♧ نـــــــاكل لــــــــــــوبة £

11:57 AM July, 06 2021 سودانيز اون لاين
دفع الله ود الأصيل-
مكتبتى
رابط مختصر

 《 نـــــــاكل لــــــــــــوبة 》
♧ هنا بابٌ للطوارئ نفتحه للخروج من أزمة
"حملان في الحيشان"و نحن على أعتاب حلول
عيد الأضحية المبارك ؛ و على وقع أخبار واردة
عبر باج نيوز على لسان أبي الزوز تُنذر بأسعارٍ
[خرافيةٍ] للخراف تصل إلى150ألف لحلوح.

تنويهٌ اسباقيٌّ لمن يهمه الأمر:/
® ي جماعة الخير بصراحة متناهية كدي،
عشان "عيون المها ما بين الرصافة و الجسرِ ما
يقومن يجلبن لينا الهوى من حيث ندري و لا ندري"،
فالعبد لله زول واسع الانتشار في القروبات عبر أثير الأصافير؛
و بأسامي ظاطو ما تديك الدرب ، وحيثما وُجِدَتْ الأجواء الرطبة:
ففي الراكوبة/ محسوبك كان/ ابن البادية و حاليا ود الأصيل؛ و في
ولاية نهر النيل و ود حامد/ ود العزتين ، الخمج الحلتين؛ في الغريبة
شمال عطبرة/ باسم حقيقي؛ في العريجاء ريفي العزازي/ود الأصيل ،
ثم سنمار ؛ في الواطس/ ود الحيشان التلاتة ؛ و أخيرن، في ود مدني
و العريباب / aabersabeel. لأنو ياخي شايف النقة كترت.فأي حاجة
تلقوها ملطوشة كدي و لا كدي فهي من حر بنات أفكارنايعني لو سراق
بسرق من جُزْلاني براي. بس شغال بيهن طواقي من هناك لهنا من
دقنو و أفتللو شغل أبو الدرداق و عرسو لستي قمرة.

*****(((((1)))))*****
@ أهااا، بعد الفواصل،
ممكن نرجع لموضوعنا، اللي هو "ناااااكل لوبياااو"
عدييييل كدي!! نان و تيب، و مالو ياخي؟! موش قالولنا
من زمان زواحف بني كوزان بروتين (برمائي)؟! أخير لينا من
حاجة قرففف اسمها: (جلافيط القعونج) اللهو ظاطو لمن سمع
تصريحات عمك/ مامون حِمَّيْدَة النارية إياها ديك. و قام يتعزز
الليمون، و صابو هلع جري الخلا لبد اندس عمل نظام بيات شتوي
قبال أوانو. أها ملاحظين إنو و رغم عنف الخريف دا و كترت الطمل
في حلتنا و لا قعونجاية واحدة ما سمعناها تاني قالت (غوووغ)،
تحين ما قلتو نوبة؟! أها عادتحين جنس دا ما خير منو ناكل
نيم و نحلي قُضَّيم و قرض راسو عديل!!؟
*****(((((+)))))**

Quote: ☆صباح الخيرات ود الأصيل يا ود العزتين و يا عابر السبيلين ، المعنى هسي اللوبا دي بايته ( قصدي من الأرشيف يعني ). دا أولاً. ثم ثانيا إنت ما تركز ليك علي إسم واحد ماااالك زي التقول ملاحقنك و لا مساكنك ليك في شيك طاير.

(2)
® صبحكم البه بو صديق و مساكم بكل صباحاتٍ رابحاتٍ و أماسيَ
بارحاتٍ و بكل خيرٍ نافحاتٍ.حللت أهلاً و نزلت سهلاً في هذه الاستراحة
النفاجية الخالصة والمتواضعة على طريقة أهلك ناس ود مدني على طريقة
ناس ود التهامي؛ يا حليل أيام زمانكم الخرافي و (عنقربب) الراكوبة.
*****(((((+)))))*****
● أما بالنسبة لسوعالك عن اللوبة ؛فلو قصدك بايتة هي،وفلازم تحدد لينا طلبك
و نحن حاضرين. فلو تربالي زول جروف جيهة تحتانية عندنا الفوك (لوبة عفن )
دي نُفاخا قبض إيد ، أكان جلت أم دلدوم ما بجلي. و كان زول تقانت عندنا ليك لوبة
عدسي دي تنفع لبليلة رمضان؛ علا غايتو بتعطشك مع الصيام ما بتنفع ، علا كان عاد
تربطلك( كوز ) مومية غليد كدا في صرتك مع حُقة الصعوط و محكاكة الملود

*****(((((+)))))*****

© و أما لو قصدك الزول الماكلا يكون بايت القَوَىْ مسلن ، فذاك شأن آخر.
خسوسن كمان إذا رقد ليك رقدت الشيح و عكس مراقد الريح ؛ لأنها بتفرز
حامض (Loobic Acid) ؛ و دا بقى فتاك جدن أخطر من غاز ثاني أوكسيد
اللعوتيك المنضب. و محرم تداوله دولياً باعتباره سلاح دمار شامل و قد
يرقى تناوله إلى جريمة حرب و على أنه ممارسة ضد الإنسانية.
☆ و أما عن كترة الأسامي ففعلا أنت تاريك ناقشا كويس شكلك
مجرب ياخوي ، و بتنفع لشغل الطواقي و الشيكات الطايرة.و لو
ملاحظ حتى الانتماء العرقي برضو ملخبت تلاتة حبسان متل صحن
الفتة . دا كلو لزوم سهولة المناورة عند حالات الضرورات التي تبيح
قد المحظورات.ياخ، و لا خليــك؛ أنت ماك عارف الباقية ساي.
***(((((+)))))***

Quote: زد العزتين الخمج الحلتين يا عمك هو اللوبا هين ...؟! هسع دحين (ملوة) اللوبا بي كم؟! ٪٪٪٪٪٪٪٪((( بشير ود تهامي )))٪٪٪٪٪٪٪٪

® بشة ي عمگ، يعني مداقرننا حتي في
اللوبة عفن دا؟ ياخ دا قاعدين يداعونا بيهو.
وكتين يشوفوگ مطنقر عامل زعلان و ما
دايرين يهببوگ، ترا يقولولك: "إن شاء
الله نوفاخ اللوبةالفوك الما ينفك"

© أها عاد كان كدي علا الواحد تاني يضرب الخلا
و الصي سااه ؛ يعيش نباتي مع الطبيعة؛ يعني كان يشوفلو
ضريصاء و لا بيت نمل؛ يتعشا بشوية رشوشة من( دفرنش)
نملة، مگشنة بي بصل كلاب؛ و عليها تلاتة (كيزان) موية گدي غ
ولاد منض ترس الحقنة، يطفحا بيهن. بعدين يظبطا ليك بي شاي
دنگ گدا ، و گمان مقنن بلبن عُشر. و يلا من ثمة يمش ينبطح
يرقد ليگ تحت الشدرة ، مراقد الريح ؛ و يسويلگ عاد ،
سوات (الشيح) و مراقد الريح تجيب الضهبان.

