عودة ميسي إلي برشلونة

06:02 AM August, 21 2021

سودانيز اون لاين
Osman Musa-
مكتبتى
رابط مختصر

عاد
الأرجنتيني ليونيل ميسي، نجم باريس سان جيرمان، إلى مدينة برشلونة، اليوم الجمعة.

ووفقًا لصحيفة "موندو ديبورتيفو" الإسبانية، فإن ميسي عاد لقضاء عطلة نهاية الأسبوع في مدينة برشلونة، بعد استبعاده من قائمة سان جيرمان لمباراة بريست في الجولة الثالثة من الدوري الفرنسي.

وكان ماوريسيو بوكيتينو، مدرب سان جيرمان، رأى أن ميسي ليس جاهزًا بشكل كامل لخوض أول مباراة بقميص باريس.

وانتقل ميسي إلى باريس مجانًا، عقب انتهاء عقده مع برشلونة، ووقع لمدة موسمين مع النادي الفرنسي.

وزعمت تقارير أن راتب ميسي مع سان جيرمان يصل إلى 40 مليون يورو متضمنًا المكافآت.

وفشل برشلونة في تجديد عقد ميسي، بسبب قانون اللعب المالي النظيف، الذي تفرضه رابطة الليجا على الأندية الإسبانية.

الحنين .
عاد ميسي وهو يردد كلمات الشاعر
الإسباني.
الحنين البى لية ما قدرو ما قدرو
العمر من وين بشترو
لوكان بديت الوحدة ياقلبى الرهيف يا وليف 
الشوق بقيت فاقد الوليف يا النسانى وباع خلاص حبى الشريف
الذنب فى الريدة لية ما بغفرو وليه
ما قدرو الحنين البي من قلبى الامين
من مشاعرو الطيبة والريدةالدفين
يا حبيبى غرامى لو طال 
بالسنيين ما بتمر بخاطرى لحظة تودرو وما قدرو
العمر من وين يشترو يا زمان العشرة وين طيبة


القلوب وين امانى عمرنا والريدة الطروب
والمحبة البينا لو كانت تطول الذنب فى الريدة ليه مابغفرو
وليه ماقدرو والعمر من وين بشترو .

ياعثمان
تعال شوف الكبار والصغار
في الدوحة الزحمة على المتجر
الببيع قميص ميسى
حقو ياعثمان تحاول تعمل في متجرك
حاجة بسم ميسى

يا بدر الدين
ياخ الولف كتال.
عمك ميسي كتلو الحنين لبرشلونة الحنينة.
ناداهو الدم العربي الفي عروق البرشلونيات الجميلات.
رجع يتفقد المكان و يتفقد العنبة الرامية فوق بيتو.
سمعنا تحت تحت انو أي ملياردير متمني يشتري
بيت ميسي في برشلونة.
الزول دا يا بدر عبارة عن ماكينة قروش.

هل تصدق ياعثمان
وعلى الطلاق هسى
راجعين من السوق مشينا
نجيب حاجات امير ذو الستة سنوات
بتاعت المدرسة هل تصدق امير
اختار شنطة المدرسة بالوان نادى باريس
قلت له ليش اخترت دى قال عشان ميسى
وكان بلقرب مننا رجل قطرى مات من الضحك

الأعزاء عثمان وبدر

مشية ميسي دي من برشلونة مؤقتة طبعا

بعد ينتهي العقد بتاعو مع الباريساب بلملم عفشو ويسوق وليداتو ويرجع برشلونة

بيتو بكون قاعد

ميسي بقى كاتلوني اكتر من الكاتالان

واي زول اتربى في برشلونة النادي
مستحيل يفارقو وبجي راجع مهما طال الزمن

انيستا برجع وتشافي برجع وميسي برجع
وغوارديولا ذاتو برجع

انا ذاتي ماش اجاور هناك

كسرة:
مشية برشلونة لي سان جيرمان
زي لما تركب ليك مكنة بي ام دبليو في كامري

ههههههه

الأخ ابوذر
سلام
عندي أخ عزيز كان فتحت عنو بوست هنا .
الأخ اسمو بكرى بشير شكور .
من أبناء مدينة ود مدني الحبيبة.
بكرى دا يا ابوذر مات من كتر محبتو لإسبانيا . والله جد .
بكرى كان طالب شاطر في امدرمان التجارية . وشطارتو
وقسمتو جابتلو منحة لدراسة التجارة في مدريد.
سافر سنة 1977 لاسبأنيا.
كان أطول طالب في الجامعة في مدريد .
طولو ومهارتو وقوتو وجسارتو وخبرتو في كورة السلة خلت
أندية الدرجة الأولي تتهافت عليه.
بكرى بعد الشهرة دخل في عشق عجيب لإسبانيا.
وتصوف فيها وترك النجومية
والشهرة والسلة.
ومات ..
وقبل موته بشهرين طلب أن يدفن في مدريد .
..
له الرحمة

فزق من اجل برشلونة
وكيتا فى اولادى لبيد وغسان
ومعهم عبد العزيز السيلطى رئيس
مجلس ادارة شركة اوكسينت البشجعو
ريال مدريد

عارف يا بدرالدين
مافي سلعة في العالم كلو انتشرت بالسرعة الانتشر بيها قميص ميسي.
انت عارف يا بدر . نجم السلة الامريكي الأسطورة مايكل جوردون الشركة حقتو
القامت بتصنيع قميص ميسي ارباحها قفزت للسماء في يوم واحد بعد كبسيبة
السوق على القميص رقم 30 .
القميص أصبح ماركة ولا (لوفي فتان)
ياخ ميسي يستحق.

