قال الرئيس المعزول عمر البشير ،في اول رد له علي موافقة الحكومة علي تسليمه للمحكمة الجنائية الدولية بانه يوافق أن يحاكم داخل البلاد من قبل أسوأ قاضى (قحاتى ) ويقطع رقبته من أن يحاكم أمام قاضى (خواجة).
وقال البشير اليوم الثلاثاء فى تصريحات صحفية مقتضبة وهو داخل قفص الإتهام بمقر محاكمته بمعهد الأدلة الجنائية شرق الخرطوم على ذمة إتهامه و(27) اخرين من قيادات رموز النظام المباد بتدبير انقلاب 30 يونيو 1989م . قال ان صحته سليمة الحمدلله ولايعانى من أى أمراض خاصة الأمراض المزمنة (الضغط والسكرى).
وتأتي افادات البشير على خلفية ما تم تناقله من حكومة الفترة الانتقالية بتسليمه للمحكمة الجنائية وأخرين معه من رموز النظام السابق لإتهامهم بقضايا الإبادة الجماعية في دارفور. وكان وزير العدل نصرالدين عبدالبارى سبق وأن أعلن فى تصريحات صحفية عن موافقة مجلس الوزراء بتسليم الرئيس المعزول عمر البشير وأحمد هارون وعبدالرحيم محمد حسين للمحكمة الجنائية لمحاكمتهم فى قضايا الابادة الجماعية في دارفور .
الخرطوم: رقية يونس صحيفة الإنتباهة
Post: #2 Title: Re: البشير: (أوافق أن يحاكمني أسوأ قاضي (قحاتي) Author: كمال عباس Date: 08-24-2021, 10:23 PM Parent: #1
..........ة).
Quote: قال الرئيس المعزول عمر البشير ،في اول رد له علي موافقة الحكومة علي تسليمه للمحكمة الجنائية الدولية بانه يوافق أن يحاكم داخل البلاد من قبل أسوأ قاضى (قحاتى ) ويقطع رقبته من أن يحاكم أمام قاضى (خواجة).
........ تسيس القضاء دا آفة أدخلتموها في السودان ولو كنا نحاكمك بأسلوبكم وطرائقكم لما تُركت تتفاصح الان بعد سنوات من سقوط حكمكو لإلحقناك بمجدي وضباط رمضان في القتل السريع ! ! البشير ليس أصلا في موقع يسمح أن يتشهي " ويتخير مكان محاكمته ومن يحاكمه ! أنت مجرد لص وقاتل ومغتصب للسلطة وعميل لأمراء النفط يقبض تحت ا لطاولة ! فلاتدعي الوطنية والإنحياز لخيار القضاء الوطني يامن فرط في الترابوالأرض للأجنبي ـ تريد إختيار القضاء الذي يحاكمك بقانون ـ يمنع إعدامك وسجنك ويكتفي بحبسك في أحد قصورك ! لا ستحاكم ـ داخليا علي جرائمك الداخلية وخارجيا علي الجرائم التي تقع دائرةإختصاص الجنائية .
Post: #3 Title: Re: البشير: (أوافق أن يحاكمني أسوأ قاضي (قحاتي) Author: عمر نملة Date: 08-25-2021, 05:33 AM Parent: #2
بجبجا
Post: #4 Title: Re: البشير: (أوافق أن يحاكمني أسوأ قاضي (قحاتي) Author: علاء سيداحمد Date: 08-25-2021, 06:45 AM Parent: #3
Quote: البشير: (أوافق أن يحاكمني أسوأ قاضي (قحاتي) ويقطع رقبتي من أن أحاكم من قاضي خواجة)
المحاكم الحاكمتك بالاصلاحية !!!
مافى اي طريقة لازم الجنائية تحاكمك ولو طال السفر .
