Post: #1
Title: برافو سفارة السودان بالرياض
Author: النورس الحزين
Date: 07-07-2021, 06:42 AM
Parent: #0
05:42 AM July, 07 2021 سودانيز اون لاين
النورس الحزين-
مكتبتى
رابط مختصر
لابد من الإشادة بالتغيير بسفارة السودان بالرياض و التعامل الراقي للموظفين و الاهتمام بمشاكل المراجعين
و السرعة في تقديم الخدمة ، هنالك تغيير كبير للأمام
|
Post: #2
Title: Re: برافو سفارة السودان بالرياض
Author: walid taha
Date: 07-07-2021, 07:47 AM
وماذا عن البوفيه ؟
|
Post: #3
Title: Re: برافو سفارة السودان بالرياض
Author: الزبير بشير
Date: 07-07-2021, 08:15 AM
براااافو للامام سفارتنا في الرياض
|
Post: #4
Title: Re: برافو سفارة السودان بالرياض
Author: محمد بدرالدين
Date: 07-07-2021, 08:35 AM
Parent: #3
نتمنى دائما الخير للوطن و للمواطن
و نفرح به و له
..و ليكتمل ما نتمنى و يتمناه الجميع
اصلاح و تنظيم استراحة النساء و الرجال ايضا
و دورات المياه.. و الخيم المؤقتة التى عملت لاستقبال و استضافة الاعداد الكثيرة من المراجعين
..
و بالمرة كمان صور رموز السيادة ( سواء كان البرهان او حمدوك) ف مكاتب المسئولين
و سمعت ان الجدران بالداخل سيكون به شعارات الثورة و صور الشهداء ( زى جداريات القيادة قبل الفض المشئوم)
..
و التحايا و التقدير
|
Post: #5
Title: Re: برافو سفارة السودان بالرياض
Author: عمر أبوعاقلة
Date: 07-07-2021, 10:57 AM
Parent: #4
كلمة حق لابد وأن تقال
في امتحانات شهادة الأساس جلس ابني محمد عمر مع الطلاب
ونسبة لظروف مرضه (لوكيميا الدم) وأثر العلاج الكيميائي في جسمه ومناعته
تم ابلاغ السفارة عن طريق المدرسة ومديرها الانسان "عصام كنه"
وكان أن أهتمت به السفارة وطاقمها "المتواجد على مدار أيام الامتحانات"
وخصصوا له مكتب كبير المراقبين نسبة لضعف المناعة لديه ومعه مراقب خاص من السفارة
كنا نخاف عليه من التقاط أي عدوى بسبب تأثير العلاج ولكن طاقم السفارة كانوا نواب عني وعن أمه
وكانوا خير معين لنا ولغيرنا طوال أيام الامتحانات مع الحضور والتواجد من السفير لأصغر موظف فيها
لكم جزيل الشكر عن ابني محمد وعن أسرته وبالتوفيق
|
Post: #6
Title: Re: برافو سفارة السودان بالرياض
Author: Ahmed Yassin
Date: 07-07-2021, 11:04 AM
Parent: #5
الله يا ابومحمد نسال الله ان يشفي ابنك محمد شفاء كاملا ويعافيه
وربنا يوفقه وينير طريقه ويوفق جميع الطلاب.
|
Post: #7
Title: Re: برافو سفارة السودان بالرياض
Author: Gafar Bashir
Date: 07-07-2021, 12:10 PM
Parent: #6
يعني امشي بكرة اسلم جوازي للتجديد
مدني 4 شهور من الانترنت
|
Post: #8
Title: Re: برافو سفارة السودان بالرياض
Author: Gafar Bashir
Date: 07-07-2021, 12:10 PM
Parent: #6
يعني امشي بكرة اسلم جوازي للتجديد
مدني 4 شهور من الانترنت
|
Post: #9
Title: Re: برافو سفارة السودان بالرياض
Author: سامر دوشه
Date: 07-07-2021, 12:40 PM
حتى قنصلية السودان بجدة في تحسن كبير وملحوظ
يوم الخميس اللي فات، لقيت حجز متاح ليوم الأحد
مشيت وتقريبا في فترة وجيزة قدرنا نخلص إجراءات تجديد الجواز
بدينا نلتمس التغيير فعلاً
عقبال باقي المجالات
|
Post: #10
Title: Re: برافو سفارة السودان بالرياض
Author: محمد بدرالدين
Date: 07-07-2021, 03:15 PM
Parent: #9
استاذ عمر ابوعاقلة
نسال الله الشفاء العاجل للابن محمد
و ربنا يوفقه ف تعليمه و حياته
.. و منا لناس السفارة كل تقدير و احترام
|
Post: #11
Title: Re: برافو سفارة السودان بالرياض
Author: محمد بدرالدين
Date: 07-07-2021, 03:21 PM
Parent: #10
استاذ جعفر
امشى الساعة 8 ص
لناس التسوية و الخيمة
و ربنا يوفقك
...المهم تجاوز عساكر البوابة الرئيسية
بعد داك كلو هين.. و تجد التجاوب من السفارة
بالتوفيق برضو
|
Post: #12
Title: Re: برافو سفارة السودان بالرياض
Author: Mahjob Abdalla
Date: 07-07-2021, 08:57 PM
Parent: #11
| Quote: وماذا عن البوفيه ؟ |
ده اظرف سؤال
______________
ما في زول يسألنى ظرافة السؤال ده شنو!
