Post: #1
Title: السودان تم اضافته الى عجائب الدنيا السبعه...
Author: عماد الدرديرى
Date: 08-23-2021, 01:40 AM
00:40 AM August, 23 2021 سودانيز اون لاين
عماد الدرديرى-
مكتبتى
رابط مختصر
منقول
السودان دولة لا هي باردة ولا هي ساخنة ....
لا هي افربقيه ولا هي عربية .....
أهلها يتكلمون لغة عربية وما في عربي يفهمها ....
هل هم ملتزمون ام متحررون ....
السدود مليانة والموية قاطعة ، الامطارة صابة والموية ضائعة ... والخضار غالي والزرع موجود
والسمك غالي والبحر والنهر موجود ...
لا تفهم فيها إرهاب ولا فيها امان ...
العيشة لا تفهمها غالية ولارخيصة ...
الشعب لا تفهمه غني ولا فقير ....
ولا تفهم عندنا ثروات ولا ماعندنا ، نرمي في الدقيق والعيش غالي ....
عندنا الإبقار والحليب مغشوش ....
نستورد القمح بالدولار وعندنا افضل بيئة لزراعته ....
ما تعرف نحنا ناس حرية ولا فوضي .....
ما معروف نحنا عملنا حراك وثورة ، ولا كانت انتفاضة شعبية وانقلاب ....
الكورونا هزمت أقوى البلدان الفي العالم ونحنا يقولو ليك
(امشي ساي مابتجيك اي عوجة)
السودان تقعد فية تكره نفسك ، تطلع منو تشتاق ليه ....
ما تفهم نفسك قاعد ولا ماشي ...
عمرك ماتفهم السودان الفيه والمافيه شنو ،
لفة راس
احترنا معاك يا بلد🤣🤣🤣🤣
|
Post: #2
Title: Re: السودان تم اضافته الى عجائب الدنيا السبع�
Author: بسمات الشيخ
Date: 08-23-2021, 04:21 AM
Parent: #1
عماد الدرديري
هذا اجمل واروع ما قرأت في الفترة الاخيرة عن السودان
وكل سطر فيه حقيقة .
والله يديك الصحة والعافية
والله يدي السودان الصحة والعافية
|
Post: #3
Title: Re: السودان تم اضافته الى عجائب الدنيا السبع�
Author: Asim Ali
Date: 08-23-2021, 06:40 AM
Parent: #1
Quote:
احترنا معاك يا بلد🤣🤣🤣🤣
|
قال تعالى : إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ [الرعد:11]
دى مشكلتنا يااخ عماد
وانت نسبت اههم جزئيه
عندنا ثوره وما عندنا ثغيير على ارض الواقع
المعادله الفير موزونه دى الانسان هو الطرف الاهم الحيوزن المعادله وحيدى المعادله قيمه فى الاقتصاد والسياسه والاجتماع قبلها
|
|