Post: #1
Title: المنصورة بدت تتصلح في جلسة مجلس الامن امس بس راجيها الكتير
Author: بدر الدين الأمير
Date: 07-09-2021, 01:37 AM
Parent: #0
00:37 AM July, 09 2021 سودانيز اون لاين
بدر الدين الأمير-دولة قطر
مكتبتى
رابط مختصر
خطابها كان ضافى بس صياغته ضعيفة عكس
وزير الخارجية المصرى كان صارم ومحنك
وتعمد ان يقدم تحية خاصة لوزيرة الخارجية
السودانية مريم الصادق وقدم تحية عامة لوزير
الرى الاثيبوبى ولم يذكره بصفة وزير الرى بل قال
المبعوث الاثيوبى ودا متسق مع حدة وصرامة خطابه
مريم خطابها غلب عليه المحاذير
ام وزير الرى الاثيوبى حياهم الاتنين بصفاتهم واسماءهم
مريم ردت تحية وزير الخارجية المصرى بنفس تحيته لها
وحيت وزير الرى الاثيوبى بسمه وصفته ووزير الرى الاثيوبى
خطابه غلب عليه السخرية والاستفزاز واشار لان السودان غير
رايه وبقى تابع لمصر وقال انه اول وزير رى يخاطب مجلس الأمن
ثم اتبع ان هذا الامر ليس مكانه مجلس الامن وان مجلس الامن بضيع
في زمنه
|
Post: #2
Title: Re: المنصورة بدت تتصلح في جلسة مجلس الامن امس
Author: زهير عثمان حمد
Date: 07-09-2021, 01:47 AM
Parent: #1
يا ود الامير المنصورة كدا عجبنا بس انت ابعد من الموضوع دا
بت امدرمان يا عروب سليلة الامام المهدي
اللهم انفعنا بصلاحه
|
Post: #3
Title: Re: المنصورة بدت تتصلح في جلسة مجلس الامن امس
Author: بدر الدين الأمير
Date: 07-09-2021, 01:57 AM
Parent: #1
مريم قدمت خطابها بالغة العربية
والعربية هى واحدة من لغات الامم
المتحدةالستة الرسمية بس في المؤتمر
الصحفى قدمت تنويرها عن الجلسة بالغة
الانجليزية وفى دى محتاجة لتدريب بعدين
اصلا الجابرك شنو الترجمة الفورية متوفرة
بعدين الزول بتكلم بالغة التى يفكر بها
وكان مفروض تخلى التنوير فى المؤتمر الصحفى
لوزير الرى لانه اخبر منها بمطبات المؤتمرات الصحفية
ولاهى طالعا لوالدها حب الاضواء والمكرفونات
|
Post: #4
Title: Re: المنصورة بدت تتصلح في جلسة مجلس الامن امس
Author: بدر الدين الأمير
Date: 07-09-2021, 02:07 AM
Parent: #3
ابو الزهور
بتكم في الأسئلة القدمت لها
بالغة العربية كانت اجاباتها معقولة
بس كان عندها ابتسامة قلطعاها من
راسها زى الماسكاها ام فريحانا
وزير الخارجية المصرى قدم كلمته
في الجلسة الافتتاحية والتنوير الصحفى
بالغة الانجليزية
|
Post: #5
Title: Re: المنصورة بدت تتصلح في جلسة مجلس الامن امس
Author: زهير عثمان حمد
Date: 07-09-2021, 02:17 AM
Parent: #4
دي بت الامام بت حلتنا يا عروب
|
Post: #6
Title: Re: المنصورة بدت تتصلح في جلسة مجلس الامن امس
Author: بدر الدين الأمير
Date: 07-09-2021, 02:24 AM
Parent: #5
هى اكان مابت الامام
بتكون قادلة في مجلس الامن
|
Post: #7
Title: Re: المنصورة بدت تتصلح في جلسة مجلس الامن امس
Author: بدر الدين الأمير
Date: 07-09-2021, 09:47 AM
Parent: #6
انتو الاتنين وزير الرى والشخص المعه
جالسين خلف المنصورة وهى بتقراء كلمتها
وبتهامسو بقولو في شنو شكلهم على شاكلة
ابوريش بكونو بصححو فى اخطاء المنصورة
والمنصورة بتكون كتبت ورقتها بضراعها ماهى
المنصورة تشار ولاتشاور
|
Post: #8
Title: Re: المنصورة بدت تتصلح في جلسة مجلس الامن امس
Author: محمد البشرى الخضر
Date: 07-09-2021, 10:26 AM
Parent: #7
الوزير الاثيوبي خطير, كلامه لعب على عدة اوتار حساسة اتكلم عن التنمية و عن المرأة و عن بعبع اوروبا الهجرة!
و ركز على ان مجلس الامن ليس من اختصاصه مناقشة الموضوع و قال كل الحاضرين عدا جزيرة لديهم انهار مشتركة لو فتحوا باب زي دا ح يشربوا ما يرووا تاني!
