Post: #1
Title: ***** رفع الدعم لشراء سيارات للوزراء ام لتوفير الدواء ؟؟ *****
Author: ABUHUSSEIN
Date: 08-20-2021, 07:24 PM
06:24 PM August, 20 2021 سودانيز اون لاين
ABUHUSSEIN-السعودية الرياض
مكتبتى
رابط مختصر
رفع الدعم عن البترول فتم توفير المليارات
و اكيد يتم دفعها من جيب المواطن ....
و ظهرت صفقة شراء سيارات للوزراء بقيمة ٥٢١ مليار
كدا معناها الحكومة نشلت المواطن لكي تشتري سيارات للوزراء ....
|
Post: #2
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-20-2021, 07:31 PM
Parent: #1
في صورة لي خطاب من مستشفى الولادة ام درمان (إن صح)
موجه لي وزارة الصحة الاتحادية بإنقطاع ادوية عن المستشفى
غير موجودة في الوزارة و يتم شراؤها من السوق الاسود
نعم المستشفى تشترى من السوق الاسود ....... !!!
فضيحة .......
مهزلة ..........
|
Post: #3
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-20-2021, 07:34 PM
Parent: #2
|
Post: #4
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-20-2021, 07:36 PM
Parent: #3
للأمانة لم اتأكد من صحة الخطاب و لا حتى تاريخه لعدم وضوح الصورة ...
|
Post: #5
Title: Re: ***** رفع الدعم لشراء سيارات للوزراء ام لتوف
Author: علي عبدالوهاب عثمان
Date: 08-20-2021, 08:10 PM
Parent: #4
تحياتي أبوحسين الحبيب
موضوع سيارات 520 مليار للوزراء
هو الاهم .. لماذا في عام الرمادة ؟
اين العربات التي تمت مصادرتها من ناس ازالة التمكين
كل قروبات شغالة بكثافة في موضوع السيارات
تحياتي الحبيب أبوحسين
|
Post: #6
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-20-2021, 09:03 PM
Parent: #5
Quote: تحياتي أبوحسين الحبيب
موضوع سيارات 520 مليار للوزراء
هو الاهم .. لماذا في عام الرمادة ؟
اين العربات التي تمت مصادرتها من ناس ازالة التمكين
كل قروبات شغالة بكثافة في موضوع السيارات
تحياتي الحبيب أبوحسين |
اهلا بالحبيب الغالي
موضوع الدواء ربطتو بي موضوع السيارات للمقارنة بين اهمية الموضوعين
و إظهار البون الشاسع بين إهتمامات الحكومة و حاجة المواطن ....
فلا يعقل ان تشتري سيارات للوزراء بينما مستشفى الولادة ينقصه الدواء ....
ناهيك عن حوجة التعليم و تنمية الريف و حتى نظافة المدن .....
مودتي يا راجل يا طيب
|
Post: #7
Title: Re: ***** رفع الدعم لشراء سيارات للوزراء ام لتوف
Author: كمال عباس
Date: 08-20-2021, 09:08 PM
Parent: #6
موضوع العربات دا خلاص إتاكد ؟
|
Post: #8
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-20-2021, 09:27 PM
Parent: #7
| Quote: موضوع العربات دا خلاص إتاكد ؟ |
لغاية الآن مافي زول شكك في المستندات المقدمة ...
و لغاية الآن ما جاء تكذيب للخبر من الحكومة أو من شركة السهم الذهبي ....
يعني لغاية الآن مؤكد ....
|
Post: #9
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-20-2021, 09:49 PM
Parent: #8
للمقارنة فقط و لإظهار التناقض الحاصل عندنا
في بعض دول العالم الاول و اللي فيها التعليم و العلاج مجاني و الامن متوفر
و الدولة بتدفع قروش للعاطل ...
في الدول دي فيها وزراء سايقين عجلات ... نعم عجلات و فيهم رئيس وزراء برضو سايق عجلة
و عجلة عادية جدا لا فيها بوري لا فيها انوار زيادة و لا حتى زهور بلاستيكية ....
و نحن حكومتنا تشتري سيارات جديدة و مستشفى الولادة في العاصمة بشتري ادوية من السوق الأسود ....
|
Post: #10
Title: Re: ***** رفع الدعم لشراء سيارات للوزراء ام لتوف
Author: Arif Nashed
Date: 08-21-2021, 09:28 AM
Parent: #9
الخبير وضيوفك سلام
بلد ما عندها وجيع وحكومة اخر اهتماماتها المواطن
رئيس وزراء مثل خيال مأته .
|
Post: #11
Title: Re: ***** رفع الدعم لشراء سيارات للوزراء ام لتوف
Author: Gafar Bashir
Date: 08-21-2021, 10:08 AM
Parent: #10
هل في مستند رسمي بيكتب فيهو
شراء من السوق الاسود؟
|
Post: #12
Title: Re: ***** رفع الدعم لشراء سيارات للوزراء ام لتوف
Author: احمد عمر محمد
Date: 08-21-2021, 11:29 AM
Parent: #11
ابو حسين
لا ادري اقول لك هذا هو البؤس بعينه ام بأي عبارة اعبر
المبلغ مكتوب مليار وفي الحقيقة هو بالمليون وهو يعادل
حوالي اربعة ملايين ريال سعودي اي تقريبا مليون ومائة
الف دولار وهذا مبلغ يكاد يكون رأس مال شخص عادي في
الخليج وهو مبلغ متواضع عن ان تحاكم فيها حكومة دولة
في اها جعلت منه عربات لوزراءها ولما يستكثر على وزراء دولة.