*****(((((4)))))*****ناكل لوبة بي دغَلوبة .. يا سليقة بي مهيوبة!!
[] فمن شر البليلة ما يضحك!!! و قبال ما نخش في غريق اللوابي و كدي، قال ليگ:
دا واحد من عروبنا ديل معطرب (يعني مغترب ، من عطرابة حريق الغربة) و شالق متل
صاحبي قشير دا، جايب أبناهو و جاي من الخليج كرت كرتونة ؛ و مخلي رحاب الحرمين
الشريفين وراه و قال داير يقضي العشرة اللواخر وسط العشيرة في ربوع تاس) أم طرقن
عوراض ، غادي من ناس كمل نومك هلى ترعة ود المنسي ريفي تبول محاية حشرو عباس
وإت مِصبِّح على جيهة جبل اللبايتور نواحي أم هبج أبعلي في ولاية جزيرة واغ الواغ .

∆ فتاني يوم بدا يدق جرس. قال جاهو ملل شديد من ثالوث المعاناة:(عطش+ كتاحة +
نمطية حياة ريفية للطيش).ؤام بالله كتاحة العُصار تقوم ليك من نص صنقورك ؛بعني جو
رتابة عبارة عن موت بطيء، من كثرة التكرار في كل شيء الوجوه جعير البقر و نبيح الكلاب، .
*****(((((+)))))*****
● فلاحظ إنو الحلة دي عن بكرة أبيها تقريباً، عدا من رحمه و فتح عليه ربك بقريشات ،
يصومون و يفطرون علي صنف واحد فقط لا غير، هو/ (السليقة): يمرقو كل صباح على
الجزارات ريقان ريقان، يجيبو ربع أو تمن الكيلو دا شايلنو مصرور مضارينو في تيابم بالله
تقول لس فُسحة فحص مودنها للحكيم في الشفخانة، و يلا و عليه فرطاقة بصلة و سلقة
ملحة و يتبروها موية و المقتدر خالس، ممكن يضبح لوبة تمشي حاجتين( بليلة + ملاح)
يضربوه معجك آبري م(حلو و غي نفس الوكت مر). متل الشيء وضده و يلا عليها!!

*****(((((+)))))*****
¶ بعد داك يا التراويح جوك ناس ، متعودين يصلوها بالفاتحة و معاها بس
سورة فرد واحدة من الخفايف متل ناس/ الإخلاس و{قل هو الله أحد} أو الكوثر
{إنا أعطيناك الكوثر} عشان يرجعوا فسراع فسراع يتكاملو النوم دايخين متل جداد
سمير. الساعة تمانية دي شفتالو في جنازة ما تلقى طفاي النار البسترا . ياخي ديل
قال ليك : مرة كدا عمك إمامن الراتب شكلو تقل ليك العيار في سليقة و اللوبة
شدبد لامن غابتو الفومة للصلاة و حس بي بطنو مگركبة.

∆ فقامو بالعدم ، جبدولم واحد أظنو ضيف جايبو الدرب ساي قدموه يصلى بيهم.
عمك داقس كدا ، ما كان ناقش النظامالمتبع هناك: إنو كل الركعات من قولة تيت للنهاية
بنفس الوتيرة فقام بعداك هبش ليك راس {و الضحى و الليل إذا سجى} فلقوها طويلة
شديد و اللوبة الظاهر شايفة شغلا يلا تعالت أصواتم محتجين ورا اللمام يكوركو
و قربو يدقوه دق العيش لامن اتلخبت ظاطو. قام اتنحنح و نضم في الصلاة
قال ليهم: في شنو يا جماعة مالگم ؟! فردو ليك بي حس فرد گورالي واحد "
يا زول هوي دي ميها ياهؤالسورة القريتا بعد الفاتحة دي"
.*****(((((+)))))*****

ابو الدفاع يا حبيب

لعلكم بخير

Quote: لأنو ياخي شايف النقة كترت.فأي حاجة تلقوها ملطوشة كدي و لا كدي فهي من حر بنات أفكارنايعني لو سراق بسرق من جُزْلاني براي. بس شغال بيهن طواقي من هناك لهنا من دقنو و أفتللو

وين النقة دي؟؟ ما سمعت بيها ابدآ.
يا زول انداح ساي- كلو زول عندو طريقة كتابة واضحة وبصمة مميزة.
في كتيرين متابعين اندياحك ده ومستمتعين جدآ - وأنا من المتابعين ديل برضك.
ف ما تشتغل بي الحاجات دي وركز لينا في الشغل المجهبذ.
تحياتي

ود اللصيل نعلك عافية؟ بقيت ما بفهم كلامك كلو كلو، لكن جابتني اللوبة دي. وبارك الله في اللوبة. لأنو عندي mantra ثابتة مع أهلي عندما أتصل بهم يكون سؤالي الأبدي هو: نعل ما في جمل أبا اللوبة؟ ونعل ما في زول أبا الفيتريتة ولّا المُقُد. وبس.

كلامك هسع بقالي كُتُر وقريتو وما فهمت شيء. أكون بقيت شايباً هجلوب؟

يا زول أبقى عافية واتغتّى بالبطانية القديمة.

من سُرْوال عجيب قام شَرفَهِن متزارِد
السُّلّيت رُقابهن والحشا المِتمارِد
ستّات المَناقِد والخُلال الشارِد
جين في أب دَم ضِحا وعَرَقَن سِمير أم بارِد

دامِن كلامك بقى كُتُر ندّيك كلاماً كُتُر. عسى أن تجدَ فيه ما يؤنسك. أبقى عافية. مع أن كلامي مو كتر، كلام شرحو ما بغباك، وما أظن تغبالك جغرافيته. والله أعلم. ويا حليل سِهَم سُروال عجيب.

Quote: وين النقة دي؟؟ ما سمعت بيها ابدآ. يا زول انداح ساي- كلو زول عندو طريقة كتابة واضحة وبصمة مميزة. في كتيرين متابعين اندياحك ده ومستمتعين جدآ - وأنا من المتابعين ديل برضك. ف ما تشتغل بي الحاجات دي وركز لينا في الشغل المجهبذ. تحياتي

♡ إتا بالذات يا شيخي يشهد الله لو رميت ليك
نقطة نظام بس و مشيت فهي كافيةٌ كعلامةٍ فارقةٍ
و أيقونةٍ ناطقةٍ بما كما تدل النفحة عل العبير و كما
تتوق نفوس مجندةٌ إلى دفء أنفاس العشير .

(5)
® فا شنو، يلاكا سوا ناگل لوبة بي
دغلوبا لليلة مباشر ولا ضببحة مكاشر
المداخلة التالية كتبها/ بشير ود تهامي قال :
حسب معلوماتي الرهيفة و مقدودة مريسة "الدخن
الدخدخاني أكل الحومار و العاني " دي في غربنا
الحبيب تعتبر عندهم وجبة فطور عديل وكدي.
***** (((+++)))*****
®فلنالو: قشير يا حامل المسگ، المعلومة أعلاه
شكلك لاطشة حااارة بالشوكه و الشنكار من عماتك
ناس بت أبوها وحوا بت عبد النبي) لو بتطراهت؟!

© أها قت لي جماعتك ظابطنها على(الاخلاس) و بس.
لأنو قل تأخير، نفاخ اللوبة بشوف شوغلو و بعدين نبقى
في(حاو و تر). ههههاي من البساطة البتفقع المرارة.

