Post: #1 Title: بدر الدين الأمير عذبني(اكيد صور/فيديو) Author: خضر الطيب Date: 09-05-2021, 05:35 AM Parent: #0
04:35 AM September, 05 2021 سودانيز اون لاين خضر الطيب-South Africa_Cape town
في زول بتصل على زول الساعة ستة صباحاً و يقول ليهو جاييك ؟
Post: #2 Title: Re: بدر الدين الأمير عذبني(اكيد صور) Author: خضر الطيب Date: 09-05-2021, 05:55 AM Parent: #1
بدر الدين قصد يجيب ولدو أمير في مدرسة انقليزية جنب بيتي
Post: #3 Title: Re: بدر الدين الأمير عذبني(اكيد صور) Author: ANWAR SAYED IBRAHIM Date: 09-05-2021, 06:08 AM Parent: #2
اخونا استاذ خضر
صباح الخيرات
Quote: في زول بتصل على زول الساعة ستة صباحاً و يقول ليهو جاييك ؟
ود الامير يكون جايب معاهو ام ( .. ف ... ت .. ف ... ت )
طبعا عشان صاحبو بتاع العنكوليب الايام دى بعيد منه ..
تحياتى ومودتى لكما
Post: #4 Title: Re: بدر الدين الأمير عذبني(اكيد صور) Author: بدر الدين الأمير Date: 09-05-2021, 06:30 AM Parent: #3
ياانور بدوى الدويم خضر الطيب انا باخد فيهو الاجر طبعا هو سقد شغلو باليل بنوم بعد تسعة صباح انا بوصل امير المدرسة ويجيب ليهو معاى الفطور والغداء ولمن ما اجيهو بدق جرس ويكورك انا معتمد عليك في الفطور ياها نفس القصة بتاعت نجيكم تكوركو.......
Post: #5 Title: Re: بدر الدين الأمير عذبني(اكيد صور) Author: Osman Musa Date: 09-05-2021, 08:40 AM Parent: #4
يا خضر أسمع دي . واحد نقر باب جارو الساعة خمسة صباح والجو برد شديد . قال لى جارو . ياخ انا طبعا ما عندي عربية ودايرك توديني الجزارة هسع داير لي ام فتفت. جارو بردان وزهجان. قالو : ام فتفت ؟ هسع عليك الله لو جابوا لى كباب دحين باكلو؟ هههههههه اها بدرالدين بكون قريب الزول دا.
Post: #6 Title: Re: بدر الدين الأمير عذبني(اكيد صور) Author: Deng Date: 09-05-2021, 10:46 AM Parent: #5
يا خضر الطيب
بدر الدين جاب الفطور من وين؟
Post: #8 Title: Re: بدر الدين الأمير عذبني(اكيد صور) Author: بدر الدين الأمير Date: 09-05-2021, 11:43 AM Parent: #6
يادينق تعال شوف التشهى والتنمر الفول تجيبو من مطعم الفتمينات العدس من المشاهير وماتنسى المخلل والمتبل وللغداء قول للدكتورة الضلعة تكون كتف وقبل ماتلايق ام رقيقة تطلع منها سوب شوفت الحكنشة قلت له ياخى امش اسكن مع دينق وفكنا قال دينق متخلف بمنع التدخين
Post: #7 Title: Re: بدر الدين الأمير عذبني(اكيد صور) Author: بدر الدين الأمير Date: 09-05-2021, 11:30 AM Parent: #5
عثمان ياود موسى صدق بدوى الدويم عامل فيها حنكوش مابياكل لام فت فت ولا كبدة الابل هو فاكر رقبتو انو الجواز الانجليزى بقاهو قريب صاحبة الجلالة الملكة فتأمل الاستلاب
Post: #9 Title: Re: بدر الدين الأمير عذبني(اكيد صور) Author: خضر الطيب Date: 09-05-2021, 12:12 PM Parent: #7
مرحب حبيبنا انور الإبراهيم
Quote: ود الامير يكون جايب معاهو ام ( .. ف ... ت .. ف ... ت )
طبعا عشان صاحبو بتاع العنكوليب الايام دى بعيد منه ..
