بليلة: سودان برس تفاجأ متابعي وسائط التواصل الاجتماعي ببساط فرش المساجد لاستقبال عضو مجلس السيادة د. صديق تاور اثناء وصوله اليوم مطار بليلة بولاية غرب كردفان.
ويعد ذلك أول مرة في تاريخ المراسم والبروتوكول والتشريفات منذ العام 1821 ترحيبا بالرئيس الأمريكي جيمس مونرو خامس رؤساء الولايات المتحدة الامريكية يتم تغيير البساط الاحمر” (Red carpet)
عرض الصورة على التطبيق يوفر إلى 80% من استخدام الإنترنت وقال الدكتور عمار زكريا القيادي بالجبهة الثورية، أن هذه ليست مشكلة، فيمكن غسل الفرش سبعه مرات لإزالة النجاسة، لكن المشكلة تكمن في الكبكبه الزائدة من المطبلاتية الذين فرشوا الفرش وجعلوهو بساطاً من اجل تقديم فروض الولاء والطاعة.
واضاف زكريا أيضا المشكلة في قبول عضو مجلس السيادة الاستقبال في الفرش الطاهر الذي يكون فيه العبد قريباً إلى الله عند السجود.
وتسأل هل من الضروري استقباله في البساط الأحمر؟.. وأضاف: نعلم ان كثير من اعضاء المجلس السيادي في زيارتهم كان استقبالهم رسميا وعادي جداً لأن البساط غير متوفر الا في مدن معينة.
وكرر زكريا تسأوله.. من وراء تشيكل رأي عام سلبي للسيد صديق تاور؟.. وأين مدير مكتبه وسكرتيره الخاص وبرتكوله؟.
وأضاف عمار.. ليس فيهم شخص سريع البديهة.. سلك سواها في نفسه، لكن تاور عملوها فيهو !!
Post: #2 Title: Re: إستقبال مسؤول سوداني في بساط المساجد Author: زهير عثمان حمد Date: 08-08-2021, 08:41 PM Parent: #1
Post: #3 Title: Re: إستقبال مسؤول سوداني في بساط المساجد Author: زهير عثمان حمد Date: 08-08-2021, 08:42 PM Parent: #2
https://www.0zz0.com
Post: #4 Title: Re: إستقبال مسؤول سوداني في بساط المساجد Author: يحي قباني Date: 08-08-2021, 08:47 PM Parent: #3
يا ابو الزهراء ..
الخلاوا بساط طاهر شنو .؟ الرسومات الفيو ؟ يعني كان مشو حفايا كان بمشي الحال ؟
Post: #5 Title: Re: إستقبال مسؤول سوداني في بساط المساجد Author: علي عبدالوهاب عثمان Date: 08-08-2021, 08:55 PM Parent: #4
التحية الحبيب زهير .. شكرا على البوست وأنت تنقل لنا عجائب الدنيا معقول زيارات داخلية بساط ومارشات عسكرية وأعلام مجلس السيادة اكثر عشرة رئيس جمهورية في البلد يومياً اجتماعات في القصر الجمهوري .. عقار .. حميدتي .. برهان .. تاور ,, تعايشي.. وباقي الشلة حتى الزائر الاجيني يكون مشتت الانتباه من كثر الاجتماعات والمقابلات والتصريحات
بلد العحائب
تحياتي
Post: #6 Title: Re: إستقبال مسؤول سوداني في بساط المساجد Author: منتصر عبد الباسط Date: 08-08-2021, 09:24 PM Parent: #5
الله ابتلانا والله يصبرنا على مبتلانا دي حصص المدنيين في السيادي الكتلو ليها الشباب في اعتصام القيادة؟! دا مرض لا يرجى برؤه
Post: #7 Title: Re: إستقبال مسؤول سوداني في بساط المساجد Author: Hafiz Bashir Date: 08-08-2021, 09:45 PM Parent: #6
Quote: واضاف زكريا أيضا المشكلة في قبول عضو مجلس السيادة الاستقبال في الفرش الطاهر الذي يكون فيه العبد قريباً إلى الله عند السجود.
النعال في حد ذاته لا يُنَجِس مكان الصلاة، إلا إذا كان النعال حاملاً لنجاسة ظاهرة. والصلاة في النعلين الطاهرين سنة كان يفعله النبي ويقول: (إن اليهود لا يصلون في خفافهم ولا في نعالهم فخالفوهم)،
شوفوا مشكلة الخطأ في البرتكول بتاع البساط الملون بالوان غير الأحمر. الدين ما عندوا مشكلة مع مشية تاور في البساط دي.