@ عشان كدي ياخي كل ما تهل بشاير
الخير.. رمضان دايمن أحلي في السودان
حيث بالجوع و العطش الله بيعظم الأجر لينا أكتر.
و عشان كدا بالجد "وا شريري نا و يا حليلي نا النايم على حيلي نا،
لو ما كنت سوداني؛ و ناس أمحمد و عطانا ديلا ظاطو ماهون أهلي".

¶ فياريت ي بشة تجونا كل شوية تغيرو معانا جو في نفافيج (أم صفقن عوراض ).
و خلك من الجماعة ديل اللي رمضان دا فرصتنا الوحيدة يضوقو معانا (الحلو مر)
و بعداك تاني يواصلو باقي فصول السنة هم حلو (بس) و نحن مراير و (بس).

¶ متلما برضو الضحية بياكلو معانا المرارة،؛ و يفكونا عكس الهبباي،
نرجع تاني: نحن لوبة لوبة؛ هم توبة توبة؛ و دهن النغانغ دا تلقاهو
سايل البسداغات لحدت الكيعان) ناس مرطبة ياخي، و ناس مهببة.
*****(((((+)))))*****
فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

Quote: من سُرْوال عجيب قام شَرفَهِن متزارِد السُّلّيت رُقابهن والحشا المِتمارِد ستّات المَناقِد والخُلال الشارِد جين في أب دَم ضِحا وعَرَقَن سِمير أم بارِد دامِن كلامك بقى كُتُر ندّيك كلاماً كُتُر. عسى أن تجدَ فيه ما يؤنسك. أبقى عافية. مع أن كلامي مو كتر، كلام شرحو ما بغباك، وما أظن تغبالك جغرافيته. والله أعلم. ويا حليل سِهَم سُروال عجيب.

☆ أها قول واحد، لامن كتبنا بالفُصحى ناس أبو العزايم قالو :
بنعسم الكلام؛ رجعنا لنضمنا بالبلدي القراح و دارجية لهيجنا السكري
طلع لينا ود البوش ينق فوقي لامن غلبنا النسويه. علا فاضل لي نفرين
بس كان قالولي: رأسك مافي النهبشو ساي، ود شيقوق و إت يا شنتير أكان
حديسي بقالك كُتُر عاد علا كان عرست لك يابانية من ناس نقيخاااو ديل.
و قلبت لسانك وكان كدي واطاتي صبحت و أنت زولي و ود سهمتي.
**************************
♧ و الله ياكا زولي تب و أنا بشتاق لدخلاتك
الدثمة و رشيقة دي ، على طريقة الاتكاء عاى كتفي
الماضي، عطفاً على سابقٍ مجهولٍ (زمان كُنّا بنَشيل
الوُّد و نَدِّى الوُّدو فى عينينا كان يكْبَر حناناً زااااد
و فات الحدَ).يااااه! يا لها من ريشةٍ فوق رؤوس
الأصحاء لا يراها إلا شاعرٌ أو كاهنٌ أو عاشقٌ
ملتاع أو مجنونٌ أو فارسٌ أحلام بلا جواد.
*****************
☆ و هدا دربي ناشق على الوعرة أم هبج
لاحق أخوي المهل ود دريس من جيهة الرضمة
و السروفار و عد الغباش و كان إت لميت علينا
بي ياهي البقت ستا و طاب، زي دراوبش لا مُداح.
♤إذن فما رأيك :
أن ترافقني في رحلة معايا
نمخر عتامير الخلا الندايــة
يا إسعاف حواملنا البجيب الدايـــة
يا صبار على الردخ المشت و الجاية
ناكل أردب و أردبين فوق ليها كم مخلاية
********************
♤ حيث زورق ألحاني يضرب أكباد الإبل،
في مسدار رحلة مضنية إلى عنان أفق لا يُرى بعينّ
مجردة. لم يمنحني القدر صديقاً. فقط كتباً رثة و قلباً
خالياً متمكناً ، كصفحة بيضاء. و في عزلتي و نحيب غرباتي،
كل السحر الذي ناحت به القماري في ليالي البدر ، ذكريات تعانقني
كلما جاوزتُ تياراً، ثم حتويني ليلقي بي في حضن موجةٍ عابثةٍ . مع
تقاسيم نايٍ هنديٍّ تلين و تصخب ،تأخذني إلى براحات ميلوديا السمفونيات
القديمة كزهرة قرنفل أو أقحوان و وسادات أحلام خالية و دموع مغادرين.. و
كلــــها قد ارتسمت لي كصورٍ مائيةٍ أو كهلال على جبين حقل مخيلتي الخصيب ..
فلم أعد كما كنت ، ذاك القيصر الروماني الطرير أو عزيز مليكةٍ سبئيهٍ. كل ما أضحيت
فيه و آلت إليه أموري ، قارب راقص يتهادى بي كطيرٍ (يتهادى مذبوحاً من الألم و جرحٍ
غائر في فؤادٍ نازفٍ ما زال نصفه مشلولاَ.. و مدادٍ لا ينضب معينه و لكن لا بد لي أن أرسو
ذات يوم على مرافئ حريتي التي أخشى كذلك ألا أجد منها هناك سوى كذبة أبريلية غبشاء
عريضة شأني معها كباسط شدقيه لحليب مراق ليبلغ فاه و لن يظفر منه و لا بقطرة؛
● سأظل أمخر عُباب البحر ليس حباً في ركوب أمواجه المتلاطمة كي تنجيني
من بطن حوت عظيم. فما أبعد أشرعتي أيتها المنارة عن معانقة لمساتك .سنواتي
حبال صيد فوق شوك نشروها ثم قالوا لحفاة يوم ريح: اجمعوها و كلما قطبت
جبيني، تمزق سندس الأماني وتناثرت منى الخيوط كما
أوراق الخريف.. منتهى الياس و الإحباط ،
أليس كذلك ؟! فلم يبق هناك و لو
بصيص في قعر النفق!!
وينـــــدلق الرحيـــــق!!!!

وحات النبي يا ود اللصيل بتكتب كلام بسرح فيه لكن بلقاه طائر في الهواء أو أنا طائر في الهواء. يا زول كلمني بكلام أفهمه.
نرجع إلى اللوبة العزّاها الله وإلى خبرها اللكيد عند عبدالله ود شنتير سنة ستين ميلادية، سنة المجاعة في السودان التي مثّلها بسنة ستة أيام الخليفة عبدالله، والتي لم أكن من مشاهديها:
ستّين مثّلت ستّة الزمان بِحَكُوبا
ستّين شالت العيش والغَباش واللوبة
ستّين حَر سَمُومها يحَرّق الراكوبة
ستّين جاتنا عِرْيانة ونِست مَرْكوبا.

الكترابة. سنة شوم مرّة. جات عريانة وحفيانة. نسعل الله السلامة.

دا كلام دربو عديل. الله يديك العافية يا زول ويسعدك.

حاشاك لله الطششان شنتير يا شيخ العرب
و أنت الصادق كلامي أنا الطاير متل ورتابة بين
السما و السحابة ؛ صحي بينطوي على كثير من
الرمزية و الرميان بعيد . و لكن دا كلو فوق راي
و إن في العروض لمندوحةً عن الكذب البوااح !!
بس عندي إضافة نقطة بعد فاصلتك عن مجاعة
سنة 1306 هجرية ، و اللي لا أنا و لا أنت ما كنا
من مشاهديها بطبيعة الحال ؛ لكن ناقشا من
حبوبتي بت ود التاي كانت مسمياها مجاعة
سنة أم دقنوس، ما عارف سر التسمية.

