تكليف الفنان محمد السنى بالاشراف على المركز الثقافى السودانى بدولة قطر

11:52 PM July, 07 2021

سودانيز اون لاين
بدر الدين الأمير-دولة قطر
مكتبتى
رابط مختصر

معاك يامحمد السنى
من اجل ان يصبح المركز الثقافى
السودانى بدولة قطر مركز لكل الثقافات
السودانية

ويجب ان يكون للمراة
دور قيادى فى كل فعاليات
المركز

وان تخصص ايام للاطفال
فى كل المناشط الابداعية

وان تكون فعليات المركز
معروفة ومنشورة في بداية
كل شهر

وبرضو إعادة النظر في ايجار
المطعم ويكون عبر
مناقصة من مظرفين فنى وتجارة
وفى دى يمكن سؤال اهل الاختصاص
وهم كثر في قطر مش على طريقة الكيزان
لذوى القربة من تنظيمهم كما هو حاصل الآن

وبرضو الالتزام بالزى
يعنى ماتجى لابس عراقى وسفنجة
وتقضى يومك كله بالمركز تلعب في
الليدو وتدفع عشرة ريال للفراش عشان
يفتح لك النت وتسف وتبصق في التنباك
دا غير ايجار القاعة الكبيرة للافراح والاتراح

برضو الإلتزام بالاجراءات الاحترازية
لفحص الكرونا المعمول بها في دولة قطر

يا ابو الريش
صاحبك الفنان محمد السنى
بنسق وبعمل مع الفرق الشعبية
الاستعراضية للسودانين المقمين
بدولة وفى تقديرى اهم فرقتين
منظمات هما فرقة والادروبات كما
اسميهم وفرقة المسيرة ناس منظمين
وفنانين وعندهم رقصات مدهشة

السنى بنسق مع القرق الشعبية
لتقديمها ضمن الفعاليات المصاحبة
لنهائيات كاس العرب بقطر قلت
للسنى لو كربتو شغلكم ممكن تنافسو
الفرق الشعبية المصاحبة لعفاليات كاس
العالم بقطر لانو حاتجى فرق شعبية من
كل دول العالم

تمام يا بدر
اعادة الوجه الحقيقي للسودان واجب كل سوداني في كل مكان وبلد
وما تنسي ترفد مكتبة المركز بكل مؤلفات السودانيين عبر العالم وعبر كل الاجيال
عشان يكون قبلة لكل من يريد ان يعرف السودان والسودانيين فعلا في قطر والعالم من دارسن وباحثين
وكاس العالم علي الابواب
زح مني خضر البطة ونرجع لي حلف عرفات معاك وتحياتي للاحباب في قطر

بالتوفيق السني

ود الأمير إن شاء الله السني يجيبك "منسق عام" نشوفك حتعمل شنو؟
ليالي الأنس والإبداع بتاع ود القريش بيرجع تاني ولا ذهب مع أبو سن ههههههه
وإنت مالك من قولة تيت داير تقطع رزق يس؟ المركز داير شغل كتير من كده
ونحن جاهزين لأي تكليف وبعد ده كل يوم بي هناك.

ولماذا مطعم بلدي في مركز ثقافي
ما علاقة تناول الفول بالحراك الثقافي للجالية السودانية في قطر؟

المركز الثقافي منطقة سودانية محررة في قلب الدوحة لممارسة الفوضى السودانية كما انزلت في الكتاب.
لا شيء اقرب من هذا المركز الا كافتيريا الخيارين بين مدن والقضارف باستثناء الاسمنت.

كل التوفيق لاستاذنا الكبير السني, واشفق عليه من هذه المهمة الشاقة فعلا. وكل الدعم له

تحياتي يا بدر

اختيار صا دف اهله
وزى ما قالو
ادى العيش لخبازه

الف مبروك
الامير
والمشرف
خضر الطيب
الهادى هباني
محاسن زين العابدين
وكل المثقفين فى قطر

أجمل خبر

أتمنى للأخ لسني كل التوفيق.

سوف أعود ببعض الملاحظات والتوصيات.

عادل ياحوثى
خضر الطيب حايكون بتاع
المونتاج للفعاليات الثقافية
يعنى انت لوجيت عملت قراءات
قصصية فى المركز لابدلك من خضر

شكرا ياهاشم

محمد ياود القاضى
دحين اهلك الدناقلا
عندهم فرقة شعبية
لانو السنى داير يعمل
فرق شعبية لكل الثقافات
السودان غايتو نحن ناس
الجزيرة ماعندنا غير النوبا نضربها
لمن تئن وتجن اوكمال قال الشاعر
محمد المجذوب

ود المشرف
بعد كدا الواحد تقوليهو
نلتقى في المركز الثقافى
ونحن في شركة اوكسينت
متبرعين بطباعة البنرات للامسيات
الثقافية والفنية وعلى مسولة الفعاليات
التسيق مع المصممات والمصممين داخل
وخارج قطر للمساهمة بتصميماتهم

محمد ياود سيد احمد
نتمنى نشوفك قريب في
الدوحة وتقدم لنا امسية
عن المسرح والنقد المسرحى

دينق
تجى بالدرب وتقول
مقترحاتك بس تجنب
الاحتكاك بخضر الطيب
حسب وصية الحوثى عادل امين

قبل ما أجي بالدرب.

