الفكر الجمهـــــورى - هل مخرج ســواه من هــذه الأزمـــة؟

02:16 AM September, 07 2021

سودانيز اون لاين
Abureesh-أمريكا
مكتبتى
رابط مختصر

الجمهوريون ليسوا حزباً سياسىاً يسعى للسلطة سواء بالدبابة أو بصناديق الإقتراع.. فهم لا يشاركون فى الإنتخابات اساساً.. ورسالتهم هى نشر الوعى وسط الشعب فقط.
ولكن ماذا عن المثقفين السودانيين؟ هل قاموا بدراسـة الحلول السياسية والإقتصادية التى يقدمها الجمهوريون وقوموها مقارنة بإطروحات الأحزاب الأخرى؟
سؤال ينتظر الإجابــة.

سلام ابوريش

عندما تفترع خيط مشابه - أتمنى أن تتمتع بقدر من الصبر بغرض التوضيح
عبر نقاش وحوار متبادل بينك والأعضاء.
اقول هذا وفي خاطري دعوتي لك (حتى بح صوتي) وصوت الزملاء أملآ
في تداخلكم حتى نستوضح الكثير من الأمور- لذلك كانت خلاصاتنا في هذا البوست
صلاة الأصالة والتلقي من الله مباشرة- توضيح.صلاة الأصالة والتلقي من الله مباشرة- توضيح.
دون مشاركة مأمولة كنا نرجوها منكم.

Quote: ورسالتهم هى نشر الوعى وسط الشعب فقط

تمام- رجاءآ قول لينا أولآ - ماهي النقاط التي ستنناولها كفكرة بغرض نشر الوعي؟؟
وماهي النقاط التي ترى أنها لا تتوافق وفهمك للوعي المنتشر في المجتمع؟؟
ارجو الا يكون كلامك إنشائي..عايزين نماذج
رجاء اخير - أرجو ألا تنسحب من البوست وتواصل حتى نصل إلى نهايات
يستفيد الكل منها.

Quote: سؤال ينتظر الإجابــة.

ينتظر الإجابة ممن ؟؟
من الجمهوريين ام من غيرهم ؟؟؟

ابوحسين كاس العالم فى قطر متين انشاء الله

مرحب بيك أبا حسين..
السؤال كان:

Quote: ولكن ماذا عن المثقفين السودانيين؟ هل قاموا بدراسـة الحلول السياسية والإقتصادية التى يقدمها الجمهوريون

فهل تعتقد ان هذا السؤال موجه لى حتى أجيب عليه؟

Quote: الفكر الجمهـــــورى - هل مخرج ســواه

هلا يا هندسة
نعم هناك مخارج كثيرة سواه ، لماذا لأن الفكر الجمهوري نفسه في ورطة ويحتاج لمخرج للآتي :
الاستاذ يقول بتعديل جوهري واساسي في الشريعة يقوم هو به ، وهذا التعديل يتطلب تفويض من الله لرجل برتبة رسول وما فوق وهذا ما لم يستطع هو واتباعه اثباته ..
الاستاذ تنبأبل جزم بمجيئ المسيح المحمدي في السودان وتحديدا في القرن العشرين وهذا ما لم يتحقق باعترافكم انتم ..
الاستاذ يدعي يأن النبي أمره بترك التقليد واخذ شرعه من الله مباشرة ، وهذا يتنافي مع العدالة الإلهية ، ويتنافى مع اركان الاسلام وقواعده ، علاوة على ان كلامه مجرد أدعاء لا يوجد ما يؤيد امكانية حدوثه من النصوص ، ولم يقدم دليل نصي ولا حسي ولا مادي على صدق حدوثه ...
الأستاذ يقول بأن الأصالة في قمتها اي ترك التقليد تتحقق لرجل واحد ، وقد مارس هو الأصالة عمليا مما يعني انه جزم بالأصالة لنفسه ، ولو رجعنا لأوصاف الأصيل عنده فلا نجدها تتحقق عمليا في محمود لأن الأصيل الواحد حسب الفكرة هو الانسان الكامل الذي لا يموت ، والمشاهد أمامنا هو موت الأستاذ عمليا ...
تلاميذ الفكر الجمهوري في ورطة واختلاف حقيقي حول الاستاذ فمنهم من يعتقد انه المسيح المحمدي ( الله ) وانه سيعود وبين من يرى ان الله قد أجل مجيئ المسيح المحمدي عن القرن العشرين وبالتالي فليس هو الاستاذ وبين متحفظ لا يذكر معتقده في الاستاذ ...
الجمهوريون يغضبون ويتهربون عند سؤالهم عن كيفية عبادات الاستاذ ، بحجة ان ذلك شأن شخصي لا يعنيهم ، والواقع ان عبادات كل الأنبياء والرسل والعلماء كانت مترعة ومشاعة للجميع ، فكيف لنا ان نتبع رجلا نجهل دينه وعباداته ، والتي هي الهدف والغاية من الخلق والوجود بأكمله ، فهل يعقل ان أترك ديني واتبع رجل يعتبر بالنسبة لي مجهول ديانة ؟؟؟
حقيقة الذي يحتاج لمخرج هو الفكر الجمهوري وليس سواه ، فالتالي حتما ليس هو المحرج بل هناك مخارج ومخارج سواه ...

Quote: ولكن ماذا عن المثقفين السودانيين؟ هل قاموا بدراسـة الحلول السياسية والإقتصادية التى يقدمها الجمهوريون

اذا كان الحل الذي يطرحه الاستاذ حلا دنيويا من احتهاده كان يمكن ان يدرس ويحلل ، ولكن وطالما يدعي الاستاذ ان هذا الحل من الله وبوحي منه ( إلقاء رحماني ) فلا يتطلب الأمر دراسة ولا نقاش ، فعليه وعلى اتباعه اولا إثبات ان هذا الأمر من الله ثم علينا الاذعان من دون نقاش او دراسة لأن أمر الله نافذ ويجب تطبيقه ، واما ان يفشل الأستاذ وتلاميذه في اثبات ذلك - كما هو الحال - فهذا لا يتطلب دراسة ولا تحليل لأن الأصل فيه نسب ما ليس من الله الى الله .......
ارجو وكما تفضل الأخوة ان تبقى معنا والا يضيق صدرك بالحوار ......
تحياتي

Quote: نعم هناك مخارج كثيرة سواه ، لماذا لأن الفكر الجمهوري نفسه في ورطة ويحتاج لمخرج للآتي :

إجابتك دى يا محمد اسمها ملوية.. السؤال هل هناك مخرج سوى الفكر الجمهورى؟
طيب
هل لأن الفكر الجمهورى فى ورطة تكون مخارج كتيرة؟ يعنى الليلة لو ناس تونس صارت عندهم مشكلة وما عرفوا مخرج يقوموا يطلبوا الجمهوريين وطوالى تظهر ليهم الحلول والمخارج ويقولوا للجمهوريين يللا إتحارجو عرفنا الحل؟. هههه
أنا أدعى حل المشكلة الإقتصادية والإجتماعية هى الحل.. أنت لا تعتقد ذلك.. مبروك, لكن دا ما السؤال.. السؤال هو هل عندك حل محدد للأزمة الإقتصادية والإجتماعية؟

Quote: السؤال هل هناك مخرج سوى الفكر الجمهورى؟

الأجابة نعم يا محمد ....