تحياتى ومودتى لكما
هو عارف يا انور لو جاب ام فت فت الباب دا ما بفتحو ليهو مرة اتصل علي و انا كنت في إجازة قال لي عربيتي عاملة حادث و عندي مشاوير في جهات حكومية تعال وصلني و خليك معاي باقي اليوم دا قلت اللهم اجعلو خير مشيت و جاني نازل جايب معاهو باقة بلاستيك و ملعقة حقيقة انا ما انتبهتا المخلوق دا شايل شنو فجأة اشم ريحة ملت العربية اعاين القاهو فتح الباقة و طلعت ام فت فت قلت ليهو دا شنو يا بدر الدين قال لي امفت فت جايبا ليك قلت ليهو منوالقال ليك انا باكل ام فت فت يا بدر الدين قلت ليهو يا إما تنزل او ترمي الباقة دي طبعاً بإندهاشة شديدة قال لي انت جادي قلت ليهو جادي جداً قال لي انا جايبا ليك قلت تفطر عشان يومنا طويل و بعدين يا عربي الدويم معتز الظلامي بياكل ام فت فت و كبدة الإبل قلت ليهو انت و معتز بتاكلو اي مصيبة و بعدين انا ما من عرب الدويم انا من حلب الدويم و معتز من عرب الدويم انا باكل سمك و فسيخ و جبنة بس يومنا داك كان جميل و هو لحدي هسي مندهش اني ما باكل ام فت فت هههههه
Post: #10 Title: Re: بدر الدين الأمير عذبني(اكيد صور) Author: MOHAMMED ELSHEIKH Date: 09-05-2021, 12:22 PM Parent: #9
ستة صباحن؟؟؟
واحد قريبنا بايتة معاه سكرة دقو ليه الباب خمسة صباحاوقالوا ليه فلان راجل اختك توفي في حادث
قال ليهم : وانا ها اعمل ليه اشنو دي الوكت؟
قالوا ليه عشان نمشي ندفن رد عليهم: طيب لمان انا اموت جيبوا جوز بقر واربطوني محل المحرات وادوني البحر بتاع القيقر دا .
Post: #16 Title: Re: بدر الدين الأمير عذبني(اكيد صور) Author: بدر الدين الأمير Date: 09-05-2021, 02:44 PM Parent: #10
محمد ياابن اختى ياهندسة هل تعلم ان الشخص الوحيد البخوف بدوى الدويم خضر الطيب هو امير بخش شقة خضر بقلبها فوق تحت واجهزة الكمبيوتر الالموتناج بعوس فيها فساد مرة خضر عازم اسرة من اصحابو الكينين وعزمنا انا وامير وتعال شوف ولدك امير استلم الجلسة والحكى وجكس زوجة الكينى وحير الحضور خلى خضر ينزل فيديو تلك السهرة
Post: #11 Title: Re: بدر الدين الأمير عذبني(اكيد صور) Author: Biraima M Adam Date: 09-05-2021, 12:26 PM Parent: #7
ههههاي!! بالله يا ود الأمير أوري الضبع خضر حاجة ..
لو جاني إلا أورطه في لحمة مطبوخة ب "أم غازي"! أم غازي الله يكرمكم هو عصارة المصران الكبير .. أول ما تذبح الخروف ويسلخوه .. تقطع المصران الكبير وتربطه من أطرافه وهو مليان بالعصارة الله يكرمكم .. الخراء الأخضر داك .. تطبخ اللحمة لما تقرب تنجض تب .. وتشيل عصارة المصران أب غازي وتكبها في اللحمة .. وخليها تعمل نظام "أستو" أي أستواء علي نار هادئة .. وما تكلم الضيف .. والله يقول ليك أكلت أحلي لحمة في حياتي ..!
بالله أضبظ واحد أم غازي للضبع خضر، وأنت ذات يا ود الأمير جرب الطبخة ..
