|
Re: تجربة سفر مريرة بمطار الخرطوم:جمهورية بول (Re: Abdulhaleem Osman)
|
دي فوضى وما بعدها من فوضى.
عالميا تم إلغاء أي تجديدات في الجوازات المنتهية الصَّلاحِيَة ويجب تغير الجواز بالكامل. بعدين لماذا يسافر الناس بجوازين سفر في نفس الوقت؟ ولماذا الإصرار في السفر بمثل هذا الجواز الذي تم تجديده بطريقة تثير الشبهات؟ يعني شنوا السفر من أمريكا بجواز أمريكي ودخول السودان بجوازات سودانية؟؟
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Deng)
|
مرحب اخ عبد الحليم مطار الخرطوم هو من أميز المطارات في العالم و الذي يمكنك عن طريقه ان كنت من أهل الحظوة تهريب الذهب و العملة الصعبة بكل سهولة و يسر وعن طريق صالة كبارالزوار محفولاً و مكفولاً و يمكنك انتفقد أمتعتك كذلك بكل سهولة و يسر و يمكن ان تتعرض للإساءة من اصغر ضابط هو مجرد فاقد تربوي لا قيمة له و لكنه بأي حال من الأحوال لا يصلح أن يكون حتى مطار داخلي اما تعامل الموظفين ليس في المطار فحسب انما في كل دواوين الخدمة العامة في غاية السوء
Quote: يعني شنوا السفر من أمريكا بجواز أمريكي ودخول السودان بجوازات سودانية؟؟ |
نعم يا دينق لفتت انتباهي هذه النقطة الغير مفهومة واحد معاهو الجواز الأمريكي سبب واحد يخليهو يسافر بالجواز السوداني مافي الزول دا بتاع لولوة
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: خضر الطيب)
|
تجربة مؤسفة ونتيجتها أن السوداني سيختار المرة القادمة قضاء عطلته في مكان آخر غير السودان وهذا فيه خسارة لدولارات البلد هو أول من يستحقها واضح من كلام الأخ أمير أن الأمر فيه معاكسات مقصودة لغرض ما (ربما حكومة مضادة للحكومة) أعتقد أن مغادرة السودان بجواز سوداني هو أمر يفعله كثيرون للتخلص من الأعباء المالية التي تفرضها الدولة على السوداني الذي يحمل جواز غربي إمعاناً في إستنزاف المهاجرين التأشيرة بالجواز الأجنبي ب100 دولار وبطاقة السوداني بجواز أجنبي غالية جداً لذا مثلما تمتص الدولة قروش المغتربين في الخليج عن طريق جهاز المغتربين تحاول الأمر نفسه مع السوداني الذي يحمل جواز غربي عن طريق هذه البطاقة الغريبة المصريين لا يدفعون المصري الذي يحمل جواز غربي أكثر من 25 دولار في المطار لذا تجد هؤلاء المصريون المهاجرين يزورون بلادهم بصورة متكررة وينفقون في زياراتهم ألوف الدولارات يجب أن تلتفت وزارتي الخارجية والداخلية لهذه الإمور لا سيما أننا لا نلاحظ أي تغيير في عقلية سفاراتنا في الخارج وتعاملها بنفس الأساليب القديمة مع المواطنين في بلاد الغربة والهجرة
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: خضر الطيب)
|
الاخ الفاضل الاستاذ عبد الحليم عثمان انا مستغربة اذا في زول عنده جواز سفر امريكي ويقوم يسافر للسودان بجواز سفر سوداني؟ وقالت لي احدى زميلاتي ان البعض بيضطر يسافر بالجواز السوداني على الرغم من انه عنده جواز سفر امريكي بسبب الضرورة لانه احتمال يكون مسافر على عجل ومرات الحصول على التاشيرة السودانية في الجواز الامريكي بياخد وقت بسبب الروتين القاتل في عمل السفارات اضافة الى تسويف عمل القنصليات ولذا يضطر يسافر بالجواز السوداني لكسب الوقت...فقلت لها ان اسهل حاجة تعملها الحصول على بطاقة الاقامة السودانية لفترة الخمسة سنوات وتدخل السودان بدون تاشيرة وتتفادي عذاب القنصليات وعذاب الجري وراء تجديد الجواز السوداني .... ان اسوأ فكرة هي فكرة السفر بجواز السفر السوداني ويكون عندك جواز سفر امريكي ، اما حكاية الجيوش المتعددة والكثيرة المالية الخرطوم وتهميش دور الشرطة وكل ضابط شرطة عاوز يعمل على كيفه في ظل غياب هيبة الحكومة ،بل في ظل غياب الحكومة نفسها فقد صدقت في هذا والله ....