Post: #1
Title: اعتقال عائشة الماجدي !؟So what
Author: الامين موسى البشاري
Date: 09-15-2021, 11:47 PM
Parent: #0
10:47 PM September, 16 2021 سودانيز اون لاين
الامين موسى البشاري- المملكة العربية السعودية
مكتبتى
رابط مختصر
شعب غريب جدا والله!
يعني شنو عائشة الماجدي اعتقلوها؟
لو كانت برئية ستخرج مرفوعة الرأس والقانون كفل لها حق رفع قضية رد شرف وتطالب بتعويض كمان.
اما ان كانت مذنبة سيحاكمها القانون وليس الدعم السريع ولا البرهان ولا حمدوك ولا زعيط ولا معيط.
من هنا الناس بتقول عايزة دولة مدنية ومن هنا تملانا فقر .. لمجرد اعتقال وتوجيه تهم .. اها زي دي مفروض النيابة تعزمها في ozone ولا أمواج
وتحقق معاها ولا الفهم شنو يعني؟
غاغ ... غاغ
ورجغ .. ورجغ
الجميع سواسية امام القانون لانو ذات القانون اداك الحق تفتح بلاغ في أي زول سوداني ملامح وهوية في البلد دي.
ما تملونا فقر عليكم الله
تبا لكم بكل لغات العالم ياخ
الفيس كلو هايج عشان اعتقلوها
|
Post: #2
Title: Re: اعتقال عائشة الماجدي !؟So what
Author: Asim Ali
Date: 09-15-2021, 11:55 PM
Parent: #1
سبب الاعتقال شنو ؟
|
Post: #3
Title: Re: اعتقال عائشة الماجدي !؟So what
Author: Elhadi
Date: 09-15-2021, 11:58 PM
Parent: #2
بنفس المنطق يعني شنو انت لو اعتقلوك انت زاتو
so what
|
Post: #5
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 00:03 AM
Parent: #3
ولا اي حاجة
اما ان اذهب السجن لو ثبتت علي التهم
او اذهب الى البيت
وحينها ساعرف كيف استرد كرامتي وبالقانون
|
Post: #4
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 00:01 AM
Parent: #2
في سبع بلاغات ضدها من الدعم السريع ولجنة ازالة التمكين
سبب التعديل:
تصحيح مصدر البلاغات ضد عائشة
|
Post: #6
Title: Re: اعتقال عائشة الماجدي !؟So what
Author: بسمات الشيخ
Date: 09-16-2021, 03:26 AM
Parent: #4
ومين هي عائشة الماجدي؟ وزيرة انتقالية ؟
|
Post: #7
Title: Re: اعتقال عائشة الماجدي !؟So what
Author: Ahmed Yassin
Date: 09-16-2021, 05:51 AM
Parent: #6
حمدالله على السلامة استاذنا العزيز الامين البشاري
عشة تطير
بركة الشفناك طيب..... والله سالت عليك كتير في المنبر دا
|
Post: #8
Title: Re: اعتقال عائشة الماجدي !؟So what
Author: اخلاص عبدالرحمن المشرف
Date: 09-16-2021, 06:14 AM
Parent: #7
السلام عليكم
القاء القبض علي صحفية اما كتبته
هذا اجترأ علي حرية الصحافة.
السلطة الرابعة.
بلاغات ومخالفات النشر لها لجان
ونيابة خاصة.
رجعنا لي ( نقول اقبضوا الصادق يقبضوا
زول ما عندو سلاح ما عندو كلمة ، لما الحكومة
تسوي ليها جيش الخ الخ الخ )
قانون الصحافة والمطبوعات هو الحكم
تكميم الافواه لو من لجنة التمكين ولا حميدتي
خطا.
الفيل جابو له فيلة وصار حميدتي واللجنة
هكذا تنشأ الدكتاتوريات. .
|
Post: #9
Title: Re: اعتقال عائشة الماجدي !؟So what
Author: ABUHUSSEIN
Date: 09-16-2021, 07:26 AM
Parent: #8
الجنجويد متين عرفو القانون و المحاكم ؟؟؟؟
دي ما اول صحفية الناس تضامن معاها بقت عليها هي بس يعني حلال علي كل الصحفيين و حرام عليها
|
Post: #10
Title: Re: اعتقال عائشة الماجدي !؟So what
Author: بسمات الشيخ
Date: 09-16-2021, 08:30 AM
Parent: #9
مش كان يا ابو حسين من الاول تقول لي عائشة دي صحفية ..
مفروض الشعب كله يطلع مظاهرات عنيفة لاسقاط هذا النظام
الدكتاتوري البشع لان اعتقال الصحفيين عشان كلمة مكتوبة هو ابشع
انواع الدكتاتوريات البغيضة ..
والحاجة الغريبة حكومة السجم والرماد دي ما بتعاقل ناس شايلة سلاح
وعاملة رعب للمواطنين العزل في الشارع العام وتهدد امن المواطن داخل
بيته وداخل محله التجاري وتعتقل صحفي شايل قلم وكتب كلمة حق لمحاربة
الفساد،،
في دكتاتورية ابشع من كده؟ وفي فشل اكثر من كده؟
قوموا الى ثورتكم يرحمكم الله،
|
Post: #11
Title: Re: اعتقال عائشة الماجدي !؟So what
Author: Asim Ali
Date: 09-16-2021, 08:40 AM
Parent: #10
سلام عليكم
فى الاول
صحفيه لدرجه انها يتم اعتقالها مفروض تكون معروفه بمستوى معقول فى المجتمع وصحيفتها شنو وعمودها اسمو شنو ؟
سبب الاعتقال تحديدا شنو ؟
شيف فى الفيس تعليق (بت قوش)
غايتو الجوطه دى كلها الا عشان سماحتها كعاده الوسائط
.