Quote: / ناكل لوبة / / دفع الله ود الأصيل/ ☆ ود العزتين الخمج الحلتين تعال يازول مساكگني أنا مالي گمان؟! مدين منك قريشات و عتلتا بيهن ظغبير وما شفتني تاني؟! أنا متل ود شلعي ترا بجيتووشك وبمرق جب جلب جنبلُغ متل الضل الدخل و ما قال كش، يد في الموية و يد في النار. و قالب هوبة في الراكوبة و ضارب لي بليلة لوبة و فاك حزامتي للقهَنوبة و راجي الله في [الكروبة].

٪٪٪٪٪٪٪٪٪٪(((6)))٪٪٪٪٪٪٪٪٪٪٪
☆علا ي ود ااتهامي و الله ياها ، علا عان جاي
كان قالولك سمين.. بس تتنحنح وتقول يامين.
هي و نان آعشا البيتات البتدرج العاطلات ويا مُقنَع
الكاشفات هي و نان أنا عندي لي قريشاتن بدينوهن و
يزوغو بيهن مني ما كانت غرتي لي صرتي ولاكنت مستني
ضحيتي خروفن سواكني يجيني من جنياتنا المقترنين
بالخارح عايم گاطع بحر المالح شاؤلا بي سدرو كان
من طرفگ ولا من عبدولي بتاع المطافي داك
أب راسن مقودس متل سىج العجلة!!

Quote: (7) ربنا يمتعك بالصحة و العافية يا ود الحيشان التلاتة و أحب اطمنك تب أنا سيد اللوبا ظاطا نعم أنا ظول شرق اتدثر ضفاف الأزرق الوهاج و استظل ل تبش و موليتا و سينات البلدات هيييييع أنا أخوك آالراسية!!! أبو صديق

لا عاد كان بتعرف جنس ديل طب ما عندك
عوجة. عمومن و سمح اانطممك.حتنا حيث
قالو : ود العمدة جتبلو ختاب و قال يا حلاة
أم تكشو باللوبة و الويكاب [Wake~Up]
ثم كدي قبال ما ننسى هاك المرلوعة دي:
☆ ما في فيلا في راكوبة
في وسط الهجير منصوبة
بي شوك الكتر مزروبة
بي دغلوبة ناكل لوبة
بابها حصير و عادمه سرير
و السوسيو وقع في الزير
و الحمارة ليها هدير اخوك
بي غادي ليهو شخير
برضو كمان نكون عايشين
اتاريكم انتو يا الحلوين
اساميكم تدقر العين..

تصدقو إنو رغم عنف الخريف
وكترت الطمل في حلتنا من سنين
و لا قعونجاية واحدة ما سمعناها تاني
قالت بغم و لا غاغ، ولاأنتم تحزنون!!!
ياخ. دحين ما قلتو نوبة![]ههههههه[]
***(((+)))***
● تعرف لأنو القعونج يكون سمع بنصايح
وزير ملقوف سابق للصحة من زمن بني زاحف
آل كوزان، لقى الصفوف زحمة قدام السلخانات قام
سأل : ديل مالم كمان قالولو" لحماك ياملاك" قال ياخ
خليهم ياكلو قعونج . قال إيه الحيوان ، قال لأنو مفيد
و غني بالبروتينات الحيوانية عشان كدا القعونج لبَد
عمل تغدير موغف و قرر بيات شتوي : فقلنا بدل
قرف "ناكل لوبة".ثم ياخ هو زاتو في لوبة؟!
***********(((((+)))))**********
[] لكن تاظاهرمش الضفادع براها الفهمت
الرسالة ، إحنا ذاتنا مفروض الكلام يكون ليك
أنتيا المبرعم و مشتح عضنيك أيوة و مال قايل
شنو! دي مش تعليمات بروف طبيب ، دا كان
وزير صحة ليه شنات و رنات و يا وزير
الصحة هوووي قوم أصحى!!
*********(((((+)))))********
[]

// ناكل لوبة // 
دفع الله ود الأصيل//
{9}
●باشري جناين ويحيد أمو . ترا عايشين بالكفاف..
فؤ الطبيعة ياهي لهمة الكسرة دي بعةسوها دبليلة
يوم بي بصارة، دُقة ملحة و شطيطة يَتِفًّو فوقا بصلة كلاب
و كان غيروا خلااااس علا بي ملاح لوبة عفِن. حيلتم غنيماية
تقرة طنوب اللبينة، و دحيش نعير يركبوبو لي(طــاحونة الأنيــن).
و عندهم حبيبات فتريتة زي أردبين كدي مدفونات في المطمورة
جنب البيت.فيوم أمو مرقت ليها ليناس بكا فانتهز الفرصة غفلا قام
جاسف المطمورة قلع العيش مشى جلبو باعو في تمبول فوق رأي.
●فجات أمو لقتو حافر ليهم مستراح لزوم مروق زي الناس أكان
يرتاحو ساااه من مزازاة الشدر.أمو زعلت و قالتلو:" هي و نان
آسجمان آلدخري الخزين، عشا البايتات البتدرج العاطلات،
تحين أدبخانتك الحفرتها دي بتملاهابي شنو ، و كتين
بعت مونتنا و قمحتنا مرة واحدة؟!!"

Quote: رجعنا لنضمنا بالبلدي القراح و دارجية لهيجنا السكري طلع لينا ود البوش ينق فوقي لامن غلبنا النسويه

ود اللصيل الزول الجميل
اولك يا بادي العيد مبارك عليك والعفو لله والرسول وحتتا اعفا مننا
.
وحاط الله يا ود اللصيل اتا اليومداك قافلة معاك وفهمت كلامي غلت ولميت فوقي لبع لا ايدي لا كراعي
وكلامي كان واضح علا ابعرفك مالك
اصلن ماك براك سامعلك نضم هههههههههههه
عاين لي جاي عاين لي جاي
بمناسبة اللوبة دي تعال نحجيك
قاليك عمك كبير عرس
اولادو مشوا لمرتو يطعسوا نشاط ابوهم البيولوجي والاكاديمي هههههه
حق الله بق كيف حالك واهلك طيبين وجرهم ملان عجين
وبغمزة عين جنباوية من الولد الكبير قاليها ابونا كيف يا بت السيف ؟
قالتلو ابوكم كان شبعني في اللوبا
كييييييف ؟
اهمزني .... انط .... يقوم يقول لي اللوبا التقد نعالك
.
حقو الزول يخرم معاك بالتلاويح وناس المنبر ديل ما جايبين خبر كان قمنا علي نضمينا حق صعيقة سلامة داك
باقي بديت الخريف حقي من بدري والليام دي ام رويق والقبلي شايل وحيال الطين والتكنك تعرف داك هههههههههههه

