|
|
|
 Re: فول الشعب (Re: اخلاص عبدالرحمن المشرف)
|
فول المحلات ( الراقية) غالي ، الطلب الف جنيه
وفروا الفول الذي يمكن اكله في الدكاكين بسعر
معقول ولن نسألكم عن الهوت دوق او البيتزا
أو كنتاكي.
الفول وجبة اساسية واحياناً الصنف الوحيد
لكثيرين عدا الخمسة ايام الاولي من الشهر
| |
 
|
|
|
|
|
|
|
|
Re: فول الشعب (Re: اخلاص عبدالرحمن المشرف)
|
لذيذ الطلب بالف (سمح جد) الدكان بمائتين
الحكومة بتصدر الفول السمح وتخلي للشعب
قشر الفول ، ده غش تجاري و استهتار بالشعب
ال رضي بالفول والعدس .
ونحن رضينا بفومها وعدسها .
غايتو بني اسرائيل كان شافوا فول الدكاكين
كان حردوا
| |
|
|
|
|
|
|
|
|
|
Re: فول الشعب (Re: اخلاص عبدالرحمن المشرف)
|
تحياتي يا دوك
وعيدك مبارك وسعيد
الفول والكسرة وجباتي المفضلة الوحيدة
فول سادة مع السلطة والشطة الخدرا
وكسرة بام رقيقة والبامية المفروكة او الرجلة او الملوخية
غالبا حاركز علي الحاجات دي في الجنة
Later on
| |
|
|
|
|
|
|
|
|
Re: فول الشعب (Re: أبوذر بابكر)
|
عيدك مبارك يا ابوذر
وان شاءالله من اهل الجنة
الضحية السنة دي كل الخرفان سمحة
الاسعار بين 70و45. وناس الشربوت
مستمتعين ، جو ولا في الاحلام وناس الكهرباء
اتستروا ، الحمد لله الناس استمتعت من اكل
وشراب حلال، الشعراء لو وصفوا الحاصل
اليومين ديل الوصف بيكون اقل من الحقيقة.
| |
|
|
|
|
|
|
|
|
|
Re: فول الشعب (Re: اخلاص عبدالرحمن المشرف)
|
انا ضد ضييحة للخرفان
وضد اكل لحوم الكائنات الحية المسكينة
سيدنا إبراهيم لو كان شتت ليهو تمر
ولا شد ليهو بليلة
مش كان احسن يالله
شكلي كدا ما اظن امش الجنة
هههههه
كدي نشوف غايتو
| |
|
|
|
|
|
|
|
|
|
Re: فول الشعب (Re: أبوذر بابكر)
|
تعرف يا ابوذر مقاصد الضحية اتحققت
وما في تضحية بالبشر ، كبار الصحابة ما
كان بيضحوا وسيدنا بلال ضحي بديك.
اي ( زول ) دخلوا الشهري اقل من 30 مليون
ضحي كلف نفسه فوق طاقتها.