الغريبه صه اعلامى اصبحت مش لناس دارسه اعلاموفاهم شغلها
اى خريج دبلوم وعلاقات عامعامه يفت مدخل ظور فى قناه او جريده رياضيه قى اعلامى
حتى موضوع القيد الصحفىومقدماتو بقت مامفهوم الياتها سليمه و لا لا ؟
.
اعلاميه شنو ؟
هو فى اعلام فى السودان ؟
ياها الكوره والغناردحى فى الكوره وطرب فى الغنا
|
Post: #12
Title: Re: اعتقال عائشة الماجدي !؟So what
Author: اخلاص عبدالرحمن المشرف
Date: 09-16-2021, 08:52 AM
Parent: #11
برضو يا عاصم ده ما الحل.
يحاكم رئيس التحرير علي قبوله
بصحفيين غير اكفاء ومالك الصحيفة.
ما شرط تكون خريج صحافة واعلام
عشان تكون اعلامي ناجح او حتي اعلامي.
تفعيل قانون الصحافة والمطبوعات ومراجعة
القيد المهني وتكوين نقابة تدافع عن حق الصحفي
وعن استحقاقه في حياة كريمة تقيه ذل
الارتهان كان لي امن ولا جنجويد ده الحل
|
Post: #13
Title: Re: اعتقال عائشة الماجدي !؟So what
Author: معاوية المدير
Date: 09-16-2021, 09:14 AM
Parent: #12
بركة الشفناك طيّب يا ود البشاري ...
|
Post: #35
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 08:47 PM
Parent: #13
اوووو
حبيبنا معاوية
(مشتاغووون) ... والله صحي 😆
|
Post: #22
Title: Re: اعتقال عائشة الماجدي !؟So what
Author: Asim Ali
Date: 09-16-2021, 12:32 PM
Parent: #12
Quote:
يحاكم رئيس التحرير علي قبوله
بصحفيين غير اكفاء ومالك الصحيفة.
ما شرط تكون خريج صحافة واعلام
عشان تكون اعلامي ناجح او حتي اعلامي.
تفعيل قانون الصحافة والمطبوعات ومراجعة
القيد المهني وتكوين نقابة تدافع عن حق الصحفي
وعن استحقاقه في حياة كريمة تقيه ذل
الارتهان كان لي امن ولا جنجويد ده الحل
|
نعم ماشرط لكن حتى منح الرخصه لممارسه المهنه اوحتى الصعود على اساس الموهبه والتمكن-والان لااعلام ولا صحافه فى البلد- دا كلو فى اعوام الانقاذ انتفى واصحت المعايير لاى مجال لاعلاقه لها بجوهر المجال (فى عموم المجالات)
بنات الاعلام لاعلاقه ليهم بالاعلام ويكفى متابعه القنوات لاتكون الواحده اكثر من واجهه جميله تطل على الشاشه لكن لاثقافه وحتى مخارج حروف سليمه ولاحضور اعلامى يدير الحوار او حتى صوت يطل على نشرة الاخبار بمستوىبنات المغربى ورفيقاتهم من الجيل الذهبى
الصحافه جال ونساء فى حاله انفصال عن الواقع انا سياسه او كوره او فن والبلد تئن من الالام اللى تحتاج تسليط الضو غبر قلم الصحافه
|
Post: #33
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 08:43 PM
Parent: #12
انا ما عارف انت ليه مصره ما تفهمي انو الجميع تحت طائلة القانون
صحفي ولا رئيس مجلس سيادة
والتحقيق اجراء عادي ... مذنب تتحاسب
برئ تمشي بيتكم وتفتح قضية رد شرف
صعبة دي؟
ثم البلاغات يا استاذه
عددها 7
مفتوحة من قبل لجنة ازالة التمكين
والدعم السريع
اقري المنشور تاني الله يرضى عليك
|
Post: #19
Title: Re: اعتقال عائشة الماجدي !؟So what
Author: Al Sunda
Date: 09-16-2021, 10:15 AM
Parent: #11
Quote: يجب حل قوات الدعم السريع لأنها غير مفيدة ومافي حوجة ليها أصلاً ودا لود عالي شديد علي ميزانية الدولة متمثلة في صرف الدعم السريع لمرتبات وحوافز وتاتشرات وإيجارات عمارات ودا كلو لشنو ؟؟ ومافي بلد ينفع فيها جيشين !! القوات المسلحة تكرب قاشها زي زمان قبل ولادة هذا النبت الشيطاني (الدعم السريع ) وتمسك امن البلد دي وخلاص …. تسريح قوات الدعم السريع ضرورة تقتضيها سيادة الدولة ثكنات الدعم السريع تتحول الي مستشفيات ودور رعاية للاطفال ودار أيام وهكذا ….. عائشة الماجدي
التفاصيل هنا: https://www.alnilin.com/13200577.htm[/QUOTEhttps://www.alnilin.com/13200577.htm[/QUOTE]
بعيدا عن مضمون ما كتبته الصحفية ( !)
