Post: #10 Title: Re: رابط لقاء الجالية بامريكا مع مريم الصادق � Author: adil amin Date: 07-08-2021, 03:36 AM Parent: #9
هل ممكن رماح يحضر معاي والسؤال 1-انتي وزيرة خارجية ولي وزيرة ري ؟؟ 2-يطلع الجنود من اليمن ولي ناكل باسطة والله يرحم ايام المحجوب 3-الحريات الاربعة لي جنوب السودان ولي مصر المهيمنة وكلاما قول ليها مصر ام الدنيا اشاعة عملنا للدنيا فحص دي ان ايه طلعت مصر ما امها قبة انت تولول في البورد ده من جيت وعامل فيها حريص على الانصار يا اب شريحتين داير ابراهيم منعم منصور ولي صفوت فانوس الجحبور مافي لاريكس لاني ما زعلان
Quote: هل ممكن رماح يحضر معاي والسؤال 1-انتي وزيرة خارجية ولي وزيرة ري ؟؟ 2-يطلع الجنود من اليمن ولي ناكل باسطة والله يرحم ايام المحجوب 3-الحريات الاربعة لي جنوب السودان ولي مصر المهيمنة وكلاما قول ليها مصر ام الدنيا اشاعة عملنا للدنيا فحص دي ان ايه طلعت مصر ما امها قبة انت تولول في البورد ده من جيت وعامل فيها حريص على الانصار يا اب شريحتين داير ابراهيم منعم منصور ولي صفوت فانوس الجحبور مافي لاريكس لاني ما زعلان
جقود ..
اتا لساك لافي ؟ و لا اقولك قوم لف من اللول تاني ؟
Post: #13 Title: Re: رابط لقاء الجالية بامريكا مع مريم الصادق � Author: adil amin Date: 07-09-2021, 04:45 AM Parent: #12
جاوب بس
Quote: داير ابراهيم منعم منصور ولي صفوت فانوس الجحبور
احسب الاصدقاء الحضور : الندوة تحولت للساعة سبعة بدلا عن الموعد المعلن الساعة الخامسة .. و استمرت للساعة العاشرة مساء .. الحضور أكثر من 300 سمحوا ل ٥ أفراد فقط لتوجيه الأسئلة (طبعا مختارين مسبقا) حصل هرج ونبذ و شنائم .. ندوة غير ناجحة .. _________________________
هكذا نحن .. نستحق أكثر من مريم الصادق .. طالما بعضنا ما زال يمجد اهل القبور و البيوت ..
فوق يا قباني أعلى اليمين في عبارة Download (3 files) تقدر تنزل الفيديوهات وترفعها في قناتك
أنا مهتم شديد بإنه الناس كلها تشاهد زيي كدة .. لأني حالياً وصلت الدقيقة 43 ولحدي هسة مافي أي مريم الوحيد الكلامه مرتب ومضغوط هو المتحدث بتاع خريجي جامعة الخرطوم أنا طبعاً عندي مشكلة إني لمن أبدأ حاجة واخسر فيها زمن قدر دة ما بفوتها ساي إلا أكمل عشان كدة لو ما رفعته انت أنا برفعه .. والله ما أتغلي براي
اذا ارسلتوا لي ارقام تلفوناتكم في الخاص سأقوم بارسال الرابط على الواتساب مع الباس وورد لمشاهدة اللقاء كاملا
شكرا أستاذ يحي قباني
أخيراً إستطعت فتح الفيديو و مشاهدته
بس تنبيه ... الباسورد لنسخه ليعمل .. لابد من أن تكون علامة % في آخر كلمة الباسورد
