الشاعر مدني النخلي ينعي القدال

01:00 PM July, 27 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر



الشاعر مدني النخلي يرثي القدال بقصيدة مؤثرة



By Alsudani On 27 يوليو, 2021 10:44



الخرطوم: محاسن أحمد عبد الله
رثى الشاعر الكبير مدني النخلي صديقه ورفيق دربه الشاعر محمد طه القدال بقصيدة مؤثرة سكب فيها كل تعابير ومعاني الحزن في الفقد الجلل تحت عنوان (الى الحاضر فينا القدال)
نص القصيدة:
والفقد اكبر من
حبر النزيف
واضح وبسيط
مستور الحال
زي رش الضهري
الغسل النال
ياصوت الحق
ونداء الآمال
غايب لكين
حاضر في البال
اهو ده المكتوب
حتم الآجال
ارقد عافيه
خليت بوراك
صوتك نداه
في كل مداك
خليت قدال
غرسك ياضي
ما مرخي وني
عرقو الثابت
وهتافك ري
امس البلدات
ممطوره وبيك
غنو البنوت
سمرية الفال
لفتاتا غزال
من غيم الضل
شالت شبال
اطمن خير
والخير في الناس
وين ماتقبل
بتشوف قدال
واضح ثابت
مستور الحال..
في حليوه البيت
والشارع ماج
احبابك جوك
من كل فجاج
دافرين كالموج
افواج افواج
ديل ناس الله
وبيوت الطين
ماعلا ابراج
رايات رايات
دعاء طيبات
قلدوك عرضه
ووقفو الجنيات
هتافم يضج
قدال بيننا
قدال ما مات…
بردا وسلام
مطامن بيك
حريه سلام
الوطن البيك
سار لا قدام
والبحر البيك
دفر الهدام
وحلمنا معاك
لا شقى يغشاك
لا وطن ينضام
والسماء غطاك
انسام وغمام..
شايفنك شوف
بينات اخوان
وانهار وجنان
مبسوط بلحيل
ماك الحزنان
قدامك حور
ووراك بستان
رحمات مولاك
تغشاك ريقان
يا كم قدال
ساكنين البال
ياعشق الناس
وثرى السودان..