Post: #1
Title: من عحايب السودانيين في الفيس بوك
Author: زهير عثمان حمد
Date: 08-16-2021, 12:18 PM
11:18 AM August, 16 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
عبور الهنا والسرور...عبور جنسي سعيد يا اياد حبيبنا
الناس البتخوض تجارب مهمة وعظيمة عشان تتصالح مع ذاتها. الناس البتمرن روحها وراسها وشغالة فيها. الناس المن اتساقهم الحقيقي وامانتهم مع ذاتهم قررو يحررو اجسادهم، حرفيا، ويعبرو بيها للمحل الحاسنه ودايرنه. اياد علمنا درس في التساؤل والتصارع والتصالح والتعايش الامين مع الذات وادارة المعارك دي مع المجتمع. قدر السمسمة وانحن بنسمع في تجربته وهو بيحكي عنها بي طلعاتها ونزلاتها. نسكت سااااكت ونتعلم ونخجل من روحنا في حجم الشغل المحتاجين نشتغله في راسنا وقيمنا ولغتنا عشان نواكب شعاراتنا الرافعنها بسهولة كدا وكسل مطبطب بامتيازاتنا.
اها...يقوم راجل سوداني يتحول جنسيا ويمر بالتجربة الكبيرة العظيمة دي. نقدر نخلي سماحتنا السودانية انحن؟ ابدا ابدا. يقوم اعظم زول في العالم يرتب وينسق ويلم الناس بي طاقاته العجيبة الايجابية وقلبة الكبير وراسة الشايل هم السودان جوة وبرة. يرتب يلاقو اياد في المستشفي يسيروه بالمحبة لحدي البيت. ويقوم زول يسوق تلاتة ساعات من مدينة تانية يجيب خروف كرامة واكل العالم كله المعمول بمحبة العالم كلها عشان يقضي ساعات بسيطات يبارك ويرجع يحصل اشاغلة الدغش. ويقومن زولات سمحات سماحة جد جوة وبرة يرسلن ويضربن من مدن ودول مختلفة يآزرن ويتابعن ويدعمن بكل ما أوتين من محبة.
مجتمع الميم السوداني، الميم عين، الكويريين المثليين والمثليات والعابرين والعابرات جنسيا و اللسة في رحلة استكشافهم/ن وبحثهم/ن عن ميولهم وهويتهم الجنسية والجنسانية والبعرفو/ن روحم وروحن بمصلحات كتيرة تانية، ومناصريهم/ن من الغيريين/ات الامينين مع إنسانيتهم وشغاليين/ات في معاركم/ن الخاصة والقريبة مع الموضوع دا. ديل كلهم وكلهن سودانيين وسودانيات عظيمين وعظيمات وبخلقو في سودان محترم وكبير رغما عن انف القبح.
مبسوطين ليك وبيك وفخوريين شديد يا اياد. شكرا الشاركتنا جزو من عظمتك. محبة العالم. ولي قدام بس 💜
|
Post: #2
Title: Re: من عحايب السودانيين في الفيس بوك
Author: محمد البشرى الخضر
Date: 08-16-2021, 02:59 PM
Parent: #1
| Quote: يقوم راجل سوداني يتحول جنسيا |
ثم | Quote: مبسوطين ليك وبيك وفخوريين شديد يا اياد |
حيرنا الكاتب دا يا ابو الزهور!
اذا هو كان راجل و عمل عملية تحول شنو تاني يخاطبوا فخورين بيك يا إياد! مش مفروض العملية نجحت وبقى ماجدولين او صفاء مثلا!
بعدين قصة التحول دي ما جديدة وما ليها علاقة بالمثلية حالات كثيرة تدخل فيها الطب و اجرى العمليات بشكل عادي واعتقد زمان قريت عن حالة سودانية
مالهم عايزين يتلببوها ساي
|
Post: #3
Title: Re: من عحايب السودانيين في الفيس بوك
Author: shaheen shaheen
Date: 08-16-2021, 08:30 PM
Parent: #2
يبدو ان السودانى الوحيد الذى عبر وانتصر فى هذه الفترة الانتقالية ، هو "اياد".
|
Post: #4
Title: Re: من عحايب السودانيين في الفيس بوك
Author: muntasir
Date: 08-16-2021, 08:46 PM
Parent: #3
ودو يا متحير يا رجعي مش يمكن كان ماجدولين وعبر من ضفة العدو أب شعر وبقى أياد
|
Post: #5
Title: Re: من عحايب السودانيين في الفيس بوك
Author: زهير عثمان حمد
Date: 08-16-2021, 08:58 PM
Parent: #4
منتصر
اعمل حاسبك العدو قريب وح يقضي عليك
|
Post: #6
Title: Re: من عحايب السودانيين في الفيس بوك
Author: محمد البشرى الخضر
Date: 08-17-2021, 11:07 AM
Parent: #4
خلاص قمت للفلقصة يا منًص, قال ليك "يقوم راجل سوداني يتحول جنسيا" لو العكس كان قالت تقوم ماجدولين تتحول جنسيا!
|
Post: #7
Title: Re: من عحايب السودانيين في الفيس بوك
Author: muntasir
Date: 08-17-2021, 11:25 AM
Parent: #6
يا ود عليك الله سبب الغلات انت كان بتعرف لقضايا التحول الديمقراطي دي ما كان ضحيت بي نعجة من غير سمان 😂😂
|
Post: #8
Title: Re: من عحايب السودانيين في الفيس بوك
Author: محمد البشرى الخضر
Date: 08-17-2021, 11:27 AM
Parent: #7
جـ...ـك
|
|