قالوا الولد وابوه راكبين العربية الاب يشيل وينتر وينهر في الولد يا ولد الشدرة يا ولد العمود الحفرة العمود لامن طاخ العربية خشت فى الحيطة . الابو انعدل سمح وملا يدو وقشط الولد كف الولد لامن اندرش على الطبلون واضيننو صنن بعد الولد فاق شوية قال لابوه لكن يا ابوى السايق انت
تعرف يا ابوحسين عندى صحبى زمن نميري الوقت داك يادوب المجروسات حقت الجيش ظهرت . عندو مقولة بقولها طوالى لو شفت المجروس ماشي براهو بدون سواق ما تخاف منو خاف منو لو سايقو عسكري
دي فرفرة قدام العساكر ساي, سمعت كلام بايدن في الامم المتحدة, كلام فولكر امس برهان دا بالمناسبة جبان جدا و بتاع كلام وصوت عالي ساي, و عادي بجر واطي لما يتعصر
Post: #8 Title: Re: سايقها برهان Author: كمال عباس Date: 09-23-2021, 06:51 PM Parent: #7
كتب في أحد البوستات "رد فعل المجتمع الدولي كان رسالة صادمة وكابوسا لمن يحلمون بالإنقلابات وعودة عقارب الساعة للوراء هل يسعي برهان للتنصل والنكوص عن دورية رئاسة مجلس السيادة ( بين العسكر والمدنين) والبقاء علي الكرسي حتي نهاية الفترة الإنتقالية ولهذا وفي سبيله أضحي يهدد ويتوعد ويلوح بأن العسكر هم ضمان الإنتقال ومن يقودونه
أم أن برهان يعمل جادا علي القيام بعمل إنقلاب والإنفراد بالسلطة؟ هل الناظر ترك ـ يعزف علي نغمة برهان ويعمل لصالحه وبتحريضه
اها يا ودو قريبك شايفو جاري واطى عندي قريبى اصلو ماتسافر معاهو وهو سايق بطمم بطنك بدوس الابنص للتخطى ويشد العربية . يقرب يتخطى بغير رايو . يدوس الفرملة بتاع ملاوزات بقرر يتخطى وبغير رايو جنو قبيض فرامل اها دة بخلى الاعضاء الداخلية حقتك تتلخبت انا بطمم بطنى ومرات بستفرغ عصرت ابنص اعصر واعبر ماداير خليك في سرعتك زاتا
Post: #10 Title: Re: سايقها برهان Author: محمد البشرى الخضر Date: 09-24-2021, 10:21 AM Parent: #9
غايتو ان صحت تسريبات اقول بكراوي في المحضر وان اكنت اشك في التسريب بشدة فمفهوم الى حد ما حديث البرهان الحاول يمتص غضب و احباط العساكر في المدرعات تحديدا من الحال المعيشية لكن دا لا يفسر حديثه تاني يوم في المرخيات ولا حديث حميدتي - المكتوب و الغلبو يقراه!
العساكر ديل براهم ال بعانو الغلاء والضنك والشوارع الحفر والكهرباء القاطعة والمطرة ال ما بتصرف والمدارس القافلة و عطالة الشباب والهجرة ال صارت مجازفة وسنبك او وصفت حال الناس الكل يبكي ويجونا ناس السيادي والوزراء يقولوا لنا هبوا !!!! وانتو وين وعملتوا لنا شنو عشان نهب مفروض كوووولكم ببرهانك ومجلس سيادتكم ووزراءكم تتغيروا .
Post: #12 Title: Re: سايقها برهان Author: محمد البشرى الخضر Date: 09-24-2021, 10:34 AM Parent: #11
اقري دا يا دكتورة
Quote: منقول من صفحة القوات المسلحة
المقدم الركن ابراهيم الحوري رئيس تحرير صحيفة القوات المسلحة بكتب.... ظبي ظبي من :مغاوير الجيش الي: السيد القائد العام و.كل وطني غيور نجح الجيش السوداني بحمدالله في اخماد حريق الانقلاب الذي كا ن يستهدف الفترة الانتقالية التي اضحت وبالا علي السودان وشعبه الذي ماتت أحلامه من اجل وطن تسود فيه قيم العدالة والسلام والحرية ويجد فيه المواطن الغلبان لقمة تسد رمقه وجرعة ماء نظيفة تذهب ظمأه ولكن هيهات اضحت متطلبات الحياة الضرورية عقبة كئود امام شعبنا الابي رسم الفقر ملامحه في الوجوه البريئة ونشب الجوع اظافره علي البطون الخاوية وانعدم الامن والغاز وتكدست العربات امام محطات الوقود التي ضاعفت اثمانه اضعافا مضاعفة الكهرباء اضحت كالخل الوفي الطرق حالها يغني عن السؤال خدعونا بالمشاريع الضخمة والمصانع العملاقة التي يبدو انها كانت محض احلام وركب ادعياء النضال الفارهات وسكنوا القصور واستلموا رواتبهم بالدولار ونسوا البسطاء والكادحين الذين تسلقوا علي جماجهم كراسيهم الوثيرة لم يفلحوا في شئ سوي الكيد لبعضهم وتدمير ماتبقي من وطن الشرق ينزف ولا احد يكترث الميناء اغلق ولا احد يهتم فشل في كل شئ الجيش يخوض حرب مقدسة لاسترداد اراض غابت عن حضنه ٢٥ عام لم يساندوا ولو بكلمة لم يزورا ولا شبر من اراض الفشقة لم تفتح وزارة المالية خزينتها لدعم المجهود الحربي لم يكتفوا بدس المحافير بل شرعت اقلامهم الصدئة تنهش في بواسل الجيش ومغاويره الاوفياء يهمزون ويلمزون ويبخسون النصر العظيم بانه حرب وكالة اعظم نصر لاسترداد ارضنا يوصف بحرب الوكالة والجيش يكظم غيظه ويمم وجه نحو هدفه الاسمي بخلوا علي الجيش بمعدات الغيار والصيانة ويتذمر الجند ولكن قادتهم يذكرونهم بهدفهم الاسمي يقتطع الجند من مرتباتهم ليقتاتوا العدس والفول ويستمر حبل الصبر تزداد الشتائم ويستمرنهش الحلاقيم المريضة ويتلمظ الضباط ويرسلون اهاتهم وغضبهم في مجتمعاتهم وترصد الاستخبارات الراي العام الذي كل يوم يذداد حنقا علي الوضع المزري تخرج مجموعة من الضباط بانقلاب حلموا فيه بتغير الوضع المائل ليقوموا الساسة الذين كاد الوطن ان يدفع ثمن اخطاءهم وتناحرهم تمزيقا وشتاتا. وحتي الان لا يلوح في الافق امل وضوء في اخر النفق انتظرناه طويلا سيدي القائد العام انك فينا مرجوا وجندك يششدون على يدك وثقة الشعب فيك ارحب الاستعداد للحرب يمنع الحرب ويحقق السلام