-------------- الكلمة تنطق أم غازييي .. أو أب غازييي .. هكذا
بريمة
Post: #12 Title: Re: بدر الدين الأمير عذبني(اكيد صور) Author: زهير ابو الزهراء Date: 09-05-2021, 12:35 PM Parent: #11
يا خضر كتر خير الدنيا تلقي زول يسال منك يا حلبي يا بتاع الفسيخ
Post: #18 Title: Re: بدر الدين الأمير عذبني(اكيد صور) Author: بدر الدين الأمير Date: 09-05-2021, 02:52 PM Parent: #12
ياابو الزهراء الحلبى بدوى الدويم خضر الطيب يتيم وعزابى نحن بناخد فيه الاجر ولكم في كل كبد رطب اجر
Post: #13 Title: Re: بدر الدين الأمير عذبني(اكيد صور) Author: خضر الطيب Date: 09-05-2021, 12:50 PM Parent: #11
Quote: بدر الدين قصد يجيب ولدو أمير في مدرسة انقليزية جنب بيتي
طبعاً الأمير الكارثة دا انا مسميهو (الحرب الكونية) بدر الدين دخلو مدرسة امريكية في البداية قلت ليهو يا بدر الدين الأكسينت الأمريكي بتاع ناس دينق دا ما بنفع خلي الولد يدرس في مدرسة انقليزية برتبو ليك صاح كان أمير لما يجيني بتكلم معاهو بي أصعب اكسنت بتاع غرب يوركشاير و بدأ يستجيب ماشاء الله هو ذكي جداً و عالي الإستجابة مهما كان مشغول بنتبه لي و بتجاوب معاي بدر الدين اتكيف من الحاجة دي و سجل أمير في مدرسة إدسون الإنقليزية جنب بيتي هو كان فاكر إنو ممكن يتصل على الضهر يقول لي امشي جيب أمير طبعاً انا عارف النظام انهم مستحيل يسلموني ليهو ما بسلموهو إلا لي ابوهو ما لم يجي ابوهو و يقول ليهم ممكن انا استلمو و الموضوع فيهو إمضاء و تعهد و طبعاً دي انا مستحيل اعملا رغم حبي لي أمير و تعلق أمير بي اذا متنا أو حيينا الطفل دا متميز و حيكون له شأن ما شاء الله تبارك الله و بالمناسبة فيهو شبه من عمو وزيرنا حمزة بلول .. في النهاية كلهم عربجي ")
Post: #14 Title: Re: بدر الدين الأمير عذبني(اكيد صور) Author: خضر الطيب Date: 09-05-2021, 01:20 PM Parent: #13
حبيبنا و استاذنا محمد السني دفع الله قبل انو يكون مدير المركز الثقافي السوداني و برغم طلب ابو الزهراء إلا عشان الأطفال اطفالنا السمر و عندو ليهم برامج كتيرة و متنوعة و هو بلا شك رائع في هذا المجال مسرح الطفل محمد السني هو زوج أحلام النوبية جابو السهروردي و اتكلمتا مع السهروردي طفل عالي الإستجابة ما شاء الله نعم طفل معجزة اسمو السهروردي و قام السني اتبنى كل اطفال السودانيين في الدوحة و عمل ليهم برامج و ساهم معاهو الأستاذ نجدي مدير السينمات بدولة قطر وزميلة المنبر الكنداكة أميرة الشيخ و زوجها الراكز أبارو , عملو شغل رائع ح اجيب ليكم زوجة استاذنا الموسيقار عثمان النو, ام عكرمة و هي متخصصة في مسرح الطفل و معروفة بالنسبة ليك يا سني انا ما مشيت المركز بعاين من بعيد و بتجيني كل الفعاليات و البرامج و من ضمنها الفعالية التالية لأمير انا سعيد جداً بإننا استلمنا المركز الثقافي من الزواحف و عاد المركز الى قواعده سالماً
Post: #15 Title: Re: بدر الدين الأمير عذبني(اكيد صور) Author: علي عبدالوهاب عثمان Date: 09-05-2021, 01:32 PM Parent: #14
الحبيب خضر .. تحياتي تدوم علاقات الاخوة بينكم التحية للامير الصغير دعواتنا له بالتوفيق والنجاح ويكون نفعاً للبلاد والعباد تحياتي الأمير