Quote: أنا أدعى حل المشكلة الإقتصادية والإجتماعية هى الحل

الفكر الجمهوري لم يأت بحل للمشكلة الاقتصادية وانما تبنى الشيوعية كحل وهذه نظرية ماركسية لا علاقة لها بمحمود محمد طه وان ادعى وجود آية تؤيد ذلك ........
مشكلتنا كلها في الكسل وعدم الانتاج ووجود ناس فاسدة تتغول على اموال الضعفاء ، الحل في الانتاج والترتيب والعمل المنظم واستغلال الموارد من ناحية الاقتصاد الكلي ، ومن ناحية الاقتصاد الجزئي عدالة توزيع الفرص واحياء قيم التكافل والتراحم والزكاة والصدقات واصلاح مرافق الدولة واهم شيئ ايجاد انظمة وآليات لمحاربة الفساد ...
وما هي المشلكة الاجتماعية التي يسعى الجمهوريون لحلها ، اصلا منو قال عندنا مشكلة اجتماعية عشان نفتش ليها حل ؟؟
الحل الجمهوري للمشكلة الاجتماعية التي يدعيها هو الحريات المطلقة ، الشرائع الفردية ، تحجيم دور الشريعة الجماعية ، وهذه ليست حلول لمشكلات وانما مشكلة لأمور محلولة .......
تحياتي

مخرج لمن السودان ولا العالم لا أعتقد أن حل ديني هو المخرج لا اقول باستبعاد الدين من الحياة ولكن يجب إبعاد الدين عن السياسة ، الجمهوريين الذين شاركوا بعد الثورة لم يحلوا اي شي لذلك أعتقد كان من الأفضل لهم الاستماع لنصيحة الأستاذ في البعد عن المشاركة في الحكم

Quote: ولكن ماذا عن المثقفين السودانيين؟ هل قاموا بدراسـة الحلول السياسية والاقتصادية التى يقدمها الجمهوريون وقوموها مقارنة بإطروحات الأحزاب الأخرى؟

متي وأين قام "المثقفين" السودانيين بدراسة أطروحات الأحزاب الأخرى السياسية والاقتصادية؟
"المثقفين" ديل منو ديل وقاعدين وين؟ 😂 ننتظر الإجابة 😂
يا شباب بلاش ردم ومداخلات مترية 😂 خلوا أخونا أبو الريش يكمل فكرته - ولا شنو؟

يا منتصر وود الزبير..
أنسوا الجمهوريين السؤال هل مخرج سواهم؟ ويا محمد الزبير كلامك الفوق ينفع وعظ وليس فكر إقتصادى واجتماعى محدد

سلام للجميع
* عنوان البوست واضِح ـ ما بيحتاج لف و دوران ـ " الفكر الجمهوري ـ هل مخرَج سواه من هذه الأزمة ؟! "
* معنى الكلام دا ـ إذا في زول عندو مخرَج ـ غير الفِكر الجمهوري ـ يشرحو للناس ـ ببساطة وبوضوح ـ بعيداً عن النقد وتكرار أسطوانة الكلام عن الأستاذ .
**
* غالبية الناس بيتكلموا عن الفكر الجمهوري ـ من منطلقات نقدية ـ و دافعهم الأساسي من النقد ـ هو النقد لأجل النقد فقط ـ لا لشيء سواه ـ ما عندهم بديل ولا عندهم شيء يقدموهو للناس .
* و دا الشيء الحاصِل الآن ـ في البوست دا هنا ـ مُعظم المتداخلين هنا ، ينتقدوا ويلفوا ويدوروا في الكلام عن الأستاذ ، وصلاة الأستاذ ، وغيرها من الأمور ـ الموهومين بيها في الفكرة .
* العنوان واضح : إذا في زول عندو مخرَج ـ غير الفكر الجمهوري ـ يتفضل يشرحو للناس ـ بوضوح ـ أما حكاية النقد للفكرة ممكن أي واحِد من المتداخلين هنا ـ يفترِع ليهو بوست آخر ـ وينتقد من الفكرة ما شاء .

خلاص يا ود الزبير ولا تزعل الجواب لا الفكر الجمهوري ليس المخرج

Quote: إذا في زول عندو مخرَج ـ غير الفكر الجمهوري ـ يتفضل يشرحو للناس ـ بوضوح ـ أما حكاية النقد للفكرة ممكن أي واحِد من المتداخلين هنا ـ يفترِع ليهو بوست آخر ـ وينتقد من الفكرة ما شاء .

وهل الفكر الجمهوري اصلا مخرج ؟؟
اثبت العرش ثم انقش !!!
عليكم اولا اثبات وجود مشكلة وتحدي ثم اثبات ان الفكر الجمهوري مخرج له ، بعد كدا تطالبوا الناس بالبديل او المخرج الموازي ..
هو اصلا المشكلة شنو عشان نخرج منها ......
المخرج للبشرية كلها من كل مشاكلها هي نفس الشريعة التي قال عنها استاذكم انها كانت حكيمة كل الحكمة في وقتها ، ونحن نقول انها ما زالت حكيمة وهي المخرج في كل الأوقات ......
تعال قول لي الرسول ما عالج المشاكل الاقتصادية والاجتماعية ، راح نناقشك في علاجه كان شنو وعلاج محمود وايهما الأصلح ..
لكن تختلق مشكلة من عندك وتقول دي علاجها عندي ومنو عنده بديل بنقول ليك مافيش مشكلة وبالتالي ليست هنالك ضرورة لوجود مخرج.....

زمان كنا نسمع بيقولوا ان الجمهوريين ناس لهم رحابة صدر
وتقبل النقد والتحاور مع الاخر بكل اناءة.
لكن الموضوع جاب ليهو كلام من شاكلة بدون لف ودوران
والماعجبوا يقع البحر و جيبوا لينا تفويض آلهي وما شاكل
من اوجه اللغة الغير معتاد لدى السابقين منهم.

Quote: الفكر الجمهـــــورى - هل مخرج ســواه من هــذه الأزمـــة؟

يا هندسة الفكر الجمهورى فى عضم نفسو عايز ليهو مخرج خليك من سواه
ياخ ازمة الفكر الجمهورى فى عضمو فى انو قائم على الاجتهاد فى اركان الاسلام عايزه ليهو مخرج
الفكر الجمهوري فكر خاوي لم يأتي بجديد سوى الاجتهاد فى اركان الاسلام واصول الدين !!!

Quote: ورسالتهم هى نشر الوعى وسط الشعب فقط. ولكن ماذا عن المثقفين السودانيين؟

السؤال للأخ ابو الريش ...
هل الدكتور محمد مختار جمعه وزير الأوقاف جمهوري ...

Quote: ياخ ازمة الفكر الجمهورى فى عضمو فى انو قائم على الاجتهاد فى اركان الاسلام عايزه ليهو مخرج الفكر الجمهوري فكر خاوي لم يأتي بجديد سوى الاجتهاد فى اركان الاسلام واصول الدين !!!

أخي علاء سيد أحمد تحية وسلام ...
رغم إن تداخلي يعتمد علي إجابة الأخ ابو الريش لإنتماء الدكتور محمد مختار جمعه ...
لكن مر عليّا بالصدفه أُطروحة للإجتهاد في ( فهم مقاصد السنة النبويه - رؤية عصرية)
يبدو إن هناك عمل منظم ومرتب لبث أفكار من بنات افكار كتاب ومنظري حاضنة الحرية والتغيير للكتاب والسنه بما يتناسب وفهمهم الفطير للدين تُقرأ (كرههم) للدين ...
ومحاولة تحريفة بشروحات وتوضيحات تخرجه من حيز الفهم الصحيح للسلف والخلف وفق ما يتناسب مع اهدافهم المستغربه من (الغرب) لتميعالدين وإخراجه من حياة الناس ...

هذا الدكتور هو من أصدر فتوي فصل الدين عن الدوله في مفاوضات جوبا ...

Quote: محمد الزبير السؤال هل هناك مخرج سوى الفكر الجمهورى؟ الأجابة نعم يا محمد ..

أهو دا النقاش المنطقى للسؤال، شكرا ود الزبير..
يللا هات ما عندك من حلول نناقشه معك، وأرجو ان لا يكون مواعظ. فى مشاكل محددة. منها الأمن، ومنها القبلية العنصرية ومنها الفساد.. الخطب الرنانة والمواعظ
أى زول عارفها وما فى زول متبعها، كلهم عارفينها وبرضو فاسدين، وعارفينها وبرضو يسرقون المال العام.. لو عندك خطة حكم واليات لتنفيذها تعال هات.
جيب تصورك (أنت).. وطبعا أى زول ما إتولد بالمعرفة وقد تكون تأثرت بشيوخ او فقهاء أو قرأت كتب، لكن عليك أن تستفيد مما قرأته وتكون بلورت رأيك (انت)
بدل إحالة القارئ للكتب أو للشيوخ أوإعطاء مواعظ..