|
Post: #13
Title: Re: برافو سفارة السودان بالرياض
Author: النورس الحزين
Date: 07-08-2021, 06:36 AM
Parent: #12
خلال اليومين الفائتين ظهرت ظاهرة السماسرة لبيع الأرقام بمبلغ 200 ريال وتقديم الدور بمبلغ 50 ريال يجب حسم ظاهرة السماسرة وصل الامر الى انشاء موقع الكتروني مزيف للتسجيل
لتجديد الجواز من مناديب و مسؤولين الجاليات الانتهازين
الكوز سلوك
|
Post: #14
Title: Re: برافو سفارة السودان بالرياض
Author: علي عبدالوهاب عثمان
Date: 07-08-2021, 07:55 AM
Parent: #13
Quote: خلال اليومين الفائتين ظهرت ظاهرة السماسرة لبيع الأرقام بمبلغ 200 ريال وتقديم الدور
بمبلغ 50 ريال يجب حسم ظاهرة السماسرة وصل الامر الى انشاء موقع الكتروني مزيف للتسجيل
لتجديد الجواز من مناديب و مسؤولين الجاليات الانتهازين |
الحبيب النورس .. أنني حزين جداً لهذا التصرف
لماذا نحن انتهازيين بدون ضمائر نستغل الظروف وحاجة الناس
أكيد هناك اشخاص داخل السفارة مستفيدين
لا يمكن لنا أن نكون هكذا
السمسرة واستغلال الظروف وحاجة الناس حتى في قريتي في اقصى الشمال
الى السفارة السودانية في السعودية
سمسرة في تذاكر البواخر
سمسرة في وكالات الشحن
سمسرة القنصليات
.......... الخ
نحن شعب غريب .. ندعي المثالية ..
شيء مؤلم جداً ..
شكرا النورس الحزين .. لكشف هذا الأمر
تحياتي الحبيب النورس الحزين وكلنا في غياهب الحزن
|
Post: #15
Title: Re: برافو سفارة السودان بالرياض
Author: النورس الحزين
Date: 07-08-2021, 11:47 AM
Parent: #14
الأخ علي لابد من فضحهم و محاربتهم ولا نقف مكتوفي الايدي
|
Post: #16
Title: Re: برافو سفارة السودان بالرياض
Author: عصام الدين نصر ابراهيم
Date: 07-08-2021, 01:11 PM
Parent: #15
سفارتنا بالرياض ( بين الأمس واليوم )
علاقة موظفي الدولة بالمواطنين دائما ما تأخذ شكل التنافر والظن السيئ من قبل المواطن العادي وكثيراً ما تجده ينحو باللائمة على الآخر وكثيرا ماكان المغتربين لاسيما في الرياض يواجهون الكثير من العقبات وبعض التعقيدات في انجاز بعض أعمالهم سابقا ، ولكن في الأنة الأخيرة التمسنا الكثير من التعاون والعمل الجاد من قبل طاقم السفارة بالرياض الذي لاتخطأه العين وذلك لم يأتي من فراغ ، إنما نتاج ثورتنا العظيمة فالمتابع الآن يجد أن هنالك تغير ايجابي ، فعند زيارتك لمبنى سفارتنا حين يكون الحب بحجم الوطن. تتلاشي المسافات وتتعانق القلوب في ود وصفاء وائتلاف.. ودون وازع من توجه أو أثنية أو ثقافة تجمعنا مساحة الود والسماحة في بيت السودان الكبير في الرياض.. سفارة جمهورية السودان الديمقراطية ذلك العنوان العريض الذي يمثل الوطن بكل سحناته وإثنياته وثقافاته المتعددة والعريضة.. ليست ممثليه لرعاية شؤون السودانيين فحسب بل نموذجاً يقدم الوطن في شكله الجميل ..