1-المركز يحتاج الى نظافة عامة وشاملة،
2- التخلص من كل الاثاثات الموجودة
3- التخلص فورا من الحاويات الموجودة في الحوش.
4- تنظيم موقف السيارات وعلى الزوار مراعاة ذلك
5- أنشاء مطعم ومقهى بموصفات جديدة وحديثة تراعي الصحة والمراقبة العامة.

بعد أن يتم كل ذلك من السهولة جدا أن يتم وضع برانامج,انشطة للمركز.

شكرا لدعمكم المعنوي والفني والتقني والثقافي والتراثي شكرا لامنياتكم الطيبة وتهانييكم الحلوة ولكم شكري وتقديري واحترامي

لكم تفديري واحترامي المرااكز الثقافية لايمكن ان تتنطلق بدون خكماء يضعوا لها الأهداف ويخططوالها البرامج واصدقاء يقدموا المشورة الصادقة من اجل رفعة الثقافة السودانوية وهذا ما اعتمدنا عليه انا لايمكن ان اقدم شيئا للفنون والتراث والثقافة لوحدي ففي مثل عذع الاعمال لاينجح هرقل ولا ابطال الخرافات ولا البطل الوحيد الخارق وانما التخطيط السليم والبداية في كل الفنون بتوازن وسعة افق واخترام للأخر ولتنوع ارثنا وتراثنا وتفرد تنوعنا هو الذي يقودنا الي تحقيق اسمى الغايات وكانت البداية باختيار شعار للمركز وهوية بصرية جمالية تعبر عن روحالمركز فعرضنا على فنانين بلادنا من التشكيليين وضع شعار وفاز شعار من تصميم الفنان التشكيلي المسرحي عصام عبدالله وكان شعاره مكون من اسم المركو بصورة حروفية جمالية بسيطة وطبق كأنه شمس يتوهج منها اشعاع ذهبي يتناسب مع الخطوط الذهبية ترمز للثراء المتألق للحضارة السودانوية والطبق هو غطاء يحمي للوجبات في كل انحاء الوطن وهنا يرمز للمركز الذي يحمي الثقافة ةيقدمها لكل العالم مع تفرد الوان الطبق في اللونين ــ البرتقالي ــوالبنفسجي الذان يؤكدان تفرد الفنانة السودانية الاولى في صناعتها الفنية واختيار الوانها من الطبيعة وخلق زخارف بهيجة وثرية برموزها الجمالية الأسرة ...

https://top4top.io/



اعلاة الشعار الجديد للمركز الثقافي السودانى بالدوحه

شكرا بدروو
2
كان علينا لنبدا ان نعرف من نحن ولمن نقدم ثقافة فتم وضع ملف كامل يتناول
من نحن هلاقتنا بالدولة التي انشأت لنا المقر ومنحتنا هذا المركز
الرؤية .. ان نكون روادا في مجال نشر الثقافى السودانية
الرسالة النهوض بالانشطة الثقافية والفنية والتراثية
القيم احترام الأخر ـ احترام الفكر ـ التنوع ـ المساواة ـ تالمسؤلية ـ التكامل ــ
الأهداف :الأرتقاء بالفنون السودانية وتطوير قدرات الموهوبين واكتشافهم وتوغير فضاء لعرض فنونهم وتراثهم وتهزيز العلافات الثقافية بين الشعوب المقيمة على ارض قطر
ةهذه الأفكار لتناسيس موجهات كاماة تقودنا الي وجهتنا السامية وضعها متخصصين في المدال الثقافي والاعلاني والفني والتراثي على راسهم
البروف احمد ابراهيم ابو شوك ـــ والأستاذ الاعلامي بابكر عيسى والدكتورة محاسن عابدين
وقمت باختصار الملف او عرضت عليكم الموجهات الاساسيى التي هي مقدمة بطرية محكمة ودقيقة لكن فيما بعد سوف ننشر الملف ليساعد كثير من الجماعات التي تريد ان تنشئ مراكز ثقافية وجمعيات لتستفيدمنه
سوف اسنعرض لكم البرامج والاندية ودورها والفرق المسرحية والاستعراضية والموسيقية ونادي السينما

