Post: #4 Title: Re: سلاف الياس عوض الكريم Author: جلالدونا Date: 08-10-2021, 05:04 AM Parent: #2
تسلم يا ريس و تشكر على المرور سلاف ليها مشروعا الفني الطموح موهبة و دراسة و عازفة عود ماهرة تحترف كتابة الشعر و تعشق الفن الاصيل
Post: #6 Title: Re: سلاف الياس عوض الكريم Author: زهير عثمان حمد Date: 08-10-2021, 05:04 AM Parent: #2
انا بحبها جدا يا جلادونا
عسي ان تصبح في مكتبة المنبر
Post: #7 Title: Re: سلاف الياس عوض الكريم Author: بكرى ابوبكر Date: 08-10-2021, 05:07 AM Parent: #6
Post: #8 Title: Re: سلاف الياس عوض الكريم Author: جلالدونا Date: 08-10-2021, 05:14 AM Parent: #7
Quote: انا بحبها جدا يا جلادونا
عسي ان تصبح في مكتبة المنبر
هلا زهير شوف يا حبيب البنية بت خالي .. اي كاني ماني منك برسل ليك توما هوك ينسفك من الوجود
Post: #9 Title: Re: سلاف الياس عوض الكريم Author: جلالدونا Date: 08-10-2021, 05:18 AM Parent: #8
] استمتع يا زهير
Post: #10 Title: Re: سلاف الياس عوض الكريم Author: زهير عثمان حمد Date: 08-10-2021, 05:19 AM Parent: #8
قوم لف كدا انتو لن تنتجوا مخلوقات جميلة بهذا المستوي
بعدين هي اصبحت شخصيةعامة تتحمل بس وانا اقول كلامي بحرية شديدة ة
Post: #11 Title: Re: سلاف الياس عوض الكريم Author: جلالدونا Date: 08-10-2021, 05:37 AM Parent: #10
زهير احشالك قبضة برسيم فى خشمك شكلي ح ارسل القاذفة اف 48 ابنى عشك يا قماري
Post: #12 Title: Re: سلاف الياس عوض الكريم Author: يحي قباني Date: 08-10-2021, 05:47 AM
مجتهده .. لكن لم تحرك فيني اي شي ..
راي شخصي فقط .. ربنا يوفقها ..
Post: #13 Title: Re: سلاف الياس عوض الكريم Author: جلالدونا Date: 08-10-2021, 05:51 AM Parent: #12
مهارة العزف على العود معزوفة للاستاذ بشير عباس
Post: #14 Title: Re: سلاف الياس عوض الكريم Author: جلالدونا Date: 08-10-2021, 06:26 AM Parent: #13
Quote: مجتهده .. لكن لم تحرك فيني اي شي .. راي شخصي فقط .. ربنا يوفقها ..
عاذرك والله صقيع كندا جمّد كل احاسيسك و بقيت لا بعجبك العجبان لا الصيام فى رمضان اجيك بى دفء جلسة منتدى دال و معاهن جردلين سخانة من صحاري اريزونا
Post: #15 Title: Re: سلاف الياس عوض الكريم Author: جلالدونا Date: 08-10-2021, 06:34 AM Parent: #14
ليمون بارا يا ريّس بكري التسجيل الاصلي من غير تعديل
Post: #16 Title: Re: سلاف الياس عوض الكريم Author: أبوذر بابكر Date: 08-10-2021, 06:53 AM Parent: #1
عوافي يا جلالدينا
ليك وحشة والله
جلالدينا دي مكتوبة كدا هههههه
خليني افضى واسمع
ونتفاهم
Post: #17 Title: Re: سلاف الياس عوض الكريم Author: Abureesh Date: 08-10-2021, 07:44 AM Parent: #16
نحن زاتنا نوبيين.. وهى شكلها من إندينـا.. صوتها جميل وخامة ممتازة.. يبدو أنها تخطو خطواتها الأولى فى الغناء.. بس تمارس كتير فى الغناء. وسوف تجلى الذهب فى الصوت.
