Post: #1
Title: كتبت ساره طه الصحافية عن الرشيد وكيل وزارة الاعلام كلام عجيب!
Author: زهير عثمان حمد
Date: 07-27-2021, 09:32 AM
08:32 AM July, 27 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
منقوووول:
كتبت الصحفية سارة طه
🔥🔥شمار حااااااار🔥🔥
الرشيد بعوعي وبصلته في النار....!
بث التلفزيون احتفالاََ يمجد انقلاب هاشم العطا أو ما يعرف لدى الشيوعيين بحركة ١٩ يوليو التصحيحية.
غضب الانصار وخجل القحاتة وقالوا :(نحن ناقصين فتن).
الناس ما عارفين ليه التلفزيون عمل كده ضمن برمجة عيد الاضحى الترفيهية ؟!!
رغم العلم في ذلك استفزاز شديد لحزب الامة ولاسر عشرات الضحايا الذين قتلهم الحزب الشيوعي في بيت الضيافة بأمر أبو شيبة وفي ود نوباي والجزيرة ابا تحت اشراف فاروق حمد الله.
البعض بفتكر الشغل ده جاي ضمن أجندة الحزب الشيوعي.
يا جماعة اصبرو وروقو المنقة😜
الموضوع ده مجاملة أسرية من الرشيد سعيد لحرمه المصون هالة ابنة قائد انقلاب ١٩يوليو بابكر النور..!
طبعا كلكم بتسألوا ليه كد؟!!
هاكم الاجابة:
الرشيد الانتهازي المتسلق عندو شعور بالضعف والدونية تجاه هالة بت بابكر النور وبت خنساء سوار الدهب بصورة مخزية..!
قبل فترة نشر صور الاحتفال بذكرى زواجهم..!
عبر الزواج من هالة كانت ابواب الحزب تفتح للرشيد.
الشيوعيين واصدقاهم عارفين كيف استثمر الرشيد في زواجه من بت الشهيد بابكر النور...!
الرشيد ممكن يعمل اي حاجة من أجل هالة..!
بق رئيس لجنة المفصولين واول حاجة عملها رجع نفسه وزوجته الخارجية وخلا البقية في الرصيف..!
الزوجة بقت مديرة الدائرة الاوروبية بالخارجية ،وهو داير اتخارج من الاعلام عشان يبق سفير في دولة من دول الاتحاد الاوروبي بعد ما سبقه الوزير مانيس لسفارة باريس..!
داير يبق سفير بعد ماكان بساسق من باريس لي هولندا عشان يشتغل في راديو دبنقا.
داير يبق سفير عشان ينسى سنوات تعاونه الوضيع مع سفارة دولة خليجية في فرنسا ..!
لقمان ضعيف الشخصية يتلقى الأوامر من الرشيد بالتلفون وباشارة الاصبع الصغير..!
في اول سابقة وفضيحة في تاريخ التلفزيونات🙄🙄🙄
الرشيد اتصل بلقمان عشان يقطع بث برنامج على الهواء عشان متحدث انتقد حمدوك..!!
ده ما حصل في اسوا ايام الكيزان برنامج مباشر ينتهي في خمس دقائق بتوجيه من وكيل وزارة الإعلام...!
ما قلت ليكم انتهازي متملق😜
القائمة بتاعت حجب المواقع الالكترونية تمت تحت اشراف سري من قبل الرشيد سعيد ..!
لمن السفارات الغربية في الخرطوم اتحركت وقالت (خجلتونا .يا جماعة).
انزعج حمدوك وزجر الرشيد الدفن دقن وعمل نائم.
هاكم الشمار الحااااار ده🔥🔥
الوزير بلول كتب مذكرة لحمدوك قبل اكثر من شهر طلب اعفاء الرشيد.
الرشيد غازي عوده مع حمدوك ومأمن وضعه بصديقه فيصل😜
الاتحاديين ما دايرنو وناس حزب الامة زعلانيين منو والشيوعييين مكجننو بعد ما مشى مع الشفيع خضر..!