ما عندنا حكومة ..ونقولها بالصوت العالي لقد فشلت الثورة في تحقيق طموحات الشعب السوداني الذي كان يتطلع الى الخلاص من الدكتاتورية الغاشمة لحكومة الكيزان ويتطلع الى ان تكون حكومة الثورة في خدمة الشعب وتيسير الاجراءات والقضاء على الروتين الحكومي القاتل ، ولكن للاسف جاءت حكومة اشد وافظع دكتاتورية من دكتاتورية الكيزان ،،،واصبحت هذه الحكومة الاسمها الحكومة الانتقالية تتفنن في تعذيب المواطنين. ... ولكن لتعلم هذه الحكومة ان للصبر حدود ،،وان الشعب السوداني الذي اطاح بدكتاتورية الكيزان لقادر على تصحيح مسار الثورة العظيمة التي ضحى من اجلها شباب زي الورد ، جادوا بارواحهم رخيصة من اجل تحقيق طموحات الشعب السوداني الذي يتطلع دائما للعيش في كرامة وعزة وشرف وليس في ذل وهوان... والمجد والعزة للسودان ولشعب السودان . والله يديك الصحة والعافية
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: muntasir)
|
Quote: نعم يا دينق لفتت انتباهي هذه النقطة الغير مفهومة واحد معاهو الجواز الأمريكي سبب واحد يخليهو يسافر بالجواز السوداني مافي الزول دا بتاع لولوة |
مرحب دينق وخضر غالباً أحد سببين في السفر في حالة طارئة ولو في ولاية بعيدة عن واشنطن ممكن ما تلقى تأشيرة للسودان ده لو ما رسلت جوازك للسفارة ممكن يجيك متأخر أو جوازك يروح ، لو ما عندك بطاقة الأجانب أو منتهية الصلاحيةالتأشيرة في المطار أعتقدبي 300 دولار
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: muntasir)
|
اغلقوا هذه السفارات ،بل اغلقوا وزارة الخارجية ذاتها ما دام وزارة الداخلية ما بتعترف بتجديد جوازات السفر من قبل تلك السفارات الاصلها هي كسيحة وما منها فايدة ...ووفروا العملات الصعبة التي تصرف على جيش العاطلين في تلك السفارات الذين يتفننون في تعذيب المهاجرين والمغتربين
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: بسمات الشيخ)
|
Quote: اغلقوا هذه السفارات ،بل اغلقوا وزارة الخارجية ذاتها ما دام وزارة الداخلية ما بتعترف بتجديد جوازات السفر من قبل تلك السفارات الاصلها هي كسيحة وما منها فايدة ...ووفروا العملات الصعبة التي تصرف على جيش العاطلين في تلك السفارات الذين يتفننون في تعذيب المهاجرين والمغتربين |
عبرتي عني تماماً جميلتنا بسمة دي فضيحة تجدد جوازك لمدة سنة في جوازات السفارة يجوا ناس جوازات المطار يقولوا ليك ما بنعترف بحق جوازات السفارة يعني الزول العندو ضغط الداخلية والسفارات ممكن يسببوا ليه شلل عديل
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Elhadi)
|
شكرا صبوحة على التاييد والتثنية عمائل الحكومة دي بتفقع المرارة ،،حكومة كسيحة وهزيلة لا تلبي ادني طلبات شعب الثورة ،،،الثورة التي اشاد بها المجتمع الدولي ولكن للاسف جاءت شخصيات لا تفهم الف باء السياسة ولا الاقتصاد. حكومة اقنعتنا انتقالية واصبحت ابدية ....واحتمال الشعب السوداني حيكون موعود بفترة ٣٠ سنة اخرى من الظلم والكبت وعدم الامان والفوضى والجوع والمرض ... تخلص الشعب من هم كبير بعد ان اطاح بنظام اللصوص والحرامية ، لكن على الاقل كانوا موفرين الامن والامان، ولكن للاسف جاءنا هم اكبر حيث المجموعات المسلحة والعصابات المسلحة تمرح وتسرح في شوارع العاصمة دون رقيب او حسيب ،حيث لا وجود لهيبة حكومة ولا جيش قومي ولا شرطة قومية ... والله يكضب الشينة ...