والنقطة الاهم والتي يجب الاتفاق عليها هي ان الدولة من الممكن
ان تؤخر مثل هذه الامور حتى لو اضطرت اضطرارا ولفترة مؤقت
لإستيجار عربات اذا استدعى الامر وهذا امر تقدره الدولة
مراعاة للوضع.
انما المبلغ مبلغ ضئل جدا ولا يحتاج مثل هذا الصراخ و على الدولة
ببساطة اذا صح الخطاب ان تخرج وتكون صريحة في التواصل
مع المواطن في الاشياء التي يرى انها غير منطقية
|
Post: #13
Title: Re: ***** رفع الدعم لشراء سيارات للوزراء ام لتوف
Author: منتصر عبد الباسط
Date: 08-21-2021, 11:52 AM
Parent: #12
شراء عربات بهذا المبلغ يعني أكتر من مليون دولار
هي غلول وسرقة من مال المواطن
وفعل قبيح كقبحهم الذي رأيته على وجه خالد سلك
وفي الغباء البادي على محمد ناجي الأصم
ومريم الصادق وباقي الخلايق الله لا كسبماضاعوا
ثورة عظيمة وقتلوا الأمل وبطلوا العمل
كشفت ليكم الدور الخبيث منذ تمديدهم لاعتصام
القيادة من أجل فرض المحاصصة لكنكم لم تصدقوني
وها هم بكل وقاحة يميطون اللثاهم عن قبح ودناءة
وعقم ولؤم
|
Post: #14
Title: Re: ***** رفع الدعم لشراء سيارات للوزراء ام لتوف
Author: عبدالمنعم الطيب حسن
Date: 08-21-2021, 12:18 PM
Parent: #13
قرات ان هنالك اكتر من الف سيارة، حديثة وماركات..
في القصر الجمهوري،
ولامانة مجلس الوزراء
برضو عدد محترم من السيارات،
ورثوها من البشير ونوابه، وكيزانه..
قرات ايضا ان لجنة التمكين الجديدة مكنت بعضها لمتمكنين
جدد حزب امة سنابل ويعثيين،
...
ليه ما يستخدموا السيارات دي،
..
للقصة دي كدة ما بتمشي..
وحمدوك دا وحكومتو ببرهانا وحميدتيها
وكيزانا، سقوطهم مؤكد
وقريبا...
|
Post: #15
Title: Re: ***** رفع الدعم لشراء سيارات للوزراء ام لتوف
Author: AMNA MUKHTAR
Date: 08-21-2021, 11:48 PM
Parent: #1
يعني كان في حوجة لعربات جديدة غير الكانوا بيشتروها الكيزان؟!!
يبدو أن لجنة ( التطمين وكتائب حنين ) لم تصادر شيئا من الكيزان ..!!
|
Post: #16
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-22-2021, 12:59 PM
Parent: #15
|
Post: #17
Title: Re: ***** رفع الدعم لشراء سيارات للوزراء ام لتوف
Author: محمد حمزة الحسين
Date: 08-22-2021, 06:28 PM
Parent: #16
Quote: لسيارة انسرقت
خالدالدبلي
واحد سرقوا سيارته من بيته بالمساء سكلب و جقلب في الصباح وجد السيارة قدام البيت و كمان مغسلة و فيها ورقة صغيرة .. مكتوب عليها "اسف وبعتزر امس زوجتي تعبت في الوضوع و اخذتها للمستشفى و الحمدلله وضعت بالسلامة و تركت ليك هدية في المقعد الخلفي علبة حلوة و تزاكر سينما غدا تحضرو فلم في عفراء مول انت و أسرتك
علي روح الطيبة الرجل ادمعت عيناه و شال علبة حلاوة الشيكولاته و التزاكر يحتفل مع اولادة و قال لهم : الحمدلله لقينا لينا اجر من غير مانتعب فيهو
ذهب السينما مع اولادة استمتعوا بالفلم و شكرو سارق السيارة اخر ألسطا، فجو راجعين وجدوا باب البيت فاتح دخلو لقو العفش كلو اتسرق ماخلا حاجة حتى الستاير ، لي كبابي الشاي الوسخانه نشفهم نشاف .