في فكرة طموحة ومتقدمة فيما يتعلق بطريقة الغناء والحضور
لكن
في شي ناقص في الأداء واستخدام الصوت وطبقاته
يمكن الاختيارات ما مناسبة عشان تقدر تطلع الصوت بشكل صحيح اللحن المناسب هو البظهر الصوت الحقيقي وبوري لأي مدى مقدرة المغني في ربط الجمل الادائية والانتقال بين السلالم
كنت اتمنى انها تغني نماذج من الحقيبة
ليه ؟
لانه مثلا لو غنت لحن من كرومة حتعرف الفرق بين صعوبة اللحن ومقدرته علي تطويع الصوت وبين اللحن العادي ولو غنت لحن من سرور نقول مثلا اغنية الفي دلال هنا طوالي حتعرف أبعاد صوتها وياتو الحان بنكون مناسبة معاها
لانه لحن الاغنية دي غريب وعجيب والكلام دا بعرفوه ناس الموسيقى فيه تيمبو او سرعة محسوبة بدقة وأقل خلل او طلوع من الزمن بتخرب الرصة كلها
وبعد سرور مافي كائن حي قدر يؤديه صاح غير بادي
يا ريت لو نسمع نماذج من الحقيبة وبرضو من الحان عثمان حسين
بعد داك الرؤية السمعية ان جاز التعبير حتكون واضحة لينا
عموما في شي كدا في الأداء ما ميه الميه
الصوت سمح والله بس في حاجه كدا ما واقعة لي
انا زي اخوي قباني " الكاشف" برضو طبعا دا رأي شخصي جدا
Post: #19 Title: Re: سلاف الياس عوض الكريم Author: صباح حسين طه Date: 08-10-2021, 04:43 PM Parent: #18
شكراً أستاذ جلالدونا فعلاً صوت مطرب ومروي سمعت أنها شقيقة حاتم اليايس هل دا صحيح ولا اسم على اسم
Post: #20 Title: Re: سلاف الياس عوض الكريم Author: Ahmed Yassin Date: 08-10-2021, 04:57 PM Parent: #19
سلافة الفن و لهفة البتمنا يا هدية من الله ... والله بدي الجنة
Post: #22 Title: Re: سلاف الياس عوض الكريم Author: محمد علي البصير Date: 08-12-2021, 12:26 PM Parent: #21
تحياتي لصاحب البوست وضيوفه
أعتقد سلافة توفرت ليها عدد من عوامل النجاح
خامة صوتية مميزة رغبة جامحة في تقديم حاجة جديدة إجادة العزف على الة موسيقية أختيار لونيات موسيقية غير مستهلكة أضافة لذلك ما تتمتع به من جمال
الاستقرار في السودان بتيح ليها الأستفادة القصوى من موسيقيين لديهم باع ودارية في صقل المواهب ووضعهم في التراك البناسب مقدراتهم أمثال يوسف القديل ونوعاً ما أسماعيل عبد الجبار وفي أسماء أخرى ما قادر أتذكرها
في فكرة طموحة ومتقدمة فيما يتعلق بطريقة الغناء والحضور
لكن
في شي ناقص في الأداء واستخدام الصوت وطبقاته
يمكن الاختيارات ما مناسبة عشان تقدر تطلع الصوت بشكل صحيح اللحن المناسب هو البظهر الصوت الحقيقي وبوري لأي مدى مقدرة المغني في ربط الجمل الادائية والانتقال بين السلالم
كنت اتمنى انها تغني نماذج من الحقيبة
ليه ؟
لانه مثلا لو غنت لحن من كرومة حتعرف الفرق بين صعوبة اللحن ومقدرته علي تطويع الصوت وبين اللحن العادي ولو غنت لحن من سرور نقول مثلا اغنية الفي دلال هنا طوالي حتعرف أبعاد صوتها وياتو الحان بنكون مناسبة معاها