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: بسمات الشيخ)
|
فعلاً يا بسمة ولا حياة لمن تنادي على الأقل كان في رئيس واحد ملعون هسة لو قلنا حمدوك زول كان كويس بس لخبطته السلطة كيف أصبح المجلس العسكري الكيزاني وحميدتي العملوه الكيزان هم المسيطرين على الإمور ورغم دا عاجزين عن ضبطها عشان على الأقل يعملوا حسنة فينا قال ليك الخرطوم بعد 9 بالليل ما بتمشي في الشارع براكي ولا حتى الرجال وينا الشرطة البس تتفولح في زي الأخ أمير من مهماتها الأساسية وهي حفظ الأمن أما السفارات فهي لتعذيب المواطنين وليس راحتهم شوفي بالله عليك السفارات الإمريكية بتخدم مواطنيها كيف في كل بفاع الدنيا الله يكضب الشينة إخيتي
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: خضر الطيب)
|
Quote: واحد معاهو الجواز الأمريكي سبب واحد يخليهو يسافر بالجواز السوداني مافي الزول دا بتاع لولوة |
سلام خضر وبقية المتداخلين عبارتك دي محاولة بائسة لتجريم الضحية عمايل الضباط معروفة ومقصودة هي اجبار المواطنين على دفع الرشاوي في مية سبب امير يعمل كدا منها: امير حامل جوازين ومن حقو يدخل باي جواز, الغلط هنا وين؟ نحن سودانيين ابناء هذه البلد ليه نعمل تأشيرة عشان ندخل بلدنا؟ ليه نسجل في الاجانب عند قدومنا الى بلدنا؟ دا غير الضرائب الدفعناها للبلد والخدمة المدنية الاشتغلناها والخدمة العسكرية الاديناها وبعد دا كلو تقول بتاعين لولوة ؟!! كل اللولوة دي من العساكر وانت عارف كدا كويس وحمدوكك عارف كدا كويس وعامل غمران كلنا بنعمل كدا ودا الصاح ندخل بالجواز السوداني ونطلع بالامريكي ندخل بالسوداني حق وليس مكرمة اما الخروج بالجواز الامريكي معلوم , لازم تبثت انت امريكي عشان يسمح لك بالدخول
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Sinnary)
|
يعني شنوا السفر من أمريكا بجواز أمريكي ودخول السودان بجوازات سودانية؟؟
ما لقيت اجابة حتي الان مقنعة يعني السفارة الامريكية مافيها حالات طارئة والموضوع المطروح ما اظنه طارئ عام دراسي معروف تاريخه ----------- موضوع العسكري واضحة الفكرة فيهوو يا ادفع لي يا ادفع للعقيد
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Abdulhaleem Osman)
|
سلام بالجد مطار كارثة وكل مرة عندهم شى جديد لتعذيب الناس الاسبوع الفات جيت المطار مسافرة معاى بتى واطفالا زحمة عجيبة ومكيفات ما شغالة وكمية من الذباب المهم قلنا ده كلو مامهم خلصنا الاجراءات لقو فى فحص الكورونا حقى فى رقم من أرقام الجواز ما واضح ،حلفت البت بى راس ابوها انو مافى سفر الا هسه اتصل بالمعمل واجيب ورقة مطبوعة اوضح ، وقالت لى بيرجعوك ولانى عارفة البلد الانا ماشة ليها فيه فحص كورونا من المطار وعدد ترددى عليها ما حصل سالونى من شهاده السودان المهم قلت ليها خلاص خليهم يرجعونى انا مسؤولة ، لكن جه تقريبا كل الطاقم الارضى حق شركة الطيران وكل زول يفتى بتى قالت على شنو نحاول اتصلت بمستشفى علياء محل فحصنا ولقينا شابة بت حلال قالت عشرة دقايق وبتكون عندك الورقة الصحيحة وفعلا جا شاب بى موتر واعتذر عن الخطا وصلنا القيت هرج وجوطة ومافى تباعد ولا كورونا ولا شى والراكب فيرست والراكب بيزنس وايكونمى كلو فى الحالة دى اول ما جينا داخلين بتى خاتا ولدا فى الاسترولر الشابة الفى مدخل القيت قالت هى