Post: #8 Title: Re: إستقبال مسؤول سوداني في بساط المساجد Author: يحي قباني Date: 08-08-2021, 09:45 PM Parent: #6
هو الموضوع الاستقبال في بساط مفترض انه للمساجد ولا الموضوع الاستقبال في عضمو ؟
زول بزور اهل منطقته و فرحانين بيو ..
Post: #9 Title: Re: إستقبال مسؤول سوداني في بساط المساجد Author: Ahmed Yassin Date: 08-08-2021, 09:55 PM Parent: #8
ياجماعة .. المحتفى به ..يقدل فوق المصلاية برجل واحدة اين الثانية ؟ بس ما يكون فوتوشوب
Post: #10 Title: Re: إستقبال مسؤول سوداني في بساط المساجد Author: Mahjob Abdalla Date: 08-08-2021, 10:17 PM Parent: #9
Quote: المحتفى به ..يقدل فوق المصلاية برجل واحدة
يا عزيزنا احمد ياسين المحتفى به ابوبدلة و ليس ابوجلابية.
Post: #11 Title: Re: إستقبال مسؤول سوداني في بساط المساجد Author: Ahmed Yassin Date: 08-08-2021, 10:24 PM Parent: #10
حبيبنا ودعبدالله تشكر يا استاذي . انا فعلا كنت قايلوا ابجلابية وعصاية
Post: #12 Title: Re: إستقبال مسؤول سوداني في بساط المساجد Author: Asim Ali Date: 08-08-2021, 10:54 PM Parent: #11
غالبا ناس المراسم ممكن يكون اصلا ماعندهم فكره عن اساسيات زى دى ناس المراسم فى الحكومات الولائيه ما اظنهم على حد ادنى من التدريب باصول البروتكول وظائف وتتملى بفلان وعلان جاى مسئول من الخرطوم اقرب بساط وخلاص كويس الماجابو بروش ملونه ابتسم انت فى السودان
Post: #13 Title: Re: إستقبال مسؤول سوداني في بساط المساجد Author: ترهاقا Date: 08-09-2021, 02:00 AM Parent: #12
دي مهازل ، وشنو كل عضو مجلس سيادي عايز الناس تعمل ليهو هليلة واستقبالات رسمية في زيارة داخلية ؟ مصيبتنا مصيبة
Post: #14 Title: Re: إستقبال مسؤول سوداني في بساط المساجد Author: صباح حسين طه Date: 08-09-2021, 03:58 AM Parent: #13
سلام أستاذ زهير وزوارك الكرام لا إعتقد أن المسألة بتزيد عن إبداء السعادة بزيارة ابن منطقة ما أظن قبل كدا الدولة إحترمتم وضعت واحد من أبناءهم في مجلس سيادة لو كان الهدف منفعة مادية وهدايا ومشاريع أو وظائف للمحاسيب كان الناس تفكر في التطبيل وغيره من حق أي منطقة تستقبل أولادا بالطريقة البتعجبا وتعبر عن سعادتا بيهم بالطريقة البتعجبا لو في أي شبهة فساد حقيقية ممكن الناس تسجلا أما عدا ذلك فلا أعتقد أن الموضوع يستحق النقد الذي حدث
Post: #15 Title: Re: إستقبال مسؤول سوداني في بساط المساجد Author: adil amin Date: 08-09-2021, 04:20 AM Parent: #14
انا زمان قلت ليكم الخمسة ديل امراض نفسية في السودان وليس وعي ولا برنامج https://top4top.io/ وقحت لمة بلا مشروع والزول ده عالة علي جبال النوبة وده الاتعلمو من البعثيين والهالك صدام حسين
والقصر الجمهوري ده كان فيه 4 كراسي 1956 وناس منتخبين لحدي مشو الانجليز ما كان فيه جنرال واحد هسة مليان زي باص الثورة بي النص ولا محاصصة ولا انقلابات كانت النموذج السوداني زي ما بهرطق حمدوك وهو ما اقل نرجسية من الزول ده وشوف الموت المؤسف لعثمان كافي من جبال النوبة في باحة القصر لمن جا يقابل الساقط البشير بسبب مشكلة شخصية
https://top4top.io/ انا العندي الزيت للشيوعيين والبعثيين والناصريين والكيزان والسلفيين في البورد ده وامراضهم النفسية المزعجة
Post: #16 Title: Re: إستقبال مسؤول سوداني في بساط المساجد Author: محمد البشرى الخضر Date: 08-09-2021, 06:34 AM Parent: #15
Quote: وقال الدكتور عمار زكريا القيادي بالجبهة الثورية، أن هذه ليست مشكلة، فيمكن غسل الفرش سبعه مرات لإزالة النجاسة،
كلامو بايخ, الزول دا بوردابي معانا ولا شنو!