♧ ود البوش اللوبة عفِن التنصل حزاامتك و تخليك
ماسك درب بتق اللعوت ساساقة ؛ و تجازي لي محنك
و تنعل لي خاش [ بنات ] أباليسك .و العيد مبارك عليك .
و نعلك بس اتمبرت في عصير بركاوي صاموطي فدرت
بو لحم الضحية [ إن وُجد ]. يلا عاد إت عان لي جاي .
و إت الحقو تعفا لينا؛ باقي كطعنا فوقك أنا و شنتير .
♧ يلا وكتين الله جابك تعال نونسو معاك شوية . قالك:
دا عربي عسيلات تكاسي من زمن الهيلمن و الموسكو فيتش.
أصبح يومو داك بطنو مكركبة ظنيتو تلبخ في العشا لوبة فُك.
قام منفوخ واقف سلك لامن موجعو . علا لا كين المعايش جبارة
مرق يشوف ليه طرحة طرحتين. أها لي التشقيها عليه زولك قامن
وقفنو ليك جكسويتين طلبن يدويهن جامعة الرازي بي درب الهوى.
♤ أها زولك في الطريق كل ما البطن تقوم عليه يقوم صاحبنا يفك
ليك غازات اللوبة دي بي شرتابا، زي أبو العُفبن عبارة عن ثاني أوكسيد
اللعوتيك دا حاجة تدوخ عدييييييييييل.. و يلا " تيييييييييييييييت"
يضرب معاه بوري ساي برا شغلة.. (قال ليك لزوم تغبية لي اللتر و كدا)
فلما الحكاية خلاس طب فاتت حدها جات غنماية كاطعة الطريق قدامو
فواحدة من الراكبات سرخت فوقو و قالت ليه: ياعمو ياخيعليك الله
الغنماية دي تضربا ساي ، نحن بندفع ديتا ؛ علا بس بلاش من
ريحة[ بوريك] العفن دا تختبنا ياها الله يؤضى عليك.

Quote: لالا ما فاكر شئ ابدا علا بس في بوستن كان حق zekra ، اسمو (خالتو آمنة ست العرقي غلبت البوليص)؟؟!! بعدين (ام طرقا عراض) دي الظاهر عليهو كان عندكم واحدة (فالحة في العواسة) وطرقتا عريييييييييييييضة ومن هنا اتي الاسم..؟! (هو انتا قايل اي إمرأة بتعرف تعوس) ههه اسكت ساااي (جنس خرمجة هي لكن) ولا في طرقة من اصلو في شلاتيت وشراميل طرقة وكدي .؟! حليل (طرقة الكسرة البترحمن ديك) طرقة واحد بس يعطنوها لي في (كورية الروب) تاكل وتشبع وتشرب الباقي وتتكرع كمان وتحمد سيدك حمدا يوالي نعمه ..واحات الله وماك رايدني حليفه لما كان الناس عقيدتهم سمحه وقلوبهم منشرحه (كان الغنم عندنا تلد اثنين جوز جوز) (سخلة وعتود).. علا هسع دي حدث ولا حرج ...؟! حسبنا الله ونعم الوكيل. أخوك في الله، المِعطَرب/ بشير ود التهامي

*****(((((10)))))*****
▪قشير يا جنا نعلك قاصد أيام ربع الرطل يدفس القزازة لي حلِكَّا،
و متر مصران [ العرنون ] فيه سبع ياردات ، تحين مو كدي ي بشبوشي؟!
عمومن ، لا أملك سوى الوقوف مشدوهاً أمام هذا اليراع النابض بالحيوية
و هو دافعني دفعاً للخروج من عزلتي المجيدة ولاجمني لجماً بلجام من نار لأقول
خيراً أو لأصمت. فيبدو أنني واقع و لا محالة في شر أفعالي إذ أجاري خيولاً عربيةً
أصيلةً في عنفوان صباها و قد هرِم قلمي و سقطت أسنانه في لهاة محبرتي بعد أن
نضب مدادها..و لكن فضولي يدفعني أيضاًلسؤالكم فيقول: إنتو يا بشر؟! جيتي من
وين يابنية و ناوية على وين السفر؟ قلت من بلدي الوديعة؟ مدني يا أجمل خبرْ!
فيك قضيت الطفولة فيك شاب عمري وكبر ..عايشة في حدقات عيونى و باقية
فى جواي أثــرْ.. تلهم الكــــاشف يغنى و تلهم المساح شِعِرْ.السلام شيليه منى،
و ذكرياتى مع الصُّوَرْ.. بلغي ناسي و صحابى قولى فرقنا القدرْ إن نأيت لابد
راجع حتى لو طال السَّفَرْأذكر ايامنا الجميلة و مجلس النيل فى العصر
الحنينيا مدني ليك صحا فى نفسى الوَتَرْ..(مع اعتذاري للتطاول
على شاعر:"مدني يا أجمل خبر"و مغنيها ود الرفاعي).
*****(((((+)))))*****
بخاطري شيء: حين يكون البوح دُرَراً مما نتبارى به عن معاني الألفة
سنبدأ معكم من هنا ، كنوعٍ من إعطاء الخبز لخبازيه و لنتمتع بما تخبزون
و نستوصي خيراً بما تطرحون كي نعود منتفعين. في خاطري أن نضم أصواتنا
لمهرجان واقعنا الذي بين أياديكم ؛ لنغرس معاً فسائل حنطةٍ و شعيراً بصحارينا اليباب ؛
فلنسكب عليها حوضاً من نبل عطفكم الجياش . في خاطري شيء: أن نَمُدَّ إليكم صحافنا بيضاً
من غير سوءٍ "تحتضن "ترانيم "أقلامكم و دوزنات حروفكم مدرارةً بمعنى أن المجال مفسوحٌ
أوراقاً وقراطيس ليزرف الكل عليها الحبر إضاءاتٍ و" إشراقاً " بكل ما يجول " بخلدكم" فلتكتبوا..
لنا ما يدور بخُلْدِكم "ولتهمسوا لنا بما يتردد بطبول آذانكم ..فهنا القراطيس لا تزال عذراء بيضــاء دوماً
لم يغزو أرضها "وجع"العتمة فقط .. أكتبوا لنا ما يحلّق بفضــاء " خواطركم " وأن كنتم ترونه " لا شيء"
في نظركم فذاك منكم تواضع كحُبْلَى السنابل حين تنحني بقطافها؛ و الفارغات رؤوسهن شوامخ و هو بنظرنا
يبقى" كل شيء" ننتظركم ... فبارك الله فيكم أعزائي وزادكم بسطة في العلم و رفعكم شموخاً في الهمة. اسمحوا
لي أن أضيف فواصل متواضفةً بعد نقاطكم في أؤلئك الذين يعلقون سلبياتهم و ينأون بنائحة اللوم في قٍَصَرِ أنظارِهم
لفضائل الحب على مشجب ثُبِّت على جدار الزمن من باب الحفاظ على بعض ماء الوجه ،و لسان حالهم يقول:
نعيب زماننا والعيب فينا ..ومال زماننا عيب سوانا ..ونهجو ذا الزمانبغير ذنب ..ولو نطق الزمان لنا هجانا..
وليس الذئب يأكل لحم ذئب.ويأكل بعضنابعض عياناً. لقد أقعدنا حطام دنيايا كثيراً عن غاياتنا النبيلة
والحب أسماها.و تسكعنا طويلاً نلهي أنفسنا بمناظر الطريق حتى وجدنا أنفسنا نحبوا
في زمان الكبار. ... فأصبحنا نعيش في عالم "افتراضي "
بعيد عن قيمنا ورسالتنا الخالدة حتى صار كل شيء
عندنا منقلباً عقباً على رأسه. أرجو
ألا أكون سرحت من الموضوع.
*****(((((+)))))****