الرشيد بعوعي وبصلته مكشنة في النار🔥🔥
|
Post: #2
Title: Re: كتبت ساره طه الصحافية عن الرشيد وكيل وزار�
Author: adil amin
Date: 07-27-2021, 11:24 AM
Parent: #1
زمان لمن جبت القرود ديل كنت عارف مستوى اعلام قحت ومنعكس للناس ومطمم بطنا شديد
وده مستوى الناس ديل وشللية اهل اليسار البغيضة من اكتبوبر 1964
اعلام لا دور تنويري له اطلاقا ولا اعلام ثورة نهائي
برسيتج ونرجسية اعيت ما يداويها
https://top4top.io/
|
Post: #3
Title: Re: كتبت ساره طه الصحافية عن الرشيد وكيل وزار�
Author: صباح حسين طه
Date: 07-27-2021, 12:58 PM
Parent: #2
معقول دي كتابة إنسانة صحفية
هانت الصحافة لو أصبحت قوالات
|
Post: #4
Title: Re: كتبت ساره طه الصحافية عن الرشيد وكيل وزار�
Author: adil amin
Date: 07-28-2021, 04:31 AM
Parent: #3
Quote: معقول دي كتابة إنسانة صحفية
هانت الصحافة لو أصبحت قوالات |
ده مستوى الناس البتتكلم عنهم وعن مماراستهم الانتهازية المشينة
العيب ما في الصحفية
قوالات شنو مثلا ؟؟؟
ما هو الشخصي في قطع النت والاثار السالبة للفترة الانتقالية
هكذا تدار الفترة الانتقالية في السودان
وبعدين في نيابة مطبوعات واعلام
اذا تضرر الرشيد شخصيا يمشي يفتح فيها بلاع وايضا لقمان
نساء السودان اشجع واقدر علي ادارة الفترة الانتقالية
في حقائق قذرة وتدخل اقليمي شائن ومفضوح في السودان وعنده ادوات ايضا
ما تتوهمي الشيوعيين ولي البعثيين ولي الناصريين د يل ملايكة جات نازلة علينا من السما
فندي الحقائق الجابتا هنا وقولي ما حصلت ؟؟
|
Post: #5
Title: Re: كتبت ساره طه الصحافية عن الرشيد وكيل وزار�
Author: محمد البشرى الخضر
Date: 07-28-2021, 06:31 AM
Parent: #4
سارة طه ما صحفية يا صباح, بل ما شخصية حقيقة حتى معروفة وليها اصحاب و صحيفة تعمل بها و عنوان معروف تتحمل به مسؤولية ما تكتب
هي حساب اسفيري فقط زيو وزي ثروت قاسم و غيرهم
يدعي معرفة الاسرار و ما وراء الأخبار AKA الشمارات, ويخدم اجندة - اجندات مختلفة - يوجه حربه نحو س من الناس ليرضي ص وبكرة يهاجم ص ليرض ع و هكذا حسب الممولين
العارفين و قصاصي اثر الكتابة اشاروا تلميحا لتشابه اسلوب الحساب مع اسلوب منعم بيجو و الله اعلم 
|
Post: #6
Title: Re: كتبت ساره طه الصحافية عن الرشيد وكيل وزار�
Author: محمد بدرالدين
Date: 07-28-2021, 06:51 AM
Parent: #5
مراحب بالجميع
استاذ ود البشرى تحايا و تقدير
اعتقد دة من الخيوط الممكن الاستدلال على شخصية هذه السارة التى لا تسر الصحافة و صحفى المبادى و المثل و الاخلاق :
| Quote: ولاسر عشرات الضحايا الذين قتلهم الحزب الشيوعي في بيت الضيافة بأمر أبو شيبة وفي ود نوباي والجزيرة ابا تحت اشراف فاروق حمد الله. |
..