ده ماشة بى وين ده تخلى هنا ده مفروض اتشحن ،بتى قالت ليها دقيقة ورفعت ولدا وطبقتو بقى اصغر من شنطة اليد وقالت لى موظفة شركة الطيران ده مسموح بى دخولو الكابينة ، اها واقفات يتفرجوا على المعجزة قامت واحدة لقت ليها فرصة وقالت لكن عليو ديباجة حقت شحن ،لازم تخلى ما تطلعى بى الطيارة حتى لو قدر علبة الكبريت المهم كلام وتنظير واحدة قالت دى حتكون امتعة مفقودة لانها نزلت فى السستم انها مشحونة لما جات واحدة جات من الكاونتر قالت ليهم يا جماعة المشكلة بسيطة فكو ورقة الشحن بعدين امتعة مفقودة كيف هم ما اسيادا شايلنها ؟! ما ارتحنا الا لما طلعنا الطيارة
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Amira Hussien)
|
Quote: يعني شنوا السفر من أمريكا بجواز أمريكي ودخول السودان بجوازات سودانية؟؟
ما لقيت اجابة حتي الان مقنعة |
تجنبا للتسجيل في شئون الاجانب و تجديد الاقامة كل شهر لو الواحد قرر يبقى في السودان لفترة طويلة. يعنى لما تعبر المطارات العالمية بالجواز الاجنبى و في مطار الخرطوم تقدم الجواز السودانى.
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Mahjob Abdalla)
|
في " بعض " الناس بتمشي بالجواز السوداني عشان تتفادى رسوم التأشيرة وهي في حدود كم وخمسين دولار، ورسوم تسجيل الأجانب وهو مبلغ أقل من ذلك بكثير
لكن لمن يمشوا هناك بيدفعوا تمن الجلدنة دي مضاعف بالعراقيل والعقبات التي تواجههم
دي زي عينة النوعية البقول ليك أنا أمشي أركب من نيويورك لأنو التذكرة من هناك أرخص :)
ويقوم يكلف واحد صاحبو عشان يوديهو سواقة 5-6 ساعات أو أكتر من المدينة الهو الساكن فيها نيويورك، وبعدين يدق ليهو في الرجعة برضو
وده هنا طبعاً لا حاسب تعب المشوار ـ ولا راحة البال ـ ولا حتى كلفة البنزين ولا عدد الساعات الرايحة منو ـ
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Elhadi)
|
Quote: في " بعض " الناس بتمشي بالجواز السوداني عشان تتفادى رسوم التأشيرة وهي في حدود كم وخمسين دولار، ورسوم تسجيل الأجانب وهو مبلغ أقل من ذلك بكثير
لكن لمن يمشوا هناك بيدفعوا تمن الجلدنة دي مضاعف بالعراقيل والعقبات التي تواجههم
دي زي عينة النوعية البقول ليك أنا أمشي أركب من نيويورك لأنو التذكرة من هناك أرخص :)
ويقوم يكلف واحد صاحبو عشان يوديهو سواقة 5-6 ساعات أو أكتر من المدينة الهو الساكن فيها نيويورك، وبعدين يدق ليهو في الرجعة برضو
وده هنا طبعاً لا حاسب تعب المشوار ـ ولا راحة البال ـ ولا حتى كلفة البنزين ولا عدد الساعات الرايحة منو ـ |
سلام الهادي Elhadi
طبيعي جدا الناس تسافر بالجواز السوداني وما فيها جلدنة ولا حاجة بل من حقهم وليس منحة من احد التأشيرة بي 54 دولار للامريكان من اصل سوداني + رسوم المظروف بتعمل زي 60 دولار ولاسرة مكونة من خمسة افراد تكاليف التاشيرات بتفوت الـ 230 دولار والمبلغ دا بيعادل اكتر من 100 مليون جنيه سوداني واذا علمت ان راتب البرفيسيور في الجامعة لا يتعدى 40 مليون والمعاش لسه تلاتة ملايين جنيه ما بتستهين بهذا المبلغ يعني ممكن تشتري ليك 25 ظرف وتضع في كل ظرف مبلغ 4 ملايين وتوزعها على الفقراء من الاقارب والجيران وتسافر عادي بالجواز السوداني وهل تصدق لسه في ناس بتفتخر تسافر بالجواز السوداني؟
