عند فقهاء الأحناف أن المحرم هو المسكر نفسه لا العين وبذالك قال إبراهيم النخعي وسفيان الثوري وإبن شبرمة. وأنا كمولانا أقيسً على ذلك أن الغناء ليس حرام في عينه ولكن المحرم ما أسكر منه.
الشغل التحت دا سمعتو عدة مرات لا عرفت روحي سكرن ولّ مسطول فتشت لقيت نزلو قباني في اليوتيوب. الكلمات أبو صلاح اللحن كرومة الأداء الجابري. بين الأسماء الفوق دي حيطتي القصيرة قباني فيا قباني شكيتك على من أنشاك وأنشاني يا شباب ارجو أن تحكموا بيني وبين قباني بالعدل، فالجمال شأنه والحب شأني
Post: #2 Title: Re: يا قباني الغناء بعضه حلال وبعضه حرام Author: ABUHUSSEIN Date: 07-21-2021, 00:12 AM Parent: #1
Post: #3 Title: Re: يا قباني الغناء بعضه حلال وبعضه حرام Author: يحي قباني Date: 07-21-2021, 05:31 AM Parent: #2
Quote: الشغل التحت دا سمعتو عدة مرات لا عرفت روحي سكرن ولّ مسطول فتشت لقيت نزلو قباني في اليوتيوب. الكلمات أبو صلاح اللحن كرومة الأداء الجابري. بين الأسماء الفوق دي حيطتي القصيرة قباني فيا قباني شكيتك على من أنشاك وأنشاني يا شباب ارجو أن تحكموا بيني وبين قباني بالعدل، فالجمال شأنه والحب شأني
يا مولانا ..
نحن في الحب سيّان .. انا احب المغنى و اتحمل عواقبه .. و انت تحب ما يفعله فيك المغنى بكل عواقبه ..
و كما قال درويش: الحب مثل الموت .. وعدٌ لا يردُ و لا يزول ..
Post: #4 Title: Re: يا قباني الغناء بعضه حلال وبعضه حرام Author: زهير عثمان حمد Date: 07-21-2021, 05:45 AM Parent: #3
انتو الدكتور دا سلفي ولا شنو سيدي قصة الحرام والحلال يحددها عقل المؤمن وليس رجل الدين أو العارف بالله بحور العلوم أنقصي عهد الولاية الدينية علي عقول الناس اللهم أجعلنا نري حق ولا نعيش في الباطل امين
Post: #5 Title: Re: يا قباني الغناء بعضه حلال وبعضه حرام Author: أبوذر بابكر Date: 07-21-2021, 08:05 AM Parent: #1
تحياتي يا حافظ والحاضرين
صالح عبد السيد أعظم واعلى من نظم شعر الأغاني انا مسميه متنبئ شعراء الحقيبة وحاج ماحيهم برضو
كل شعراء الحقيبة كوم وابو صلاح كوم براهو
أقرب زول ليه تقريبا هو عبيد عبد الرحمن من ناحية استخدام البديع والكناية والاستمارة والصور الجمالية وحتى في المفردة الشعرية مع انه عبيد كان من معسكر او حلف العبادي مع سيد عبد العزيز والباقين
عتيق تلميذ وحوار ابو صلاح وبدأ بنفس طريقة شيخو لكن بعد شويه قدر يؤسس مدرسته الخاصة بالتجديد في شكل وبناء القصيدة ودا اتعمل بالتنسيق مع كرومة دا موضوع طويل طبعا
والجابري واحد من اساطين الطرب والتطريب اتوفرت ليه كل الحاجات المطلوبة من صوت فريد وأداء عالي وموهبة فذة عيبو الوحيد تاثره الشديد بالغناء المصري واستخدام إيقاع عشرة بلدي و الواحدة ونص في كم اغنية
للأسف يا رشا يا كحيل ما متوفرة بصوت كرومة، زي باقي الدرر الكرومية المفقودة لكن بالله كدي اسمع يا رشا يا كحيل عند اولاد الموردة وشوف عطا ومحمود ديل بعملو في شنو
اولاد الموردة لما يغنو اغاني كرومة بغنوها بنفس طريقة كرومة بنسبة ١٠٠ ال ١٠٠
مع كل التحية والود
Post: #6 Title: Re: يا قباني الغناء بعضه حلال وبعضه حرام Author: علاء سيداحمد Date: 07-21-2021, 10:13 AM Parent: #5
يا مولانا الغناء كله حلال والتحريم يدخل فى الحتات دي
Quote: يا الامرضنى وما طبانى ..... فى خديدك يلوح نور ربانى نيران اشواقك لاهبانى ..... وسهام الحاظك ناشبان ومن ضمن الحاله التعبانى ..... مهضوم كشحك وصدرك بانى يتهادى يميل خصرك فريع بانى من شفتا الحسن الفتانى ..... قلبى ترحل ووجدى اتانى ومال جيش حبك غتانى ..... بسهامو الما بتختانى ومال صدرك لحشاك تانى ..... وكتفك مال به فريع بستانى يتكل فى دروعه و يبوس تانى لو للشعرا قصيد ومسانى ..... مابجيد وصفك غير لسانى فى فوادى الحب مسانى ..... واصبح بى هواك وماسانى مايصح منك تنسانى ..... لوغاب شخصك عن انسانى غير شك اوصاف حسنك مؤانسانى
لانو متل هذا الكلام ما بيقولو زول نصيح وكلمات ابوصلاح بيجهجه باكات كل المولانات صوفيين وحتى سلفيين . ابوصلاح لايجاريه الا قلة قليلة من شعراء الحقيبة يتعدون على اصابع اليد الواحدة فى استخدام الصور الجمالية والبلاغية فى الشعر .
Post: #7 Title: Re: يا قباني الغناء بعضه حلال وبعضه حرام Author: Ahmed Yassin Date: 07-21-2021, 10:42 AM
ابوصلاح الحلحل بحر القصير وحير تلاميذ وحيران الخليل بن احمد الفراهيدي في: التزام لزوم ما يلزم.. في يا رشا يا كحيل قفل القافية من البداية للنهاية ( شوفوا بى كم حرف) !!!!
عليها القافية وجب تقفيلا هات يا زميل اي زول يدخل في رشا يا كحيل.. او مرضان باكي حتصيبوا حالة من اللامعقول تدغدغ وجدانوا بشرى الفاضل قال( امتلأت بها حتى غازلني الناس في الشوارع )
Post: #8 Title: Re: يا قباني الغناء بعضه حلال وبعضه حرام Author: Hafiz Bashir Date: 07-22-2021, 01:05 AM Parent: #7