الاثيوبيين صراحة خبرتهم السياسية في المراوغة و الجرجرة شكلها تفوق مصر و السودان
|
Post: #9
Title: Re: المنصورة بدت تتصلح في جلسة مجلس الامن امس
Author: Mahjob Abdalla
Date: 07-09-2021, 10:48 AM
Parent: #8
| Quote: الاثيوبيين صراحة خبرتهم السياسية في المراوغة و الجرجرة شكلها تفوق مصر و السودان |
سلام ود البشرى
لربما لان المنطق السليم في صفهم 100% و لذلك لا يحتاجون الي كثير عناء او التمثيل كما يفعل المصريين.
|
Post: #10
Title: Re: المنصورة بدت تتصلح في جلسة مجلس الامن امس
Author: بدر الدين الأمير
Date: 07-09-2021, 10:54 AM
Parent: #8
كلامك صاح يا ود البشرى
بتخطيط مدروس رسلو
وزير الرى ماوزير الخارجية
عشان يشتت الكورة وفي
المؤتمر الصحفى التنويرى
لوزير الرى الاثيوبى الشخص القدم
الوزير اول كلمة قالها الصحفين نحن
حانضبط مفرداتنا عشان مافى حد
يفهمنا غلط وزير الرى المصرى كان
عدوانى وبهدد اما زولاتنا كلامها اقرب
لباركوها عندنا ارض يعنى ممكن نتشارك
والاثيوبين حيرانا واحبابنا ووقفنا معهم
وعييييبك على قول بشاشة
|
Post: #11
Title: Re: المنصورة بدت تتصلح في جلسة مجلس الامن امس
Author: محمد البشرى الخضر
Date: 07-09-2021, 12:06 PM
Parent: #10
| Quote: لربما لان المنطق السليم في صفهم 100% |
أبدا يا هبيب, المنطق شنو في انك تفاوض عشرة سنوات كاملة وتصل تقريبا لأكثر من تسعين في المائة من نقاط الاتفاق وبعد دا ترفض توقيع اي اتقاقية ملزمة!
ما عندهم اي حجة منطقية في رفض التوقيع, كل البعملوه مجرد شراء للزمن حتى يتم الملئ الثاني و يخزن السد بين 13 الى 18 مليار ويصبح حبنها الحديث عن تدميره بعمل عسكري غير ممكن!
ابي احمد مستخدم السد كقضية قومية توحد الشعوب و القوميات الاثيوبية خلفها, و في المستقبل أداة ابتزاز تعطيه ليفيرج على السودان خاصة في نزاع الفشقة!
|
Post: #12
Title: Re: المنصورة بدت تتصلح في جلسة مجلس الامن امس
Author: ABDALLAH ABDALLAH
Date: 07-09-2021, 12:30 PM
Parent: #11
دا كلو كوم أحبابى الكرام
المهم ما هو السيناريو المتوقع فى حالة عدم إتخاذ أى قرار من جانب مجلس
الأمن بعد هذه الخطابات والمخاطبات من كل جانب ؟
|
Post: #13
Title: Re: المنصورة بدت تتصلح في جلسة مجلس الامن امس
Author: بدر الدين الأمير
Date: 07-09-2021, 01:20 PM
Parent: #12
محجوب وود البشرى ومولانا عبد الله
هل لاحظتو حين تستضيف قنوات التلفزة
ثلاثة خبراء او محللين من الدول الثلاثة
الاداء الاثيوبى بكون هو الافضل
حتى على مستوى المراسلين والصحفين اداء
الاثيبوبين افضل يبدو لى الاثيبوبين خوذقو
السودان ومصر بإعلان المبادى السيسى وقتها
كان حديث عهد بالسلطة دا غير هبله والبشير اصلا تور الله في برسيمو
وحدث ماحدث ونالو الاثيبوبين مرادهم
|
Post: #14
Title: Re: المنصورة بدت تتصلح في جلسة مجلس الامن امس
Author: بدر الدين الأمير
Date: 07-10-2021, 06:02 AM
Parent: #13
لو متابعين
المعارضة الكيزانية المصرية
تدعو وتحرض على ضرب السد قبل مايكتمل الملء
ووزير خارجيتها يهدد بضرب السد
هل نحن في السودان فى وضع الحجاز البدو عكاز
|
Post: #15
Title: Re: المنصورة بدت تتصلح في جلسة مجلس الامن امس
Author: ترهاقا
Date: 07-10-2021, 06:55 AM
Parent: #14
Quote: وكان مفروض تخلى التنوير فى المؤتمر الصحفى
لوزير الرى لانه اخبر منها بمطبات المؤتمرات الصحفية |
ده كان هو المفروض ، لكن هي لقت وزير الخارجية المصري خاشي في الصورة ،
غايتو المصريين دييل الله يكفينا شرهم
|
|