Post: #19 Title: Re: بدر الدين الأمير عذبني(اكيد صور) Author: بدر الدين الأمير Date: 09-05-2021, 02:58 PM Parent: #15
على ياعبد الوهاب اكتر اتنين البعرف ينجضهم امير هما جدو رطانى عزام فرح وحلبى الدويم خضر الطيب لذا انا راضى عنه تماما
Post: #20 Title: Re: بدر الدين الأمير عذبني(اكيد صور) Author: Ahmed Yassin Date: 09-05-2021, 03:13 PM Parent: #15
بالله بتاع اربجي دا اتصل عليك الساعة ستة يا حبيب .. ماتنسى ما قصر ابوامير .. يعني طلع زول راقي وبتصل قبل ما يجي اتخيل تكون مساهر الليل كله .. وتصلي الفجر .. واليوم عطلة مافي مدارس تاخد ليك رقدة وبعد تعب وتحانيس للنوم ومع الاستغراق البطىء في النوم اللذيذ داك تسمع جرس الباب بضرب ضرب متواصل وخبيط .. البيت كله يقوم مخلوع .. دا منو ؟ في شنو ؟ .. تفتح الباب تلقى واحد بشبه بدرالدين دا .. تقول ليهو أهلا يا بدر ..يقول ليك اوع اكون ازعجتكم ياخ .. معليش ياخ .. ياخ عربيتي ابت تدور داير لي زردية ومفتاح عشرة بس ؟ = مفتاح كم ؟ قلت لي ؟؟ * عشرة مفتاح عشرة = ودا حق شنو ؟ * بتاع صواميل البطارية = اسمع عندي مفتاح (سي بيمول) بنفع؟
Post: #21 Title: Re: بدر الدين الأمير عذبني(اكيد صور) Author: بدر الدين الأمير Date: 09-05-2021, 03:35 PM Parent: #20
احمد ياسين انا التطير عيشتى من حلبى الدويم للاجنبى دينق ودينق طلباتو مشاترة الاستيك لازم يكون متبل فى الواين الاحمر قبل يوم ولازم محمر ول ضن والسلطة لازم تكون مفرقة يعنى الخيار لوحده الطماطم لوحدها ووالخ وبرضو برجع واقول لنا في كل كبد رطب أجر
Post: #26 Title: Re: بدر الدين الأمير عذبني(اكيد صور/فيديو) Author: خضر الطيب Date: 09-05-2021, 08:33 PM Parent: #14
ابو الأمير خليك طبيعي
Quote: ياانور بدوى الدويم خضر الطيب انا باخد فيهو الاجر طبعا هو سقد شغلو باليل بنوم بعد تسعة صباح انا بوصل امير المدرسة ويجيب ليهو معاى الفطور والغداء ولمن ما اجيهو بدق جرس ويكورك انا معتمد عليك في الفطور ياها نفس القصة بتاعت نجيكم تكوركو.......
البسمع بالفطور يقول جايبو من الريتز كارلتون و لا من الشيراتون مش ياهو عدس الوابل دا بتاع المشاهير ياخ انا العدس ما بنفع معاي لكن بقول القحة و لا صمة الخشم بدر الدين ما تستفزني انا ما معتز القريش الكنت انت كفيلو انا كفالتي على الدولة و ما عندك حاجة عندي انا صابر عليك عشان الأمير بحب يجيني بالله بكرة حاول نوع في الفطور ياخي هردتا كبدتي بالعدس و بعدين ياخ التميس دا انا ما بحبو عامل ذي الحطب انت قايلني افغاني ؟ هههههههه تباً لك
Post: #17 Title: Re: بدر الدين الأمير عذبني(اكيد صور) Author: بدر الدين الأمير Date: 09-05-2021, 02:47 PM Parent: #11
Post: #22 Title: Re: بدر الدين الأمير عذبني(اكيد صور/فيديو) Author: أبوذر بابكر Date: 09-05-2021, 03:39 PM Parent: #1
عليك الله يا خضر لو يوم الغدا الجايبو ليك بدر كان كسرة بي بامية مفروكة
قول لي عوك
بجيكن خافس ساي بي كورعي
بالدرب التحت قصاد ربوع هندا
ملحوظة: بجيب معاي الشطة الخدرا مافي داعي تكلف بدر الدين زيادة
Post: #23 Title: Re: بدر الدين الأمير عذبني(اكيد صور/فيديو) Author: Abureesh Date: 09-05-2021, 03:54 PM Parent: #22
oops!