Quote: منها الأمن، ومنها القبلية العنصرية ومنها الفساد

قبل ما امشي معاك خطة وقبل ما نكتب عندي ليك سؤال :
هل هذه المشكلات عولجت في شريعة القرن السابع ام لم تعالج ؟؟؟
تحياتي

Quote: قبل ما امشي معاك خطة وقبل ما نكتب عندي ليك سؤال : هل هذه المشكلات عولجت في شريعة القرن السابع ام لم تعالج ؟؟؟

معليش وأنت تعرف طريقتى فى التركيز على الموضوع المطروح..

مافى طريقة لحرف البوست. سؤالك دا يصلح لكى يكون بوست قائم بذاته..

البوست هذا يبحث عن أجوبة ما عن أسئلة. لو ما عندك أجوبة قول أو بس طنش البوست زى الكتار المطنشينه.. مافى أى مشكلة. بدأت بداية كويسة واستبشرت.

السلام عليكم استاذ ابو الريش وضيوفه الكرام

لو تكرمت ممكن توضح لينا اين يقف الفكر الجمهوري من القضايا التالية؟

1) عقوبة السارق
2) عقوبة الزاني
3) زنا المحارم
4) التعامل الربوي وسعر الفائدة
5) عقوبة القتل العمد وغير العمد
6) محاربة الفساد
7) زواج المسلمة من غير المسلم
8) الرشوة

عشان نقارنها بالموجود في ادمغتنا والعملوه الكيزان وقوانين بعض الدول
والموجود في رسالة الاسلام الاصلية, وبرضو عشان نعرف هل الفكر الجمهوري
مخرج آمن لمشاكلنا ام لا

كدي اولا اقنعنا بي انو الجمهوريين قدمو برنامج فيه الحل ...
ثم ثانيا ليه بتفترض انو كل الناس بتعرف برنامج و حلول الحزب الجمهوري... ؟؟؟؟
ثالثا انت قلت الحزب الجمهوري ما حزب سياسي كيف يقدم حلول سياسية .. ؟؟؟

Quote: الجمهوريون ليسوا حزباً سياسىاً يسعى للسلطة سواء بالدبابة أو بصناديق الإقتراع.. فهم لا يشاركون فى الإنتخابات اساساً.. ورسالتهم هى نشر الوعى وسط الشعب فقط.

الأخوين أبو حسين ونصر الدين (الحروف الأبجدية)

فى البوست:

Quote: ولكن ماذا عن المثقفين السودانيين؟ هل قاموا بدراسـة الحلول السياسية والإقتصادية التى يقدمها الجمهوريون وقوموها مقارنة بإطروحات الأحزاب الأخرى؟

الفكر الجمهورى مبذول فى مئات الكتب والمقالات والمحاضرت مجانا على الإنترنت.. أى زول ممكن ينزل الكتب.. وهذا منذ حوالى عشرين سنة لو ما أكتر. معليش وزى ما قلت فى النص أعلاه فى هذا البوست
ما عاوز أعمل الواجب المنزلى بتاعكم.

تحياتى لكما

Quote: معليش وزى ما قلت فى النص أعلاه فى هذا البوست ما عاوز أعمل الواجب المنزلى بتاعكم. تحياتى لكما

الواجب المنزلي امشي اذاكر في كتب الجمهوريين .... ؟؟؟
دا واجب منزلي و ل عقاب ... ؟؟؟؟ 🤣🤣🤣
غايتو بتلذو الناس لذ عشان يقرو حاجاتكم .....
باااااااااص ........

Quote: كدي اولا اقنعنا بي انو الجمهوريين قدمو برنامج فيه الحل ... ثم ثانيا ليه بتفترض انو كل الناس بتعرف برنامج و حلول الحزب الجمهوري... ؟؟؟؟

يا ابو حسين خليك معقول ياخ.. الفوق دا موش كلامك؟ يعنى انت مستعد تربع يدينك وتسمع منى لكن ما مستعد تقرأ نفس الكلام اللى حتسمعه منى.. الفرق شنو غير الكسل؟

Quote: الفكر الجمهورى مبذول فى مئات الكتب والمقالات والمحاضرت مجانا على الإنترنت.. أى زول ممكن ينزل الكتب.. وهذا منذ حوالى عشرين سنة لو ما أكتر. معليش وزى ما قلت فى النص أعلاه فى هذا البوست ما عاوز أعمل الواجب المنزلى بتاعكم.

الاستاذ ابو الريش ,
ابدا ما تعمل لينا الواجب المنزلي بتاعنا, بس انت طارح الفكر الجمهوري باعتباره المخرج الوحيد لمشاكلنا
فكيف ما نسألك عنه؟
وكأنك تاجر في السوق ينادي هلموا الى بضاعتي هي الافضل في السوق, ولما اجتمع القوم حوله
قال ليهم ابييييت ما بوريكم بضاعتي بس انتوا اشتروها؟ نشتريها كيف وانت رافض تعرض بضاعتك؟؟
دا تناقض كبير يا استاذ, ولا شنو؟

Quote: ابدا ما تعمل لينا الواجب المنزلي بتاعنا, بس انت طارح الفكر الجمهوري باعتباره المخرج الوحيد لمشاكلنا فكيف ما نسألك عنه؟ وكأنك تاجر في السوق ينادي هلموا الى بضاعتي هي الافضل في السوق, ولما اجتمع القوم حوله قال ليهم ابييييت ما بوريكم بضاعتي بس انتوا اشتروها؟

أبداًٍ يا اخ نصر
السؤال واضح وضوح الشمس.. وليس يصح فى الأذهان شئ.. إذا احتاج النهار الى دليل
البضاعة الجمهورية ولا خاتينها فى مخازن.. قاعدة برة فى الصقيعـة. كل الفكرة قاعدة برة.. من مشكلة الشرق الأوسط الى كيف تكفنون موتاكم.
بعدين ركز معانا.. انا فى هذا البوست لا أدعو للفكرة الجمهورية.. وإنما أفترض المقفون اطلعوا عليها ودرسوها، ومن ثم ممكن يورونا رأيهم فى من أفضل للسودان من ناحية
الإقتصاد والإجتماع بالذات. دا كل الموضوع..
السؤال يفترض كما هو معلن، معرفة المشاركين مسبقاً بالفكر الجمهورى والأفكار الإجتماعية الأخرى فى السودان، والذى لم يطلع على ثقافة الطريفين ممكن يشاركوا بالقراءة.
أنا لا اشرح الفكر الجمهورى ولا السلفى، ولا الشيوعى

Quote: أبداًٍ يا اخ نصر السؤال واضح وضوح الشمس.. وليس يصح فى الأذهان شئ.. إذا احتاج النهار الى دليل البضاعة الجمهورية ولا خاتينها فى مخازن.. قاعدة برة فى الصقيعـة. كل الفكرة قاعدة برة.. من مشكلة الشرق الأوسط الى كيف تكفنون موتاكم. بعدين ركز معانا.. انا فى هذا البوست لا أدعو للفكرة الجمهورية.. وإنما أفترض المقفون اطلعوا عليها ودرسوها، ومن ثم ممكن يورونا رأيهم فى من أفضل للسودان من ناحية الإقتصاد والإجتماع بالذات. دا كل الموضوع.. السؤال يفترض كما هو معلن، معرفة المشاركين مسبقاً بالفكر الجمهورى والأفكار الإجتماعية الأخرى فى السودان، والذى لم يطلع على ثقافة الطريفين ممكن يشاركوا بالقراءة. أنا لا اشرح الفكر الجمهورى ولا السلفى، ولا الشيوعى

الاستاذ ابو الريش

بالمنطق دا مش ممكن واحد يقول الزرادشتية فيها حل لكل مشاكل السودان السياسية والاقتصادية والاجتماعية وكت نقول ليه كيف ؟
يقول لينا امشوا اقروا كتب الديانة الزرادشتية وبعدين تعالوا ناقشوني؟

يبدو انو البوست فخ للناس عشان تقرأ عن الفكرة الجمهورية

انت اطرح برنامجك السياسي والثقافي والاجتماعي لو كان لديكم برنامج
عشان نعرف في مخرج ولا لا
مش تقول في مخرج وثم تطالب الناس بايجاد المخرج المزعوم
دا امتحان عسير ما يقدر عليه الا ود الزبير

أدوا واجباتكم المنزلية وناقشوا

أخ نصر الدين أكيد أنت ما قريت السؤال ..

