حبيبنا الجميل بكري .. استرحام من أجل اديبنا بريمة

07:10 AM August, 12 2021

سودانيز اون لاين
علي عبدالوهاب عثمان-جدة
مكتبتى
رابط مختصر

قرأت قبل قليل في بوست الحبيب حيدر مداخلة من حبيبنا محجوب
بأن بريمة لديه مداخلات محدودة
أرجو حبيبنا بكري اتاحة مساحة واسعة لهذا المبدع

وأناشد الحبيب اديبنا الرائع بريمة الاكثار من الكتابات التراثية
بعيداً عن أمور ساس يسوس

الحبيب بكري عقواً لتدخلي في أمور لا تخصني
ولكن مع انصراف البعض عن البورد وجود أمثال بريمة مهم
ثنائي كبر وبريمة وتراث أهلنا البقارة كان اثراء بلاحدود

تحياتي وأكرر اعتذاري الحبيب بكري

النلحق نثني الطلب ونسلم على الحبيب علي عبد الوهاب قبل الطبلة ..

Quote: النلحق نثني الطلب ونسلم على الحبيب علي عبد الوهاب قبل الطبلة ..

الحبيب حيدر الجميل
عودا حميدا كيف الوطن والاهل منتظرين المزيد هناك في البوست
ما فهمت المقصود من الطبلة

تحياتي يا جميل

ياعلى
بكرى ابوبكر ماقاصد شىء غير
ان العم بريمة بلل يتفرغ لعباراته
وصلاواته وياريت يعملها مع الحوثى
عادل امين وبشويش مع صديقى ابو الزهور
ابو الزهور احسن زول بسمع الكلام ولفحيهو
غير مضر وغير ممل زى الحوثى

Quote: بكرى ابوبكر ماقاصد شىء غير ان العم بريمة بلل يتفرغ لعباراته وصلاواته وياريت يعملها مع الحوثى عادل امين وبشويش مع صديقى ابو الزهور ابو الزهور احسن زول بسمع الكلام ولفحيهو غير مضر وغير ممل زى الحوثى

الحبيب الجميل بدر الامير .. تحياتي
سودانيز مهم جداً كانت تجربة ناحجة أيام حبس الكورونا
القروبات والمواقع الاخرى أي كلام ربما فقط للشباب
لكن سودانيز ( عالم جميل )
وخاصة اخوانياتكم رغم الخلاف والاختلاف الواحد يشعر
كأننا في جلسة حميمية ..
صدقني يا الامير بدر .. اذكر جلسات الترابلة في ضل الشغل
لازم يكون في الجلسة كل أنواع البشر الهادي والمزعج والكضاب والمنظر
والمفتري والصامت .. الحكاية لا تحلو إلا بالتنوع ونحن اشهر ناس في العالم نمارس الجلسات
الاخوانية مع الجبنة والشاي والدكاي ( العرقي ما ينفع غياب وعي كامل ) وكيس السعوط مهم
في مقاهي جدة والجمعيات عندنا .. يا سلام روعة .. مشهد جميل .. كل أنواع الاخوة
سياسة وتنظير، نكات ، كمان في ناس فشخرة وبوبار ، كلهم جميلين وبدون هذا التنوع لا طعم للجلسة
تكون مثل باقة ورد بعبق واحد ولون واحد

وبعدين في عمرنا ده الجلسات دي مهمة جداً كي لا نركز على الذات وضربات القلب والخفقان وراجع الدكتور
عوالم جميلة .. مع أن هذا النوع من الجلسات المعطل الرئيسي للانتاج ..

بصراحة الحبيب الامير .. انت رائع وجميل وزول اخوانيات

Quote: وصلاواته وياريت يعملها مع الحوثى عادل امين وبشويش مع صديقى ابو الزهور ابو الزهور احسن زول بسمع الكلام ولفحيهو غير مضر وغير ممل زى الحوثى

والله يا بدر الزمان
نحن يختونا اقامة جبرية الا
تقعدو تلفو في القمل بس انت خضر البطة
كيسكم فاضي وترفسو ساكت
والملل ذاتو البتسوو فيه في البورد ده من جينا
لا رؤية ولا مسار
اتحداك تشوف حجم الحقائق الموثقة الجبناها في البورد ده
انتو عايزين تتونسو
وونستكم ما بتنفع معاي

التحية للحبيب الجميل عادل
دينمو سودانيز
عضو مهم في البورد ومحرك للنقاش
ورايك واضح ومباشر

تحياتي الحبيب عادل شكرا لحضورك

Quote: التحية للحبيب الجميل عادل دينمو سودانيز عضو مهم في البورد ومحرك للنقاش ورايك واضح ومباشر تحياتي الحبيب عادل شكرا لحضورك