Post: #24 Title: Re: بدر الدين الأمير عذبني(اكيد صور/فيديو) Author: بدر الدين الأمير Date: 09-05-2021, 04:37 PM Parent: #22
ابو ذر ماتركز مع حلبى الدويم ابو جواز انجليزى دا زول مستلب بقى كل اكله اكل خوجات وبمز بالتفاح
Post: #25 Title: Re: بدر الدين الأمير عذبني(اكيد صور/فيديو) Author: بدر الدين الأمير Date: 09-05-2021, 04:41 PM Parent: #24
ابو الريش هاك الاجابة على سؤالك المسحتو ام فت فت يتم تناولها قبل الفطور لانها بتفك السكرة وتمتص الكحول من المعمدة
Post: #27 Title: Re: بدر الدين الأمير عذبني(اكيد صور/فيديو) Author: محمد محمد قاضي Date: 09-05-2021, 10:36 PM Parent: #1
Quote: وتمتص الكحول من المعمدة
ود الأمير إنت وكت دايرها تمتص من المعدة شرابها من الأول ليه 😂
Post: #28 Title: Re: بدر الدين الأمير عذبني(اكيد صور/فيديو) Author: محمد محمد قاضي Date: 09-05-2021, 10:45 PM Parent: #1
يا خضر عاين صحبك العريبي الصغير لمن جا من البلد 😂 😂 😂 ولدي عبد الله يحسن فيه والعريبي الصغير حالف طلاق ينزل حوض السباحة بالسروال هههههههه
Post: #29 Title: Re: بدر الدين الأمير عذبني(اكيد صور/فيديو) Author: محمد محمد قاضي Date: 09-05-2021, 10:55 PM Parent: #1
منعو من حوض السباحة عشان ما لابس شورت السباحة قال بقع البحر 😂 😂 😂 حيرك ليك عبد الله 😂
Post: #30 Title: Re: بدر الدين الأمير عذبني(اكيد صور/فيديو) Author: خضر الطيب Date: 09-06-2021, 01:55 AM Parent: #29
سلام يا دينق
Quote: يا خضر الطيب
بدر الدين جاب الفطور من وين؟
شن الفطور يا اخوي يا هو العدس بتاع المشاهير و معاهو تميس طالبان الوكت داك انا بكون خلاص طفيت عاوز أنوم بنوم بخليهو راقد في الصالة عندو جريدة بجيبا معاهو بقراها في خمسة دقائق شكلو بشوف الصور بس ههههه
https://www.0zz0.com
شفتا رقدتو دي من الساعة ستة صباحاً لحدي 12 و نص ضهر
Post: #31 Title: Re: بدر الدين الأمير عذبني(اكيد صور/فيديو) Author: بسمات الشيخ Date: 09-06-2021, 02:25 AM Parent: #30
لكن كراسي الجلوس ما عندكم ،وكأنها كراسي جلوس امير من امراء السعودية
Post: #33 Title: Re: بدر الدين الأمير عذبني(اكيد صور/فيديو) Author: adil amin Date: 09-06-2021, 03:33 AM Parent: #31
ستة صباحا ؟؟؟؟ وانت لا من اهل الفكر ولا اهل الذكر...البصحيك شنو ؟؟؟ عرب الجزيرة دي اصلهم كدا الساعة البيولجية بتاعتهم بايظة قالو كانو بلعبو حريق بليل بالله واحد جرووووو خمسين في اخر عشرة زعتلو شديد كان جادع ليه دوو الصباح بدري مشا لي الزول الجراه الخمسين يا فلان يا فلان الزول قام واتكبكب وجا فتح الباب ده قال ليه لو رميت ليك بلي الشيريا كيف؟؟ قال ليه برضو خمسيين وبهت الذى كفر انا لو جيتني يا خضر ستة صباحا بكون لي فيك مارب اوخر وقرررط علي كده طلعت حلبي و انا عايز اوديك قبة الشيخ البرير قايلك انصاري اتاريييي الشيوعية دي ماطايرة ليك في راسك ساكت
Post: #34 Title: Re: بدر الدين الأمير عذبني(اكيد صور/فيديو) Author: بدر الدين الأمير Date: 09-06-2021, 04:33 AM Parent: #31
بسمات يابت الشيخ هل تصدقى انا من قام باختيار هذا الصالون لحلبى الدويم خضر الطيب
