Quote: تحدثتُ اليوم مع السفيرة سامانثا باور مديرة الوكالة الأمريكية للتنمية الدولية. بحثنا إمكانية دخول السودان في مشروع الولايات المتحدة الأمريكية الكبير والطموح (#PowerAfrica) لإنتاج 30 ألف ميغاواط من الكهرباء بقارتنا الافريقية، فبلادنا الحبيبة قد حُظيت بكل المقومات لتصبح نموذج تنموي في المنطقة بما يُحفِّز الاستقرار والسلام والأمن والازدهار لشعبنا والدول والشعوب الشقيقة بالإقليم والقارة، فإن من أهم مُطلقات التنمية هي الطاقة. أُرحِّب بتجديد السيدة باور التزامهم بالعمل مع الحكومة في مختلف البرامج لدعم تحول بلادنا التاريخي نحو السلام والاستقرار والتنمية والديموقراطية، مع التركيز على تطبيق اتفاق جوبا لسلام السودان وضمان عودة مواطنينا النازحين واللاجئين. #عهد_جديد
Quote: المشروع الحمدوك الليلة طلب مديرة وكالة التنمية الأمريكية يضمونا ليهو ده مشروع مهم أسمو الطاقة لأفريقا Power Africa .. وهي مبادرة أطلقها أوباما في 2013 لما زار كينيا واثيوبيا .. تعمل على توصيل الطاقة لأفريقيا جنوب الصحراء وفي معظمها طاقة نظيفة ، بهدف حوالي 30 جيجاواط حتى 2030 ومن أهمية الموضوع ده واحد من المبادرات القليلة حقت أوباما الما وقفها ترامب المجنون ويمكن خفف منها التمويل شوية . المهم المشروع ده لحدي هسه مشى منو 12.5 قيقا واط وخدم 103مليون مواطن أفريقي بعدد 22 مليون توصيل جديد في 43 دولة تابع الصور المرفقة بتعرف الكيزان ضيعونا قدر شنو ... زمان أيام الكيزان كتبنا فيهو كتير وكنا متحسرين أنو نحن ما جزء منو حتى بعد الثورة كنا متمنين أول ما سقط البشير ننضم ليهو .. الحمد لله جا اليوم الواحد يعيش فيهو الأمل ...
Post: #2 Title: Re: حكومة السودان تطلب ضمها للمشروع الامريكى Author: Asim Ali Date: 07-10-2021, 00:44 AM Parent: #1
Post: #3 Title: Re: حكومة السودان تطلب ضمها للمشروع الامريكى Author: زهير عثمان حمد Date: 07-10-2021, 00:48 AM Parent: #2
أظن دا اعظم قرار الي الان في مجال الطاقة لو تم أنجازه بسرعة لحوجة البلاد للطاقة النظيفة
Post: #4 Title: Re: حكومة السودان تطلب ضمها للمشروع الامريكى Author: Asim Ali Date: 07-10-2021, 07:53 AM Parent: #3
Quote: أظن دا اعظم قرار الي الان في مجال الطاقة لو تم أنجازه بسرعة لحوجة البلاد للطاقة النظيفة
الطاقه من دونها لااستقرار فى حركه المعاملات والحياه اليوميه ولاتتنميه اوانتاج
Post: #5 Title: Re: حكومة السودان تطلب ضمها للمشروع الامريكى Author: Salah Zubeir Date: 07-10-2021, 09:45 AM Parent: #4
Quote: فإن من أهم مُطلقات التنمية هي الطاقة.
تنمية شنو يا سعادة رئيس الوزراء ... الشعب السوداني يطالبك اليوم بالحد الأدنى ... وهو تيار كهربائي مستقر ... سعادة وزير الطاقة بقول انتظرونا في ٢٠٢٢ ... وآلله أعلم يمكن يستقر او يظل في حاله ... قطع يومي لساعات طويلة منذ نوفمبر ٢٠٢٠ ... معقولة يا سعادة رئيس الوزراء؟؟؟!!!!!!! ٩ أشهر وتقطع الكهرباء منذ الصباح الباكر حتى المغرب ... واليوم التاني من الخامسة مساء حتى منتصف الليل ليقطع مرة تانية في تمام السابعة صباحا وهكذا طوال ال ٩ أشهر السابقة ... لو وضعت الأولوية لتوفير كهرباء مستقرة منذ ٩ أشهر لكنت وصلت لي حلول ... والحلول متوفرة بدون ما تدفع دولار واحد فورا من جيبك ... المشكلة يا سعادة حمدوك ليست مستقبلية وإنما انية ... البلد في حوجة شديدة جدا للطاقة اليوم قبل بكرة ... طاقة نضيفة ولا وسخانة ما فرقت ... ناس Power Africa ديل ناس مستقبل امكن يدوك كهربا بعد ٥ سنة أو اكتر ... شوف الكيزان ولا الجن اللحمر كانو مدورين الشغلانية دي كيف وأعمل زيهم وحل مشكلتك ...