غايتو البفهم كلمة ( لود ) المكتوبة من اول مرة يمنح جائزة
ممكن ان تُقرأ
لود عالي ( لمحبة مثلا )
لكن في الآخر يكتشف القاريء ان الكلمة هي LOAD بالانجليزية
ومش عارف هل هي فشلت في ترجمة الكلمة ؟
ام لم تجد في العربية مقابل لها تستطيع بها ان تعبر عما تقصد
زي صحافة الفول على قولة البرنس هيثم مصطفى
|
Post: #15
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 09:44 AM
Parent: #9
انت لسه في ضلالك القديم دا
مفروض تشكر الدعم السريع انهم عرفوا في حاجة اسمها قانون
زمن سيدك البشير كانوا بشيلوا حقهم بيدهم
لا قانون ولا يحزنون
|
Post: #14
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 09:41 AM
Parent: #8
سلام اختنا اخلاص
الكتابة مسؤولية حتى لو بقت صحفية
عائشة عليها بلاغات
من الدعم السريع وبلاغات من لجنة ازالة التمكين
تم استدعائها للتحقيق واطلق سراحها امس
على ان تعود اليوم لاستكمال التحقيق
يعني عشان صحفية توزع الاتهامات جزافا ولا شنو
اغلب المتضامنات نساء
ودا معيب اصلا بس عشان هي انثى
ودا سبب تضامنهم
ثم كل مواقفها اصلا مخجلة ولا تستحق اي تضامن من احد
|
Post: #17
Title: Re: اعتقال عائشة الماجدي !؟So what
Author: نعمات عماد
Date: 09-16-2021, 09:59 AM
Parent: #14
حمدلله على السلامة أ. البشاري
أظن أن عائشة إنتهازية كتاباته قبل الثورة تشبه تعمل شغل منسوبي جهاز أمن البشير.
مع ذلك أدعو أن تجد محاكمة عادلة.
أخبار مشاهير السودان
8 octobre 2018 ·
المذيعة عائشة الماجدي تتغزل في البشير و تهاجم حكومته في عمودها الصحفي
عد كثيرون من الذين علقوا على منشور الكاتبة والمذيعة عائشة الماجدي الذي سطرته على صفحتها (فيس بوك) عدوه غزلاً صريحاً للرئيس البشير رغم الانتقادات اللاذعة و الهجوم الذي ظلت تشنه على أداء وزراء حكومة الوفاق الوطني على زاويتها اليومية (حروف ناعمة) بصحيفة الأخبار .
وكانت عائشة الماجدي المذيعة بقناة الخرطوم قد كتبت في منشورها الذي واجهه البعض بانتقاد كبير قد كتبت فيه معلقة على صورة للرئيس عمر البشير حيث قالت:
تلاتين سنة الأسد الجسور ما بتهلكوا
الجروح والكسور ياجنا
التلحس الكوع الضباع
والترجاه للنبش الصقور ياجنا
وذيلت الماجدي منشورها بعبارة (طبعا ما عندكم حق تصنفوني وكلكم ما بعجبكم الكلام دا عارفه)
|
Post: #34
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 08:44 PM
Parent: #7
اخونا احمد ياسين
تحياتي
الله يسلمك يا حبوب
ويسأل منك الخير
معليش بكتب من الموبايل
|
Post: #16
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 09:57 AM
Parent: #6
سلام يا بسمات
وحتى لو وزيرة
مفروض نعزز انو القانون هو الذي يحكم البلد دي
|
Post: #18
Title: Re: اعتقال عائشة الماجدي !؟So what
Author: ABUHUSSEIN
Date: 09-16-2021, 10:13 AM
Parent: #16
Quote: انت لسه في ضلالك القديم دا
مفروض تشكر الدعم السريع انهم عرفوا في حاجة اسمها قانون
زمن سيدك البشير كانوا بشيلوا حقهم بيدهم
لا قانون ولا يحزنون |
اشكر الجنجويد علي شنو كمان .... ؟؟؟
كدي لمن يتحاكمو علي جرائمهم في غرب السودان بعدين نشوف شكرهم ...
وعدوك بي رتبة و ل شنو .... ؟؟؟؟؟؟؟
|
Post: #20
Title: Re: اعتقال عائشة الماجدي !؟So what
Author: نعمات عماد
Date: 09-16-2021, 10:25 AM
Parent: #18
تصحيح :
أظن إن عائشة إنتهازية و كتاباتها قبل الثورة تشبه شغل منسوبي جهاز أمن البشير.
|
Post: #21
Title: Re: اعتقال عائشة الماجدي !؟So what
Author: اخلاص عبدالرحمن المشرف
Date: 09-16-2021, 10:36 AM
Parent: #20
البشاري كيفك
ما اظن انها امراة لها دخل في الموضوع
ممكن تقول دفاع عن حرية الصحافة، وده
يصب في مصلحة المجتمع.