تلك السفارة كانت واجهة لوجه السودان المضيء بكل ما تمثل من أريحية وكرم بدءاً من سعادة سفير جمهورية السودان عادل البشير قائدا وموجهاً لدفة السفينة.. وسعادة القنصل العام أنور حسن و نائب القنصل صديق التني الذي يقف علي المعاملات بنفسه ويواسي الصغير قبل الكبير والعقيد نصر الدين عبد العزيز وأركان حربه و المدير الإداري فيصل عبد الرحيم والتحية لكل موظفي السفارة بدءاً من نزار احمد البشير صاحب الابتسامة الدائمة والرجل المهذب عوض حسين. ولا ننسي الرجل القامة مصطفى نميري شكراً لكم أسرة سفارة بلادي وهنيئاً لنا كتيبة الأشاوس الذين أرقهم هم السودان والسودانيين فواصلوا ليلهم بنهارهم في خدمة قضياه الملحة. رغم ما نلتمسه من عمل دوؤب وجاد لتطوير الخدمة وتسهيل معاملات المراجعين والتعاون الكبير من المسئولين مع قضايا المغتربين من واقع التقائهم بالكثير من منظمات المجتمع المدني بالرياض والتفاعل مع قضياهم ، ألا أننا نأمل من منطلق الشفافية وأهداف هذه المرحلة الديمقراطية أن تكون هنالك نافذة يتم من خلالها توضيح كل ما يلتبس على المراجعين للسفارة ، وكل ما يطفو على الساحة من أخبار تستحق التوضيح والرد عليها من قبل المسئولين مثل توظيف بعض منسوبي السفارة الجدد واليته ، وكذلك مايخص بعض الخدمات التي تقدمها السفارة .
|
Post: #17
Title: Re: برافو سفارة السودان بالرياض
Author: Gafar Bashir
Date: 07-12-2021, 09:11 PM
Parent: #16
Quote: استاذ جعفر
امشى الساعة 8 ص
لناس التسوية و الخيمة
و ربنا يوفقك
...المهم تجاوز عساكر البوابة الرئيسية
بعد داك كلو هين.. و تجد التجاوب من السفارة
بالتوفيق برضو |
تجربتي اليوم كانت جيدة، مشيت بعد الظهر لاسباب حالت دون المشي الصباح ...
المهم بعد شوية عكلتة ولياقة مع العساكر في البوابة دخلوني
لكن عشان اعمل اجراء كان لازم اعتماد من الضابط لاني الموعد العندي لسة فدامه 3 شهور
مشيت ليهو وما قصر مشي الموضوع طوالي من كلمتين
عملت المرحلة الاولي وبعد داك انتظرت 3 ساعات عشان المرحلة الثانية انا مفتكر المشكلة في المرحلة التانية اللي هي الزكاة
اتضح لاحقا انو مافي مشكلة في الزكاة اجراءات سريعة ومافي مشكلة السداد المالي برضو اجرارات سريعة
العطلة 3 ساعات كلها في المرحلة الاخيرة التصوير وهي الللي عاملة زحمة حتي ومعطلة حتي المراحل القبلها ...
المهم لمن فضلنا اخر خمسة كنت بتناقش معاهم يعني موضوع التصوير ده لو بدل التلاتة ختوا عشرة ...
مشكلة الجوازات دي كلها بتتحل في يوم واحد ...
في الوقت دا جا ماري مدير الجوازات العقيد نصر الدين وسمع الكلام
طبعا بعد الكلام القالو ورد بيهو علي كلامي خجلت وبديت اعتذر ليهو
بدون تفاصيل بيعملو في مجهود خارق عشان تتحل المشكلة خاصة تبعين الجوازات ،، الما قادرين عليهو مافي يدهم .. والاداء الحالي بعد طلبوا فريق يجي من السودان
عموما الرجل لطيف جدا ومهذب ومحترم وحسسني لو والواحد كان عنده طريقة كان قعد اشتغل معاهم عشان يخلصوا ...
الوضع مختلف كتير ... مرتب جدا ... مرحبين جدا
خلاصة الموضوع، اي زول عنده موعد بعيد
يمشي الساعة 6 ص
بياخدوا عدد كبير حسب كلامهم قريب 200 ما عندهم موعد في نفس اليوم
والباقي للناس العن\هم مواعيد
معلومة تانية قنصلية جدة فاضية لو دخلت الانترنت بتلقي حجز
مشكور صاحب البوست وضيوفه
|
|