و غايتو اعمار الخرفان صغيرة ف التني الضحو
به فاتو نص عمرو اما الرباع فما فاتو شئ😹
| |
|
|
|
|
|
|
|
|
|
Re: فول الشعب (Re: النذير بيرو)
|
التحية د. اخلاص
الفول الأصلي انتاج الجزر عندنا في الشمالية غالباً ما يتم استهلاكه محلياً
لأن طاعم جداً والحب يكبر عند الفوران في الماء
وهو ما يعرف بمصطلح ( فول السليم) أو (الفول البلدي) مغذي جداً ومنتج من الجروف والجزر
أما الفول الموجود خارج المنطقة فهو المنتج ( من الخلا) أو الصحراء الحب يكون قاسي جداً
والري ليس من النيل بل بالمياه الجوفية
وقشره يكون صعب الهضم
كنا عندما نزور العاصمة مثلا نجد طعم الفول مختلف جداً
وزمان كنا نرسل طرود لأهلنا في الخرطوم بعد الموسم مباشرة
تحياتي د. اخلاص
الفول فرح الغلابا .. معظم العواصم العربية الفطور الفول
نلاحظ في السعودية حتى أرقى الارستقراطيين ( فول وتميس)
غالبا الفول يكون مطبوخ ( قلابا )
| |
|
|
|
|
|
|
|
|
|
Re: فول الشعب (Re: علي عبدالوهاب عثمان)
|
اهلاً يا النذير وكل سنة وانت طيب
العصيدة ليها ناسها اما الفول ف حبيب الكل
فتك الفول بموية الفول وزيت السمسم من الذ
الفتات ، تفوت فتة الختمية ، الفتة ام توم
ال بتحمي النوم ، فول الدكان مريح لكن
بعد ما بهدلوا شد الفول اخير ، الملوة ب1750
الربع ب 7 الف . احسن من القشر ال بيبيعوا
وطبعاً غالي ، دعم الفول يتم كيف ما عارفة 😹
| |
|
|
|
|
|
|
|
|
|
Re: فول الشعب (Re: اخلاص عبدالرحمن المشرف)
|
يا كتورة
بكل حزن اقول اصبح للمسكين والبسيط الله والجوع
هؤلاء لا يعرفون طبيعة اهلنا هم منا ولكن غابوا اعواما طوال
لذلك الان هم ابعد ما يكونوا عن الضعيف المحتاج لقد تحدثت
لمسؤل شارحا معاناة الشعب رد قايلاانها فترة
هل يعقل هذا هل المحتاج او الجعيان يستطيع الصبر هذه الفترة
عسي يسخر لهم من خيره ورحمته ويولي من يصالح الحال ويلبي مطالب الفقراء
| |
|
|
|
|
|
|
|
|
|
Re: فول الشعب (Re: زهير عثمان حمد)
|
استاذنا علي عبدالوهاب عثمان ع ع ع
كل سنة وانت طيب
بكدا يكون عندنا فول ثلاثة درجات
فول الجزر وفول المحلات الراقية وفول الدكان .
بعض اقربائنا من دنقلا كان يهدونا الفول
والتمر ، فولهم لا يعلي عليه وكذلك التمر .
حبة كبيرة ولون جميل نرمي التمر ونطلعه
لون الفول يكون احمر .
الفول يعتبر وجبة فطور وعشاء .؟ابسط
شئ الشعب الطيب يكون شئ يمكن اكله للبشر
| |
|
|
|
|
|
|
|
|
|
Re: فول الشعب (Re: اخلاص عبدالرحمن المشرف)
|
سلام عليكم وعيدكم مبارك
جنبنا دكان كان بجيب فول السليم وكان عندو زباين بالعربات للفول رغم انو فى نص الحله .وبيعتمد على فول العشاء والفتات المدنكله
احبانا كنت باكل الفول بليله مع رشه شمار وملح وزيت سمسم لارغيف ولايحزنونواحيانا بطبخو عديل حاجه روعه
مع تردى الاوضاع الاقتصاديه بدا يجيب فول تعبات صغار جدا وؤىء (ياهو بتاع الحصين) واتراجع الاقبال على شرا الفول منو وبقى الغالبيه شغالين نظام فتات
كل شويه يكب حله مويه ساخنه فى القدره والفته خبات الفول فيها زى حبات اللحمه فى وش فته اللحمه نادره جدا ومعدوده
والحكايه لاحظت انها بقت عامه الدكاكين قدره الفول لناس الفته بزياده مويه للقدره طول الوقت وبيتوترو من قصه تجى تشترى فول عديل
وهنا الواحد بيعذرهم مع الوضع غلاء الفول ومحاولتهم الحفاظ على مصدر دخل مهم للدكان والفته بتضمن بيع لبضائع تانيه بصل وزيت و...من لزازم الفته وبرضو حفاظ على الغبش من الزباين المابقدر على قصه طلب الفول
.