|
Post: #23
Title: Re: اعتقال عائشة الماجدي !؟So what
Author: Asim Ali
Date: 09-16-2021, 12:48 PM
Parent: #16
بدل الصحافيين والاعلاميين يكون صراعاتهم وقضايام القانونيه بسبب السياسه والهجوم على فلان او علان او تلك الجهه اللى امرها محسوم فى محكم الراى العام
متمنى يكون معتاد مشهدين تجه الصحفى /الاعلامى اما مقاضاة او توجيه صوت شكر من مسئول او جهه رسميه بسبب تناول قضايا -تمس المجتمع المثخن بجراح المشاكل والازمات ومطاردنهم للفساد والجشع بل وخروجهم من مكاتبهم فى وسط العاصمهوالخروج من العاصمه للاداء رسالتهم الصحفيه كسلطه رابعه لاجل وطن وشعب
لا اقلام انتهازيه وماجوه تلعب فى مساحات الصراعات السياسيه ولخدمه اصحاب السلطه والثروه هذا او ذاك
|
Post: #24
Title: Re: اعتقال عائشة الماجدي !؟So what
Author: اخلاص عبدالرحمن المشرف
Date: 09-16-2021, 12:56 PM
Parent: #23
السياسة هي شنو لو ما كانت معاش الناس و كيف
يحكم الناس ، اسع في زول ح يختلف مع الصحفية
الماجدي في حل الدعم السريع !!!!!!
الماجدي تحاكم بقانون النشر والمطبوعات.
حميدتي وجنجويده سلطة عسكرية
غير نظامية وغير قانونية وتتحل
لجنة ازالة التمكين غير معنية بالنشر
وهي كل يوم تتغول علي سلطات مدنية
علي اللجنة التقيد بما اوكل لها من تصفية
الانقاذ .
|
Post: #25
Title: Re: اعتقال عائشة الماجدي !؟So what
Author: Omer Abdalla Omer
Date: 09-16-2021, 01:04 PM
Parent: #24
القال حقي غلب.
و الإتجاه للقانون هو المطلوب و بصراحة بينا و بين الدعم السريع ما صنع الحداد و لكن محاولة حماية نفسه و الهجوم و التجني على افراده بالأكاذيب باللجؤ للقانون ليس لنا إلا أن نحترمه!
|
Post: #26
Title: Re: اعتقال عائشة الماجدي !؟So what
Author: Asim Ali
Date: 09-16-2021, 01:42 PM
Parent: #24
Quote:
السياسة هي شنو لو ما كانت معاش الناس و كيف
يحكم الناس
|
السياسه السودانيه بتاعت المحاصصه والمصالح الضيقه والصراعات ياها الشفناها واصبحت سائده من الاستقلال
هسى البيحصل فى البلد دا سياسه ؟
السياسه فى فهمى البسيط هى خدمه الوطن الشعب وادارة شئون البلد بحدادنى من معايير الحكم الرشيد والشفافيه
السياسه البتهم الشعب والبلد لسه مرحله تطور ماوصل ليها لا الساسه ولا الاعلام
حل الدعم السيع ما اختلفنا لكن من يقف خلف القلم ؟
.
الصحافه من ادوات التغيير الناعم
موضوع الدعم السريع وخلافو من انتهاكات وجرائم فى عهد يفترض انو عهد ثوره ولجان تحقيق -ولجنه اديب على راسها- هى المسئوله عن حسم موضوع الدعم السريع وغيرو من الجهات والافراد
لكن شغل زى شغل الصحيين يكونو اصوات تعلو اباحاديث زى دى صرف انتباه عن طريق القانون المؤجل بسبب تاخر نتائج لجان التحيق وتراخى امنى وقانونى تجاه احقاق الحق واسترداد الحقيقو والثار لدما الشهداء عبر 30 عام
زى صنائع عهد الانقاذ فى مجال زى الاعلام بيلعبو ادوار محسوبه حتى لو اعتقال ومكلام عن محاكمات وغيرو
احمدالضى اتلمع بعد شى مشابه لدرجه اتهايصل للاعدام وخرج نجم المع
ناس بتلعب ادوار وتتصنع ليها مكانه بمعارك وهميه تنتهى على فشوش
فحتى القانوني تبع الدع او تلك او ذاك الشخص لايمكن يخوضو معركه خاسره يخرج بعدها خصمهم بطل من سجن/وتحقيق و/محاكمه
دا ادوار مقسمه لتدويخ الراى العام عن الاهم المحاكماتبعد نتائج لجان التحقيق وتسليم المجرمين الى لاهاى (هل غعلا فى تسلمي ومحاكمه ففى لاهاى او السودان ؟ هل لو قامت السودان مضمون ليها تكون افضل من محكمه مدبرى انقلاب الانقاذ؟)
الايام والاحداث اجاباتها لن تكون افضل من الحاصل الان ومسار هبوط ناعم وافلات من عقاب
عائشه الماجدى او غيرها ان كانت جاده
اما ان تقدم ملفات جديده تدعم الاتهامات او ترفع الصوت بضروره ظهور نتائج التحقيق فض اعتصام وجرائم دارفور وغيرها التى تطال هذا وذاك فى مجلس السياده
|
Post: #27
Title: Re: اعتقال عائشة الماجدي !؟So what
Author: بسمات الشيخ
Date: 09-16-2021, 02:21 PM
Parent: #26
يعني نفهم من كده ان الصحفية الشجاعة دي اعتقلوها عشان دخلت يدها في عش الدبابير ( الدعم السريع)
او بالاصح الجنجويد ، ودخلت يدها في عش الثعابين( الامارات)..
