Post: #1
Title: لا يحدث الا في السودان
Author: عمر التاج
Date: 08-03-2021, 06:10 PM
05:10 PM August, 03 2021 سودانيز اون لاين
عمر التاج-KHT
مكتبتى
رابط مختصر
مستشفى ..... في قلب الخرطوم
تبيع لقاح كورونا ب٨٠ مليون للجرعة الواحدة
ألحقوا.....
|
Post: #2
Title: Re: لا يحدث الا في السودان
Author: عمر التاج
Date: 08-03-2021, 08:53 PM
Parent: #1
انا ماعارف قصة ال٨٠ مليون دي مع الكورونا
قبل اسبوعين قريب لي قرر الاغتراب واخذ الجرعة الاولى للقاح بعد جهد وتلتله
سأل عن كيفية الجرعة الثانية فتمت الإشارة له لمقابلة "س" من داخل موقع اللقاح
الرجل قال له تعال بعد شهرين ممكن تلقى ..
قريبي قال سفره تبقى له اسبوعين..
فقال له "س": (جيب ٨٠ مليون وتعال استلم شهادتك للثانية بعد اسبوع )
ولا حول ولا قوة الا بالله ..
|
Post: #3
Title: Re: لا يحدث الا في السودان
Author: علي عبدالوهاب عثمان
Date: 08-04-2021, 01:07 PM
Parent: #2
الحبيب التاج تحياتي
سبحان الله نحن عكس في بعض الدول بدأت تدفع حوافز للناس
للقاح .. ربما تكون أول جرعة في العالم يتم بيعها
تحياتي
|
Post: #4
Title: Re: لا يحدث الا في السودان
Author: عمر التاج
Date: 08-04-2021, 09:07 PM
Parent: #3
تحياتي الحبيب علي ،
وصدقا لقولك فاللقاح في كل العالم مجانا
بل وتقدم فيه معظم الدول اغراءات ليأخذه المواطن دون عناء ..
وما في دليل على ذلك أكثر مما حدث معي اليوم ..
أوصلت جارة لي اليوم لاحد مراكز اللقاح القريبة
عند البوابة تأكد مسؤول الأمن من الموعد وسمح لنا بالدخول
في الداخل لم يكن هناك غير أسرة واحدة اجلست جارتي بعدهم وذهبت لاكمال إجراءاتها
الطبيبة السعودية بعد ان اعطتها اللقاح سألتني ( انت محصن) فقلت جرعة واحدة قبل شهرين
فقالت لي ولم لا تأخذ الثانية الان؟ قلت لها ماعندي موعد ( وفي بالي اني ما جاهز لها)
فقالت لي : مو مشكلة الموعد، لو ترغب اكمل لك الجرعة الان ..
وفعلا حقنتي وأخذت بطاقتي صورتها وقالت لي بالعافية ان شاء الله ..
خمسة دقائق بالضبط من لحظة دخلنا وخرجنا محصنين، مجانا
قبل قليل فتحت توكلنا فوجدت نفسي محصن جرعتين
وكدة النظام والاخلاص ولا بلاش
|
Post: #5
Title: Re: لا يحدث الا في السودان
Author: Asim Ali
Date: 08-04-2021, 09:32 PM
Parent: #4
فى السودان بقى فى فئه من البشر
تسمسر فىكل شىء
ودايه تطلع قرش من اى حاجه
من كماليات
من ازمات
مامهم
المهم انو يطلع قرش
وديل مش وسطاء فقط بل يعضهم جزء من مؤسسات بيستغلو موقعهم او احيانا جزء من مافيا منظمه شغلها داخل المؤسسه (احيانا فراش يكون مدخل وجزء اساسى لعمليه الفساد من دون ظهور لرؤوس الفساد)
.
بقى لما تكون داير تعمل اى شىء او معامله تسال (بتعرفو زول شغال فى المكان دا ؟)
يعنى الناس ذاتها -البتشكى- بقت تطبع الفساد والمحسوبيه والالتفاف على الطرق الرسميه والتغول على حق الغير
وتلقى الواحد ما يتجرس الا لما تدور الدائره وبدل يكون هو المستفيد يكون ضحيه
يجى يكورك ويسكب دموع التماسيح
دا حال البلد
الانتهازيه والفساد بقت جزء من ثقافه وسلوك كثيرين
|
Post: #6
Title: Re: لا يحدث الا في السودان
Author: عمر التاج
Date: 08-05-2021, 09:25 AM
Parent: #5
تحياتي عاصم..
Quote: فى السودان بقى فى فئه من البشر
تسمسر فىكل شىء |
السماسرة اس الفساد والتخلف
ما نما بلد من السمسرة قط!
على الدولة الاجتهاد في حل هذه المشكلة من جذورها حتى يلتفت الشباب وتوجه الطاقات للإنتاج
Quote: بقى لما تكون داير تعمل اى شىء او معامله تسال (بتعرفو زول شغال فى المكان دا ؟)
يعنى الناس ذاتها -البتشكى- بقت تطبع الفساد والمحسوبيه والالتفاف على الطرق الرسميه والتغول على حق الغير
وتلقى الواحد ما يتجرس الا لما تدور الدائره وبدل يكون هو المستفيد يكون ضحيه
يجى يكورك ويسكب دموع التماسيح
دا حال البلد
الانتهازيه والفساد بقت جزء من ثقافه وسلوك كثيرين |
دي هي الحقيقة المرة التي بحاول انكارها المطبلين
الفساد والمحسوبية متوفرة بالكوم في مؤسسات الدولة
وطبعا ضعف المرتبات جزء من هذه المشكلة ..
الا انها بكل عواملها تبقى مسؤولية الحكومة ..
وعليها ان تشدد رقابتها وتعظم محاسبتها على موظفي الخدمة العامة
وتعمل على تحقيق الحكومة، وتمتين الحكومة الالكترونية ليتمكن المواطن من إنجاز كل متطلبات خدمته إلكترونيا
ومن غير صفوف ووسطاء وابتزاز من قبل موظفي الدولة وسماسرة المؤسسات
|
|