من فتره اتخليت عن الفول وشغال اتنظير فى المطبخ كيفما اتفق انواع بقطعها من راسى واحيانا انسى الوصفه الطبختها امس
| |
|
|
|
|
|
|
|
|
|
Re: فول الشعب (Re: اخلاص عبدالرحمن المشرف)
|
بت المشرف
كل عام انت واسرتك بالف خير
مع هذا البوست العيدية خلينى
احكى لك ولضيوفك بعض الحكاوى
الفكهة مع الكائن الشعرى الراحل حميد
ابان اقامته معنا في دولة قطر
| |
|
|
|
|
|
|
|
|
|
Re: فول الشعب (Re: اخلاص عبدالرحمن المشرف)
|
Quote: كان يشتري الفول من محلات اطعمة الحصين
|
سلام بنت المشرّف .. وعيدك مبارك
بالجد كان واحد صاحبنا لمّن مشيت انجلترا اول مرّة
قال لى شوف يا انور .. ابعد من اى علبة فيها صورة قط او ( ك ل ب ) اكرمكم الله
قلت ليهو ليش .. ؟
قال كان فى واحد ستة شهور بياكل من العلب دى .. وفى يوم قال ليهم والله
فى وجبة جاهزة اسمها ابو كديس ( على الصورة طبعا ) على وزن بطارية ابو كديس .. الزماااان
الجماعة قالوا ليه يا منحوس دا اكل قطط ... ههههههههههههه
| |
|
|
|
|
|
|
|
|
|
Re: فول الشعب (Re: ANWAR SAYED IBRAHIM)
|
قمنا ياسيدتى بت المشرف وضيوفها
احضرنا سيدنا حميد لدولة قطر وكنت
اول امرة اشوف حميد الكائن الشعرى
في عزاء مصطفانا بود سلفاب حين
سافرت من الدوحة مرافق لغرس جسمان
مصطفى سيد احمد بود لسلفاب
هناك قلت لحميد مصطفى قبل رحيلة
كان مهموم بمغادرتك السودان بعد ماتعرضت له
من تعذيب وتنكيل وانا بالنسبة لى دى وصية
قال خلاص موافق
قلت خلاص برجع قطر وبعمل كل الاجراءات
وجانا حميد بقطر وتعالى يابت المشرف شوفى
تفاصيل ماحدث في اول عشاء مع حميد
| |
|
|
|
|
|
|
|
|
|
Re: فول الشعب (Re: بدر الدين الأمير)
|
الاخت المحترمة بت المشرف
سلام
وعيدكم مبارك
الفول عالم جميل .
وينصر دين عموم المزارعين بوادي السليم على
التفاني في رعاية وسقاية وحش وحصاد الفول.
بعدين يا أخ ابوذر ضيف لطلباتك في الجنة
ملاح ام تكشو الرهيب.
وملاح الكرارة سناد الضلع.
واختمها بملاح البربور .
دي في قائمة ماركات الملحات تلاقيها في صفحة
المنيو الأولي في الجنة.
ضيف ليها الفول بزيت السمسم
والتحلية كورية بركاوي مبلول.
| |
|
|
|
|
|
|
|
|
|
Re: فول الشعب (Re: اخلاص عبدالرحمن المشرف)
|
فول اخلاص المشرف وشركاها
امير الشعراء احمد شوقي ألَّف قصيدة للفول اسمها (الفول بيقول)
طبعا لمن الفول كان فول ما زي هسي لون اسود وقشر ومويتو احسن منو ..
المهم نجي للقصيدة
الفول بيقول : .....