Post: #6 Title: Re: حكومة السودان تطلب ضمها للمشروع الامريكى Author: Salah Zubeir Date: 07-10-2021, 10:08 AM Parent: #5
تحياتي عاصم علي ... الفضيحة أم جلاجل ... بعض الأماكن الحساسة لم تنقطع منها الكهرباء طوال ال ٩ أشهر السابقة إلا ما ندر وبي توجيهات صارمة لغرفة البرمجة المركزية ... بعض الأماكن الحساسة :- مكاتب أعضاء مجلس السيادة مكاتب أعضاء مجلس الوزراء بيوت أعضاء مجلس السيادة بيوت أعضاء مجلس الوزراء بنتي المتزوجة والتي تسكن في أحد أحياء الخرطوم العريقة جدا كانت تعاني من القطع الكهربائي طوال ال ٣ أشهر الأولى ومنذ فبراير الماضي توقف القطع نسبة لوقوع منزلهم في خط الكهرباء الذي يغذي منزل أحد أعضاء مجلس السيادة المعين حديثا ضمن (كوتة) الكفاح المسلح ... أحفادي توقفوا عن زيارة منزلنا بسبب القطع ولو توفر الجنريتر لفترات تطول وتقصر على حسب توفر الجازولين ... دا غير صاحبي الذي يسكن أحد أحياء امدرمان القريبة لمنطقة الإذاعة والتلفزيون والذي لم يمر بتجربة القطوعات منذ بدايتها ...
Post: #7 Title: Re: حكومة السودان تطلب ضمها للمشروع الامريكى Author: Salah Zubeir Date: 07-10-2021, 02:45 PM Parent: #6
توليد الكهرباء الحالي يتراوح ما بين ١٦٠٠ إلى ١٨٠٠ ميجاوات على حسب أحد مهندسي البرمجة فإن المناطق الحساسة تأكل نصف او أقل أو أكثر قليلا من إنتاج الكهرباء ... نعم مكاتب مجلس السيادة ومجلس الوزراء مناطق حساسة وبالتأكيد بيوت أعضاء مجلس السيادة والوزراء ليست مناطق حساسة ... كذلك مكاتب وبيوت الجيش الجرار خلف كلو عضو مجلس سيادة أو وزراء ليست بمناطق حساسة ... كذلك مكاتب وبيوت كبار قادة الجيش ووكلاء الوزارات والمديريين ليست مناطق حساسة .... إذا كان إنتاج اليوم ١٧٠٠ ميجاوات في الساعة و٨٥٠ ميجاوات تذهب لهؤلاء المفترين وبسبب ذلك تقطع الكهرباء من نصف المستهلكين ١٠ ساعات نهارا والنصف الثاني من ٧ إلى ٨ ساعات ليلا ... فإن إخضاع الجميع للبرمجة بي عدالة تشبه الثورة فإن وقت القطوعات سوف يقل نهارا وليلا بنسبة ٣ إلى ٤ ساعات نهارا و٢ إلى ٣ ساعات ليلا ... يجب إخضاع الجميع للبرمجة المتساوية على الأقل في المناطق السكنية ....
Post: #8 Title: Re: حكومة السودان تطلب ضمها للمشروع الامريكى Author: Asim Ali Date: 07-10-2021, 03:11 PM Parent: #7
عليكم السلام صلاح زبير غايتو حقو ناس كل حى يوفروا مقام سكن مجانى لمسئول كبير عشان يضمنو كهربا دائمه زمان الخط الساخن لاماكن استراتيجيه محدده ويبدو انو ديل اعادو تعريف المناطق الاستراتيجيه باضافات . لو لاحظت كنت مستغرب دائما فى بوست قطوعات الكهربا من عدم صدور جدول واضح بالساعه والدقيقه للمناطق المستهدفه لكن جدول يبدو حفضح قصه الهيار والفقوس فى القطاع السكنى زمن بدايه القطوعات وطول فتره القطع ما ثابتات بل الاغرب الاسبوع الماضى اتعودنا انو -هاصه نهارى- يوم تقطع واليوم التانى تقطع وترجع بعد فتره قصيره .يبدو انو فى موظفين فى التحكم المهم عندهم يمسك اى مفتاح من طرف وبقطع الكهربا وملينتبهو الا بعد البلاغات تبدا تصل غايتو شخصيا وضعت فى اعتبارى لو قعدت فى السودان انو اعتمد على الطاقه البديله بدل البهدله دى
Post: #9 Title: Re: حكومة السودان تطلب ضمها للمشروع الامريكى Author: Hamid Elsawi Date: 07-11-2021, 00:48 AM Parent: #8
Quote: فبلادنا الحبيبة قد حُظيت بكل المقومات لتصبح نموذج تنموي في المنطقة بما يُحفِّز الاستقرار والسلام والأمن والازدهار لشعبنا والدول والشعوب الشقيقة بالإقليم والقارة، فإن من أهم مُطلقات التنمية هي الطاقة.