حياك يا علي
بعدين سعن الرروب بريمة ده لازم يقعد اقامة جبرية لانه بهدد السلم الاجتماعي في البورد وجنوب كردفان وبوركينا فاسو
وبكري عارفو كويس
وهسة البورد ده حركة النقاش ادهورت فيه مافي زول بناقش
يا يرفس يا يتمسخر يا يولول
لانه الناس ما عايزة تواجه الحقيقة وترمي قدام
لافين زي جمل العصارة كيزان علي شيوعيين
نحن الكلام البنجيبو ده هم متعودين يعرفو بعد 50 سنة \ ونحن عايزنهم يعرفو هسة قبل الفاس يقع في الراس
كل الثورات المزيفة بعد الاستقلال لا جدوي منها اطلاقا لانها ما ثورات حقيقية
والرفس بين الشيوعيين والكيزان في البورد وفي السودان مضيعة وقت

شكرا الحبيب عادل .. لحضورك الزاهي
نعم مع سنوات عمرنا أيام الصحف والمقالات
دائما نحن نتجه نحو انتصار الذات أو الحزب أو الجهة أو القبيلة ..الخ
بدون الاعتبار للوطن

تحياتي الحبيب عادل

الحبيب بريمة ... تحياتي
ما في مشكلة أي كلام في السياسة أو الاخوانيات
ولكن ركز شوية اكثر على تراث أهلنا البقارة
المفردات والامثال والاغاني والشخوص

امنياتي أن يرجع الاديب الرائع كبر

تحياتي الحبيب

قطار عطبرة
يجمع ويفرق
بين عادل امين
وعادل عبد العاطى

التحية للمغنى ترباس

الأمير تحياتي .. حضورك جميل
قطار عطبرة
يا سلام على البلابل
ناس عطبرة ديل عندهم عشق خاص
اقوى من ناس أمدرمان ومدني
خاصة بناتنا الاميرات بسمات وامتثال

تحياتي الامير الجميل

بريمة أديب عديل كدا!
يا علي يا عمّك ما تبالغ كمان

حبيبنا البشرى الجميل .. تحياتي
اقصد بريمة عندما يكتب عن تراث البقارة لديه اسلوب سلس
ووصف جميل وتجسيد للواقع .. وما زلت أرجع لأقرأ تلك البوستات
أما موضوع الاخوانيات والاختلاف السياسي ومناكفات فهذه لا تحتاج الى لغة
أذكر في فترات هو والحبيب كبر وصلوا لذروة الابداع
لأنه بصراحة يعرف خفايا تلك المنطقة العزيزة على القلب من الوطن
خاصة شرح المفردات والامثال والجغرافي والغناء والشعر ... الخ

أنا بالنسبة لي الاديب أو الكاتب هو الذي يستطيع أن يجسد الاحداث بالحروف
ويجعل القاريء جزء من ذلك الحدث أو الواقع ..

تحياتي الحبيب والبشرى .. تقدير لحضورك وانت من أركان المنبر

علي ارتقاشا وشركاه
بريمة دا فلتة من فلتات المنبر المضيئة والمتلألئة
انا معاك ...واثني استرحامك
لانه مثل بريمة دا لعبه نضيف وسريع .. وعايز مساحات واسعة ليظهر فنونه

فنانا الجميل احمد ياسين .. ابن بنا الاصالة والتاريخ
حبيبنا بريمة في تراث البقارة مبدع مبدع وشرح الاغاني والمفردات والرقصات وغيرها
تعرف الحبيب احمد أديبنا الرائع بريمة قدم لي خدمة العمر
قبل أعوام كنت أكتب مقالات عن التراث النوبي والبيئة عندنا في دنقلا وعن اشعار حميد والمفردات النوبية .. الخ
فجأة وجدت في ايميل حقي صفحات مرتبة بأكثر من 90 صفحة هي كتاباتي في سودانيز ومقدمة
كمان هو خطير في شغل الكمبيوتر ( الويرد) إذا أنا جلست باقي عمري لم أكن اجمع هذه المواضيع
عرضت الموضوع على احبابنا في رابطة دنقلا الكبرى واربعائية الدناقلة فكان الشكر والتقدير لهذا العمل
بل الشباب قاموا بإضافة مقالات اخرى كنت لم انشرها في سودانيز وبنفس النسق والنظام
حتى المقدمة التي كتبها لم نبدل فيه ..

وعندما يصدر الكتاب سيكون الاهداء له ..

تحياتي وو احمد فنانا الجميل ..

حاجة غريبة سيد الحوش يحدد مداخلات الاستاذ الكبير بريمة لاننا ام نقرا له من قبل
اي شتيمة او الفاظ بذيئة كما يفعل قلة محدودة من الاعضاء وهم يمرحون ويسرحون
في المنبر ظون انضباط ،والاستاذ بريمة مواضيعه دسمة ومفيدة وتعليقاته منطقية ومداخلاته
عن تراث البقارة ابداع .
وشكرا بدر الدين ود الدوحة واستاذنا علي عبد الوهاب لذكر قطار عطبرة وام المدائن ،فقد اثلجتم صدري
وان شاء الله يومكم سعيد زي ما خليتو يومي سعيد

خلاص يا بكري أطلق سراح بريمتي وزي ما قال الشاعر مبارك بشير ولو بقدر أشيل من الزمن وقتي بموت في لحظه وأوهب ليك عقاب عمري فشنو شيل من صحفيك المفضل زوزو ١٠ مداخلات يومية وأوهبها للعبار