والله دي فضيحة دي .
يا ربي مين الحاكم البلد دي ؟
يا ربي في زول غير الحرف الاول من اسمه ( حميدتي).
|
Post: #28
Title: Re: اعتقال عائشة الماجدي !؟So what
Author: اخلاص عبدالرحمن المشرف
Date: 09-16-2021, 03:14 PM
Parent: #27
صدقتي الحبيبة بسمات
حميدتي هو الحاكم
اي زول تسألي يا بسمات بيقول لك
حميدتي ، ما في زول قال حمدوك
ولا ابرهة
|
Post: #29
Title: Re: اعتقال عائشة الماجدي !؟So what
Author: بسمات الشيخ
Date: 09-16-2021, 06:54 PM
Parent: #28
عافيت منك يا حميدتي
بس اذا وقفت ناسك ديل ما ينهبوا الناس في الشوارع
ويبتدوا يحموا المواطنين من اللصوص نحن ذاتنا حننضم
ليك ونبقى جنود في جيشك ...
وبدل ما كنا بننتقدك ونهاجمك حندافع عنك ونصيح بالروح..بالدم
نفديك يا حميدتي ..
بس اكبح جماح جنودك وخليهم يحترموا القانون ويحفظوا أرواح الناس
|
Post: #30
Title: Re: اعتقال عائشة الماجدي !؟So what
Author: ABUHUSSEIN
Date: 09-16-2021, 07:11 PM
Parent: #29
Quote: عافيت منك يا حميدتي
بس اذا وقفت ناسك ديل ما ينهبوا الناس في الشوارع
ويبتدوا يحموا المواطنين من اللصوص نحن ذاتنا حننضم
ليك ونبقى جنود في جيشك ...
وبدل ما كنا بننتقدك ونهاجمك حندافع عنك ونصيح بالروح..بالدم
نفديك يا حميدتي ..
بس اكبح جماح جنودك وخليهم يحترموا القانون ويحفظوا أرواح الناس |
يعفو اصحاب الدم يا بسمات
يعفو المساكين الحرقوهم في بيوتهم
يعفو النساء الإغتصبوهم
انتي تعفي ليه شنو ... ؟؟؟؟
|
Post: #31
Title: Re: اعتقال عائشة الماجدي !؟So what
Author: أبوبكر عباس
Date: 09-16-2021, 07:23 PM
Parent: #30
الخبير شخصياً؟!
المنبر منور يا أخ
|
Post: #32
Title: Re: اعتقال عائشة الماجدي !؟So what
Author: Biraima M Adam
Date: 09-16-2021, 08:02 PM
Parent: #31
| Quote: بينا و بين الدعم السريع ما صنع الحداد |
زولك ما زال متعنقل في رأس جبال كاودا .. لما يهبط تحت بعدين تشدق.
ول أبا البشاري، مرحب بيك باك ..
بريمة
|
Post: #36
Title: Re: اعتقال عائشة الماجدي !؟So what
Author: بسمات الشيخ
Date: 09-16-2021, 08:50 PM
Parent: #32
والله يا ابو حسين في دي غلبتني
ووجهة نظرك منطقية بالجد ...
لكن باقي ليك في زول بيقدر عليه ...اذا كان الجيش
السوداني كله ما قدر عليه البقدر عليه منو؟ والله انت ما
قاعد تقرأ كاريكاتيرات عمر دفع الله ، وهو بيسخر من البرهان
وحمدوك وهم واقفين زي التلاميذ قدام استاذهم حميدتي ..؟
...انت بس كتر من الدعوات ،،والشكوى لرب العالمين
.
|
Post: #37
Title: Re: اعتقال عائشة الماجدي !؟So what
Author: Asim Ali
Date: 09-16-2021, 09:11 PM
Parent: #36
المشكله والقضيه مافلان ولا قواتو ولا ..ولا....
المشكله انو كان و(مازال) اداه فى يد نظام ويمارسو عليا لعبه توزيع الادوار
القضيه قضيه ازاله نظام الكيزان وازله كل اثارو واحداث تغيير حقيقى
الكلام دا يطال منو ؟ دى بقت بديهيات مادايره افتعال معارك صحفيه واعلاميه والنجوميه على اساسها
دى تفاصيل تفصل فيها قاعات المحاكم
الاعلام والصحافه دورها اكبر من الردحى بلا فائده وبلاغ وبعدها تطلع مش حريه اعلام ولا طلع/ت بالقانون وانما لانو اللعبه كدا
محاكمات -النظام البائد وجرائمو-على صفحات الصحف وشاشات الوسائط
مش فى مكانها الحقيقى البيرجع الحق صاح
بكره بتطلع فلانه وتكون وجه اتسعت متابعيه والقراء
بالتالى درجه تاثيرها على الراى العام
بالتالى تغيير المواقف لو حصل منها ..عادى وبرضو يكون عندها فراء ومتاثرين بسجم الرماد المسمى اعلام وصخافه فى السودان
|
Post: #39
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 10:51 PM
Parent: #32
ول ابا بريمة
حبابك عشره بلا كشره
بالله لسه قاعد مع السنجاكة ديل وبتكاتل فيهم كمان؟
كدا اسمع كلام السنجاكي دا 🤣 لما الفكي قال ليهو السنجك حرام
السنجك حلاله البقول حرامه منو؟
جيبوا الكتاب نشوفو وللعلم نوردو
ويوم شاف الكتاب قال اللعب زيدو
وسنجك حلاله البقول حرامه منو؟
والبدور الدواس في النقعة داوسو
المهم خلي قلمك طرييين فاطر حكامه بس 🤣
|
Post: #38
Title: Re: اعتقال عائشة الماجدي !؟So what
Author: الامين موسى البشاري
Date: 09-16-2021, 10:30 PM
Parent: #31
دكتور المعيز ابو بكر عباس
انت لسه في عوارتك وهبالتك دي
انا قاعد والحمد لله
المهم خلعة انك بقيت عضو في سودانيز اونلاين دي لسه ما فكت منك ولا شنو؟
|
Post: #41
Title: Re: اعتقال عائشة الماجدي !؟So what
Author: اخلاص عبدالرحمن المشرف
Date: 09-17-2021, 03:07 AM
Parent: #40
اسع الزولة دي انقبضت عشان دعوة القشير
ولا عشان قالت حل الدعم السريع.