وبعدين مسألة السفر من المطارات الكبيرة دي مافيها شيء خصوصا بتوفر مبالغ كبيرة ومحترمة في فرق اسعار التذكر, وممكن تنفعك لي قدام ولو ما محتاج ممكن توزعها على الفقرا والمساكين حسب المعادلة اعلاه وصحبك يوديك دي برضو حاجة كويس وما فيها اي تكاليف, ولو الواحد ما لقى ليه زول يوديه دا معناها علاقاتو الاجتماعية محتاجة مراجعة عادي الليلة يودوك المطار وبكره بتودي المطار
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: نصر الدين عشر)
|
مرحب يا مونتي
Quote: مرحب دينق وخضر غالباً أحد سببين في السفر في حالة طارئة ولو في ولاية بعيدة عن واشنطن ممكن ما تلقى تأشيرة للسودان ده لو ما رسلت جوازك للسفارة ممكن يجيك متأخر أو جوازك يروح ، لو ما عندك بطاقة الأجانب أو منتهية الصلاحيةالتأشيرة في المطار أعتقدبي 300 دولار |
بالتأكيد اجد العذر لهذه الفئة في الحالات الطارئة قد لا تفكر في عواقب ما ينتظرك في السودان و لا تأبه به لكن في الحالات العادية يجب اتباع الطرق السليمة مثلاً في بريطانيا و في سفارة النظام تحديداً يرفض هؤلاء الأندال منحنا تأشيرة للسودان نسافر بنفس الجواز الى الإمارات او الدوحة و نأخذ التأشيرة هناك حلول منطقية و عملية تجنبك الكثير من الرهق المنتظر
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: خضر الطيب)
|
الدخول بالحواز السوداني تفاديا وهروبا من رسوم قسم الاجانب لانك حتدفع كاجنبي داخل بلدك.. وتدفع للبت البتستلم منك الجواز عشان تسجلك..غير انك توضح .مكان اقامتك..واسمك وسنك وعنوانك. اما حكاية اصلي وفصلي وبلدي وافتخر بجوازي .. دا حنك فاضي اصلا. دا بالنسبة للجواز الامريكي. لكن بالنسبة للعندهم جنسية المانية .. هنا الامر مختلف جدا وحاشرحها ليكم... لكن بشرط حضور: * د. ياسر الشريف * د. ابراهيم عبدالحليم... الفنان من نواحي سكسونيا السفلى
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: خضر الطيب)
|
Quote: طبيعي جدا الناس تسافر بالجواز السوداني وما فيها جلدنة ولا حاجة بل من حقهم وليس منحة من احد التأشيرة بي 54 دولار للامريكان من اصل سوداني + رسوم المظروف بتعمل زي 60 دولار ولاسرة مكونة من خمسة افراد تكاليف التاشيرات بتفوت الـ 230 دولار والمبلغ دا بيعادل اكتر من 100 مليون جنيه سوداني واذا علمت ان راتب البرفيسيور في الجامعة لا يتعدى 40 مليون والمعاش لسه تلاتة ملايين جنيه ما بتستهين بهذا المبلغ يعني ممكن تشتري ليك 25 ظرف وتضع في كل ظرف مبلغ 4 ملايين وتوزعها على الفقراء من الاقارب والجيران وتسافر عادي بالجواز السوداني وهل تصدق لسه في ناس بتفتخر تسافر بالجواز السوداني؟
وبعدين مسألة السفر من المطارات الكبيرة دي مافيها شيء خصوصا بتوفر مبالغ كبيرة ومحترمة في فرق اسعار التذكر, وممكن تنفعك لي قدام ولو ما محتاج ممكن توزعها على الفقرا والمساكين حسب المعادلة اعلاه وصحبك يوديك دي برضو حاجة كويس وما فيها اي تكاليف, ولو الواحد ما لقى ليه زول يوديه دا معناها علاقاتو الاجتماعية محتاجة مراجعة عادي الليلة يودوك المطار وبكره بتودي المطار
|
تحياتي الأخ نصر الدين ـ كلامك مفهوم جداً
لكن القصدتو أنا إنو خاتمة التفكير الزي ده قاعدة تكون المزيد من التكاليف والخسائر المادية وليس العكس
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Elhadi)
|
مرحب عشر