Quote: أخ نصر الدين أكيد أنت ما قريت السؤال ..

فهمي للسؤال انو الفكر الجمهوري هو المخرج الوحيد لازمات السودان
لو ما قاصد كدا ممكن توضح اكتر عشان نفهم
ولو قاصد كدا وضح لينا المخرج دا بيكون كيف

Quote: فهمي للسؤال انو الفكر الجمهوري هو المخرج الوحيد لازمات السودان

لا تفسر.. السؤال واضح وما فيه أى دعوى ان الفكر الجمهورى هم الحل.. لا تقرأ الأفكار. .. ممكن جاوب على السؤال حسب الصورة المكتوب بيها لو بتريد. لو ما بتريد ما تسوق الناس فى متاهات واأويلات وتفسيرات
وقراءة أفكار .. السؤال هو هل مخرج سوى الفكر الجمهورى، وأنا ممكن أفهم وأتقبل أن تقول الفكر الجمهورى ليس حلا، ولكن بصورة عابرة وأنت ترد السؤال..

Quote: الفكر الجمهورى مبذول فى مئات الكتب والمقالات والمحاضرت مجانا على الإنترنت.. أى زول ممكن ينزل الكتب.. وهذا منذ حوالى عشرين سنة لو ما أكتر. معليش وزى ما قلت فى النص أعلاه فى هذا البوست ما عاوز أعمل الواجب المنزلى بتاعكم.

ابو الريش ، الفكر الجمهوري ما تطعيم عشان تجي تدينا حقنك وتمشي !!!
بطل تعالي وفوقية واجب على اسئلة ضيوفك !!!!!
انا درست كل كتب الفكرة وعاصرتكم من بيت الطين في الثورة لحدي محاضراتكم عبر الانترنت من امريكا ، وما زلت بزور مركزكم في امدرمان بصورة دورية .
يا جميل محور الفكر الجمهوري هو الخروج من الشرائع الجماعية الى الشريعة الفردية ، والخروج من القيود الى الحريات ، والسير الى الله لتحقيق الذات ، ودا منهج صوفي بتاع عزلة وانعزال ، يهدم كل قيم الدولة والمجتمع القائم على القانون والنظام ، يبقى كيف يحل مشاكلنا وهو نفسه يدعو للتخلص من الشرائع ( النظم ) الجماعية ؟؟
صدقني انت محتاج واحد يشرح ليك الفكر الجمهوري وانت المحتاج تطلع على ما نشر مش ضيوفك !!!!!!!
دي رؤية محمود في الرسالة الثانية :

Quote: فإذا كانت البشرية ، في مدى أربعة عشر قرنا قد قطعت أرضا شاسعة نحو النضج ، وأصبحت تستقبل عهد الرجولة ، وتستدبر عهد الطفولة .. وأصبحت ، بفضل الله ، ثم بفضل هذا النضج ، تطيق ، ماديا وفكريا ، الاشتراكية والديمقراطية ، فقد وجب أن تبشر بالإسلام على مستواهما ، وهذا يعني الارتفاع من قاعدة شريعة الرسالة الأولى الغليظة إلى قاعدة أقل غلظة ، ترتفع هونا ما نحو القمة ، وستظل القمة دائما في منطقة الفرديات .. وأدنى منازل القاعدة الجديدة هي المدخل على الاشتراكية ، وذلك بتحريم تمليك وسائل الانتاج ، ومصادر الإنتاج على الفرد الواحد ، أو الأفراد القليلين في صورة شراكة .. فإن هذا يفتح أبواب التشريع على الاشتراكية .. وأدنى منازل القاعدة الجديدة هي المدخل على الديمقراطية وذلك بوجوب حق الانتخاب لكل مواطن ، ولكل مواطنة ، بلغ وبلغت سنا ، معينة مثلا ، وكذلك حق الترشيح .. فإن هذا يفتح أبواب التشريع على الديمقراطية . وهذا الصنيع هو ما يسمى بتطوير التشريع .. فهو ارتفاع ، من نص فرعي ، يستلهم أكثر ما يمكن من التسامي نحو نص أصلي .. هو ارتفاع من نص إلى نص .

بالله كدا ورينا شنو الجديد في الكلام دا عما هو سائد في بنقلاديش او الصين او اسرائيل ؟؟
مش في النهاية شيوعية وانتخابات ؟؟؟
ويقول استاذك :

Quote: فالشريعة الجماعية ليست أصلا، وإنما الأصل الشريعة الفردية ، ذلك ، وبنفس القدر الذي به الجماعة ليست أصلا ، وإنما الأصل الفرد .. ولكن الناس لكثرة ما ألفوا المعيشة في الجماعة ، ولشدة أثر غريزة القطيع عليهم ، ظنوا الأمر بعكس ذلك . فأنت تراهم يستغربون ، ويستوحشون عندما تكلمهم عن الشرائع الفردية . ولأمر آخر أيضا ، فإن الشريعة الفردية مرتبة رجولة ، ومرتبة مسئولية . والناس لا يزالون أطفالا ، يحبون أن يحمل غيرهم عنهم مسئوليتهم ، ويطيب لهم أن يظلوا غير مسئولين .. أو هم إن احتملوا المسئولية فإنما يحتملونها في القطيع ، وعلى الطريق المطروق . أما أن يكون المسئول وترا ، وأن يطرق طريقا بكرا ، فإنه أمر مخيف ، ولا يجد في النفوس استعدادا ، ولا ميلا .

حل شنو يا ابو الريش وانت عايز تلغي الشرائع والنظم الجماعية ؟؟؟
الفكر الجمهوري لا يجيد سوى الهدم ومن دون بناء ، يعني كسارة بس !!!!!!!!
وعشان ما نظلم الراجل ، هاك الهدف النهائي من الكلام دا :

Quote: فهو حين يدخل من مدخل شهادة (( ألا إله إلا الله ، وأن محمدا رسول الله )) يجاهد ليرقى بإتقان تقليد المعصوم إلى مرتبة (( فاعلم أنه لا إله إلا الله )) ثم يجاهد بإتقان هذا التقليد حتى يرقى بشهادة التوحيد إلى مرتبة يتخلى فيها عن الشهادة ، ولا يرى إلا أن الشاهد هـو المشهود ، ويطالع بقوله تعالى (( شهد الله أنه لا إله إلا هو ، والملائكة ، وأولو العلم ، قائما بالقسط ، لا إله إلا هو ، العزيز الحكيم )) وعندئذ يقف على الأعتاب ، ويخاطب كفاحا ، بغير حجاب (( قل الله ! ثم ذرهم في خوضهم يلعبون )) ، و (( قل )) هنا تعني (( كن )) وههنا مقام الشرائع الفردية . وحين يرقى السالك في مدارج الرسالة الثانية من مدخل الرسالة الأولى على النحو الذي بينا يكون قد قطع درجات السلم السباعي ،

الى ان يوصلنا :

Quote: إن هذا يعني أن حظ الانسان من الكمال لا يحده حد ، على الإطلاق . موعود الإنسان من الكمال مرتبة الإله

بالله دا الحل بتاعكم ؟؟؟
الحل بتاعكم نحن نتخلى عن الشهادة ونكون الله ؟؟؟؟
يا راجل امشي ذاكر وتعال .......
حلوا ورطتكم بالأول !!!!!!!!

هي الفكرة الجمهورية
ولا
الرسالة الجمهورية؟

لأنها بتفرق

ولا شنو

Quote: (( قل الله ! ثم ذرهم في خوضهم يلعبون )) ، و (( قل )) هنا تعني (( كن )) وههنا مقام الشرائع الفردية .

