Post: #1
Title: الي وزير الداخلية ووزير المالية
Author: اخلاص عبدالرحمن المشرف
Date: 07-13-2021, 08:32 AM
Parent: #0
كل المرافق الحكومية التي تتعامل مع الجمهور
تفتقد ماكينة ارقام ، حضرت خرتومية شكلة
بسبب اولوية الصفوف في المرور وفي الجوازات
هل صارت ماكينة الارقام حلم ؟!!
ما هذا يا وزير داخليتنا
|
Post: #2
Title: Re: الي وزير الداخلية
Author: muntasir
Date: 07-13-2021, 08:37 AM
Parent: #1
لو عملوها مش السودانيين حتلقي جوكي ببيع في الأرقام
|
Post: #3
Title: Re: الي وزير الداخلية
Author: اخلاص عبدالرحمن المشرف
Date: 07-13-2021, 08:41 AM
Parent: #1
حضرت اكثر من خرتومية مشكلة بسبب
الصفوف في المرور والجوازات، هل عجزت
وزارة دخلها يعد بالمليارات عن توفير ماكينات
ارقام وجهاز نداء؟!!!
العاملون يجتهدون ولكن لا يمكن ان ينتظم
صف بطرق بدائية.
هل عجز جبريل. وزير المالية عن توفير اعتماد
لاجهزة لا تكلف كثيراً؟!!!
نحن شعب متحضر ومن الظلم تصويرنا كرعاع.
|
Post: #4
Title: Re: الي وزير الداخلية
Author: اخلاص عبدالرحمن المشرف
Date: 07-13-2021, 08:43 AM
Parent: #3
اهلاً muntasir
اتمني ان يعملوها والحركي ح يشوف
شعاع 😹😹
|
Post: #5
Title: Re: الي وزير الداخلية
Author: اخلاص عبدالرحمن المشرف
Date: 07-13-2021, 08:48 AM
Parent: #4
الفحص الالي للعربات بشرق النيل
يوم الشبكة طاشة، يوم الكهرباء قاطعة
وكل يوم مشكلة الصفوف ، يا ريت لو
وجد جهاز الارقام ، هم يملكون جنريترات
الامر يحتاج عناية من الجميع واجتهاد
|
Post: #6
Title: Re: الي وزير الداخلية
Author: زهير عثمان حمد
Date: 07-13-2021, 09:36 AM
Parent: #5
سلام يا دكتورة
حسب تجربتي كانت يا دكتورة المكنة دي عند الخطوط السعودية وبرضو ناس محمد أحمد وعمتي بت حلفا بمشوا طوالي للموظف لابعرفو رقم ولا صف
والشكلة تقيف لرب السما في النهاية الموظف يقوم يعتذر لمن عليه الدور ويخدم بت حلفا وهي مامسافرة المسافرة بتها !
مكنة شنو في بلد خالي في مجلس السيادة وعمتي الناطق الرسمي في مجلس الشركاء دا زمن الضهر الرهيب يخدم في المجالات والاتجاهات ومنو تعمل قرشين كمان
بالجد تعبنا منهم خالص
|
Post: #7
Title: Re: الي وزير الداخلية
Author: اخلاص عبدالرحمن المشرف
Date: 07-13-2021, 04:49 PM
Parent: #6
اهلاً استاذ زهير
السودان محتاج مجهود ، وفعلاً في ناس
ممكن تكون ما ليها معرفة بالنظام
والانضباط ، ديل برضو ممكن يتم خدمتهم
بواسطة موظف ، المهم البدء وبالتدريج الناس
ممكن تصبب لدرجة من الانظباط .
تشكر استاذ زهير علي اشارتك لعيوب
يجب تلافيها
|
Post: #8
Title: Re: الي وزير الداخلية
Author: Asim Ali
Date: 07-13-2021, 05:19 PM
Parent: #7
المكنات موجوده فى عده مرافق شركات الاتصالات والبنوك -وبرضو ماشغاله رغم انو بيكون فيها زحمه
مكتب خدمات سودانى عندهم مكنه مشيت عليها اطلع رقم بدورى لقيت بتاع شركه الحراسه مستلم تشغيلها يكون ماقاعد فى تربيزتو وواقف برا يجى يلقى ناس دايرين ارقام يطبع كم واحده ويوزعها وممكن الواحد جا قدام المجموعه ويستلم رقم دورو متاخر
مشكله اداره فى المقام الاول يعنى وجود نظام يحدد الدور زى المكنه او حتى فى عدمها ممكن تتنظم بنظام مقاعد مرتب يضمن للصف الزول يجى يقعد فى اخر مقعد (اخر الصف)
مشكله الزحمه ذاتها دوء منها الموظفين وانعدام متابعتهم يعنى اغلب النوافذ تكون فاضيه-الموظف حايم او فى صلاه او فطور وكانو الواحد جاى من بيتو عشان يفطر ويشرب شاى ويصلى فى وقت العمل- او تجى النافذه تلقى الموظف/الموظفه مشغول بالموبايل او فى خاله ونسه مع موظف جنبو طبعا غير المعاملات البيجى شايلاها موظف من جوا تتقضى والعميل الغليهو الدور واقف منتظر ولو الواحد اتكلم ردود بلؤم كانو الواحد داحل مكان خاص مش مرفق عام والمصيبه انو احيانا حارس شركه الامن طةالى يستلم الزول باسلوب مهين وممكن يكلبشو عديل ويطلعو والمسئول زى مدير فرع البينك يلبد فى مكتبو ومايظهر
الشبكه طاشه بقى حجه اى موظفين لو داير ين يجرجرو او يلقو فائده من زرا اجراء المعامله
|
Post: #10
Title: Re: الي وزير الداخلية
Author: اخلاص عبدالرحمن المشرف
Date: 07-13-2021, 05:36 PM
Parent: #8
اهلاً استاذ AsimAli
الدواوين الحكومية يفترض بها الانظباط.