Post: #32 Title: Re: بدر الدين الأمير عذبني(اكيد صور/فيديو) Author: بدر الدين الأمير Date: 09-06-2021, 03:20 AM Parent: #29
محمد القاضى يارطانى احترم نفسك امير سجلناهو فى نادى السد وبقى سباح ماهر وزى مابقول المثل العربى اكان تمدن بجيب لاهله مصيبة امس وانا مرجعو من المرسة قال لى يابابا انا عاقبونى قلت عملت شنو عشان يعاقبوك قال بتكلم مع البنات اثناء الدرس قلت دا احسن عقاب قلت له انت جكس وخلى الخواجات يعاقبو
Post: #35 Title: Re: بدر الدين الأمير عذبني(اكيد صور/فيديو) Author: خضر الطيب Date: 09-06-2021, 11:02 AM Parent: #32
اليوم ابوالأمير ما جاني
لما جات مواعيدو كتبتا ليهو في الواتس قلت ممكن يكون نائم رجع اتصل علي قال لي انا و المدام و أمير في الشركة الليلة أمير شغال أونلاين الحصص الدكتورة زميلة المنبر قالت ليهو قوم شيل فطورك و امشي لي خضر قال ليها خضر مبهدلني بهدلة في سودانيز و انا قافل منه قالت ليهو خلاص اقفل صوت الموبايل و أمشي ادخل في غرفة الإجتماعات و اقفلا عليك لا تتصل على زول و لا تخلي زول يتصل عليك عشان ما تشوش علي الولد , الولد تقول انشتاين :) غايتو انا ضحتكا كده و إتخيلتا منظرو قلت ليهو و الله يا بدر الدين انت بعد كده إلا يتكلو بيك الباب اللهم لا شماتة ههههههههه
Post: #36 Title: Re: بدر الدين الأمير عذبني(اكيد صور/فيديو) Author: MOHAMMED ELSHEIKH Date: 09-06-2021, 11:35 AM Parent: #35
أنا غايتو عافي من وليد خالي
Post: #37 Title: Re: بدر الدين الأمير عذبني(اكيد صور/فيديو) Author: Arif Nashed Date: 09-06-2021, 01:08 PM Parent: #36
Quote: ام فت فت يتم تناولها قبل الفطور لانها بتفك السكرة وتمتص الكحول من المعدة
بدل امفتفت جيب ليهو حقنة شرجية 😂😂😂😂
Post: #38 Title: Re: بدر الدين الأمير عذبني(اكيد صور/فيديو) Author: خضر الطيب Date: 09-06-2021, 08:56 PM Parent: #37
Quote: يا خضر عاين صحبك العريبي الصغير لمن جا من البلد 😂 😂 😂 ولدي عبد الله يحسن فيه والعريبي الصغير حالف طلاق ينزل حوض السباحة بالسروال هههههههه
و الله يا ود القاضي دي صورة أوسكار ذي ما بتقول زميلة المنبر امتثال العبد الله و التي اتمنى عودتها معافاة تعرف يا قاضي انتود المخ واحد مع الولد و ابوهو , جاي عاوز يقلع الجلابية هو فاكر دي ترعة لكن هسي حصل ليهو ابديت و اتطور طبعاً صاحبك بدر الدين علاقاتو واسعة في البلد دي 44 سنة غربة مقاس جزمتي :) قام دخل أمير نادي السد في مجال السباحة يعني أمير دا ممكن يمثل دولة قطر في مجال السباحة عالمياً و ياخد الجوازالقطري ذي الترتيب ما شاء الله عليهو لما يركز بركز صاح قلت لي جاي داقش بالسروال ..شيييت ياخ ههههههه
Post: #39 Title: Re: بدر الدين الأمير عذبني(اكيد صور/فيديو) Author: خضر الطيب Date: 09-07-2021, 05:42 AM Parent: #38
مرحب حبيبنا الفنان عثمان ود موسى
Quote: يا خضر أسمع دي . واحد نقر باب جارو الساعة خمسة صباح والجو برد شديد . قال لى جارو . ياخ انا طبعا ما عندي عربية ودايرك توديني الجزارة هسع داير لي ام فتفت. جارو بردان وزهجان. قالو : ام فتفت ؟ هسع عليك الله لو جابوا لى كباب دحين باكلو؟ هههههههه اها بدرالدين بكون قريب الزول دا.