Quote: سلام خضر وبقية المتداخلين عبارتك دي محاولة بائسة لتجريم الضحية عمايل الضباط معروفة ومقصودة هي اجبار المواطنين على دفع الرشاوي في مية سبب امير يعمل كدا منها: امير حامل جوازين ومن حقو يدخل باي جواز, الغلط هنا وين؟ نحن سودانيين ابناء هذه البلد ليه نعمل تأشيرة عشان ندخل بلدنا؟ ليه نسجل في الاجانب عند قدومنا الى بلدنا؟ دا غير الضرائب الدفعناها للبلد والخدمة المدنية الاشتغلناها والخدمة العسكرية الاديناها وبعد دا كلو تقول بتاعين لولوة ؟!! كل اللولوة دي من العساكر وانت عارف كدا كويس وحمدوكك عارف كدا كويس وعامل غمران كلنا بنعمل كدا ودا الصاح ندخل بالجواز السوداني ونطلع بالامريكي ندخل بالسوداني حق وليس مكرمة اما الخروج بالجواز الامريكي معلوم , لازم تبثت انت امريكي عشان يسمح لك بالدخول |
أبداً ما ممكن أجرم الضحية لاننا كلنا ذلك الرجل و نظل نعاني في أخذ التأشيرة للسودان و نعاني داخل السودان من إجراءات عقيمة و ناس بتتعامل معاك بصورة مستفزة و غير مبررة في حين إنو مفروض يسهل ليك كل إجراء لانك في المقام الأول إبن هذه البلاد الشئ الثاني معاك عملة صعبة حتصرفا في البلد انا ما طالب منهم يشيلوني على أكف الراحة و لا يغنو لي كنا فرشنا السكة ورود لو كلمتنا يوم بالجية و الغريبة هم بقولو علينا حملة الجوازات الأجنبية طيب ياخ انت كموظف حقير تعلم تماماً إننا حملة جوازات و انا الحامل البلاء ما اشتكى يعني ما حاملين إيدز و لا انحنا انوفليس حاملين ملاريا اتعامل معانا بصورة إنسانية المصيبة الأكبر لازم تكتب ليهم إسم كفيلك في السودان و كالعادة بكتب ليهم اسم اخوي الأصغر و دا طبعاً ما بصدق انو بقى كفيلي يقومني و يقعدني بإنو انا كفيلك اي كلام اقولو يقول لي لا قول كدا انا كفيلك قلت ليهو انت يا سجم الرماد لو مشيت السعودية اخدتا دورة كفيل حتعمل فيني شنو في حتة بنمشي ليها اسمها العلاقات البينية دي اسوأ مكان ممكن يمشي ليهو إنسان في العالم ذلة و مهانة و استخفاف و تدفع بس انا على يقين انو كل المهاجرين و المغتربين بواجهو نفس الإجراءات العقيمة مع موظفين ما عندهم قيمة و حكومة كمان ما عندها قيمة الحل إن يتم إلغاء كل الرسوم و الجبايات طالما انا حاصرف في البلد عملة صعبة الآن انحنا في عهد جديد تفاءلنا خيراً و لكن للأسف الحال نفس الحال لا خلصت بلاوينا و لا لقينا البداوينا الموضوع بلا شك محتاج إنتفاضة و نفض لكل القرف الموجودين في المطار
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: خضر الطيب)
|
الاستاذ خضر الطيب ايوااااااا..انت جبتها من النهاية وعبرت عنا بكل صدق وشفافية وذلك بقولك: الموضوع محتاج انتفاضة عشان نفض كل القرف الموجود في المطار ". ونحن نزيد معاك ونفض كل القرف المجود في جهاز المغتربين والعلاقات البينية ، والقرف الموجود في القنصليات في الخارج ، والله يديك الصحة والعافية
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: بسمات الشيخ)
|
حسبما سمعت : السفارات بتجدد الجواز لمساعدة الناس في السفر و في نفس الوقت بتقول للناس ده تمديد للدخول و غير صالح للخروج من السودان .. و عليكم باستخراج جواز جديد في خلال زيارتكم للسودان ..
يعني المسافر من هنا لازم ياخد المعلومة دي من السفاره .. و لكن اعتقد في عدة ناس يا اما ما اتذكروا الكلام ده او قد تكون السفارة ما كلمتهم بطريقة واضحة ..