قانون الصحافة والمطبوعات ده فائدته شنو؟!!!
وضع لمنع تغول باقي السلطات علي الصحافة
وحتي لايشعر سلاح السجن والغرامة ضد الرأي المخالف
الشمولية والدكتاتورية نبدأ بضرب الاعلام وتكميم
الافواه ، صناعة الاصنام والفراعنة تبدأ بتكميم الافواه
وكسر الاقلام .
|
Post: #42
Title: Re: اعتقال عائشة الماجدي !؟So what
Author: بسمات الشيخ
Date: 09-17-2021, 05:46 AM
Parent: #41
الغالية الحبيبة اخلاص
لقد عبرتي عني بكلماتك الصادقة
والله يديك الصحة والعافية
|
Post: #43
Title: Re: اعتقال عائشة الماجدي !؟So what
Author: الامين موسى البشاري
Date: 09-17-2021, 11:42 AM
Parent: #41
Quote: اسع الزولة دي انقبضت عشان دعوة القشير
ولا عشان قالت حل الدعم السريع.
قانون الصحافة والمطبوعات ده فائدته شنو؟!!!
وضع لمنع تغول باقي السلطات علي الصحافة
وحتي لايشعر سلاح السجن والغرامة ضد الرأي المخالف
الشمولية والدكتاتورية نبدأ بضرب الاعلام وتكميم
الافواه ، صناعة الاصنام والفراعنة تبدأ بتكميم الافواه
وكسر الاقلام |
سلام يا اخلاص
قانون الصحافة ليس صك غفران
ولأننا جيل لا نعرف من الحرية والديمقراطية الا اسمها
فاكرين انك لما تكون صحفي تكتب ما تشاء وتتهم من تشاء
للمرة المليون
الزولة اتهمت لجنة ازالة التمكين اتهامات
قامت لجنة التمكين فتحت فيها بلاغات
ونفس الحكاية
اتهمت الدعم السريع اتهامات
فقام الدعم السريع فتح فيها بلاغات
النيابة استدعتها وحققت معاها واطلقت سراحها بالضمان
يلا ناس نتضامن .. والناس المكسرين .. وناس لا لقهر النساء
شبكونا
تضامنات
اجراء عادي جدا .. اما أن تثبت عائشة كلامها فتصبح بطله وصحفية مشهورة
او تتعاقب بموجب قانون النشر الالكتروني والصحفي والقانون الجنائي
او تثبت النيابة والقضاء عدم صحة اتهاماتها فتتعاقب بموجب القوانين برضو
وتوته ... توته خلصت الحدوته
الكلام لبسمات برضو
تعزم البشير
تعزم القشير
تعزم قوش
دا ما ليهو علاقة
|
Post: #44
Title: Re: اعتقال عائشة الماجدي !؟So what
Author: أبوبكر عباس
Date: 09-17-2021, 12:00 PM
Parent: #43
هي اتهمت الدعم السريع بشنو يا خبير؟
|
Post: #45
Title: Re: اعتقال عائشة الماجدي !؟So what
Author: نعمات عماد
Date: 09-17-2021, 12:05 PM
Parent: #43
Quote:
النيابة استدعتها وحققت معاها واطلقت سراحها بالضمان
يلا ناس نتضامن .. والناس المكسرين .. وناس لا لقهر النساء |
كلنا مع حقها و حق غيرها في تحقيق نزيه و محاكمة عادلة.
أما إثارة مسألة توجهها و لغتها قبل الثورة فللتذكرة، حتى لا
نجدها، بعد إنتهاء القضية، المتحدث الرسمي بأسم الثورة
و الداعي لتفويض العسكر، مثلاً أو أي سيناريو كارثي آخر.
|
Post: #46
Title: Re: اعتقال عائشة الماجدي !؟So what
Author: اخلاص عبدالرحمن المشرف
Date: 09-17-2021, 12:22 PM
Parent: #43
السؤال يا البشاري اخوي هو من هي الجهة التي
يشكو لها المتضررون مما يكتب ، انا بقول
قاااااانون الصحافة والمطبوعات وده من حقو
يوقف اي كاتب ويشطبه ويغرم الصحيفة ورئيس
التحرير ( وده ذاااتو علي اعتراض )
ماتنسو انكم كنتم تكتبون ضد تغول الاجهزة الامنية.