طبعاً يا ود موسى حبيبنا ابو الأمير كان ساكن في حي بني عمران 11 سنة كأنو وارث البيت في الحي دا اتذكر اول ما جيت كان في جزار متخصص في الكرشة و ام فت فت و الكوارع و كبدة الجمل عندي زميل شغال مترجم في مستشفى حمد الله يطراهو بالخير قال عازمو زول اسمو بدر الدين الأمير على الحاجات الفوق دي و في جزارة هنا نمشي نلاقيهو اتوكلنا و بقينا مارقين وصلنا و قابلنا بدر الدين سلم علينا و كان مركز مع الجزار المهم شال ليهو كمية من الحاجات الفوق دي و قال تعالوا قلت ليهو نجي وين يا حبيب , جلي الفكرة دا وضع بدر الدين مع الحاجات الفوق دي لكن و الله للنصيحة بدر الدين عالم جميل بس انت تفهمو غلط بترتاح هههههه
Post: #40 Title: Re: بدر الدين الأمير عذبني(اكيد صور/فيديو) Author: خضر الطيب Date: 09-07-2021, 05:55 AM Parent: #39
يا ابو الأمير ارجو انك تحترمنا انا ودينق و ما تفتنا مع بعض
Quote: يادينق تعال شوف التشهى والتنمر الفول تجيبو من مطعم الفتمينات العدس من المشاهير وماتنسى المخلل والمتبل وللغداء قول للدكتورة الضلعة تكون كتف وقبل ماتلايق ام رقيقة تطلع منها سوب شوفت الحكنشة قلت له ياخى امش اسكن مع دينق وفكنا قال دينق متخلف بمنع التدخين
أول مره اشوف دينق كان في اسباير اتلاقينا و جاء معاي البيت الوكت ما كان وكت وجبة قعدنا و اتعرف على اولادي و حبوهو جداً لما دينق مشى ولدي قال لي يا ابوي الزول دا لطيف جداً و ضخم جداً شغال وين ,قلت ليهو دا شغال في حتات كتيرة ما تركز انا ما كنت عارف دينق ما بحب التدخين كنت بدخن عادي دينق ما متخلف يا بدر الدين يا وغد :)
Post: #41 Title: Re: بدر الدين الأمير عذبني(اكيد صور/فيديو) Author: خضر الطيب Date: 09-07-2021, 06:50 AM Parent: #40
بدر الدين ما تخمني
Quote: وللغداء قول للدكتورة الضلعة تكون كتف وقبل ماتلايق ام رقيقة تطلع منها سوب شوفت الحكنشة قلت له ياخى امش اسكن مع دينق وفكنا قال دينق متخلف بمنع التدخين
الدكتورة كتر الله خيرا ما قاعده تقصر معاي بترسل لي اكل معاك يا بدر الدين لكن الضلع دا شيتاً اصلو ما شفنا طبعاً يا احباب انا ربنا ابتلاني بي نوعين من البشر مختلفين في الأسماء متشابهين في الطباع طبعاً طباع الضباع يا بريمة بدر الدين الأمير قريب زوجتي و معتز القريش الظلامي برغم زمالة بخت الرضاء و الثانوي العام و الثانوي العالي بقى عديلي يعني انا بقيت بين قوسين من اخطر الأقواس البشرية في الدوحة و كافة نواحي الخليج بدر الدين بحكم انو مدير و كفيل معتز قام إتصل علي قال لي بكرة اعزمنا غداء قلت ليهو تمام قال عاوز ملاح تقلية و سمك معتز قال عاوز ضلع , و الوغد معتز ممنوع بأمر الدكتور من كافة اللحوم الحمراء قلت ليهم تمام جيبو معاكم شطة خدراء و الدكوة على و بالدكوة لا قضية لا شكوى لو اتعوقتو انا بخلي مسئوليتي عنكم المدام زولة عزائم و وارثين الشهامة من عهداً بعيد قالت لي انت حتعمل شنو ؟ قلت ليها بعمل الضلع و بحمر السمك و انتي اعملي التقلية مع القراصة و السلطة هم بعملوها تعال يا بريمة برمة ناصر شوف الضباع على الهواء مباشرةً https://www.0zz0.com
Post: #42 Title: Re: بدر الدين الأمير عذبني(اكيد صور/فيديو) Author: بدر الدين الأمير Date: 09-08-2021, 08:43 AM Parent: #36
محمد الشيخ يابش مهندس اخوك الصغير امير انا بقيت اخاف منه زى مابخاف منه حلبى الدويم خضر اول امس وانا مرجعو من المدرسة قال لى يابابا انا عاقبونى قلت له وانت عملت غلط قل ايوة قلت وغلط العملتو شنو قال بتكلم مع البنت وقت الحصة قلت انت غلطان قال يابابا بس هى حلوة ضحكت في سرى وقلت جكس ولا يهمك بس الخوجات في مدارسهم مابتمحولو الفوضى وعلى قول المصرين ربنا يجيب العواقب السليمة على قول المصرين