غايتو (( قل )) هنا تعني (( كن )) دي بالغ فيها بوليغ شديد ..... 🤣🤣🤣

أبوحسين ومحمد الزبير (أبو حسين انت محظوظ ستكزن دائما على رأس أى قائمة عشان اول حرفين الألف يليه الباء.

يا محمد الزبير انت ما عندك إجابة.. وأبو حسين برضو.. الوهابية اساسا يعيشون على الهجوم على الصوفية.. وزمان فى هذا المنبر قلت لو اختفت الصوفية فإن الوهابيـة والسلفيين يطلعوا خارج الخدمة..
يطلعون out of business لأنهم ما عندهم شئ يقدمونه سوى إجترار اراء الفقهاء التى لا يعرفون كيفية تطبيقها فى هذا الزمن ويعمدون الى اللف والدوران.. أنا أحترم بن لادن أكتر منهم لأنه صادق
مع نفسه بصرف النظر عن الخلاف الكبير.. فهو يريد أن يطبق الشريعة كما نزلت.. حتى طالبان كانوا صادقين فى حكمهم الأول واليوم ما عارف شايفهم جارين وطاة. أما الوهابية والجبهجية منافقون

Quote: أما الوهابية والجبهجية منافقون

نحن هينين ، اهم حاجة انك تكون صادق وتصل لشريعتك الفردية ، وتكون الله !!!!!
أها خليت شنو هسع وعمرك فوق الستين ، اركان الاسلام خمسة ، اخذت ياتا فيهن من الله مباشرة ؟؟؟
غايتو كان اتخارجت من الصلوات الخمسة ديل والشتاء جاي بتكون انجزت !!!!!!!!!
برضو تحياتي يلك ولضيوفك .......

Quote: نحن هينين ، اهم حاجة انك تكون صادق وتصل لشريعتك الفردية ، وتكون الله !!!!! أها خليت شنو هسع وعمرك فوق الستين ، اركان الاسلام خمسة ، اخذت ياتا فيهن من الله مباشرة ؟؟؟

محمد الزبير
من فضلك أبعد من شخصنة النقاش ومناداة الناس بالإسم,, أنا ما خصصتك بأى نقاش لأنى لا أعرف ولا يهمنى أن أعرف أنت شخصيا.. حتى لو عرفت لا أستطيع تخصيصك فى النقاش.. نحن
نناقش قضايا عامة.. أرجو أن تفهم ليستمر النقاش معك.

عنون ابو الريش :

Quote: الفكر الجمهـــــورى - هل مخرج ســواه من هــذه الأزمـــة؟

فكتب الأخ نصر الدين عشر

Quote: فهمي للسؤال انو الفكر الجمهوري هو المخرج الوحيد لازمات السودان لو ما قاصد كدا ممكن توضح اكتر عشان نفهم ولو قاصد كدا وضح لينا المخرج دا بيكون كيف

فعقب الاخ ابو الريش

Quote: لا تفسر.. السؤال واضح وما فيه أى دعوى ان الفكر الجمهورى هم الحل.. لا تقرأ الأفكار

والله يا ابو الريش انت اكلت الراجل حنك بس ، فهمه هو الذي يستقيم مع ما كتبت ، الا تكون انت كاتب شيئ وقاصد شيئ تاني !!!!
لمن تكتب مخرج ، وسوى ، يعني بداهة ويفهم انه مخرج ، وتبحث عن وجود سواه اي غيره من مخارج !!!!!!!
ودي ما عايزة شطارة ولا فهم زايد !!!!!!!

Quote: أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ ۗ أَإِلَٰهٌ مَّعَ اللَّهِ ۚ قَلِيلًا مَّا تَذَكَّرُونَ

صيغة كلامك هو نفسك مدلول الآية ، يثبت بالسؤال ان الله هو الإله فهل من إله معه ...
هو نفس صيغة سؤالك ، تذكر الصفة والاسم وتسأل عن الشبيه .
والصفة هنا المخرج ، والاسم الفكرة ، والبديل سواه ........
صدقني انت المفروض تفهم سؤالك !!!!!!!

Quote: من فضلك أبعد من شخصنة النقاش ومناداة الناس بالإسم,, أنا ما خصصتك

يا زول شخصنة شنو ، انت طارح نفسك داعية لدين جديد وتدعونا لان نترك ديننا ونتبعك دين نبيك محمود ، فمن الطبيعي ان نسأل عن دينك ودينه واين وصلتكم بدينكم الجديد ، دينكم فيه ترقي وترقيات لمن تكون الله ، مش لازم نعرفك وصلت وين ؟؟؟
دالي بيبخس صلاة الأمة كلها لمن سألوه عن صلاة محمود فقد اعصابه !!!!!
نعم ، سنسألك عن دينك رضيت ام أبيت ، ما سألتك عن أمك ولا عن بناتك .....
وما ممكن نتبع مجهول ديانة ونخلي ديننا ...
اركز وما تتجرس ، خليك قدر طرحك ، اكتب عني وشخصن زيما ما عايز انا ما بيهمني كلام اي زول ، لكن انتو حتة دينكم دي بتعمل ليكم توتر شديد وارتكاريا ما عادية ......

Quote: انت طارح نفسك داعية لدين جديد وتدعونا لان نترك ديننا ونتبعك دين نبيك محمود

ود الزبير، الحديث يقول المؤمن لا يكذب.. طيب لو كذب يكون شنو؟

Quote: ود الزبير، الحديث يقول المؤمن لا يكذب.. طيب لو كذب يكون شنو؟

كذب شنو يا ابو الريش ، الرسالة الثانية دين جديد وانت تدعونا إليها ، أليس كذلك ؟؟
يعني بوستاتك دي لو ماها دعوة بتكون كروت عرس ؟؟؟
الكذاب هو من يدعي ان النبي أمره بالأصالة ومن يدعي ان النبي أمرهبتغيير الدين ومن يدعي ان الله اختصه بفهم خاص ووحي خاص !!!!!!!!!
الكذابون هم أتباع صاحب النبوة الكاذبة ..........

Quote: كذب شنو يا ابو الريش ، الرسالة الثانية دين جديد وانت تدعونا إليها ، أليس كذلك ؟؟

ليس كذلك..
جيب نص يقول الأستاذ قال ان دعوته دين جديد.. وأنا أجيب ليك نصوص كتيرة يؤكد فيها ان دعوته ليست دين جديد.

Quote: ليس كذلك.. جيب نص يقول الأستاذ قال ان دعوته دين جديد.. وأنا أجيب ليك نصوص كتيرة يؤكد فيها ان دعوته ليست دين جديد

ابو الريش كدا نخلي كل حاجة وورينا الأصالة وترك اركان الاسلام دا شنو لو ما ردة ودين جديد ؟؟
كيف لمسلم ان يترك الشهادة والصلاة وصوم رمضان والحج ثم يكون له نصيب من الاسلام ؟؟
زول ما بيصلي وبيقول عندي شريعة خاصة دا مش دين جديد ؟؟
زول يقول كل واحد فيكم يأخذ شريعته من الله مباشرة دا ما دين جديد ؟؟
زول يقول الانسان يكون الله دا مش دين جديد !!!
طبعا الدجل بتاع النبي قابلني وامرني دا ما بيقنع طفل ، دا تقتنعوا بيهو انتم بس ، نحن بنعتبر اي زول يقول النبي جاني وقال لي دا كضاب ودحال ومهووس ومخرف ليس الا !!!
رسالة محمود من اولها الى آخرها دين جديد وفهم غريب هو اقر بذلك .
عشان كدا بكرر ليك أمشي ذاكر وتعال !!!
زول بيقول الانسان الكامل هو الله دا ما كفر ؟؟
ابو الريش مرات بحس انو في زول بيكتب عنك !!!

Quote: جيب نص يقول الأستاذ قال ان دعوته دين جديد..

Quote: وأنا أجيب ليك نصوص كتيرة يؤكد فيها ان دعوته ليست دين جديد

طبعا الجملة التانية بتقول مش لو جبتا نص قال فيهو الأستاذ
إنه أمر دين وليس بنحت فكر ... ولو ربنا أراد وقام محمود من
قبرو وجا هنا وقال إنه أمر دين ... برضو حا نخش في أنا قلتا
وإنتا قلتا ولن تتفق مع الأستاذ هيمسلف ...