لو الماجدي عملت شئ غير الكتابة تحاكم .
وده لمصلحة الصحفيين ويا ريت النقابة تفعل
ويكون في انتخابات ونقيب يلجأ لهم الصحفيين
بدل الضجة الحاصله.
ناس لجنة التمكين هم ذاتهم قالو راقبونا
وشبهة انهم مقصودين اكيد واردة .
والمشكلة حلها بسيط تكون لجنة الاستئناف
وبدل ما الحامدي ولا غيرها يكتب في الصحف
يلجأ للجنة ويعلن انه ذهب للجنة بخصوص الموضوع
المعين دون الدخول في تفاصيل، اللجنة ما اظن
عندها ال تخاف منو او تخفيه .
المهم بركة الرجعة لحوش بكري وبرضو حركت
المنبر
|
Post: #47
Title: Re: اعتقال عائشة الماجدي !؟So what
Author: بسمات الشيخ
Date: 09-17-2021, 02:11 PM
أبوبكر عباس
والدعم السريع كمان عاوزة ليها درس عصر عشان الناس يكيلوا ليها
الاتهامات بالجملة ؟؟ انت ما قاعد تقرأ تعليقات ابوحسين عشان
تعرف كمية الجرائم التي ارتكبتها قوات الدعم السريع ،أو بالأصح الجنجويد
..اي طفل ممكن يتهم الدعم السريع بالف اتهام ...
|
Post: #48
Title: Re: اعتقال عائشة الماجدي !؟So what
Author: Asim Ali
Date: 09-17-2021, 02:45 PM
Parent: #47
لسه الناس مصره انها تنقاد لمشوار سواقه بالخلاء وتشيتي كوره عن القنوات المهمه لحل القضايا واعاده حقوق وقصاص دماء شهداء
دى مسرحيه ضمن توزيع الادوار والهاء الراى العام فى قت اشياء تم فى الخخفاء
قبل كم اسبوع اعلاميين بعد اكمال مهمتهم ماء راجعين تمت سرقتهم وتجريدهم من الادوات المستخدمه فى مهمتهم فى شارع النيل جهه قاعه الصداقه اعتقد
حته زى دى حراميه شنو ؟
لا يكونو جهه نظاميه بزى مدنى (دا قانونهم)
لكن فيلم بلاغات وجوطه وحريه صحافه وحميدتى وجنجويد ومجرمين دا كلو مسرحيات بكره بتطلع ويتنسى الموضوع الا انو البتاعه دى بقى اسمها ترند والماعارفها يعرفها وتترقى فى الجهه التابعه بمسمى اعلاميه
لانو الجماعه ديل زولهم الواجعهم بتعاملو معاهو زى ماحصل مع الاعلاميين ديل فى ش النيل او زى ماحصل ل (ود عكر)
للاسف انو الناس تنقاد وتسمر فى ترويج مسرحيه الهاء اعلاميه
والمحاكم للان ماجرت قلم
دعم سريع جايمو مادايره ردحى وتكرار فى اعلام ووسائط داير نتائج تحقيق وبلاغات ومحاكم (ماشفت زول اتكلم فى موضوع زى دامن نفسو ولا رد فعل لاى مسرحيه الهاء اعلامى وسواقه راى عام بالخلاء!!!)
بستغرب ابسطاء الشعب يعملو شنو لما يكونوعى المثقفن ماقار يميز ويكون عندو وقايه من الاعيب الكيزان وادواتهم اللى مازالت تسعى بيننا !!!!!
Wake Up
Lookout
|
Post: #49
Title: Re: اعتقال عائشة الماجدي !؟So what
Author: الامين موسى البشاري
Date: 09-17-2021, 11:17 PM
هلا اخلاص
اكرر كلامي تاني
كونك تكون صحفي دا ما بديك الحق تتهم الناس والجهات على كيفك
قانون الصحافة والمطبوعات يتبع للقضاء السوداني
ومفروض وزير العدل والسلطة القضائية تعمل محكمة خاصة بقضايا
زيجوز لهذه المحكمة التحقيق مع الصحفي ومعاقبته
كونك صحفي دا ما بديك الحق تتهم الناس في نزاهتهم وامانتهم
بدون ادلة تؤيد ما نشرته بقلمك
ارجو ان تتطلعي على القانون ومراجعته فقرة فقرة
ثم اقول ليك باختصار
ناس ما عندها موضوع بس ..