انا لك على طول
ولو راح الفول
انا مش مسئول
تلاقيه في العز وفي الازمات
من غير طوابير من غير خناقات
من غير دنانير من غير دولارات
وعيالك وانت وكلو يبات
متهنى وراضى بنين وبنات
بس انتا تقول انا عايز فول
والفول بيقول :-
الفول دة صديق
الفول دة وقت الضيق
وبيفتح جوه المعدة طريق
ويهد قلوع جوه المفجوع
ويسد الجوع يمكن اسبوع
ويعدى ولو ف 200 مشروع
بس انتا تفكر ف الموضوع
وبسرعة تقول انا عايز فول
والفول بيقول:-
مِن غيرى يا صحبى هتعمل ايه
هتقولى انا هفطر شاى وباتيه
واتغدى كباب واتعشى فيليه
طب بكرة يا صحبى هتعمل ايه
طب بعده ازاى تتصرف فيه
دا الفول يستاهل حمد عليه
ادعيله يا شيخ ربنا يخليه
| |
|
|
|
|
|
|
|
|
|
Re: فول الشعب (Re: Ahmed Yassin)
|
تعرف يا حضرة الموسيقار نحت الرأس
واول ما خطر لي بيرم التونسي
ثم احمد فؤاد نجم وبعدين قلت نستهدي
بالله ثم قوقل
تشابه اسامي بس الكلام
مظبوط ، هو فولي الذي احبه
وبه يتم الشبع 😹😹😹
| |
|
|
|
|
|
|
|
|
 Re: فول الشعب (Re: اخلاص عبدالرحمن المشرف)
|
الليله بديت تجربه استخدام اللوبا العدسى
الملوه الصغيره ب900 جنيه فاشتريت نصها ( اصغر معيار ) ب450 جنيه للتجربه
مقدار كبايه شاى(تلت او ربع الكميه الاشتريتها) بليتو فى المويه فتره وسلقتو -ادانى حجم قريب لحجم فول اقل شى 700 او 800 جنيه - العشا كان بيهو مع قطعه خبز صغيره
طبعا متعدد الاشكال فير انو بليله
ممكن زى الفول بصل ووبهارات وزيت واى اداعات اخرى
قررت استمر فى التجربه لفتره يكون فيها العدسى بديل اساسى للفول والتقليل فى استخدام الخبز مع استصحاب فائدتو العذائيه
| |
|
|
|
|
|
|
|
|
|
Re: فول الشعب (Re: Asim Ali)
|
صباح الجمعة و فطور بالفول و الشمار و زيت السمسم.
احييكم من الخرطوم بالقرب من موقع مطعم "فول أبو العباس و العشرة الكرام"
أحييك يا دكتورة على إحياء الأدب الفولي الشعبي بكل تشعباته.
في عام ١٩٧١كنت طالب في مدرسة قيسان الابتدائية اقاصي جنوب النيل الازرق.
كانت المدرسة ملحقة بداخلية كبيرة جدا لكنها مدعومة جدا جدا بالمواد الغذائية.
أذكر منها الجبنة الرومية Gift from Holland، أكياس اللبن المجفف For dogs and horses
إضافة للساردين و الفول المصري الذي عرفت لاحقا أن ديباجته المكتوبة أيضا كانت For horses 🐎.
كانت الجمعية الأدبية الاسبوعية مليئة بالبرامج المنوعة لكن أكثرها شيوعا المنلوجات.
١)
الداخلية أحسن ليا
الأكلة فيها شهية
و الشاي صباح و عشية
التجاني رئيسنا الحاير
زهجان و دمك فاير
من أكل الفول الباير.
٢)
الفول رخيص في سعرو
و كل زولا قدرو
يفور يفور في قدرو
و ناسو ما بنقدرو.
و الفول يكسر حيلك
بالموية ديمة يبيلك
لا تاكلو قط في ليلك
بطنك تقول يا ويلك
اكلتو في يناير
سوالي دم الداير
اكلتو في أكتوبر
خلاني ليلي مكوفر.
تواصلت ثقافة الفول خمسون عاما حتى صرنا على مشارف الثورة
و حلت الوجبات الدسمة محل الفول في عشاء رمضان فانتفض عليه
الشعبيون في مظاهرة رمضانية.
كفانا كباب عايزين ويكاب.
حرية سلام و عدالة و الثورة خيار الشعب
طعمية و جبنة و بيض و الفول حبيب الشعب.
| |
|
|
|
|
|
|
| |
أبوذر بابكر
النذير بيرو
علي عبدالوهاب عثمان
زهير عثمان حمد
Asim Ali
Hani Arabi Mohamed
بدر الدين الأمير
ANWAR SAYED IBRAHIM
Osman Musa
Ahmed Yassin
فيس بوك
تويتر
انستقرام
يوتيوب
بنتيريست