لانه لحن الاغنية دي غريب وعجيب والكلام دا بعرفوه ناس الموسيقى فيه تيمبو او سرعة محسوبة بدقة وأقل خلل او طلوع من الزمن بتخرب الرصة كلها
وبعد سرور مافي كائن حي قدر يؤديه صاح غير بادي
يا ريت لو نسمع نماذج من الحقيبة وبرضو من الحان عثمان حسين
بعد داك الرؤية السمعية ان جاز التعبير حتكون واضحة لينا
عموما في شي كدا في الأداء ما ميه الميه
الصوت سمح والله بس في حاجه كدا ما واقعة لي
انا زي اخوي قباني " الكاشف" برضو طبعا دا رأي شخصي جدا
مرحب شاعرنا الفذ ابوذر شاكر مرورك و تقدير لى ملاحظاتك سلاف عبارة عن مشروع فى مرحلة التكوين و يحتاج للرعاية و الصقل اذكر زارنا الاستاذ عاصم الطيب فى اريزونا و قدّم جلسة فنية خالدة ساعتها احسست انو زول باحث عن تفاصيل عميقة فى غنانا و السعي الى عولمتها بتناوله لها بصورة علمية نفس الاخساس احسست و احس به و انا استمع لها فى الامثلة التى امامنا اراها نحت تجاه اغنيات تخاطب الوجدان بصدق يمّة محمد جبارة ابني عشّك سيد خليفة نار البعد حمد الريج شيل نفس الاحساس الادت بيهو الاغنيات دي و شوف اثره فى لحن و اداء اغنية نحنا وين و هو من اعمالها الخاصة على ما اعتقد و التى تكرّم اخونا بكري بفتح بوست خاص بها ما يهم نحن امام مشروع فنّي جاد و ملتزم متسلّح بالعلم نعم تحتاج للكثير ولكنها تمتلك مقومات النجاح https://sudaneseonline.com/board/510/msg/1628995723.html
_____ بالنسبة لحقيبة الفن ان شاء الله ملاحظتك توصل ليها
Post: #24 Title: Re: سلاف الياس عوض الكريم Author: بدر الدين الأمير Date: 08-15-2021, 04:45 PM Parent: #23
اول ما يلفت النظر وانت بتسمع في غناء سلاف هو الشغف الكبير ب الغناء والموسيقى
والشغف ب الشي هو أول واقوي اساس وعنصر للنجاح
ما حتنجح في اي شي ما لم تكون بتحبه مهما عملت فما بالك لما يكون عندك شغف
سلاف صوتها جبار جدا وخامة خاصة جدا كل المطلوب انها تكتشف وتعرف نوع الالحان الممكن تستخرجمل ملكات صوتها الادائية والتطريبية ودا شي محتاج ناس متخصصين طبعا وذواقين كمان ولو لقت زول زي عاصم الطيب تكون اكملت دائرة النجاح تماما
لو لاحظت في مطربين كبار جدا ويطربوك ويمتعوك لما يغنو اغنياتهم ولو صادف وغنو اغنية فنان تاني، طوالي تحس انه في خلل ما
دا لانه لنا يغني اغنيته الخاصة بتكون اصلا مفصلة علي صوته وطريقة اداءه
يمكن المطرب الوحيد القدر يطوع صوته وطريقة الأداء بتاعتو وهو بغني للاهرين، هو الكابلي
اتمنى لسلاف مل التوفيق والنجاح الكامل المتكامل لأنها فعلا مشروع إبداعي جميل
Quote: نحن زاتنا نوبيين.. وهى شكلها من إندينـا.. صوتها جميل وخامة ممتازة.. يبدو أنها تخطو خطواتها الأولى فى الغناء.. بس تمارس كتير فى الغناء. وسوف تجلى الذهب فى الصوت.
مرحب ابو ريش و مشكور على المرور البنية نابتة من جناين البركل شتلة فرح مسقية بى زلال النيل و فعلا بالممارسة و الجديّة ابواب النجاح مفتوحة ليها شفنا قمر بين الازهار نموذج غناءبالدلوكة