطلبون من حمدوك مواجهة الدسائس
والمؤامرات التى يعلمها تماما وربما يعرف مصدرها بالقوة
والعنتريات و ورفع الصوت ونفخ الصدر في ظل واقع
يؤكد أن عناصر ( العهر) البائد متغلغون في مفاصل
الدولة بمحتلف قاطاعاتها بما في ذلك القوات النظامية.
رد فعل البرهان وحميدتي الغاضب على تغريدة الاستاذ محمد فكي
سليمان تؤكد هذه الحقيقة، وغنى عن القول أن العساكر شريك
في الحكومة الانتقالية بغض النظر عن الاختلاف أو الاتفاق معهم
دا واقع ينبغي التعامل معه بحكمة ودبلوماسيه بعيدا عن العنتريات
والشعارات المستأسدة .
النجاح يتحقق بحل المعادلات المعقدة بالصبر والحكمة وليس
بالتحديات والعنتريات.
سلخ الفلول وكل من تسول له نفسه ويرشده غباءه للنيل من الثورة
ومكتسباتها مهمة ظل يقوم بها الصناديد أمثال المرعب وجدي
صالح والمعلم خالد سلك وغيرهما من اشاوس الثورة وقد نجحوا
في ذلك تماما وفشوا الغبائن .
|
Post: #17
Title: Re: خالد سلك ووجدي صالح في المواجهة
Author: Gafar Bashir
Date: 09-24-2021, 09:36 AM
Parent: #16
Quote: النجاح يتحقق بحل المعادلات المعقدة بالصبر والحكمة وليس
بالتحديات والعنتريات. |
ده كلام صحيح
ده لا يعني السماح للعسكر بالكزب والتضليل علي اجهزة الاعلام الرسمية وللاعلام سطوته الكبيرة ،،، وجزء كبير جدا من سيطرة الاخوان المسلمين كانت السيطرة علي العقول من خلال الالة الاعلامية الجهنمية
كنا بنقاتل تلايتن سنة عشان نقدر نلقي نافزة واحدة تصل منها لعقل المواطن بدل التضليل والكزب المستمر طوال العقود الماضية
الان وبعد الثورة دي كلها تاني نسمح ليهم باستخدام نفس الالة ونفس الكزب والتضليل بواسطة البرهان وحميدتي والبقية
مافي زول شايل ليهو سيف في التلفزيون
لكن تغبيش الوعي والاكازيب لازم تواجه
ولازم يوضح مهو حقيقة مما هو كزب
الموضوع الثاني في انعدام كبير للشفافية ،،، مهما كان الوضع ومهما كانت صعوبته
واجهوا الناس وملكوا الحقائق ،،،، ده برضو جزء كبير ماخود عليهم
|
|