ده كلام حمدوك يا عاصم مش كده. ماهي مقومات الدوله لتصبح نموذج؟ حتي الآن سنتين من الثورة و الجهاز القضائي يعاني من اختلال. هل محتاجين قرض من البنك الدولي عشان نصلح جهازنا القضائي؟ حتي الآن الاجهزة الامنية و العسكرية و الشرطية تعاني من اختلالات في تركيبتها و وظيفتها و انتشار للسلاح و عدد من الجيوش بصلاحيات لا أحد يعلم عنها شئ !!! هل متوقعين من صندوق النقد الدولي يصرف لينا روشته للإصلاح في ملف الجيوش و الشرطة و الأمن؟ حتي الآن ما عندنا جهاز تشريعي أو مجلس نيابي يصدر القوانين بل قاعد يتم طبخها في غرف مظلمة باشراف المكون العسكري و جهات أجنبية و يبصم عليها بقية المدنيين في المجلس و الآن تم تكوين مجلس وزراء عشان الطبخة تكون مسبكة. (إستقالة الأستاذة عائشة تشهد علي ذلك) الإصلاح عندو ملف داخلي و خارجي فإذا كان في نجاح في الملف الخارجي فهناك فشل و تلكؤ و بطء في الماف الداخلي. و ده ح ينعكس علي الماف الخارجي و يجهض أي نجاح تحقق عاجلاً أم آجلاً. متي يفهم حمدوك أن مقومات الدولة التي يتحدث عنها ما زالت غير متوفرة و كفاية أحلام يقظة. _________________ من كان يناضل من أجل السلام و الحرية و العدالة فطريق الثورة طويل و شائك و من كان يناضل من أجل منصب أو وظيفة ف هنيئاً له.
Post: #10 Title: Re: حكومة السودان تطلب ضمها للمشروع الامريكى Author: Asim Ali Date: 07-11-2021, 07:45 PM Parent: #9
Quote: ده كلام حمدوك يا عاصم مش كده. ماهي مقومات الدوله لتصبح نموذج؟
الحال منمن سيىء لاسوأ مشروع باور افريقيا مشروع اصلا مستمر من فتره فى افريقيا والتحدى هنا انو الدعم دا يكون حمدوك وحكومتو يهيئوا المناخ لنجاح المشروع والمقياس مسار المشروع فى باقى افريقيا وماعندهم كحكومه مجال للتخدير بكلام اعلام ماقدر يجذب الدعم الامريكى لمشاريع الطاقه نحن له بالمرصاد الراى البناء لاجل الوطن مبذول وعلي حمدوك وحكومتو انهم يدرسو هذه الاراء
Post: #11 Title: Re: حكومة السودان تطلب ضمها للمشروع الامريكى Author: Asim Ali Date: 07-11-2021, 10:59 PM Parent: #10
Post: #12 Title: Re: حكومة السودان تطلب ضمها للمشروع الامريكى Author: منتصر عبد الباسط Date: 07-11-2021, 11:59 PM Parent: #11
شايف حمدوك أموره راهنها بالدول الأخرى وكل نشاطه خارج السودان وما تحس بتحرك داخلي ولا حتى أثر! الزول دا لو استمر بي حالو دا البلد دي بوديها في ستين ألف داهية
Post: #13 Title: Re: حكومة السودان تطلب ضمها للمشروع الامريكى Author: Hamid Elsawi Date: 07-12-2021, 00:49 AM Parent: #12
الداخل يا منتصر ما دور حمدوك لوحده الحلول مطروحة و واضحة. مجلس تشريعي ثوري تكملة الجهاز القضائي دمج الجيوش في القوات المسلحة و جمع السلاح من أي جهة غير نظامية. تغيير العملة و تحكم البنك المركزي في الكتلة النقدية و معرفتها هي زاتها كم (تخيل وزير مالية ما عارف الكتلة النقدية كم؟) و ما عاوز يعرف زاتو لا البدوي عارف و لا هبة عارفة و لا جبريل عارف أي وزير مالية مفروض يكون عارف الكتلة النقدية كم؟ الموجود في البنوك كم؟ و المتداول في السوق كم؟ هناك قوي تعيق تحقيق هذه القضايا. و عاوزة تحمل حمدوك المسئولية.