Post: #5 Title: Re: البشير: (أوافق أن يحاكمني أسوأ قاضي (قحاتي) Author: mohmmed said ahmed Date: 08-25-2021, 08:13 AM Parent: #4
اوافق
الوهم دى لسا متخيل عندو خيار يوافق او ما يوافق
Post: #6 Title: Re: البشير: (أوافق أن يحاكمني أسوأ قاضي (قحاتي) Author: Yasir Elsharif Date: 08-25-2021, 11:05 AM Parent: #5
Quote: أنت مجرد لص وقاتل ومغتصب للسلطة وعميل لأمراء النفط يقبض تحت ا لطاولة ! فلاتدعي الوطنية والإنحياز لخيار القضاء الوطني يامن فرط في الترابوالأرض للأجنبي ـ تريد إختيار القضاء الذي يحاكمك بقانون ـ يمنع إعدامك وسجنك ويكتفي بحبسك في أحد قصورك ! لا ستحاكم ـ داخليا علي جرائمك الداخلية وخارجيا علي الجرائم التي تقع دائرةإختصاص الجنائية .
شكرا كمال عباس. أوجزت فأحسنت. يوم 3 مارس 2009
ـــــــــــ يوم 10 يناير 2019
ـــــــــــ ودي قصة الجزمة
ـــــــــــــ وفي أغسطس 2019
Quote: عمر البشير: تمنيت أن تكون المحاكمة سرية حتى لا يظهر اسم الأمير بن سلمان 860.463 Aufrufe 31.08.2019 3467 844 Teilen Speichern Al Jazeera Mubasher قناة الجزيرة مباشر 3,09 Mio. Abonnenten الجلسة الثالثة لمحاكمة الرئيس السوداني المعزول عمر البشير البشير: تمنيت لو كانت الجلسة سرية حتى لا يُكشف علانية اسم ولي العهد السعودي محمد بن سلمان
Post: #7 Title: Re: البشير: (أوافق أن يحاكمني أسوأ قاضي (قحاتي) Author: muntasir Date: 08-25-2021, 11:08 AM Parent: #6
تحمد ربك إنك لسع بتتكلم يا بن الجزمة
Post: #8 Title: Re: البشير: (أوافق أن يحاكمني أسوأ قاضي (قحاتي) Author: Yasir Elsharif Date: 08-25-2021, 11:12 AM Parent: #7
Quote: من أين أتى البشير بـ90 مليون دولار ضبطت في منزله؟ ماذا كشف المحقق في محاكمة الرئيس السوداني السابق 827.542 Aufrufe 20.08.2019 5450 523 Teilen Speichern BBC News عربي 8,74 Mio. Abonnenten من أين أتى البشير بـ90 مليون دولار ضبطت في منزله؟ المحقق في قضية الرئيس السوداني المعزول يكشف أمام المحكمة ما قاله البشير في التحقيقات عن مصدر الأموال
Post: #9 Title: Re: البشير: (أوافق أن يحاكمني أسوأ قاضي (قحاتي) Author: Yasir Elsharif Date: 08-25-2021, 11:26 AM Parent: #8
وطلعت حكومتو اللصة
Quote: الشاعر ازهري محمد على 984 Aufrufe 01.04.2019 10 3 Teilen Speichern Mamoun Ibrahim 116.000 Abonnenten أزهري محمد علي : خمسة سنين كمان لي شنو ؟؟؟
خمسة سنين كمان لي شنو ؟؟؟ نشيلك هم على هم القراية أم دق ودي لا بتحوق ولا بتلحق تلبس عورة الباطل تياب الحق كفاك أرحل دي خمسة ولا بتسوي زلط رقصت على الخماسي سنين أمانه عليك كم في الخط خطاوي على الوجع عديتا في السكه البديتا غلط شعائر اقمتها وصليتا لا نزلت عليك خيرات ولا اخضرت مشاعرك قط رهاف قامو الولاد الهجعة ولطاف مرقن بنات الوجعة لعبن حجلة جمب الشط وقعدن يشخبطن في الرجعة ورسمن في الغمام لوحات ملامح لى وطن طيب ونكران ذات وبت في الغيمة بتمشط براحات الغنا الواسعات وكتبن في الهوا وشطبن تلات تسعات 999 اتمغى البحر في الميعة واتحين سحاب العينة في لهات التراب نقط مرابي وعسكري منقط منقط ومن هنا منقط وناعم والكلام طاعم يبين تحت التبن أرقط ينوم فوق الجرح منحل ويقوم زي الحبن منحل دحين يا ورطة كيف الحل كيف الحل وكم في الخط ؟ مفخخ وخطبتو الملغومة تشيلا تصلحا الحيكومة تصدق كضبتا الموهومة تزيد في غيها المنحط تزيد في غينا المنحط غيبوبة دوار السلطة والهوس العلينا هبط سكرانا المنابر طينة سكرانه المدائن هايصة وأشباح القرى المسكينة سكران التراب والموية والسهله ودواهي الغابة وأحزاب الهوى الكضابة والحيكومة وقفت لط وقف خاطر البلد مجروح وقفنا على الجرح غافلين نحن سلالة الواطة وولاد الطين بقينا على خشاش الارض محل قامت صلاة الغلة نتوضى نشوفك في المنافي رهاب تلاويح ايدك البضة وداعا يا حبيب الروح وداع والسامر انفض مرقنا على مدائن التيه خفاف كان نابا كان نرضى مرقنا ودمنا اتفرق ولد شلناهو للأيام مسك شارع المطار شرق لمحناو زي خبر عاجل وزي رفة حمام زاجل ويا منسلي من ضلف الضلام في الليل تعاااال بالباب أكان راجل واركز واوعى تدرق من القبلي السحابو ربط من العبادي يوم ينصر في وش السما وينمط وكم في الخط نحن بنحب شاي الصباح الشقلة والديم والجخيس والثورة وامبدة السبيل بالعكسي ومحجوب الشريف ال بالمكارم مكسي ادانا الطريق الما عتر في يخسي انت رجفت واتحسست وضع الكرسي ونحن نزفنا مهر الثورة بين البوت وضهر البوكسي نحن هتفنا يااااا ليل السجون اسمعنا ياخي اسمعنا ليه ايش معنى ؟؟ نحن مرقنا قدمنا الشعوب الحرة في درب النضال ورجعنا ونحن نزلنا لي اخر درك وطلعنا اجمل من ملائكة رحمة فجينا الضلام ولعنا قلنا الجاتنا في وليداتنا جاتنا ان شاء الله تنفعنا نحن بكينا يوم بيت القزاز جدعنا لا ادتنا الشوارع عين لا صابت نفوسنا اللعنة علمناك عناق اللهفة والحرف البراود المعنى علمنا الثبات والوقفة وعلم نصلك المسنون يعلم فجة الطعنة وكم في الخط مشينا على الجرح سيرة وكل ما فحط الدفار تطير من العيار طلقة وتطرق حسها مهيرة ينمل جلدك المدبوغ على العلقة سياط العسكري الطيرة ونحن على الدوام نغفر نسامح وخيرا في غيرا سماحات الزمان الفات زمان الدنيا بى خيرا رزاز الونسة والضحكات مطيرة تزفها مطيرة على شديرة الغنا الحتت خلاس تاني المطر شالت خلاس تاني المطر ختت وبركة وخير وبركة أخير براك يالاهي سميتا براك فتحتها النيران على الناس الطلع زيتا كمل رايا وفلت من ايدا راس خيتا على الهملة وقطعة الراس وقع فوق راسا راس بيتا وهيا ريتا لو شافوك في النايبات مشمر في الوحل جيتا وجيدا يا مطر جيتا وجيدليها البلاد بالجاتا جلابة الجن والجنادب والجراد وجلجلة الجلالات والجنود والجنجويد نبكي ونعيد كل السماحات كل السماحات روحت خلتنا لى باس الحديد كل المصائب في أمان هل من مزيد هل من بوادر رجعة للماضي البعيد ؟؟؟؟؟ هل من قصائد أو مكائد أو مصائد تاني للدقشو الصعيد وياااااااا بلد الكرام طااااااالت عليك الكرسة والجوك في الضلام سرقوا المباهج خلسة تبكي وتستغيث لا زول سمع لا حسا نتاح الضرس الما بتحلو الجرسة يديك السهر يقعد يتاورك لسة تاريهو الوجع بين اللسان واللثة والداير القلع احسن تلخلخو هسة قبل الطير تقوم يا الما بتعرف الخسة في الطابور تنود وتدقس تنوم في الحصة غاااايتو على العموم خلست خلاس القصة ماااااات بطل الفلم وطلعت حبيبتو اللصة وطلعت شعاراتكم وهم وطلعت حكاياتكم ملوص فايرين تعوسو بلا فهم ساسقتو بين ساسا ويسوس فقرا ولصوص ساقونا لى اخر درك وباعوونا بى وسخ الفلوس كم من نفوس خانت نفوس بيناتا قاسم مشترك صلت على نار المجوس حاولنا نتحاشى الشرك ووقعنا في فخ النصوص قاتلنا في غير معترك ودهستنا غارات البسوس وأمانة عليك كم في الخط وأمانة عليك يا بلد السماح سامحيني مجبور مرقتك من دماي لليل بحهجهك السقط ريح العوارض تلفحك ومن ايدي تمشي سقط لقط وخمسة سنين كمان في شنو ؟؟؟؟؟؟؟؟
Post: #10 Title: Re: البشير: (أوافق أن يحاكمني أسوأ قاضي (قحاتي) Author: Yasir Elsharif Date: 08-25-2021, 11:38 AM Parent: #9
والشي المعكر كيفا دق بنوتا بالكرباج
القصيدة الشافت سقوط الطغاة قبل أكثر من 10 سنوات شوف العين:
عفوا سيدي الحجاج الشاعر :أزهري محمد علي كلابك والأفاعي الحايمة من روتانا لي أمواج .. كاورت البلد بي حالا .. … ولا لقت اليقولها جر .. في ناس جيعانة ما قلبت حرف في صاج .. … في ناس عريانة ما لفحت هدم في الزيفة .. ما طالت ايديها رغيفه .. والسبب المعكر كيفا .. دق بنوتا بالكرباج .. ناس غلبانة بس دغرية .. ما بتعرف تخت طاقية في طاقية .. والدين الحنيف في شرعها الحرية .. زدتها في الحرج احراج .. وزدتها في الدجل دجال .. عوج شفناهو ماسمعناهو في قول زول .. قال بنات دقوها دق العيش .. ولاد ما أندقوا في شبال .. بقت في غصة الأيام .. قيم غنيتا يا قدال .. قيم شلناها عمة وتاج .. رقيص الشامة بت حمدين .. وخت الحنة لي يات من حضور ضفرين .. ونمات العديل والزين .. ورقصة جون مع أوهاج .. مشينا نقدم البنوت على ضو الرتاين .. خفت وهج الغنا الوهاج .. ورحل صوت المغني حزين .. ورطن صوت العنج هراج .. سقط في غفلة نون النسوة .. أخوان البنات والنخوة .. ستار العيوب والرسوة .. شيال الحمول أبعاج .. .. فيا حجاج أكل نارك .. واتلفح بشاكيرك .. مع طلعة شهر ذو الحجة .. وأحرم حاج .. وطوف فوق الجثث طاؤوس .. وشعبك لا أكل لا علاج .. وحاج في شنو؟ .. معاك كل البلد هاصت .. وفار نحل الجباية وهاج .. فيا فالق نواة الحبة يافراج .. ويا باسط عجايب الإسرا والمعراج .. ويا خالق الخلايا الحية .. أمشاج ابتلت أمشاج .. طحنتنا طاحونة الفقر .. طحنتنا سنواتا العجاف .. يا الله تلزمنا الصبر والسترة .. والعيش الكفاف .. وترحمنا من صرة وشي .. في وش وليداتنا الضعاف .. ……. غرقان بيرقص منتشي .. ووطنا مقطوع من خلاف .. وبأسم الله ما خلالنا شي .. وفصلنا في آخر المطاف .. يا ناسي أقدار الرجال .. ما تخشى غدر الله وتخاف .. كتر عوج الكلام والميل .. وتحت الجزمة مليون ميل .. تحت الأزمة طاحونة حوافر الخيل .. سقط تلت البلد عفوا .. سقط نص البلد لهوا .. سقط كل البلد سهوا .. فهل صحاك ضمير الأمة في هجعة هوايد الليل .. على زبد الغنا الممحوق؟ .. شنو الخلاك تنوم تحلم على على خرطة وطن مسروق؟ .. وطن في السوق .. وطن أشتر .. مرق من ذمة التاريخ على ذمة كلاب الحر .. ينوم في جبة الدرويش .. يقوم بي بدلة العسكر .. .. فيا ويلك في يوم الويل .. ويا ويلك .. تقوم تحتك قيامة الناس .. أفواج الضحايا .. ستات الكجيك والشاي .. والناس البعرفو شليل .. حشود الطلبة والعمال .. وبنوت الغياب والليل .. طفولة مشردة ونازحين .. وكم حجاج .. يجيك من ديل يجيك من وين .. أولاد الشوارع عووك .. المعدمة ومعدومة .. قطامة وقرضمة وراندوك .. لماضة وطرقت حلقوما .. من كل حتة يجوك .. يوم التسود يوما .. ناسات حكومة الجن .. وناس جنها الحيكومة .. ما طالا الشوارع في .. في ولاد بعرفوا القوما .. ولاد راقدين .. وأولاد اسمها المايقوما .. ديل أولاد شريعة قوش .. المستضعفين في الأرض .. يبنوا ويهدوا عروش .. لا بتخون البعض لابتشتريها قروش .. في كل حته وراك تمرق تلاقي جيوش .. أصدق لسان الحال من نضمك المهبوش .. نفس الولاد جايين من طينة حضارة كوش .. حافظين شعر حميد .. فاهمين قصايد الدوش .. ما تمشي يا محجوب دايرين نظبط بوش .. يا داب عرفنا الصاح .. دخل الكلام الحوش .. وشكرا .. شكرا سيدي الحجاج
عمك كبير جاهو يرقان ، و كان زول خواف ، جرب كل طرق العلاج بس اليرقان ما انتهي، الجماعة نصحوهو بي الكي ، عمك وافق بعد محاججة شديدة. اليوم الموعود أولادو جهزوهو عشان يمشي للزول البيكوي و كان الزول في حلة مجاورة. عمنا الصباح سرجو ليهو الحمار ، لما بقو قريب لي حلة الزول البيكوي عمنا ضرط ، بتو سمعتو بس عملت رايحة ، لما وصلوا محل الزول البيكوي عمنا شاف المرواد بتاع الكي لونو أحمر و قال "يا رب الليلة تسترنا "، ردت ليهو بتو قالت ليهو "يابا محل السترة انتا فتو قبيل".
دا يا هو الواقع علي بشة الآن ، ما تتراجل و تتفاصح إنت مكان السترة فتو قبيل..
Post: #13 Title: Re: البشير: (أوافق أن يحاكمني أسوأ قاضي (قحاتي) Author: Asim Ali Date: 08-25-2021, 01:01 PM Parent: #1
الناس دى بتستهبل قبل فتره قالو دايرين يسلموهم للجنائيه هسى يطلع الكلام دا !!! الظاهر شغل مسك الزمن وطبخه الهبوط الناعم متقدمه بهدوء وهم يطلقو كل مره تصريح تشتت كوره وصرف انتباه
يبدو و الله أعلم أن الأهبل بشة يتوهم و يحلم بعودة الكيزان للحكم و خروجه من كوبر إلى قصره في كافوري. لو تم تسليمه للجنائية ماف طريقة يرجع.
Post: #15 Title: Re: البشير: (أوافق أن يحاكمني أسوأ قاضي (قحاتي) Author: بدر الدين الأمير Date: 08-25-2021, 01:39 PM Parent: #14
قال يوافق قال خلاص نحن موافقين يتم التخلص منك يارمة بنفس الطريقة والاسباب القلت قتلت بها عشرة الف في دار فور او تدفن حيا زي مادفنت 28 ضابط في رمضان هو انت كنت بتقتل وتسفك الدماء بمحاكم اوقضاء تمشى لاهاى عشان ارواح الشهداء ترتاح ياسفاح ولن ترتاح ياسفاح قلت صحتك كويس يلا اركز وقيقم حا يسيرك بمزيكته يالاسد النتر