نص الرجال المتضامنين مكسرين فيها
وجل النساء متضامنات عشان بت واعتقلوها يعني جندرية ساي
ومواقف الماجدي قبل وبعد الثورة لا تستحق عليها اي تضامن
تحياتي
|
Post: #50
Title: Re: اعتقال عائشة الماجدي !؟So what
Author: ناصر حسين محمد
Date: 09-18-2021, 06:29 PM
Parent: #1
بل بل بل
|
Post: #51
Title: Re: اعتقال عائشة الماجدي !؟So what
Author: Asim Ali
Date: 09-19-2021, 11:49 AM
Parent: #50
فى بوست الصحافه العلميه حديث صحفيه من المصادمات وكشفت فساد فى شغل معونات الامم المتحده
ذكرت انوشركه كان فى مشكله حول منتجها واستخدامو عندهم فاستغلت الصحفيين دعوات وعزائم وفسح عشان تضمن دعم علامى يساعد فى تمرير موضوع المنتج (المشكله)
دا شغل حاصل انو الصحفيين اصبحوا قلم للايجار طالما لاقين منافع (تتذكرو رحله مجموعه القوى الناعمه فى برنامج لتركيا ؟)
الصحافه والاعلام اتحولت لى (سمك لبن تمر هندى ) من مكابسه كموظف/ة ل لاعلامى فى جريده او قناه رياصيه او اجتماعيه وفجاه يصبح الكائن اعلامى او صحفى سياسى
صعود مهنى كالقفز بالزانه وعائد اقتصادى يغيرحاله الكائن 180 درجه ولا احد يسال من اين لك هذا ؟ (سواء صعود راسى سريع مهنيا او قفزه ماديه لاتتفق مع خبرات وامكانات الكائن ولا حتى عمرو)
ادوات مصنوعه تقود وتهلى الراى العام من دون مانبحثفى تاريخهاالبيخلينا نقيف على صدق ومصداقيه وامانه الكائنالمهنيه اولا قبل مايسوقنا فى دائره حديث عن المبادىء لاقيمه للحديث عنها فى بلد كاسودان وفى ظل سيطره طبقه مصنوعه سلفا بيد نظام الكيزان ولسه موجوده وبتعيد تلميع نفسها او يعاد تلميعها لتكون جزء من مجتمع حائر بين صليحه وعدوه (العميل)
|
Post: #52
Title: Re: اعتقال عائشة الماجدي !؟So what
Author: اخلاص عبدالرحمن المشرف
Date: 09-19-2021, 12:09 PM
Parent: #51
الفساد في كل المجالات و كل الدول موجود ويزدهر
في الانظمة الشمولية والدكتاتورية.
الصحافة مهمتها كشف الفساد.
صناعة الدكتاتور تبدأ بتكميم الصحافة.
و لا يوجد شخص ديمقراطي حقيقي يؤيد
تكميم الصحافة.
الفساد حتي وسط الصحفيين يردع بكشفه.
واسع عندنا الاستاذ طلحة عبدالله طارح
( فساد اراضي الصحفيين ) والمتهم به
اللجنة السابقة.
مقاومة الفساد بمزيد من الحرية.
لجنة ازالة التمكين تظل تحت المجهر
وتظل تعمل ، لن نرضي بوقفها ولا عدم
مراقبتها، لا يوجد حل سوي الصحافة الحرة
وعلي من يكتب ان يعلم انه مراقب ويفعل قانون
الصحافة والمطبوعات ، لا يوجد مالك صحيفة
يسمح بتعريض صحيفته للغرامات والافلاس
والبوار .
بالتالي علي الدولة رفع يدها عن الصحف
وان تقوم الاحزاب والاشخاص بتمويل الصحف
وليس من خزينة الدولة .
وحتي التلفزيون والاذاعة تكون بعيدة عن التمويل
من الخزينة العامة.
يكفينا تطبيل لحكومات فاسدة وانظمة شمولية
|
Post: #53
Title: Re: اعتقال عائشة الماجدي !؟So what
Author: Asim Ali
Date: 09-19-2021, 12:48 PM
Parent: #52
Quote:
الفساد في كل المجالات و كل الدول موجود ويزدهر
في الانظمة الشمولية والدكتاتورية.
الصحافة مهمتها كشف الفساد.
صناعة الدكتاتور تبدأ بتكميم الصحافة.
و لا يوجد شخص ديمقراطي حقيقي يؤيد
تكميم الصحافة.
|
دا فى ظروف تانيه
لكن فى ظروف مرتبكه ومتداخله ومازال النظام البائد موجود عن طريق الناعمه بما فيها السلطه الرابه (العاجزه والمشغوله بمعاركمدفوعه او مرسومه مسبقا لاداره الرام وحرفو او على الاقل تحييدو خلال مسار التغيير المرتقب انجازو)
معارك ربائب النظام المفتعله شىء
اماحريه الاعلام فى ميادين ومواقف اهم
وحتى موضوع حميدتى او الدعم موضو مفروغ منو على مستوى راى عام او الاعلام
المعركهمعركه ضغط شارع لتتحول القضيه وتخرج من ملفات التحقيق لقاعات المحاكم
ومافى زول لسه هبش باقى الشله (حميدتى تشيف رب الفور ماتشيف؟؟!!)
معارك انتقائه محسوبه استخباريا
اعلاميين دايرين نلقاهم يفتحو معارك حقيقيه مش فوره بلاغات زى رغوه البيبسى تروح وينساها الناس
بعد كتيرين زى الضى وزى دى..بكره تظهر معارك تشغل الناس وتلمع ناس
الحريه بمعناها الشامل لما يكونعصابه الكيزان خاج منظومه الحكم ويعودو لثكناتهم وتحصل محاكمات عادله
البحصل دا تخدير وتنفيس نفسى ومعنوى يبعد الناس عن المحاكمات الحقيقيه (مش كمان زى مهزله مدبرى انقلاب الانقاذ)
|
Post: #54
Title: Re: اعتقال عائشة الماجدي !؟So what
Author: الامين موسى البشاري
Date: 08-24-2022, 04:53 PM
Parent: #53
حساااادة ساي مني
عايز ارفع البوست دا
|
|
|