Quote: ود اللصيل الزول الجميل اولك يا بادي العيد مبارك عليك والعفو لله والرسول وحتتا اعفا مننا . وحاط الله يا ود اللصيل اتا اليومداك قافلة معاك وفهمت كلامي غلت ولميت فوقي لبع لا ايدي لا كراعي وكلامي كان واضح علا ابعرفك مالك اصلن ماك براك سامعلك نضم هههههههههههه عاين لي جاي عاين لي جاي بمناسبة اللوبة دي تعال نحجيك قاليك عمك كبير عرس اولادو مشوا لمرتو يطعسوا نشاط ابوهم البيولوجي والاكاديمي هههههه حق الله بق كيف حالك واهلك طيبين وجرهم ملان عجين وبغمزة عين جنباوية من الولد الكبير قاليها ابونا كيف يا بت السيف ؟ قالتلو ابوكم كان شبعني في اللوبا كييييييف ؟ اهمزني .... انط .... يقوم يقول لي اللوبا التقد نعالك . حقو الزول يخرم معاك بالتلاويح وناس المنبر ديل ما جايبين خبر كان قمنا علي نضمينا حق صعيقة سلامة داك باقي بديت الخريف حقي من بدري والليام دي ام رويق والقبلي شايل وحيال الطين والتكنك تعرف داك هههههههههههه

المداخلة دي يا ود البوش الغرض نها أساسن
توجيه نداءٍ عاجلٍ ليك تجي مقلع مارق علينا جاي
يمرق جلدك و تار ماني ختيان عليك ، لأنو مطلوب
حضوروك حياً أو ميتاً ، بُعد الشر عليك ، أولن دايرنك
هناك حبابينا الحناتيب في قروب حنتول الجميلة ، خسوسن
فردتك اللدود شاعرنا/ يحي إبراهيم.فبالله تتاولني سريع
رقم تلفونك حيثما كنت نديه لأخينا جميل علىجميل
شبارقة، عشان يضيفك وحنموت من الضحك.

نرجع بيك تاني لمشاغباتنا البرئية مع صاحبي ود التهاميالزول دا كنا في الراكوب
ة عاملين ثورة كونية، و تاني ربناجمعنا في حلاوة لمة ما تخلص، في نخخةب السودان لولالم
فينا واحد حاقد ودمو النوع القرادي بقوللولو عسام فرصالله لا طراه أبت نفسه الخبيثة إلا تفركشا
حسداً من عند نفسه .

Quote: (11) كتب: بشير ود تهامي :لالا بقصد (ام رطلين و ربع) بتاعت عصير الكرستال الزمان داك؟! يا اخي البعملوا فيها يعني المعني يعني (يحقنوا فيها السمن البلدي) سمن المعوز و كدي. هوي، لكن سرحت سااااي سرحت عدوك. تيب قول ياود الأصيل من هي تلگ الحسناء التي تناجيها بقولگ أدناه: ( جاية من وينييابينة وناوية على وين السفر؟! فبارك الله فيكم عزيزتي و زادك بسطة في العلم و رفعكم شموخاً في الهمة. و اسمحوا لي أن أضيف فواصل متواضفةً بعد نقاطكم في أولئك الذين يعلقون سلبياتهم و ينأون بنائحة قصر نظرهم لفضائل الحب على مشجب ثبت على جدار الزمن من باب الحفاظ على بعض ماء الوجه).من هي هذه العزيزة ياخ ....؟!٪٪٪٪٪٪٪٪(((+++)))٪٪٪٪٪٪٪٪٪

يا بشة ربما تگون رمزية بس لمدني الحبيية.
ثم ياخ دي بالذات أكان تفطها ما تنسخا. أصلكن
بالله ما بتفوتو لا شاردة لا واردة تختفو الكُحل من ود
العين بس شقي الحال بس يعتر في قيدگم عشان توروه المكشن
برا بصل مكادة ، يعني مافيها حاجة كان مجرد لتغة لسان من
الگيبورد زلقت لينا تأء تأنيث مشرقطة سهواً من السماء. و هي
طبعن ، دايماً متعودة كان ساكنة و لا متحركة تراها باقيالنا
متل شوكت الحوت. غايتو نحنا علا نقيف ليها حتنا بس متل
(عود العشر)؛ و الباقي براك عارفو ،ممكن تتمو خيال!

من كتاب: "الرحيق الأقحواني : جماليات الحكي بالعامي السوداني" .. الكاتب بعرفوا ول أبا ود الأصيل

نأكل لوبة
أهااا، بعد الفواصل، ممكن نرجع لموضوعنا، اللي هو "ناكل لوبة" عدييييل كدي!! نان وتيب، ومالو ياخي؟! موش ترا قالولنا بروتين (برمائي)؟! أخير لينا من حاجة قرففف اسمها: (جلافيط القعونج) اللهو ظاطو لمن سمع تصريحات عمك مامون حِمَّيْدَة النارية إياها ديك. وقام يتعزز الليمون، وصابو هلع جري الخلا لبد اندس عمل نظام بيات شتوي قبال أوانو. أها ملاحظين إنو ورغم عنف الخريف دا وكترت الطمل في حلتنا ولا قعونجاية واحدة ما سمعناها تاني قالت (غوووغ)، تحين ما قلتو نوبة؟! أها عاد تحين جنس دا ما خير منو ناكل نيم ونحلي قرض راسو عديل!!؟

وأما بالنسبة لسوعالك عن اللوبة؛ فلو قصدك بايتة هي،فلازم تحدد. لو زول جروف عندنا الفوك (لوبة عفن) دي نفاخا قبض أيد. وكان زول تقانت عندنا لوبة عدسي دي لبليلة رمضان؛ غايتو مع الصيام ما بتنفع، علا كان تربطلك (كوز) موية غليد كدا في صرتك مع حقة الصعوط ومحكاكة الملود . وأما لو قصدك الزول الماكلا يكون بايت القَوَىْ، فذاك شأن آخر، خسوسن كمان، لو رقد ليك رقدت الشيح وعكس مراقد الريح؛ لأنها بتفرز حامض (Lobic Acid)؛ ودا بقى أخطر من غاز ثاني أوكسيد اللعوتيك الفتاك. ومحرم تداوله دولياً باعتباره سلاح دمار شامل وتناوله وقد يرقى إلى جريمة ضد الإنسانية. وأما عن كترة الأسامي ففعلا أنت تاريك ناقشا كويس شكلك مجرب ياخوي، وبتنفع لشغل الطواقي والشيكات الطايرة. ولو ملاحظ حتى الانتماء العرقي برضو صحن فتة. دا كلو لزوم سهولة المناورة، عند حالاتالضرورات التي تبيح المحظورات. ياخ، ولا خليــك؛ أنت ماكعارف الباقية ساكت!