اخي الغالي دينق
كلامك اوامر وفعلا تخلصنا من اشياء كثيرة وبدأنا النظافة بصورة متتابعة لان الحال لايسر
وازيدك اننا طلبنا ان نغير المكان لمقر ارحب ووجدنا تجاوبا كبيراولكن لانريد ان نسبق الاحداث
وضعنا لوائح منظمة لدخول المركز ونراعي الموجهات الصحية ونظافة الدار في كل فعالية
وهناك اوراق سوف توزع مع كل فعالية عن اداب المشاهدة والمشاركة التفاعبية لكل البرامج
وبدأنا التحضير للورش واولها ورشة لتعليم السباب الغاوي للافلام ميفية صتاعة الافلام بالتلفون
ونظمن الفرق الموسيقية والمسرحية لحجز الصالات بالمواعيد والايام واخترام زمن البروفات
اما الاثاث والادوات التي اهتراءت من سوء التخزين والاستعمال بسوء واهمال سوف نستبدلها
ونبحث عن رعاة لتنفيذ فعاليات جادة بمشاركة عدد كبير من الجاليات لاننا سوف نفتح ابوابنا للكل

أهلين محمد سنى
أرجو أن نشجع ثقافة النظافة برضو.. زرت المركز عام الفين و11 أو و12.. فى معية الراحل المقيم عبدالرحمن ابوشيبة.. وهالنى ما رأيت وبدأت التعليق فورا حتى انو ابوشيبة
قال لى يا ريت لو ما جبتك معاى.. الزول الهندى أو البنقالى ما عارف، يصرف مرتب ولا أحد كان يراجع ما يعمله.. عارف فى السلم للدور التانى ما هبشت الهاند ريل لأنه كان مغطى بطبقة
من الشمع الأسود من كثرة الأيدى وعدم نظافته يوميا.. وأنت تعلم فى أوروبا والدول المتقدمـة ينظفون كل شئ يوميا.. وبرضو يختوا زول تانى عشان يراقب العامل المباشر.. برضو فى أوروبا
والدول المتقدمة المراقب دا زاتو عليه مراقب حتى تصل المسؤولية للسيد المدير العام. دا هو النظام.. اسمه ضبط الجودة. لو دى ظبطتوها بعد داك ممكن الثقافة والهوية والحضارة..الخ

مرحب استاذنا محمد السني دفع الله
اهني نفسي و الجالية السودانية بدولة قطر
بتسلمكم لإدارة المركز الثقافي السوداني بدولة قطر
الآن يمكننا القول بأن من تسلم إدارة المركز من هو أهلُ له
ساعود إليك لاحقاً انا الآن في مهمة عمل
و سوف يصبح المركز منارة لكل الثقافات السودانية
و اقترح ان يكون اسمه مركز الثقافات السودانية بدولة قطر
تعلم يا استاذنا ان في السودان ثقافات متعددة

التحية للحبيب السني
وأنت أهل له .. محظوظين احبابنا في قطر
الحبيب السني ركز على الثقافة والفن
بعيدا عن السياسة والتحزب
المهم المبدعين حتى لو كيزان

شكرا للحبيب الامير .. وانت تحرص على رفع اسم الوطن
السني كمان من عندينا

على ياعبدالوهاب
السنى دنقلاوى الطقينة
دنقلاوى فالصو مابرطن
بس زوجته الحلفاوية احلام وهبى
رطانية من الدرجة الاولى بس لو هى
حاتكون من ضمن الفرقة النوبية انا
حاقاطع الامسية وطبعا هى احسن من
يجيد رقيص الجرارى بتاع الحلفاوين والمحس

Quote: حاقاطع الامسية وطبعا هى احسن من يجيد رقيص الجرارى بتاع الحلفاوين والمحس

يا سلام الحبيب الامير .. رائع انت
أجمل رقصة في الوطن رقصة حلفا كمان بالجرجار وطار
تموج كما مياه النيل .. يا ريت انتصار ولوليه أو البلابل

على عكس الرقص عندكم قفز في الهواء .. وسيف وكل شعركم
قطع الرؤوس ( سيفك بسوي التح ) ما عارف ( جبل الضرا )
كده الكيزان دمروا الجنوب ودارفور ..

أهلنا الحلفاويين ناس فن حقيقي .. يا ريت البلابل بالجرجار والطار
لازم الاستاذة أحلام تنظم رقصة حلفاوية بالجرجار والطار

يا سلام يا جميل الامير .. دائما تجعلني أدخل في الاعماق يا رائع

حظكم في قطر .. محظوظين ..

