Post: #1
Title: أستشارة بعثت بها إحدى السيدات هزت مواقع التواصل الاجتماعي
Author: بلدى يا حبوب
Date: 08-18-2021, 08:40 AM
07:40 AM August, 18 2021 سودانيز اون لاين
بلدى يا حبوب-kahrtoum
مكتبتى
رابط مختصر
Quote: القائمة بحث عن الوضع المظلم جرائم وحوادثمداراتمنوعات استشارة هزت مواقع التواصل الاجتماعي.. سيدة سودانية تعترف: مارست الزنا مع أحد الشيوخ من أجل المحافظة على زوجي والآن أنا “حامل” ولا أعلم إن كان الجنين من زوجي أم من الشيخ!! 2021/03/1443
هزت استشارة بعثت بها إحدى السيدات مواقع التواصل الاجتماعي بالسودان وذلك بسبب خطورة ما تحتويه الاستشارة التي تم تداولها على نطاق واسع عبر منصات مواقع التواصل الاجتماعي. وبحسب الاستشارة التي قرأتها محررة موقع النيلين فقد بدأتها السيدة التي وصفت نفسها بالمتعلمة وعرفت نفسها على أنها موظفة ومتزوجة زواج عن حب دام أربعة سنوات وتوج بالزواج. السيدة أكدت أن مشاكلها مع زوجها بدأت بسبب مرور عامين ونصف دون انجاب وهو ما دعى أهل الزوج لتحريضه على الزواج عليها, وقالت: (نسابتي نقنقو لي زوجي في الزواج من زوجة ثانية وحتي رشحو ليهو. وانا الكلام وصلني. وواجهتا زوجي بالكلام ونكر لي. واصبحتا في دوامة شكك وظنون. ولاحظتا تغير زوجي مني. وقعادو الكتير بقي مع اهله وبكونو بتكلمو لما اجي انا بسكتو. استشرتا زميلة لي. وكان الحل انو نكتب زوجي. بالاول رفضت). وتابعت سرد قصتها التي أثارت ضجة اسفيرية كبيرة: (لما ضاق بي الحال وافقتا. ومشينا للشيخ فعلا. وطلب مني حاجات اجيبها ليهو وقال لي جيبيها براك. اشتريت الحاجات وجبتها. وابتداء يشتغل لي والاستلام بعد 3 ايام وبرضو اكد علي تجي تستلمي براك. لما جيت فاجاني بي اني لازم ازني معاهو بالاول حتي العمل يمشي في زوجي وقال لي اشتغلتا ليك برضو في موضوع الحمل). وواصلت بحسب ما نقلت محررة موقع النيلين من بعض الصفحات الناشرة لتفاصيل الاستشارة: (انا رفضتا وسمعتو كلام فاضي وطلعتا منو. وحكيت لي زميلتي الودتني ليهو واستغربت من تصرفو معاي. وبعد القصة دي بي شهر لاحظتا لي تغير زوجي تغير 180 درجة مني. بقي م بتحمل مني ولا كلمة ومشاكلنا بقت كتير اتصلتا علي الشيخ لانو شكيت انو هو حبة ينتقم مني لانو نبذتو واهنتو. لكن الشيخ استقبلني بي كل اريحية وقال انو هو م ممكن يفكر يخرب بيت حلال. وانو نسابتي كتبو زوجي عشان يتزوج فيني. وقال لي تعالي لي. لما مشيت ليهو طمني انو هو واقف معاي وانو مشاكلي ح تتحلها وانو الجماع معاي ح تكون مرة واحدة وبس عشان الشغل وانو هو متزوج يعني م محروم. عشان يفكر فيني وانو عشان العمل يشتغل لازم يحصل كدا.). وتابعت السيدة حديثها قائلة: (الله ينعل اليوم الفكرتا فيهو امشي ليهو وفكرتا في اني اغضب ربنا. وفعلا يا جماعة حصل الحصل وشلتا حاجاتي ومشيت عملتا الحاجات القالها لي. وزوجي اتغير معاي وبقي يحبني زي الاول ورجعنا هادين زي الاول. اسي انا حامل ي جماعة وداخلني شكك انو الحمل دا من الشيخ ولا من راجلي). وختمت السيدة استشارتها بسؤال للمتابعين لمشكلتها ( حتي الآن ما كلمت راجلي. اها يا جماعة الحصل حصل وانا عارفة غلطي ومن يوم مرقتا من الشيخ انا بصلي وبدعي ربنا يغفر لي ذنبي. اسي استشارتي دي عشان اسالكم هل في فحص لي DNA للجنين وهو لسة في بطني؟ هل اعمل عملية اجهاض واتخلص من الجنين دا. رغم انو دا تصرف غلط وح اغضب ربي ولا اسكت بس واتم حملي؟ ولا اسوي شنو؟). رندا الخفجي _ الخرطوم النيلين
التفاصيل هنا: https://www.alnilin.com/13173854.htm[/QUOTEhttps://www.alnilin.com/13173854.htm[/QUOTE]
|
Post: #2
Title: Re: أستشارة بعثت بها إحدى السيدات هزت مواقع �
Author: Yasir Elsharif
Date: 08-18-2021, 08:58 AM
Parent: #1
سلام صاحب البوست
أظن أن هذه قصة مؤلفة تأليف بس.