بشة ي عمگ، يعني مداقرننا حتي في اللوبة عفن دا؟؛ ياخ دا قاعدين يداعبونا بيهو. وكتين يشوفوگ مطنقر عامل زعلان وما دايرين بهببوگ، ترا يقولولك: "إن شاء الله نوفاخ اللوبة الفوك الما ينفك". أها عاد كان كدي علا الواحد تاني يضرب الخلا والصيسااه ؛ يعيش نباتي مع الطبيعة؛ يعني كان يشوفلو ضريصاء ولا بيت نمل؛ يتعشا بشوية رشوشة من (صلب) نملة، مگشنة بي بصل كلاب؛ وعليها تلاتة (كيزان) موية گدي غولاد من ترس الحقنة، يطفحا بيهن. بعدين يظبطا ليك بي شاي مدنگ گدا، وگمان مقنن بلبن عوشر. ويلا من ثمة يمش ينبطح يرقد ليگ تحت الشدرة، مراقد الريح ؛ ويسويلگ عاد، سوات ( الشيح) ومراقد الريح.

طيب على حس اللوبة والحديس طبعن دايمن بجيب باقي الحديس!! فتعال نگرم مثواگ بشوية طرايف من حلتنا. ناكل لوبة با سليقة بي مهيوبة!! فمن شر البليلة ما يضحك! وقبال ما نخش في غريق اللوابي وكدي، قالگ: واحد من عروبنا ديل (معطرب) وشالق متل صاحبي قشير دا، جايب أبناهو وجاي من الخليج كرت كرتونة؛ ومخلي رحاب الحرمين الشريفين وراه وقال داير يقضي العشرة اللواخر وسط العشيرة في ربوع تاس (أم صفقن عوراض)، غادي من تبول واتا مصبح على جبل اللبايتور. فتاني يوم بدا يدق جرس. قال جاهو ملل شديد من ثالوث المعاناة: (عطش+ كتاحة + نمطية حياة ريفية). العصار يقوم من نص صنقورك ؛ مع جو الرتابة موت بطيء، من كثرة التكرار في كل شيء. فلاحظ إنوالحلة دي عن بكرة أبيها تقريباً، عدا من رحمه وفتح عليه ربك بقرشين حلوين، يصومون ويفطرون علي صنف واحد فقط لا غير، هو (السليقة): يمرقو كل صباح على الجزارات ريقان ريقان، يجيبو ربع أوتمن الكيلو دا شايلنو مصرور مضارينو في تيابم، متل (فسحة الفحص) عند الدكتور، وعليه فرطاقة بصلة وسلقة ملحة وشوية موية. والبعدم خالس، ممكن يضبحو لوبة تمشي حاجتين ( بليلة + ملاح) يضربوه مع جك من الشيء وضده آبري (حلومر). ويلا عليها! بعد داك يا التراويح جوك ناس، متعودين يصلوها بالفاتحة ومعاها بس سورة فرد واحدة من الخفايف متل ناس الإخلاس (قل هو الله أحد ) أوالكوثر ( إنا أعطيناك ا لكوثر ) عشان يرجعوا فسراع فسراع يتكاملو النوم دايخين متل جداد سمير. الساعة تمانية دي شفتا لوفي جنازة ما تلقى طفاي النار البسترا . ياخي ديل قال ليك، مرة كدا عمك إمامن الراتب شكلو تقل ليك العيار في السليقة شوية و(بطنو مگركبة). فقامو بالعدم، جبدولم واحد أظنو ضيف جايبوالدرب ساه قالولو يصلى بيهم. عمك داقس كدا، ما كان ناقش النظام عندهم: إنو كل الركعات من قولة تيت للنهاية بنفس الوتيرة فقام هبش ليك راس (والضحى والليل إذا سجى). فتعالت أصواتهم محتجين من خلفه يزجرون وكادو يضربونه لامن اتلخبت ظاطو. قام اتنحنح ونضم في الصلاة قال ليهم: في شنويا جماعة مالگم ؟! فردو ليك بي حس فرد گورالي واحد " يا زول، دي مي ياها السورة القريت بها مع الفاتحة دي".

----
بتصرف

بريمة

من كتاب: "الرحيق الأقحواني : جماليات الحكي بالعامي السوداني"
مقتطف من باب: "يا عشمان لك في ودكة من (دفرنش) النملة"

وأما نحنا فخلها في سرك ساه. أولن {مكوفرين}، وماسكانا {يابوسة} مزمنة. وعاد كان لي {أم بعيرة} ديك، لامن ربك يهون ونطلع، كنا {نضعها كالشاه}، ونمرق ليها في الخيران تلقانا الواحد لابدلو ورا شدرة {بتقة لعوت، ولا سروب}، و{يدعم}، لامن {عروق راسو يجن ناطات} ويقرب يقلع البتقة بي عرشا.

------------------
ههههاي!

بريمة

+كتر خيرك ول أبا شيخ عروبنا بريمة ، تعرف بقت علينا
حكاية الجمل ما بشوف عوجت رقتبولاني قسمبلاي ماني قايل
حكيت جنس الحي دا . لكن جيت مشكورن يا راقي، لتبعثه من
مرقد ه في قبري المندثر. و متلما قلت ليك تشفرفني معيتك وانا
منك بمنزلة فتى موسى عليه السلام ، يوشع بن نون ، لله وأولي
العزم من رسله المُثلُل العُلأيا. يلا هاك نناولك نكمل الخيت سوا.
+ طبعن الحكي دامين بيحلو بحسب طعامة الناس البتاخد وتدي معاك
فبشير وزد لنهامي دا زولن سمح بلحيل من جيهة كمير العوضية
غادي من كبوشية ن جمعتنا الراكوبة أيام عنوفان صباها رد الله
غربتها وأقال عثرتها. وبعداك سكيتو في نخبة السودان.
في المقتبس الجاي دا قاعد يهابش فوقيقاللي:

Quote: (12) اقتباس المشاكية الأصلية كتبت بواسطة بشير ود تهامي مشاهدة المشاركة: ذكرتني ياخ لما كنا في المرحلة المتوسطة (حليل المتوسطة)؟!كنا في حصة الخغرافية بجيبوا ليها (اطلس) وبوزعوا كل اثنين في كتاب اها انا وزميلي الان (عميد شرطة) كان بجيناكتاب اطلس مكتوب فيهو وبين الخرائط بخط جميل جدا (عصيدة حااارة ومعاها كوز مريسة)؟؟! كل الاطلس مكتبوب بهذه الطريقة اها في كل توزيعه بجينا الاطلس ده لدرجة انو لو حصل غلط مشى عند ناس تانين بجيبوا لينا (هوا) وياخد الما مكتوب فيه مننا ...؟! وحسب معلوماتي الرهيفة (المريسة في الغرب تعتبر وجبة فطور وكدي)؟!!

٪٪٪٪٪٪٪٪٪(((+12+)))٪٪٪٪٪٪٪٪٪
+ قلنالو: كدي تخريمة سريعة كدا و نقطة نظام بالله،،،
® علا إتا يا ود التهامي اللخو، تحين قوت لي لامن كنتو في المرحلة المتوسطة مو گدي؟!
يا زول ما تخاف الله؟! و تقوم تلف يا عمگ ما تشبحا شديد گدي ، يقوم ينگطع فيگ طايوق،
ولا تنزلق لگ صابونة مخروقة. ياخي المتوسطة دي نحنا ظاطنا الأصغر منگ ما رجيناها.
+ فيا بشية ياخي حت إت سوي مالعقول إذا كان نحنا اللانا قدرك و لانا لحم سدرك حاضرين
السانوي العام ، و گان ليگ إتا آبو ضراع، عاد تگون من الوسطى و زات الراسين و لي غادي.
وأنت مرحلة متوسطة لا عاد گان گدي أخير نرجعگ مرحلو الأساس راسو عدييل!!