مودتى و تقديرى
|
Post: #7
Title: Re: كتبت ساره طه الصحافية عن الرشيد وكيل وزار�
Author: Abdelrahim Mohmed Salih
Date: 07-28-2021, 09:31 AM
Parent: #6
حذف للتكرار
|
Post: #8
Title: Re: كتبت ساره طه الصحافية عن الرشيد وكيل وزار�
Author: Abdelrahim Mohmed Salih
Date: 07-28-2021, 09:31 AM
Parent: #6
من الصعب التعامل مع مقال عنوانه شمار حار لانه فى النهايه شمار وكانت تسمى قديما قواله او سواطه
وبعيدا عن السواطه وردت معلومه عن قطع بث مباشر فى التلفزيون لمتحدث انتقد حمدوك..اتمنى صادقا ان تكون معلومه كاذبه
سؤال اخر تمثيل حزب البعث العربى فى مجلس الحكم لايتناسب مع قاعدته الجماهيريه ولا تاريخه النضالى فى الشارع السودانى فماهو الحق الذى انتزعه البعثيون ليتصدروا المشهد السياسى....البعث حزب مات بموت صدام وحافظ الاسد وكذلك الحزب الناصرى ...ماشاء الله احزاب ميته تبعث فى السودان احداهما عنصري شيفوتي والاخر حزب رجل واحد دعائي غوغائي يمجد ب تاريخ مكذوب صنعه صحفى اسمه هيكل يكتب كأنه ادهم صبرى رجل المستحيل ولا مستحيل فى ام الدنيا
يا ود البشرى معقوله شخصيه مجهوله يسمح لها بالنشر فى الصحف؟وتحت مسمى صحفيه كما نقل لنا الاستاذ زهير مع تقديرنا له لكنه لايملك سياسه نقل رصينه ويتحسس من النقد مهما كانت لطافته:)
|
Post: #10
Title: Re: كتبت ساره طه الصحافية عن الرشيد وكيل وزار�
Author: محمد البشرى الخضر
Date: 07-28-2021, 09:47 AM
Parent: #8
| Quote: اتمنى صادقا ان تكون معلومه كاذبه |
للاسف يا عبد الرحيم حقيقة, الحلقة كان مستضاف فيها واحد اسمه محمد زين مع ضيف آخر من الجبهة الثورية فجاة جات ورقة للمذيع و الغريبة ظاهر مد الورقة في الكادر, و محمد زين خرج بلايف في نفس الليلة يشرح ما جرى
بالنسبة لسارة طه هي لا تكتب في الصحف, فقط صفحتها في الفيس بوك و ينقل عنها الناس
بالنسبة لحيرتك حول تمدد (احزاب ) البعث بما لا يناسب حجمها, لاحظ الآن يوجد تلاتة احزاب واحد بتاع يحي الحسين دا زهجان من الحكومة ومن جماعة يتامى تلتين يونيو و اتنين تانين واحد فيه ناس وجدي و السنهوري و بولاد ووزير الرياضة اعتقد ودا اموره طيبة مع الحكومة والاخير بتاع محمد وداعة ودا ما سك العصاية من النص
طبعا الوضع الانتقالي وضع استثنائي لايمكن الرجوع فيه لاوزان انتخابية لانو آخر انتخابات جرت بعدها مياه كثيرة و تغيرت ولاءات و زاد وعي في اماكن وتراجع في اخرى, ودي الحاجة الحزب الامة ما قادر يستوعبها وخارب دايما اي مصفوفة او اتفاق بمطالبته بنصيب يناسب نتائج انتخابات جرت قبل خمسة وتلاتين سنة!
فا ناس اليعث ديل اجتهدوا غايتو ولقوا بقدر مساهمتهم في النضال و الثورة خلاص الله اداهم, ودا وضع مؤقت لغاية الانتخابات الجاية حينها ستبين الاوزان الحقيقية.
|
Post: #9
Title: Re: كتبت ساره طه الصحافية عن الرشيد وكيل وزار�
Author: adil amin
Date: 07-28-2021, 09:35 AM
Parent: #6
لسه في الكتب منو وليس كتب شنو عن الغزالة الفوق في السلم الحزب الشيوعي
انتو قايلين ملفات انقلاب مايو انتهت مثلا ولا ما عارفين الناس بتدار الفترة الانتقالية دي كيف
تدار بصورة اسوا بكثير من ما يكتب عنها والنتائج قدامكم
الكل جا مهرول من اوروبا من اجل مصالحو الشخصية والناس الرسلو
والمحاصصة الخبيثة
اعلام قحت بشبه الرشيد وفصيل ولقمان فعلا وما بشبه الشباب ولا ثورة السودان
الشيوعي والكوز حاجة واحدة ما عاايز يواجه قبحو وما عايز الناس يواجهو بيه
مساكين والله
مندخل اول جنرال القصر الجمهوري في السودان تحولت السياسية الي ماخور
ولازالت
|
|