Post: #18 Title: Re: إستقبال مسؤول سوداني في بساط المساجد Author: Asim Ali Date: 08-09-2021, 11:34 AM Parent: #14
Quote: لا إعتقد أن المسألة بتزيد عن إبداء السعادة بزيارة ابن منطقة ما أظن قبل كدا الدولة إحترمتم وضعت واحد من أبناءهم في مجلس سيادة لو كان الهدف منفعة مادية وهدايا ومشاريع أو وظائف للمحاسيب كان الناس تفكر في التطبيل وغيره من حق أي منطقة تستقبل أولادا بالطريقة البتعجبا وتعبر عن سعادتا بيهم بالطريقة البتعجبا لو في أي شبهة فساد حقيقية ممكن الناس تسجلا أما عدا ذلك فلا أعتقد أن الموضوع يستحق النقد الذي حدث
سلام عليكم القصه ببساطه او الحصل فى المطار شان جهه حكوميه هى اداره المراسم بتاعت الولايه لانو فيها مراسم زيها وزى القصر الجمهورى والوزارات تهتم بتنظيم الزيارات والاجتماعات والمؤتمرات وخلافو والاهتمام بتطبيق البرتوكولا بشكل مهنى يعنى الموضوع تقصير من جهه معينه يستحق التحقيق معاها واذا كان ماعارفين واجباتهم تحت اى مسمى سواء ترهل هياكل خدمه او فساد او محسوبيه او تسيب فى حكومه ثوره
Post: #17 Title: Re: إستقبال مسؤول سوداني في بساط المساجد Author: سامر دوشه Date: 08-09-2021, 11:11 AM Parent: #1
بدري جداً علينا انو نزعل على سوء تطبيق أو عدم المعرفة الكافية بالبروتوكولات،
إذا كانت وزيرة الخارجية نفسها ما عندها علاقة بالبروتوكولات الدبلوماسية، حنزعل على الحصل في بليلة؟
Post: #19 Title: Re: إستقبال مسؤول سوداني في بساط المساجد Author: Biraima M Adam Date: 08-09-2021, 11:49 AM Parent: #17
شايف الناس ما عارفين بروفسير صديق تاور .. من أي ولاية؟ البروف من ولاية جنوب كردفان .. وليس غرب كردفان .. بيت أسرتهم في عاصمة الولاية مدينة كادقلي ..
شوفوا ليكم حجوة أم ضبيبينه أخري أمسكوا فيها غير ابن المنطقة .. أبن المنطقة ..!
بريمة
Post: #20 Title: Re: إستقبال مسؤول سوداني في بساط المساجد Author: Deng Date: 08-09-2021, 06:20 PM Parent: #19
خلوا البعثي صديق تاور يتمتع ويقدل في البساط لاحمر ده، لأنوا دي أخر فرصة لبعاعيت البعث العربي أن يجدوا لهم مناصب زي دي.
حزب البعث لن تقوم له أي قايمة في السودان.
Post: #21 Title: Re: إستقبال مسؤول سوداني في بساط المساجد Author: adil amin Date: 08-10-2021, 04:01 AM Parent: #20
Quote: خلوا البعثي صديق تاور يتمتع ويقدل في البساط لاحمر ده، لأنوا دي أخر فرصة لبعاعيت البعث العربي أن يجدوا لهم مناصب زي دي.
حزب البعث لن تقوم له أي قايمة في السودان.
كيف يا دينق شغالين تمكين اقبح من بتاع الكيزان الناس ديل زاغو من الانتخابات ودستور 2005 والمحكمة الدستورية ليه ؟؟ وعايزين يعملو برلمان محاصصة في المركز فقط ليه ؟؟ عشان التمديد بي رعاية الامارات وقطر والمخابرات المصرية والشركة القابضة المصرية والكمونية مستمرة في دار فور مع مرتزقة حفتر والسراج وايضا في جبهة الشرق ديل بفصلو في سودان ما فيه جنوب السودان وزي وشهم القحاتة العروبيين المخستكين ديل ما خدمو هي هدف استراتيجي حقيقي يرجع السودان الدولة والهوية الاعلنتو هنا من 2016 ختفو ثورة الشباب ويقدلو فوق عديلهم
Post: #22 Title: Re: إستقبال مسؤول سوداني في بساط المساجد Author: Deng Date: 08-10-2021, 11:01 AM Parent: #21
عادل امين
دي طبعا أحلام البعثي الصدامي الريح السنهوري، ولكن لن تتحقق في السودان.
البعثيين لا يوجد لديهم أي شئ يقدمونه للشعب السوداني ولذلك لأنهم يتبون نهج حزب عنصري أقصائي مجرم وفاسد. النموذج الذي قدوموه للعالم في العراق هو نموذج فاشل.
