اهلنا الترابلة المعاركين المعايش في دي الجزر كلهم . حلفوا انهم ماشافوا جنس ضخامة دي التمساسيح.
Post: #2 Title: Re: ظهور 3 تماسيح عشارية تتبحلط مرتاحة في جزير Author: muntasir Date: 07-31-2021, 07:33 AM Parent: #1
يكون كيزان شاردين من لجنة التمكين ، يابا التماسيح مسلمين ؟
Post: #3 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 07-31-2021, 08:10 AM Parent: #2
طيور السقد يا أخ منتصر كانت ملمومة وعاملة هيلمانة في الاحتفال بالضيوف. قبالة جزيرة عمك ود احمد جيد. يا منتصر كونية ود أحمد جيد كونية مخيفة و مشهورة من زمانات بعيدة . وبعد موت مصارع التماسيح عمنا أمين الله . انقطعت التمساسيح من زيارة الكونية. اها. انشاءالله العودة تكون عودة خير . الحاجة التحير أنها في دا المعسكر ماسالت ليها ولا واحدة من مرحات الغنم الوردن في أيام العيد . فهمك شنو يا منتصر في الزيارة .
Post: #4 Title: Re: ظهور 3 تماسيح عشارية تتبحلط مرتاحة في جزير Author: أبوذر بابكر Date: 07-31-2021, 08:21 AM Parent: #1
تمساح جزاير الكرد بتقضى الغرد تكبر تشيل بي وكد ما متلك ولد
ازيك يا ابو عفان
الدميرة طوالي بتجيب معاها التماسيح
وزمان قبل ما الحيوانات تهرب من الجنوب بسبب حرب الكيزان الاقذر في التاريخ
مع التماسيح مره مره مان بتجي افراس النهر
Hippopotamus
Post: #5 Title: Re: ظهور 3 تماسيح عشارية تتبحلط مرتاحة في جزير Author: muntasir Date: 07-31-2021, 08:31 AM Parent: #4
ما عندكم ود ماحي جديد يقطع ليكم فيها واحدة زي يا رحمن أرحم بي جودك
Post: #6 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 07-31-2021, 08:35 AM Parent: #4
ابوذر سلام وعيدك مبارك طبعا عمك أمين الله شهرتو زاعت بعد ما قنص للتمساح الختف العروس الجميلة يوم الجرتق . عمك أمين الله لبد في الكونية بالبديقة تاني يوم الحادث وناش ليك التمساح ركبليك البديقة ام شرشر في نص ضهر التمساح ولجمو وقادو. فراسة ونجاض ولا في الأفلام الأمريكية يا ابوذر. بعد شقوا بطن التمساح العشاري لقوا قطع من كتف العروس ونتف من سبح الجرتق وتيلة الدهب. الكلام دا حصل سنة 1921
Post: #7 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 07-31-2021, 08:40 AM Parent: #6
يا منتصر يا اخوي الشمال كلو ولاد حاج الماحي. ياخ النيل الرحيم دا مسرح عجيب .
Post: #8 Title: Re: ظهور 3 تماسيح عشارية تتبحلط مرتاحة في جزير Author: بدر الدين الأمير Date: 07-31-2021, 08:48 AM Parent: #6
ياعثمان يعنى شنو تمساح عشارى نحن عندنا اب كريق
Post: #9 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 07-31-2021, 09:08 AM Parent: #8
الأخ بدرالدين سلام وعيدك مبارك الذراع وحدة قياس يعملوبيها في بعض مناطق الشمال . مقاس طول . والذراع أظن بيساوي 45 سنتيمتر وشوية. يعني التمساح العشاري المقصود بيهو 10 ذراع يعني 4 أمتار ونص .
Post: #10 Title: Re: ظهور 3 تماسيح عشارية تتبحلط مرتاحة في جزير Author: بدر الدين الأمير Date: 07-31-2021, 09:15 AM Parent: #8
على فكرة اب كريق تمساح لايقف في غير الموانى الكبيرة ومن ضمنها ميناء اربجى لذا عندنا في اربجي تمساح واحد كوز اسمو على موسى شكيت كل كيزان المنطقة بعرفو من هو على موسى شكيت
Post: #11 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 07-31-2021, 09:35 AM Parent: #10
طبعا يا أخ بدرالدين البلاد أعلنت الحداد 40 يوم بعد حادث العروس الجميلة شامة . واتحفظت حاجات شامة من تيلة رقبة وسبح في سحارة امها للذكري. المحزن شديد انو زوجها حمد المسكين مات بعد شهرين من حادث شامة. مات بعد ما أصيب بالجنون . وتم دفنو في نفس المكان الدفنوا فيهو قطعة كتف شامة.