وصلت لنصف الفيديو تقريباً .... و الحقيقة مداخلات ممثلي الجاليات أكثر فائدة من حديث الوزيرة (حتي الآن) .. و لم تقدم الوزيرة (حتي الآن) كلاماً مقنعاً عن مشكلة السودان مع سد النهضة الأثيوبي .. No wonder both Sudan and Egypt lost their case in the U.N. security council
Post: #28 Title: Re: لمن فاته اللقاء .. يمكنكم مشاهدته هنا 👇🏾 Author: أحمد محمد عمر Date: 07-11-2021, 04:13 PM Parent: #27
كلامها واضح وبسيط ومباشر ولمست قضايا حساسة ومجهولة زي إنه جهاز المغتربين لا يتبع للخارجية! وزي معرفة الوزارة بإنه السفارات كانت أوكار أمن ومحاولة تنظيفها حالياً اتكلمت عن امتحانات الخارجية والتزام التعيينات الجديدة بالوثيقة الدستورية كلامها عن سد النهضة كان واضح إنه اثيوبيا أثرت على منسوب النيل بالملء الحالي بدون أي إشعار ودة عمل أزمة المياه الأخيرة وإنها ما متعاونة وإنه السودان بيتأثر حالياً بالسد بينما مصر تأثيرها مستقبلي. وقالت إنه وزير الخارجية الاثيوبي بيكذب قدام المجتمع الدولي وبقول حاجات ما حاصلة اتكلمت برضو عن تطور العلاقات مع أمريكا ودور الجاليات في دعم التطور دة واتكلمت عن فتح خطوط التعاون والمباحثات مع عدد من الدول أوربية وأسيوية كتيرة عشان مدير اللقاء تعبان شديد وما حريف في التعامل مع زووم .. ما بعرف يعمل mute للناس عشان كدة مرات بنتفاجأ بواحد عامل شير لشاشة كمبيوتره وواحد بتكلم مع بناته في البيت وكدة
ياداب انتهيت من سماع حديث مريم وما كملت التسجيل للآخر
Post: #29 Title: Re: لمن فاته اللقاء .. يمكنكم مشاهدته هنا 👇🏾 Author: أحمد محمد عمر Date: 07-11-2021, 04:55 PM Parent: #28
أسئلة الحضور مبالغة جوطة ما طبيعية .. سوق ملجة بس أي زول داير يتكلم في نفس الوقت ما عارف تم اختيار السائلين كيف ربما بأسبقية زمنية لكن الأكيد إنهم ما داعمين للوزيرة بل بالعكس أسئلتهم كانت حارة شديد ومرات شخصية بمعنى إنه مريم جات بوصفها وزيرة خارجية يقوموا يسألوها عن حزب الأمة وواحد بقول ليها حزبك سلم الحكومة للكيزان واحدة غريبة شديد دخلت تنابز بكلام مرسل ساي من نوع انتي ما عندك مصداقية واحدين حاولوا يدينوا تصرفها والباقين نزلوا فيهم يا مطبلاتية ويا دلوكة .. أي والله زي ما أقول ليكم كدة .. دة في لقاء بتاع امريكان مع وزيرة ناس مفروض إنهم عايشين في العالم الأول
برضو لسة ما كملت الفيديو .. باقي فيه ثلث ساعة لكن بشكل عام دخلت وشايل عكازي لمريم وعاوز أؤكد على رؤيتي ليها كماسورة لكن أداءها في الندوة كان مرضي جداً بالنسبة لي وشايف المشكلة في التنظيم
Post: #30 Title: Re: لمن فاته اللقاء .. يمكنكم مشاهدته هنا 👇🏾 Author: محمد البشرى الخضر Date: 07-11-2021, 07:42 PM Parent: #29
Quote: لكن بشكل عام دخلت وشايل عكازي لمريم وعاوز أؤكد على رؤيتي ليها كماسورة لكن أداءها في الندوة كان مرضي جداً بالنسبة لي
ما مشكلة عندنا فرصة ندرن في التلت ساعة الباقية.