Quote: ان الجدل الثائر اليوم حول الفكرة الجمهورية، في قولها بالرسالتين، وفي دعوتها لتطوير التشريع، وفيما جآءت به من غرائب في الفهم، قد ظنها البعض زعزعة للعقيدة، كقولنا عن (الإنسان الكامل)، وكتفريقنا بين (الله) الذات و(الله) الإسم، وسائر الأمور التي تشغل أركان نقاشنا اليوم، انّما هو جدل اضطررنا اليه اضطررا، وهو انما يدل عندنا على نقص التزام المسلمين بالطريق النبوي، وعلى قلّة ذوقهم فيه. انّ الفكرة الجمهورية ليست فكرة يمكن أن يؤخذ ويرد فيها.. ذلك أنها الدين لكونها دعوة لطريق محمد، كما هو مراد من الله ومرضي، ونحن لا نجادل الناس الاّ احتراما لعقولهم ريثما يعرفوها على حقيقتها، فيتركوا الجدل، ويسلموا لها، فهي، هي أمر الله، وليست بنحت فكر، ولا بتوليد معاني، فهي ليست بفكرة شخص يناقشه فيها الناس، وانّما هي دين الله، كما هو عنده، ولذلك فنحن نحيل الناس على الطريق النبوي ليروا بأنفسهم صحة ما ندعو له، فهل ظلمناهم بدعوتهم لطريقة الطرق؟!

من كتاب : الفكرة الجمهورية هي الإسلام ، ام درمان، نوفمبر 1982 يوافق محرّم 1403
الطبعة الأولى:
https://www.alfikra.org/chapter_view_a.php؟book_id=261andchapter_id=7andkeywords=%D8%A8%D8%AA%D9%88%D9%84%D9%8A%D8%AFhttps://www.alfikra.org/chapter_view_a.php؟book_id=261andchapter_id=7andkeywords=%D8%A8%D8%AA%D9%88%D9%84%D9%8A%D8%AFhttps://www.alfikra.org/chapter_view_a.php؟book_id=261andchapter_id=7andkeywords=%D8%A8%D8%AA%D9%88%D9%84%D9%8A%D8%AFhttps://www.alfikra.or...88%D9%84%D9%8A%D8%AF

Quote: جيب نص يقول الأستاذ قال ان دعوته دين جديد.. وأنا أجيب ليك نصوص كتيرة يؤكد فيها ان دعوته ليست دين جديد

شكرا صلاح زبير.. كفيتنا مؤنة الرد..

Quote: دا شنو لو ما ردة ودين جديد ؟؟

قلنا جيب نص.. تعرف معنى نص طبعاًٍ.. هات نص موش تخريجاتك وفهمك

كتب محمد الزبير

Quote: كذب شنو يا ابو الريش ، الرسالة الثانية دين جديد وانت تدعونا إليها ، أليس كذلك ؟؟

رد أبوالريش

Quote: ليس كذلك.. جيب نص يقول الأستاذ قال ان دعوته دين جديد.. وأنا أجيب ليك نصوص كتيرة يؤكد فيها ان دعوته ليست دين جديد.

جبنا نص من سيد الدين زاتو بقول إنه أمر دين
وليس بنحت فكر ...
رد ابوالريش :-

Quote: شكرا صلاح زبير.. كفيتنا مؤنة الرد..

نفهم من الرد بأن ابوالريش متفق مع الأستاذ ومعنا
نحن أولاد الزبير إنو الموضوع موضوع دين وكل
بوستات الجمهوريين في المنبر ماهي إلا دعوة لهذا
الدين الجديد ... أما قصة (نص) وتخريجات وما ادراكا
ما هي إلا زوغه من الإعتراف بما هو معلوم لدى الجميع ...

Quote: نفهم من الرد بأن ابوالريش متفق مع الأستاذ ومعنا نحن أولاد الزبير إنو الموضوع موضوع دين وكل بوستات الجمهوريين في المنبر ماهي إلا دعوة لهذا الدين الجديد

صلاح زبير.. الظاهر أسئت فهمك أو أحسنت الظن فيك.. كيف تشهد أن الأستاذ قال الأمر دين ما نحت أفكارنا.. ثم تخترع كلمة جديدة وتضيف كلمة جديد على كلمة دين، زهى لم يقلها الأستاذ. هذا تحريف.

Quote: نفهم من الرد بأن ابوالريش متفق مع الأستاذ ومعنا نحن أولاد الزبير إنو الموضوع موضوع دين وكل بوستات الجمهوريين في المنبر ماهي إلا دعوة لهذا الدين الجديد

"نفهم من الرد بأن ابوالريش متفق مع الأستاذ ومعنا
نحن أولاد الزبير إنو الموضوع موضوع دين"

أتفق معكما تماما

"وكل
بوستات الجمهوريين في المنبر ماهي إلا دعوة لهذا
الدين الجديد"

"الجديد" دى جبتها من وين؟!! جبتها من عندك يا صلاح وأهى دى ختيناها ليك قدام بابك.. يا اخوانا كفى الله الشر، خلاص اللت الله ختيتوها ورا ضهركم؟ ياخ عارضوا
الفكرة كما تشاؤون وسوف تجدون كل الإحترام والتقدير، لأنكم تمارسون حقكم المشروع، ثم تساهمون فى نشر الوعى.. لكن بأمانة عليكم الله, لن تخسروا شئ بإلتزام الأمانة فى النقل.
ما أراه أنكم تدسون اراءكم الشخصية لتوهموا القارئ انها حقائق وإن الأستاذ فعلا قال هذا. خافوا الله

Quote: ليس كذلك.. جيب نص يقول الأستاذ قال ان دعوته دين جديد

Quote: قلنا جيب نص.. تعرف معنى نص طبعاًٍ.. هات نص موش تخريجاتك وفهمك

هاك يا ابوالريش الادلة على انّ الفكر الجمهورى دين جديد " مفترع من الدين الاسلامي "

Quote: انّ الفكرة الجمهورية ليست فكرة يمكن أن يؤخذ ويرد فيها.. ذلك أنها الدين لكونها دعوة لطريق محمد، كما هو مراد من الله ومرضي

لابد من الانتباه هنا فى المقتبس اعلاه لامور فى غاية الاهمية :

1- الفكرة الجمهورية ليست فكرة يمكن أن يؤخذ ويرد فيها ( بمعنى : عدم الخوض والنقاش فيها بالأخذ والرد )
2- محمود يعتبر الفكرة دين ( بمعنى دين قائم بذاته ) لانه ليس هناك اي تفسير لكلمة أنها ( الدين ) سوى : أنها دين جديد .
3- كما هو مراد من الله ( وهذا دليل آخر على انه دين جديد مراد من الله تعالى )
4- ومرضي ( وهذا دليل آخر على أنه دين جديد مرضي من الله )

أدلة ونصوص أخرى على ان الفكرة الجمهورية دين جديد :

- يقول محمود محمد طه فى كتاب الرسالة الثانية :

Quote: من المأذون؟ ولكن رسول الله قد التحق بالرفيق الأعلى وترك ما هو منسوخ منسوخا ، وما هو محكم محكما .. فهل هناك أحد مأذون له في أن يغير هذا التغيير الأساسي ، الجوهري ، فيبعث ما كان منسوخا ، وينسخ ما كان محكما ؟؟ هذا سؤال يقوم ببال القارئ لما سلف من القول .. والحق أن كثيراً ممن يعترضون على دعوتنا إلى الرسالة الثانية من الإسلام لا يعترضون على محتوى هذه الدعوة ، بل إنهم قد لا يعيرون محتوى الدعوة كبير اعتبار .. وإنما هم يعترضون على الشكل .. هم يعترضون على أن تكون هناك رسالة ، تقتضي رسولا ، يقتضي نبـوة ، وقد ختمت النبـوة ، بصريح نص ، لا مرية فيه .. وإنه لحق أن النبـوة قد ختمت ، ولكنه ليس حـقا أن الرسالة قد ختمت