تحياتي الامير

تكليف صادف أهله
بالتوفيق للفنان محمد السني دفع الله
شكراً حمزة بلول
قدام

عبدالعظيم عثمان
لاشكرا حمزة بلول الامير
ولاهم يحزنون حمزة ماعندو
اي دور في اختيار السنى لادارة
المركز كل الامر وبعد انتهاء بعثة
الكوز السلفى عبدالاله ابو سن كملحق ثقافى لجنة
تسير المركز اختارت السنى كى يدير المركز
وسعادة السفير وافق او صادق على الاختيار

Quote: لاشكرا حمزة بلول الامير ولاهم يحزنون حمزة ماعندو اي دور في اختيار السنى لادارة

كنا نتوقع من سعادة السيد حمزة بلول الأمير المصادقة على هذا التعيين بإصدار قرار
هو و زيرة الخارجية
و كما هو متعارف عليه أن هذه الوظيفة يتم التعيين لها بترشيح من وزارة الثقافة و الإعلام و بمصادقة وزارة الخارجية
هذه وظيفة ملحق ثقافي

لا ياخضر
الطلب للسيد الوزير حمزة بلول الامير
كان ان يعين محمد السنى دفع الله ملحق
ثقافى بعد ماانتهت فترة ابتعاث الكوز السلفى
عبدالاله ابوسن لكن وحسب علمى حمزة قرر
الإعلان وظيفة الملحق الثقافي للتنافس اما
وظيفة مدير المركز أو المشرف على المركز هى
وظيفة محلية

يا ود الامير
تحياتي لك والاستاذ محمد السني ولكل الاهل والاصدقاء بدوحة الخير
نبارك له ان اوكل اليه أدارة المركز الثقافي السوداني
قد لا تصدق قدر الارتياح لهذا التكليف في اوساط جهمرة المثقفين من ابناء السودان
وخاصة قبيلة أهل المسرح في الوطن
كن بخير استاذي السني وبالتوفيق وهذه رغبة الجميع من اهلنا في الداخل وحول المعمورة
ونسألك انجاز برنامج ثقافي يليق بالسودان الوطن وحضورك الابداعي بدولة قطر

يامحمد حيدر
موضوع المطعم الموجود بالمركز الثقافى محتاج للجنة تفكيك تمكين
هل تصدق الخص
الادوهو الكيزان المطعم قام اتفق معاهم بان يقوم
ببناء هذا الصالون المسمى مطعم على ان يقدم لهم
فواتير تكلفة البناء وتخصم شهريا من مبلغ الايجار
وكانت الملحقة الادارية السابقة الكوز تمنع كائن من كان الإطلاع
على هذا الاتفاق والمطعم الموجود بقلب المركز تابع للملحق
الادارى بالسفارة وليس لإدارة المركز اي سلطة عليه والمطعم
مؤجر بمبلغ 12 ألف ريال تدفع منها فاتورة الكهرباء والماء وجزء
من راتب المشرف وراتب العامل

بدر سامي علاهو ..
تحياتي يا صديقي

بالضبط لجنة تفكيك تمكين من جهة .. ومن جهة آخرى يا بدر يجب أن يكون النشاط متوائم مع نشاط وفلسفة المكان ..

كوفي شوب أنيقة ولطيفه افضل من كافتيريا الخيارين دي المنتصبة خارج سياقها الموضوعي تماما في مركز ثقافي بقلب الدوحة

هلا ابوالزهور
ياصديقى لم نفقد الامل فى
مناشدتك بتعين محمد السنى
ملحق ثقافى حتى بعد ماقرر
الوزير الاعلان عن الوظيفة للتنافس
السنى حا يكون منافس قوى لشغل المنصب

محمد حيدر
ياصديقى وابن صديقى
اثنى مقترحك وبشدة في
موضوع الكوفي شوب ياخى
ماممكن امشى المركز الثقافى
عشان اكل مفاريك اوكمونية
او اشترى كسرة خصوصن نحن
مبشرين بالانتقال لمبنى اخر أوسع
وارحب

الكافتيريا البائسة بشكلها الحالي يا بدر

1- حكرا للرجال بصورة واقعية وبالتالي تم استبعاد نصف مجتمع الجالية (النساء)
2- لا تتلائم مع فلسفة المكان كمركز ثقافي (مقابل فكرة كوفي شوب انيق بمواصفات عالية وأجواء مريحة وجميلة)
3- فوضوية ونموذج مكرر لكافتيريات الاسواق الشعبية وذاك الممر المفضي للقمسيون بالسوق العربي.

على سعادة السفير
ولجنة تسير الجالية
وكل المهتمين بشان
المركز الثقافى تبنى
فكرة الكوفى شوب
والتنسيق مع احد الشركات
المتخصصة فى هذا المجال
ونحن يامحمد كمقيمن بدولة قطر
تجاوزنا السبعين الف
ا