Post: #12 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 07-31-2021, 10:45 AM Parent: #11
بالمناسبة يا منتصر زمان في طبلية في سوق الحي الصيني في منهاتن . صاحب الطبلية سوري من حلب يبيع جزمة جلد ال alligator ب 1200 دولار . والبيع تحت التيبل. عشان ممنوع وشنطة اليد تصل الفين ونص. تخيل تماسيح كونية ود أحمد جيد بتجيب كم ؟ سمعنا انو عمك السوري ترك سوق الحي الصيني وهاجر وعمل مصنع احذية في فيتنام . ياخ في ناس أخطر من التماسيح زاتو.
Post: #13 Title: Re: ظهور 3 تماسيح عشارية تتبحلط مرتاحة في جزير Author: علاء سيداحمد Date: 07-31-2021, 11:39 AM Parent: #12
سلام يا عثمان
التماسيح كثيرة على طول نهر النيل فى الشمال وعلى ضفتيه وربنا يحفظ العباد هناك وموسم الدميرة موسم تكاثر التماسيح فى الشمال .
مزارع سوداني ( من حجر العسل ) يصطاد تمساحا ضخما أرعب سكان ولاية نهر النيل والتهم شخصين
الرجل الذي قام بقتل اضخم تمساح في السودان محمد ود فضيل حجر العسل قرية الحصي حلقة كاملة
Post: #14 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 07-31-2021, 02:07 PM Parent: #13
الأخ الكريم علاء سلام وعيدك مبارك نعم موسم الدميرة للتماسيح هو الموسم المحبب للظهور تلاقيها في العصريات منبطحة في رمال الجزر . عينك عينك ولا خايفة من اجعص جعيص. يوم العيد شفناها هديك.
Quote: عثمان يعنى شنو تمساح عشارى نحن عندنا اب كريق
عصمان كيفنك ..
اب كريق في اللجج سدر حبس الفجج
انتو نوبا يا بدر ؟
النوبيين بقولوا ابكريق على التمساح ..
تعرف يا بدر ..
في قصيدة خال فاطنة الضاربة في العامية دي .. لي هسي محيراني كلمة ( اللجج) .. و هي كلمة فصحى ضاربه في الفصاحة .. وردت في اشعار العرب الفصحى و في القرآن ابو الفصحى .. ( كظلمات في بحر لجي)
و قال الشريف الرضي: من المزنِ حمحامٌ إذا التج لجة .. أضاءت تواليه زناد البوارق
و قال المازني: و أغرفني في لجة بعد لجة . من اليأس دهر لا يبالي بلائيا
و قال بن الخياط: رأول ملكا انامله بحارٌ .. من المعروفِ تلتج التجاجا
فمن اين اتى شاعر (خال فاطنة) بكلمة اللجج و ادخلها بكل هذا الانسياب في اب كريق في اللجج .. !!
Post: #16 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 07-31-2021, 08:25 PM Parent: #15
الأخ الفنان قباني سلام وعيدك مبارك . ابكريق في اللجج سدر حبس الفجج. عمتك الشاعرة أظنها قصدت تجود الموسيقي الشعرية. قامت جمعت لج. خلتها لجج. و اللجج أظنها بتعني ال
deep down كان للنهر أو للبحر . ومعني كلمة اب كريق. أظن المقصود بيها الكمروق. كمروق ساق النخيل. واكيد في زمن الدميرة لو أي فلاح شاف ساق نخلة طافية في البحر حيفكر ألف مره في الكاسح مع التيار دا يا التمساح اب كريق أو النخلة ام كمروق. زي ما كتير منكم سمع عن زول نهر عطبرة العجبو مرق ساق النخيل وحاول يقبضو من نص العطبراوي وبعد شوية عينك ما تشوف إلا النور. زول عطبرة غايتو قدر يتخارج من فك التمساح بي فد كراع . التمساح قرض كراعو المسكين.
Post: #17 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 08-09-2021, 07:34 AM Parent: #1
البلد تحت الفيضان
Post: #18 Title: Re: ظهور 3 تماسيح عشارية تتبحلط مرتاحة في جزير Author: عبدالمحمود محمد عبدالرحمن Date: 08-09-2021, 11:42 AM Parent: #17
سلام زمان السفر من دنقلا لكريمة وبالعكس بالباخرة كربكان، الجلاء والسنجك وانت تجلس في النملية في مقدمة الباخرة التي تسير ببطء ترى التماسيح بأعداد كبيرة وهي تسترخي في الجزرعلى طول الطريق الذي قد يستغرق اربعة ايام ايام الفيضان وعكس التيار ما أن تقترب منها الباخرة حتى تنهض بتثاقل وتدخل للماء خوفا من هذا الوحش الذي يقترب منها
Post: #19 Title: Re: ظهور 3 تماسيح عشارية تتبحلط مرتاحة في جزير Author: Osman Musa Date: 08-16-2021, 08:22 AM Parent: #18
زيادة في عدد التماسيح بصورة مرعبة
Post: #20 Title: Re: ظهور 3 تماسيح عشارية تتبحلط مرتاحة في جزير Author: اخلاص عبدالرحمن المشرف Date: 08-16-2021, 10:04 AM Parent: #19
اللجج ماء كثير ترتطم امواجه اب كريق كما قيل التمساح باللغة النوبية