في الجوازات المواطنين يحضرون من الساعة
الخامسة لتسجيل الاسماء !!!!!
يبدأ الدوام الساعة السابعة والنصف ، ما
السر في حضور المواطنيين من الخامسة ؟!!!
المفترض ان تبدأ المعاملات الساعة الثامنة عبر
الارقام التي تسحب من الماكينة.
لن نتقدم بالسبهللية وعدم الانظباط.
طريقة تعامل المواطنين والموظفين دليل ومؤشر
علي تقدم البلد ونجاحها.
عدم وجود الانترنت وسوء الشبكة رغم ان شركات
الاتصال تكسب الملايين من الدولارات دليل علي
فساد ، خبراء تكنولوجيا المعلومات ووجودهم
الدائم يدل علي تطور المنظومة .
لا بد من حل المشاكل في المرافق الحيوية
|
Post: #9
Title: Re: الي وزير الداخلية
Author: محمد حمزة الحسين
Date: 07-13-2021, 05:36 PM
Parent: #6
تردي عام وفي كافة المجالات (والطرق) والمجاري هههههه
مجمعات خدمة الجمهور النظام فيها من الداخل يعني بعد تسلم ورقك بندهوك وما في يدك حيله تقول للعسكري إنت ظلمتني ...
الضهر بلعب دور زي ما تفضل زهير ...
إنتو زهير بقي كوز ...
سؤال بريء يا دكتورهـ
|
Post: #11
Title: Re: الي وزير الداخلية
Author: اخلاص عبدالرحمن المشرف
Date: 07-13-2021, 05:51 PM
اهلاً استاذ محمد حمزة الحسين
ما شاهدته هو مشاحنات في ترتيب الصف
والحق يقال لم اري تجاوزات المحسوبية لا في
الجوازات ولا المرور ، و اصرار المواطنيين علي
الا يتجاوز مواطن الاخرين ، انتقاد الحكومة
بقصد الاصلاح واجب واستاذ زهير كصحفي
ينقل ما يحدث ، نشكره كثيراً فهو جهد غرضه
وضعنا في الصورة حتي لو كانت الصورة
ليست وردية كما نتمني
شكراً استاذ محمد حمزة الحسين
|
Post: #12
Title: Re: الي وزير الداخلية
Author: خضر الطيب
Date: 07-13-2021, 11:55 PM
Parent: #11
| Quote: إنتو زهير بقي كوز ... |
ابو الزوز علماني الشريحة واحدة يا كوز السجم
خلي زهير في حالو
و حيطلع في فيديو كونفرنس مع أمل و يتكلم عن التعدد و الدين و أشياء أخرى لا تعلمونها لكن ابو الزوز يعلمها
ثم تباً لكم يا أيتام الهالك الترابي
|
Post: #13
Title: Re: الي وزير الداخلية
Author: اخلاص عبدالرحمن المشرف
Date: 07-15-2021, 03:31 PM
Parent: #12
سوق امدرمان من اكبر اسواق العاصمة
ولديه رواده الذين ياتون اليه من اماكن بعيدة
الا انه يعاني من الازدحام ومشكلته المزمنة
في مواقف العربات وضيق الشوارع.
وجود عربات الباعة علي جانبي الشارع يضيق
المساحات المخصصة للعربات.
في حال خصص جانب واحد فقط للباعة
( الذين يدفعون غالبا لاصحاب الدكاكين)
ويسترزقون ببيع بضاعتهم و التي تسد حوجة
عدد مقدر من المشترين ( مع تقاسم الاجرة مع
اصحاب الدكاكين بالجانب الاخر ) قد تحل
لحد ما مشكلة الزحام وتراكم الاوساخ.
اظن ان تنظيم الاسواق من عمل المحليات الا
ان شرطة المرور تضطلع بجزء من المسئولية
|
Post: #14
Title: Re: الي وزير الداخلية
Author: اخلاص عبدالرحمن المشرف
Date: 07-18-2021, 07:46 AM
Parent: #13
البنوك
لم يقنع الكيزان ولا تجار العملة
البنك ال س ال ف في غاردن سيتي
يفتح الساعة السابعة والنصف ، المواطنون
يبكرون ويذهبون السابعة ، موظف البنك ه أ
يبكر و ( يطفش ) يخبر المتعاملين بان الحد الاقصي
للتحويل فقط 100 ريال سعودي.
تدخل البنك يسألونك ويقولون الحد الاقصي 200 دولار!!!
اول زبون كيف يكون الحد الاقصي 200 دولار!!!
لم يقنع الكيزان ولا المفسدون
|
Post: #15
Title: Re: الي وزير الداخلية
Author: اخلاص عبدالرحمن المشرف
Date: 07-18-2021, 11:38 PM
Parent: #14
اوراق التحويل من نسخة واحدة!!!!!
يعطي العميل نسخة ، اين نسخة المراجعة ؟!!!
كيف تورد العملات الصعبة ؟!!!!
في كل البنوك تكون المعاملة من نسختين ( كوبي )
واحدة تعطي للعميل واخري يحتفظ بها البنك
هذا يعد فساد
|
Post: #16
Title: Re: الي وزير الداخلية
Author: اخلاص عبدالرحمن المشرف
Date: 07-18-2021, 11:59 PM
Parent: #15
السؤال هو ما الفرق بين عمل البنك والصرافات
اذا كان التعامل بين العميل والبنك مباشرة
دون جهة رقابية اخري ؟
هل هناك فرق ولماذا لا تفتح الصرافات؟
|
|