عثمان وابوذر
امير ابنى امو نجمة زميلة
العمل والمنزل والمنبر مرخابية
وانا اصلا لو كنت عارفها مريخابية
ماكان تزوجتها واحمد ربى امير ولدى
عندو نفور من اللون الاحمر وبحب اللون
الازرق

يا ابو عفان حنين شنو
اكون عنده حسابات في البنوك داير يقفلها و عقارات داير يبيعها

و بدل ما يجيب وكيله جا بي رقبتو 🙂

مداخلة يحى قبانى
محيرة هل هو مع ميسى
ام ضد ميسى

يا بدر ..

المداخلة ليست مع او ضد ..

انا في الوقت الكنت بشجع مدريد كنت بشجع ميسي (براهو) ..

بس ده بيزنس يا صديقي .. الناس دي عملت مليارات .. فالحنين هنا يرجع لليورو و الدولار ..

أخونا قباني
سلام .
اكيد ميسي مفتون بالمكان.
وحاني شديد للأيام.
واكيد بكون مشغل اغنية جماعتك .
الحنين البى لية ما قدرو ما قدرو
العمر من وين بشترو .
موضوع بيت ميسي دا فيلم براهو.
قالوا في مشاهير كتار منتظرين كلمة
من الريل استيت البيتعامل معاها ميسي
وفي احتمال بلدية برشلونة تشتري البيت
للمستقبل .

تعرف يا بدر

الالوان دي بالمناسبة فيها اسرار عميقة وعجيبة
وهي ما زي ما بنشوفها قدامنا شوف العين

تخيل بس لو الدنيا والحياة كلها كانت لون واحد، اي لون مهما كان

انا من وانا طفل كنت خاتي لأي لون معنى ودلالة
وكنت مقتنع تماما، وانا شافع والله انه ربنا مستحيل يكون خلق وعمل الألوان دي عبثا
واكيد وراها شي

في مرحلة لاحقة تخيلت انه اللون الأزرق هو لون الله المفضل
قول لي ليه
لانه كنت بشوف انه الأزرق هو لون السماء والمحيط
لون غامض وغريب وبدبع
وفي مرحلة شفت الأسود هو سيد الالوان وشيخها وزعميها
بعد ما قرينا الأدب الانجليزي
انا بحث التخرج بتاعي كان في ال
####physical poetry
غتست مع اليوت وعذرا باوند وجون ميلتون
وعرفت كيف انه الناس الخارقبن ديل عندهم عشق ما طبيعي ل اللون الاسود
اللون الاسود في المطلق، مش بس في ألوان البشر

دا موضوع طويل بجيهو بالتفصيل يوما ما

أضعف لون هو الأبيض

برشلونة اختار وتخير الاحمر الوردي الداكن والأزرق الداكن برضو

ودا ما كان اختيار عشوائي او اعجابي ساي

ودا برضو موضوع طويل بنجيهو ب المهلة

المهم
انا احب برشلونة
اذا انا موجود

مع الاعتذار ل رينيه ديكارت
في تحريف المقولة

تعرف يا عثمان

اكتر ناس بتاسرهم ال Nostalgia
هم السودانيين
ما تستعبد بكري صاحبك دا يكون جذوره قبل كم جيل من شبه الجزيرة الايبيرية

انا بالمناسبة من جهة الوالد ، مسلمي
والمسلمية في السودان ، وجدهم هو مسلم بن جماز، اصلا من الناس النزحو او هربو من الأندلس بعد انتصار ايزابيلا وفريدناد

عشان كده ما بعيد في عمق اللا وعي عنده
كان بحن ل جذوره هناك

الأخ ابوذر
سلام
اهلنا قاعدين يقولوا للزول الراجع من الغربة الطويلة .
يقولوا الدم بناديهو.
انت عارف اهلنا الاسبانيول ديل كلهم في سنترال اميركا وجنوب اميركا وفي الجزر .
كلهم عندهم حنين لإسبانيا الأوروبية.
و الصور القديمة في المتاحف في غواتيمالا و السلفادور كلها جلاليب وقفاطين .
أخونا بكرى الله يرحمو ناداهو الحنين العميق زي ما بتقول . وميسي قعد العشرين سنة فاتت في رمشة عين وكان حاني شديد.
قعد في برشلونة . وابدع.
والرجل الطيب وكت ما قدروا يفهموا حجم عشقوا فرتك.
لكن حيرجع.
وبيتو حيكون للتاريخ.
الرجل أسطورة و كل شي فيه بقول كدي'.

غايتو يا ابوذر
كتير من الصحافة العالمية دي صحافة بالجد محترمة .
ولمان يكون في اي نجم في العالم محبوب ومحترم تخاف تجيب سيرتو
بالخارم بارم .
مثلا في امريكا اصلو ما لاقاني خبر خارم بارم عن الإعلامية الكبيرة اوبرا
وينفري ولا مايكل جوردون.
نفس الشي ميسي.
مجدتو الصحف الفرنسية . وصحيفة ليكيب قالت انو راجع من اسبانيا الأحد
وحيلعب ضد ريمس.
وعشاق لعبوا جايين زفة وقاطعين جرايد النخل من المغرب وإسبانيا.