يقول محمود ويعترف بأن الرسول صلى الله عليه وسلم ترك ما هو منسوخ منسوخاً وماهو محكم محكماً .ويتساءل فى براءة متناهية :
فهل هناك أحد مأذون له في أن يغير هذا التغيير الأساسي ، الجوهري ، فيبعث ما كان منسوخا ، وينسخ ما كان محكما ؟؟
وطبعاً من يقوم بهذا النسخ هو رسول الرسالة الثانية : المسيح المحمدي .
نسخ ما كان محكماً من الآيات .
- ترك الصلاة المشروعة بحركاتها وابتكار صلاة الاصالة .
- ترك الصيام المشروع الامتناع عن المفطرات من طلوع الفجر وحتى غروب الشمس وابتكار صيام القلب .
- ترك الحج والاضحية .
- ترك الزكاة .
- ترك الجهاد .
يعنى خليّ شنو فى اركان الاسلام وما تركو وبعد دا كله ما دين جديد ؟؟

الذى قام به محمود هو :

الاجتهاد فى اركان الاسلام و اصول الدين والمعلوم من الدين بالضرورة والاتيان بأصول جديدة غير معهودة اعتماداً على الاصالة بدل التقليد ( صلوا كما رأيتموني اصلّى )
الاجتهاد دائماً فى فروع الدين والمعاملات وجوانب الحياة والمعيشة وكل مستجدات الحياة والتى تطرأ بعامل الحداثة وليس فى اصول الدين
وأركان الاسلام التى اجتهد فيها محمود هى :

Quote: "بني الإسلام على خمس: شهادة أن لا إله إلا الله وأن محمداً رسول الله، وإقام الصلاة، وإيتاء الزكاة، وصوم رمضان، وحج البيت من استطاع إليه سبيلاً"

المعلوم من الدين بالضرورة : والمعلوم من الدين بالضرورة هو : أن يكون قطعياً مشهوراً بحيث يعرفه العامة بداهة ولا يخفي على احد .

ماذا قال الامام الشافعي عن إنكار حكم معلوم من الدّينِ بالضَّرورة :

Quote: قال الشَّافعيُّ مُبَيِّنًا أنَّ من الأحكامِ ما هو معلومٌ عند العامَّةِ فضلًا عن الخاصَّةِ فلا يسَعُهم جَهْلُه: (العلِمُ عِلمانِ: عِلمُ عامَّةٍ، لا يَسَعُ بالغًا غيرَ مغلوبٍ على عَقْلِه جَهْلُه ... مِثلُ: الصَّلواتِ الخَمسِ، وأنَّ لله على النَّاسِ صَومَ شَهرِ رَمَضانَ، وحَجَّ البيتِ إذا استطاعوه، وزكاةً في أموالِهم، وأنَّه حَرَّم عليهم الزِّنا والقَتْلَ والسَّرِقةَ والخَمْرَ، وما كان في معنى هذا ممَّا كُلِّف العبادُ أن يَعقِلوه ويَعمَلوه، ويُعطوه من أنفُسِهم وأموالِهم، وأن يكُفُّوا عنه ما حُرِّمَ عليهم منه، وهذا الصِّنفُ كُلُّه من العِلمِ موجودٌ نصًّا في كِتابِ اللهِ، موجودٌ عامًّا عند أهلِ الإسلامِ، ينقُلُه عوامُّهم عمَّن مضى من عوامِّهم، يحكونَه عن رَسولِ اللهِ صلَّى اللهُ عليه وسلَّم، ولا يتنازَعون في حكايتِه، ولا وجوبِه عليهم، وهذا العِلمُ العامُّ الذي لا يمكِنُ فيه الغَلَطُ من الخبرِ والتأويلِ، ولا يجوزُ فيه التنازُعُ) .وقال أيضًا: (أمَّا ما كان نصُّ كِتابٍ بيِّنٍ أو سُنَّةٍ مُجتَمَعٍ عليها فالعُذرُ فيها مقطوعٌ، ولا يسَعُ الشَّكُّ في واحدٍ منهما، ومن امتنع من قَبولِه استُتيبَ)((الرسالة)) (ص: 357 - 359 - 460).

ليس هناك ادني شك فى انّ الفكرة الجمهورية : دين جديد .

Quote: "نفهم من الرد بأن ابوالريش متفق مع الأستاذ ومعنا نحن أولاد الزبير إنو الموضوع موضوع دين" أتفق معكما تماما

بس ... ثبت لينا إنها دين دي وليست بفكرة ...
جديد وقديم دي بتعتمد على المتلقي للدعوة ...
من كنتم سارحين بيهم بالخلا على أساس إنها
فكرة وفجأة يكتشف بأنها دين وليست فكرة
ففي الحالة دي ببقى دين جديد بالنسبة ليهو ...
طبعا الفرق شاسع جدا بين الفكرة والدين ...

Quote: "نفهم من الرد بأن ابوالريش متفق مع الأستاذ ومعنا نحن أولاد الزبير إنو الموضوع موضوع دين" أتفق معكما تماما

لا يا صلاح.. الكلام دا ما سليم منك.. أنك تقتطع تلاتة كلمة من تعلقى وتخلى الباقى اللى هو شرح للكلمات لأنه غير متوافق معك.. والله ما رضيتها منك.

Quote: جيب نص يقول الأستاذ قال ان دعوته دين جديد.. وأنا أجيب ليك نصوص كتيرة يؤكد فيها ان دعوته ليست دين جديد.

محمود لم يقول بأن رسالته دين انما قال الدين

وفرق كبير بين ( دين ) و ( الدين )

لان دين مسمى عام ( نكره )
والدين مسمى خاص ( معرفة )
بمعنى انه اسم يدل على مسمى مُعيّن .

حيث هنا : المسمى المُعيّن هو : الفكر الجمهورى - الفكرة الجمهورية - الرسالة الثانية .

وهذا دليل دامغ لا شكّ فيه انّ الرسالة الثانية : دين جديد .

أخونا علاء..
الدعوة الإسلامية التى أسسها الأستاذ محمود هى الدين الإسلامى الذى أتى به محمد بن عبدالله بن عبدالمطلب فى القرن السابع الميلادى فى مكة، بأرض الحجاز فى غرب قارة اسيا من الكرة الأرضية، والتى هى ضمن المجموعة الشمسية فى مجرة سكة التبانة.
ولا يوجد اليوم دين إسلامى سوى هذه الدعوة.

--
تم تصحيح الإسم

Quote: أخونا علاء..الدعوة الإسلامية التى أسسها الأستاذ محمود هى الدين الإسلامى الذى أتى به محمد بن عبدالله بن عبدالمطلب فى القرن السابع الميلادى فى مكة، بأرض الحجاز فى غرب قارة اسيا من الكرة الأرضية، والتى هى ضمن المجموعة الشمسية فى مجرة سكة التبانة.ولا يوجد اليوم دين إسلامى سوى هذه الدعوة.

عشان كده الفكر الجمهوري جزء من الأزمة ولا يمكن يكون الحل اذا انتوا شايفين انه مافي دين اسلامي غير دعوتكم

هههههه أخانا أبو الريش ... تنقصك الروح الرياضية ...
بس وريني علاقة ال ٣ كلمات بي باقى كلامك ...
ال ٣ كلمات قلتهن إستجابة لي استيتمينت أنا قتو ...
باقي كلامك عن كلمة (جديد) ما عندنا عليهو إعتراض ...
لقيتك خرخاااااار ...