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: يحي قباني)
|
Quote: و عليكم باستخراج جواز جديد في خلال زيارتكم للسودان .. |
سلام يا قبة كلامك سليم أصلاً الجواز بالطريقة دي ما بوديك اي بلدغير السودان و حتى لو جوازك الأصلي الغير ممدد باقي فيهو أقل من ستة شهور ما بتقدر تسافر بيهو اي بلد غير بلدك دي معروفة طبعاً المشكلة يا حبيب عندنا ناس من هنا عملوا التمديد و مشو السودان للتجديد لقو إنو استخراج الجواز بياخد وكت طويل جداً اكتر من وكت الإجازة و فيهم اصحابنا اقاماتهم انتهت و هم في السودان في إتنين من أصحابنا كانو ماشين يقضو الإجازة واحد ماشي مصر و التاني ماشي تركيا اضطروا انهم يمشوا السودان غصباً عنهم عشان التجديد المرتبط بالإقامة غايتو بهدلة شديدة يا حبيب انحنا مولودين للشقاء و العذاب
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: muntasir)
|
دي معركة في غير معترك.
الراجل يريد أن يوفر ويتلاعب على النظام بمثل هذه الحيل، السفر للسودان بجواز سوداني والدخول الى امريكا بجواز أمريكي وعدم دفع الرسوم التي يدفعها الاجانب في السودان. كان ممكن أن يقوم بتجديد جوازاته في الخرطوم وحتى لو دفع مبلغ زيادة، ولكن هذا الرجل مصر إصرار غريب أن لا يدفع أي مليمة يريح بها دماغه! ,انا أستغرب لماذا كل هذا الاحتجاج الذي يقوم به؟؟
هنالك قانون دولي صار متعارف عليه بعد أحداث الحادي عشر من سبتمبر وبموجبه صدر الجواز الجديد والذي يوجد في داخله رقاقة اليكترونية (شب) لذلك لا يمكن تجديد هذا جواز عن طريق الاختام، ولكن ناس السودان مصرين إصرار غريب أن يكونوا مختلفين من العالم كله. وهذا الرجل العايش في أمريكا عاوز يسافر ترانسيت بمثل هذا الجواز.
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Deng)
|
المؤسف ان نسىء لى ضابط الجوازات الشاب.وحتى الى العقيد احد الاخوة قال( عايز رشوة) . دي اساءة بالغة في حقهم ...وهو يطبق القانون والنظام بكل النظم . صاحب الجواز البخيل على وطنه هو الجاني وليس الضحية والضحية هو النقيب المغترى عليه. تجربة مريرة قال التجارب المريرة ...من صنع.. صاحبها نفسه وحتى لم يراعي الى اسرته التي بصحبته كل هذا من اجل $ to save a few طبعا اراد ان ينحرفن ويضحك على السلطات وعلى البلد لكن: he laughed at the other side of his big mouth
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Ahmed Yassin)
|
تجديد الجواز لمده سنه في السفاره صالح فقط للاجراءات داخل الدوله وغير صالح للسفر ،، استغرب ان الاخ بعد وصوله للسودان وقضاء الاجازه ليه مافكر يعمل جواز جديد ؟ صاحب الجواز يتحمل جزء كبير من الخطأ كونو جازف يسافر بي جواز الكتروني منتهي الصلاحيه ؟ رغم سفري المتقطع للسودان ولكن لاحظت في سفريتي الاخيره تغيير كبير في تعامل ضباط الشرطه والموظفين في المطار ،، صراحه منتهي الزوق والاحترام والسعي لتذليل المشاكل خاصه ضباط الشرطه
| |
|
|
|
|
|
|
Re: تجربة سفر مريرة بمطار الخرطوم:جمهورية بول (Re: Maawya Hussein)
|
سلام .... بغض النظر عن الإتعرض ليهو الزول ده .... كتير لاقتني أمثلة ناس إتعرضوا لمعاكسات بدون مبرر والرد الجاهز من عساكر الشرطة هو: "مش دي المدنية العايزينها؟" المسألة ما مفروض نتعامل معاها كحوادث منفردة ... دي إما ناس إنضربت مصالحهم الشخصية "رشاوي" من التغيير الحصل أو مخطط كيزاني (والإتنين واحد).
| |
|
|
|
|
|
|
|