Post: #31 Title: Re: لمن فاته اللقاء .. يمكنكم مشاهدته هنا 👇🏾 Author: أحمد محمد عمر Date: 07-11-2021, 09:22 PM Parent: #30
مع الأسف أنا اتغلبت يا بشرى :)
مافي ولا كلمة في أداء مريم الصادق في اللقاء دة بل كمان عندها قدرة مدهشة على التحكم في الغضب والانفعالات
دة اللقاء لو ما ظهر عندكم فيديو اضغطوا السهم اللي في أعلى اليمين يفتح في صفحة جديدة
Post: #32 Title: Re: لمن فاته اللقاء .. يمكنكم مشاهدته هنا 👇🏾 Author: بدر الدين الأمير Date: 07-12-2021, 00:48 AM Parent: #31
احمد محمد عمر كتر خيريك وتبا لقبانى جيت حضرت لقاء وزيرة الخارجية ومزاجى كان رايق بعد فوز الطليان على الانجليز واصلا انا مكجنهم زى تكجن قبانى للمنصورة ومن حولها راى فى اللقاء كان كان هردبيس المنظمين ما بعرفو تنظيم معقولة متحدثين قبل ماتتحدث الضيفة يسمعوك عشرات المحاضرات قبل مايعرفو المتحدثة دايرة تقول شنو على طريقة المراسلين قبل بدء المبارة مدير المنصة حدث ولا حرج لاقادر يدير ولابعرف يضبط المتداخلين كل متحدث خلاهو يسرح ويمرح على كيفو والعجب لمن جاء دور الأسئلة كل واحد شايل عكاز من عنف الضيفة ومن شتمها بلا داعى الوزيرة كانت افضلهم في ظل هذا الهردبيس كوستاوى حاول يقلع فرصة سؤال لكن كانت الوزيرة حددت خمسة أسئلة فقط لانها على سفر والمتحدثين القبلها كانو اخدو نصف الزمن ومريم ابانت انها لاتستفذ لا بسؤال محرج ولابشتيمة هناك اتنين او ثلاثة كانو موضعيين في أسئلتهم
Post: #35 Title: Re: لمن فاته اللقاء .. يمكنكم مشاهدته هنا 👇🏾 Author: بدر الدين الأمير Date: 07-12-2021, 11:56 PM Parent: #33
يايحى ياقابنى تانى تبا لك ولبشاشة بس انت ياقبانى حمدوك متابع اداء وزيرة الخارجية بالخارج وهى القالت بعضمت لسانها ان وزارة الخارجية هى جهة تنفيذية ولاتضع السياسات الخارجية ... دى المصداقية والدبلوماسية ولا باش
المخابرات المصرية والخارجية المصرية ماصدقو ان يجدو مكون امنى اوعسكرى في يدهم ومقابل مكون مدنى من ناس قريعتى راحت واسمها الثورة السودانية الازهلت العالم وأقولها وعلى مسؤلتى ليس راى شخصى مافى وزير فى هذه الوزارة تم قبول توليه الوزارة قبل مايتم تمرير ملفه على مجلس السيادة اي اللجنة الأمنية وعندك التم رفض ملفاتهم برف محمد الامين التوم وزير التربية والتعلم الذى رفص ملفه الكضباشى وبلا استحياء او اكضب بكل قوة عدم استحياء قال ملف محمد الامين لم يمر عندك القراى والمناهح عندك وعندك وعندك وبلمقابل الرافضين للهبوط الناعم حزب الشيوعى الحردان وطول عمره حردان ولا تجمع المهنين المنشق بين النعام والخشن
وبرضو الشارع وشباب الثورة قادرين على التغير واى كوز بدوسو دوس
Post: #36 Title: Re: لمن فاته اللقاء .. يمكنكم مشاهدته هنا 👇🏾 Author: يحي قباني Date: 07-13-2021, 00:12 AM Parent: #35
Quote: يايحى ياقابنى تانى تبا لك ولبشاشة بس انت ياقبانى حمدوك متابع اداء وزيرة الخارجية بالخارج وهى القالت بعضمت لسانها ان وزارة الخارجية هى جهة تنفيذية ولاتضع السياسات الخارجية .. دى المصداقية والدبلوماسية ولا باش
تجمعني مع بشاشا الحبرتجي يا امير :)
ما قت لي ..
لقيت مريومة كيف .. شوف عيني (الحبيب) بي حشمة لابس التوب ( الشين) .. هههههه