آها يا شباب لقيتوا مخرج لي مخرج عشرين الفكر الجمهوري ولا نرجع لمخرج سبعة 😂 😂 😂

Quote: أخونا علاء..الدعوة الإسلامية التى أسسها الأستاذ محمود هى الدين الإسلامى الذى أتى به محمد بن عبدالله بن عبدالمطلب فى القرن السابع الميلادى فى مكة، بأرض الحجاز فى غرب قارة اسيا من الكرة الأرضية، والتى هى ضمن المجموعة الشمسية فى مجرة سكة التبانة.ولا يوجد اليوم دين إسلامى سوى هذه الدعوة.

muntasir شرحوا وما بيقصر فى اللعبات الحلوة :

Quote: عشان كده الفكر الجمهوري جزء من الأزمة ولا يمكن يكون الحل اذا انتوا شايفين انه مافي دين اسلامي غير دعوتكم

كتب ابو الريش

Quote: قلنا جيب نص.. تعرف معنى نص طبعاًٍ.. هات نص موش تخريجاتك وفهمك

ولمن سخن كتب :

Quote: أخونا علاء.. الدعوة الإسلامية التى أسسها الأستاذ محمود هى الدين الإسلامى الذى أتى به محمد بن عبدالله بن عبدالمطلب فى القرن السابع الميلادى فى مكة، بأرض الحجاز فى غرب قارة اسيا من الكرة الأرضية، والتى هى ضمن المجموعة الشمسية فى مجرة سكة التبانة. ولا يوجد اليوم دين إسلامى سوى هذه الدعوة.

يعني نفهم من كدا ان المليارات من المسلمين على دين باطل !!!!!
أليس كذلك ؟؟؟
أسسها يعني جديد وتأسيس كمان !!
غايتو الجمهوري بس تحاوره بنصوص استاذهم طوالي بيلف حول نفسه .....
برافو عليكم ود الزبير علاء .........
طيب نقارن بين دين محمد صلى الله عليه وسلم ومحمود :
روى البخاري في صحيحه :

Quote: حَدَّثَنَا عُبَيْدُ اللَّهِ بْنُ مُوسَى، قَالَ: أَخْبَرَنَا حَنْظَلَةُ بْنُ أَبِي سُفْيَانَ، عَنْ عِكْرِمَةَ بْنِ خَالِدٍ، عَنِ ابْنِ عُمَرَ، رَضِيَ اللَّهُ عَنْهُمَا قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ " بُنِيَ الإِسْلاَمُ عَلَى خَمْسٍ: شَهَادَةِ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ، وَإِقَامِ الصَّلاَةِ، وَإِيتَاءِ الزَّكَاةِ، وَالحَجِّ، وَصَوْمِ رَمَضَانَ "

وروى البيهقي :

Quote: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ: " مَنْ كَانَ آخِرُ كَلَامِهِ لَا إِلَهَ إِلَّا اللهُ دَخَلَ الْجَنَّةَ "

وقال محمود محمد طه في المقابل :

Quote: فهو حين يدخل من مدخل شهادة (( ألا إله إلا الله ، وأن محمدا رسول الله )) يجاهد ليرقى بإتقان تقليد المعصوم إلى مرتبة (( فاعلم أنه لا إله إلا الله )) ثم يجاهد بإتقان هذا التقليد حتى يرقى بشهادة التوحيد إلى مرتبة يتخلى فيها عن الشهادة

طيب دا مش دين جديد وكلامم مناقض لقول النبي ودينه ؟؟
نجي للصلاة :
رسولنا بيقول فيما رواه احمد :

Quote: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «بَيْنَنَا وَبَيْنَهُمْ تَرْكُ الصَّلَاةِ، فَمَنْ تَرَكَهَا فَقَدْ كَفَرَ»

ورسولكم بتقول عنه بنته :

Quote: -الاستاذ لم يكن يصلى مثل صلاتنا دي لكنو كان بصلى ) *كان يصلى مثل من ؟ = لم يكن يصلى الخمس اوقات (ارجو ان ترجع الى كتاب رسالة الصلاة لان هذا امر كان يخص الاستاذ ) * كم كان يصلى من الخمسة اوقات ؟ = هو كان يصلى أكثر من الخمسة اوقات لان نفسه الصاعد والهابط كان صلاة ,

لان نفسه الصاعد والهابط كان صلاة
قالت نفسه كانت صلاة ، يا اخي نفس شنو البيبقى صلاة ، التنفس دا عمل لا ارادي تقوم بها كل الكائنات الحية كيف يكون صلاة وكيف يحاسب عليه المكلف ؟
طيب ابو لهب وابو جهل وفرعون كانوا بيتنفسوا شنو البيخلي تنفسك صلاة وحقهم لا ؟؟؟
وشنو الدليل على ان التنفس صلاة وان الصلوات الخمسة سقطت عنه ؟؟؟
وليه الرسول ما قال ما كان آخر عهده التنفس دخل الجنة ؟؟؟
وهنا اختصر ليك الموضوع وقال ليك بلاش اركان اسلام بلا فلقة :

Quote: حتى يتم اللقاء، بين العابد المجود وبين الله بلا واسطة. فيأذ كل عابد مجود، من الأمة الإسلامية المقبلة، شريعته الفردية من الله بلا واسطة، فتكون له شهادته، وتكون له صلاته وصيامه وزكاته وحجه، ويكون، في كل أولئك، أصيلا، ويكون، في كل أولئك، متأسيا بالمعصوم في الأصالة.

اها دا لو ما دين جديد بيبقى شنو ؟؟؟
لو انتو ميغيبين ومغشوشين ما بتقدروا تغشونا ...........
أبو الريش ذاكر كويس وبطل لعب بالكلمات ، رسولكم ما كا بيتزاوغ زيكم ، ما تخربوا ليهو دينه زيما هو حاول يخرب دين رسولنا ......

قَالَ رَسُولُ اللَّهِ صَلَّى اللهُ عَلَيْهِ وَسَلَّمَ " بُنِيَ الإِسْلاَمُ عَلَى خَمْسٍ: شَهَادَةِ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ، وَإِقَامِ الصَّلاَةِ، وَإِيتَاءِ الزَّكَاةِ، وَالحَجِّ، وَصَوْمِ رَمَضَانَ - كلام واااااضح قوله وأعمل بيه وإن شاء الله أمرك ميسر مع الله، اللخبطة التحت دي لزومها شنو؟

Quote: وحين يرقى السالك في مدارج الرسالة الثانية من مدخل الرسالة الأولى على النحو الذي بينا يكون قد قطع درجات السلم السباعي

بعدين موضوع الرقم سبعة دي شنو مع الأستاذ وجماعته 😂 😂 😂 هو شنو ده ندخل بمدارج الرسالة التانية وتاني نقوم نخرج من مدخل الرسالة الأولي
عشان نطبق الرسالة التانية وتختلط علينا المداخل والمخارج وفي نهاية المطاف نلقي نفسنا خارج الملة ذاتو 😂 😂 إنتو فاهمين كلامي ؟ تبا لهم العاطلين 😂

Quote: بعدين موضوع الرقم سبعة دي شنو مع الأستاذ وجماعته 😂 😂 😂 هو شنو ده ندخل بمدارج الرسالة التانية وتاني نقوم نخرج من مدخل الرسالة الأولي عشان نطبق الرسالة التانية وتختلط علينا المداخل والمخارج وفي نهاية المطاف نلقي نفسنا خارج الملة ذاتو 😂 😂 إنتو فاهمين كلامي ؟ تبا لهم العاطلين 😂

أين المبدع أبو الريش ؟

Quote: هل قاموا بدراسـة الحلول السياسية والإقتصادية‘ التى يقدمها الجمهوريون وقوموها مقارنة بإطروحات الأحزاب الأخرى؟ سؤال ينتظر الإجابــة.

أنا عن نفسي بجاوب بقدر قدرتي ومعرفتي
بس يا ريت تتفضل وتلخص لينا حلول الجمهوريين
السياسية والإقتصادية
أنا منتظر على أحر من الجمر هذه الحلول والرؤى
لنحكم بالدراسة والتحليل والمقارنة والافتراضات النظرية
والنتائج المستنتجة من الافتراضات النظرية
محمود محمد طه كان مهندسا لو كان سنة سنة حسنة
في التوسع رأسيا وأفقيا في تخصصه الهندسي
في حشد الناس لتشجيعهم لقيام ثورة صناعية في السودان
صديقة للزراعة وللحيوات وتكميلية
لخلده التأريخ وكتب اسمه في التأريه
بمداد من ذهب أيا كان معتقده طالما أنه
لم يرويج لمذهبه بل عمل في المتفق عليه
في شأن الدنيا وما يعين للعيش الكريم
في الوطن بعيدا عن العراك المذهبي
الباطني في مقابل السني