تلقفها طوالي الشيخ محمد مصطفى عبد القادر معتبرا أن الموظفة صاحبة القصة هي رندا الخفجي بينما هذا إسم الصحفية التي نشرت القصة!!
|
Post: #3
Title: Re: أستشارة بعثت بها إحدى السيدات هزت مواقع �
Author: بلدى يا حبوب
Date: 08-18-2021, 10:59 AM
Parent: #2
| Quote: تلقفها طوالي الشيخ محمد مصطفى عبد القادر معتبرا أن الموظفة صاحبة القصة هي رندا الخفجي بينما هذا إسم الصحفية التي |
الشيخ شكله مرابط في الفيس بوك
فعلا ما نقلت الخبر ٨رندا
اتمني ان تكون قصة مؤلفة
لانو لا تشبه مجتمعنا حتى لو حدثت اكيد بيكون سره
في بطنه
تحياتي
|
Post: #4
Title: Re: أستشارة بعثت بها إحدى السيدات هزت مواقع �
Author: tabaldy
Date: 08-18-2021, 02:37 PM
Parent: #3
| Quote: تلقفها طوالي الشيخ محمد مصطفى عبد القادر |
تحياتي
فيديو الشيخ مفروض يكتبوا في عنوانو +18، ألفاظ في زقاقات الحلة ما بتنقال
الله يكضب الشينة
|
Post: #5
Title: إمرأة كذابة تود لفت الإنتباه
Author: elhilayla
Date: 08-18-2021, 03:53 PM
Parent: #1
السلام عليكم ورحمة الله وبركاته
شكرا ياسر
تكلمت بلساني.
_____
الحليلة
|
Post: #6
Title: Re: إمرأة كذابة تود لفت الإنتباه
Author: Yasir Elsharif
Date: 08-18-2021, 05:15 PM
Parent: #5
تسلم يا زين العابدين الحليلة.
وشكرا لك
|
Post: #7
Title: Re: إمرأة كذابة تود لفت الإنتباه
Author: Yasir Elsharif
Date: 08-18-2021, 05:18 PM
Parent: #6
Quote: تحياتي
فيديو الشيخ مفروض يكتبوا في عنوانو +18، ألفاظ في زقاقات الحلة ما بتنقال
الله يكضب الشينة |
تسلم يا تبلدي
وكمان الكلام الفاحش والقذف من منبر جامع..
منتهى الانحطاط.
|
Post: #8
Title: Re: إمرأة كذابة تود لفت الإنتباه
Author: Asim Ali
Date: 08-18-2021, 06:37 PM
Parent: #7
القصه قديمه من شهور او مايزيد عن سنه
ربما قصه مؤلفه لكن لاتنفى فيها من الواقعيه من تغرير بعض الدجالين بنساء بسيطات (فى مصر موضوع الولاده بحاجخ اسمها الصوفه يكون عليها ماء رجلةقد رصد مسلسل السبع وصايا جانب من حالات الدجل باستخدام الصوفه لحمل امراه بماء رجل اخر واعتقد ان بعض الشيوخ هنا عندهم نفس الاسلوب )
لرسف صحافتنا الاستقصائيه تستحق ان تتقدم وتدخل عوالم الدجالين وجرائمهم
|
|
|