لقو ورقة بنفس خط سارق السيارة و كاتب فيها أن شاءالله الفلم يكون عجبكم
فدي انطبقت في شعبنا العظيم، قالوا لهم اطلعو عشان تكون مجانية التعليم و الصحة و الخدمات تدخل كل قرية وينعم كل بيت، و الشعب يعيش نعيم في نعيم
اول شي كانت زيادة المرتب اللهي طعم حرامي السيارة بتزاكر السينما و الشعب انبهل و المرتب كبر و ظهر هاشتاق #شكرا_حمدوك
بعدها ظهر تعويم الجنينة و رفع الدعم و إلغاء الدولار الجمركي، حصل ما حصل، على قول حمدتي الحكاية انبشقت
و الان قحت تنعم بالمسروقات و تقول : للشعب ان شاء الله الثورة عجبتكم
|
|
Post: #18
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-22-2021, 07:54 PM
Parent: #17
محمد حمزه قصتك دي قديمة شديد شايف سودنوها بي عفراء مول ....
القصة دي انا سمعتها من سنين عددا ... 🤣🤣🤣
|
Post: #19
Title: Re: ***** رفع الدعم لشراء سيارات للوزراء ام لتوف
Author: منتصر عبد الباسط
Date: 08-22-2021, 11:51 PM
Parent: #18
اطالب كل من دعم استمرار اعتصام القيادة
بعد 12 ابريل 2019م
أطالبه بالندم والإعتذار ومحاولة التصحيح
لأنه بمافعل دعم الانتهازية الحزبية القبيحة
ودعم فرض المحاصصة الحزبية
بابتزاز العسكر لللإنصياع لهم
لتتمكن هذه الحزاب الرديئة لممارسة
أغراضها وأمراضها لا أكثر من ذلك
ولا أقل
|
Post: #20
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-23-2021, 08:40 PM
Parent: #19
Quote: الخبير وضيوفك سلام
بلد ما عندها وجيع وحكومة اخر اهتماماتها المواطن
رئيس وزراء مثل خيال مأته . |
و عليكم السلام
ديل لا بخافو الله و لا بخافو من زول ....
هم عارفين انو كل شي حا ينكشف و الدنيا كلها حا تعرف ...
و ما خايفين من زول لانو مافي محاسبة اصلا ....
الله في ...
|
Post: #21
Title: Re: ***** رفع الدعم لشراء سيارات للوزراء ام لتوف
Author: منتصر عبد الباسط
Date: 08-23-2021, 11:17 PM
Parent: #20
لا خير في كوز مكار
لا قحتي بدون أفكار
غبي وكمان ثرثار
لا أخوان للدين تجار
لا شيوعي بتاع أشعار
خربوها بدون إنذار
أحزابنا عذاب أضرار
أحزابنا يا أشرار
غادرونا سيبوا الدار
مين غيركم بس كضاب
أحزابنا شر وعذاب
كضبنا لو قلنا ك لاب
وفاءها ما بتعاب
لكن في الحقيقة ذئاب
بس الذئاب أكرم
لو كنا بس نعلم
كلامنا ما هو سباب
ولاهو بدون اسباب
ماهو ظلم وتعدي
مركبكم ما بتعدي
مركبكم حديدها مصدي
مخروقه في الأجناب
مركبكم سبب اتعاب
لكل موطن حاب
الوطن دا يمر ويعدي
مركبكم وين بتودي؟!
قوادها يا أحباب
في قلوبها مافي تحدي؟!
مركبكم وين بتعدي؟!
طريق الوطن بهناك إلا
الضميرها مصدي
ما شايف الطريق الصاح
لكنو ما بسمع مهما المواطن صاح
ليلكم مالو صباح
لكنو عناد وتحدي !
الطريق الغلط ما بودي
إلا الجبينو عرقو بندي
للوطن أكيد بفدي
ومصيرو الشعب يسمع ردي
وغيري كتييير إلا الكلام ما بجدي
إلا رب العباد ما بنسانا
يحكم أكيد سلطانا
بالصدق يحمي حمانا
في قلبو مافي خيانة
تنطلق البلد قفزة زانه
لبر غني سلام وأمانة
بكرموا نحمي حمانا
وكل الخير يغشانا
صلاتنا علي مولانا
من الإله تغشانا
تخلي الخلوق رضيانا
في أرضها وسودانا
رجال نساء وصبيانا
وله الحمد سبحانه
|
Post: #22
Title: Re: ***** رفع الدعم لشراء سيارات للوزراء ام لتوف
Author: ABUHUSSEIN
Date: 08-24-2021, 03:30 PM
Parent: #21
Quote: هل في مستند رسمي بيكتب فيهو
شراء من السوق الاسود؟ |
السودان بلد العجايب يا جعفر إتوقع مل شي ....
غايتو في سوق الاموال مدلعنو بسمو السوق الموازي ... 🤣🤣
|
|