© عارف ، ذگرتتي عمگ الجاگ الگضاب. مرة في لمة فراش بگا ماسگ لگ
المجلس على حسابو مگطع الناس النفس. بس الدُّرابة و را الدُّرابة شغالمكن ليبي
تقيل. فگان جنبو ود عمن ليو،قاللو إتا آالجاگ گلو ما تشبح الگضبة أنا بديگ قرصة
و بقولگ الجاگ ، أنبهگ و گدي، عشان تباقصا شوية. قاللو سمح أتفقنا.
∆ و يلا قبل علي اللمة ، و بدا يحگيلو في مغامرة بطلا هو صخشياً مع تومساح
عُشاري من جزايرالكرد البيقضى الغرد ، قال صدناهو في بحر أزرق جيهة الصعيد.
قال ضنبو دا برايو بجيبلو خمسطاشر متر؛ أها و د عمو بدا يقارص فيه و هو بدا يباقص
في طول الضنب ، لحدت ما وصلو نص متر بس. و داگ لسة يقارص فيه لامن گطع
جلدو تگطع، و يسويلو : الجاگ ، الجاگ. فلامن خلاس زهج منو ، قاللو تطير
عيشتو الجاك ، أها عاد علا گان أخليه ليگ أدروجي أملط سااه ، برا ضنب؟!
و يلا انگطعت انشمطت و راحت الحگاية شمار في مرقة.

عوافي يا دفع الله

واحدة من اكلاتي المحبوبة والمعشوقة
وانا في العادة ما زول اكل

هي بليلة اللوبة العدسي

تكون حارة ولا دافية
بالسكر والسمن
وبالعدم ممكن زيت السمسم

في واحدة من رحلاتي في دار السودان
كانت لمنطقة رومي البكري، نواحي القولد

اتفاجات لأول مرة بمحبوبتي البليلة
وهي في معية وصحبة الشمار والبصل والليمون
كومبنيشن مختلف تماما طبعا عما الفناه في نواحي وسط السودان
يعني ناس الوسط لو خلااااااس حاولو يغيرو في البليلة

بياكلوها مسيخة

اسكتو يعني

هههه

تتعافى ان شاء الله ويطيب معناك يا دفع الله
بركة قبايل العيد

∆ تعيش أنت يا غفاري و يدوم خيرك.
من نضمك الطاعم دا شگلك من سمار تواشيح
النهر النيل الخالد . فلو ممكن تعلمني رطانة، ماني
ناقش منها علا گان« أمنغ أرري» و «إسي غتا» ولا
مسكاغنا البتقولوها دي و نحن راكبين سطوح.
(} مرة جعمني لقاء نادر بالفرعون/ وردي و سماعين
ود حد الزين~ما تسألني وين~لكن گان بيناتم مداعبات
شائقة غاية في الإمتاع؛ وردي طبعن معتز جدن بي كونو
رطاني و برضو طمباري و الطمبور هو القاسم المشترك
الأعظم بينه وبين شاعره الفحل إسماعيل حسن.

رطانة ؟

بري
يخربني
ههههههه

واحدة من الأمنيات العتاق
اني اتعلم وافقه لغتين اتنين
النوبية والبجاوية
والاتنين الله ما سهل لي فيهن
مشينا اتعلمنا لغة الانجلوسكسون الباردين
ولغة الجيرمان الجافين
ولغاتنا السمحة قاب قوسين واندى وادنى

الغريبة انا ربعي نوبي والله
كل مره بقول لي حبيبنا علي عبد الوهاب
انه انا ٢٥% نوبي لكين برضو في عرف اهلنا النوبيين
النسبة دي ما بتدخلني في زمرة هؤلاء الشامخين

الله كريم

إسماعين زي ما بقول حواره المجذوب شيخنا ود بادي
هو برضو ليس سوى نوبي متعرب
انتبذ أهله ركن الاعارب وزحو من جهات كوش وكرمة ونبتة ومروي
مع انهم متوهطين ربي البركل

ان شاء الله كان الله مد في الأيام
يكون لينا مفاكرات في الحاجات دي

سلام ود الاصيل بمناسبة بوست اللوبة دا قالوا فى واحد مرة بتأكلوا لوبة طوالى اها مرة نزل ضيف على ناس مساكين اها ست البيت عندها لوبة عملتو بليلة وسيد البيت جابو للضيف والدنيا مغارب بعد ختو ليهو الصحن قدامو شاف البوخ اها طوالى قال:-
دا مكجنو ومابيه
من صفقو العراض
فى الحفر كابي
طقطق فى الضلع
متوجه اجعابى
حماني الفرج
وجلسة اصحابى
مع تحياتي لود الاصيل
حفيد موقابي

[}موقابي في عينكا ود مهدينا ياخ بالخت عديل
نعلو بس زول مزامبيغ داك اللي رهن «ٱفتاتو» في
محبسبين و حلف بالتكطعو ما يفكهن علا كان يلدو.
ثم تعال هنا « الفرج» الفي مربوعة عمك دا ، أريتو
عاد يكون البفتحو الصبر، و لا كمان هن بقى شيتن
تاني شكيت محنك لعموجقزد بقولل: ألحق
مخزنك افقدو نطالو 9 طويلة.

ناس
٩طويلة
ناده الله
ونبيه الوسيلة
تلم فيهم اصلة
طويلة
تخليهم زى البليلة
يفوروا فى بطنها
مساء وصباح وظهيرة

+مهدينا يا فردة 9 طويلة الليامات دي داخلة
في (كُس/ضُبانة) ماشفت أولاد أمدرمان شن سوو فوكن
ثأريتا عاد سوات عدوك المو صليح ، الخبر اليقين عند
أخوك عصمان موسى بهناك.
+ أبو ذر بابكر تجين قت لي سُماعين ود حد الزين
أصلن رطانيمتعورب أم العكس من بني شايق علا متروطن،
تعرف دي متللامن تلقى خروف نحيل كملان من لحم الدنيا تقول
عليه: دي بقىيا إمتن نملة مخرفة , يا أمتن خروف منمل.
سمح هاكم نديك من فارغة تدونا مقدودة :

Quote: (13) اقتباس المشاكسة الأصلية كتبت بواسطة سيف الاسلام مشاهدة المشاركة : الليلة عاد طريتني خالي ود المطامير و نفاخ اللوبا أثناء رحلته إلي ابو ظبي بالطيارة.

٪٪٪٪٪٪٪٪٪٪(((+13+)))٪٪٪٪٪٪٪٪٪٪
ديل يا ود مهدينا أهلك ناس المديرية الشمالية دكتور سيف
بيسالني من خالن ليو اسمو ود المطامير ياخوي زولي تب.
و ود حفرتي كنا في منتيدياتو د المدني و قبلاهالاراكوبة رد
الله غربتها و أقال عثرتها. جيت نخبة السودان شايفو مصنقر
محگر وسط كبارات رجالات النخبة، علا الناس ديل بي صمتم
رحبوبي، علا هو اللي شكلو مشغول و لا عامل تقيل، ولا فتح
خشمو هبهبني. يعني متغابي فوقي العرفة ، مع إني براي طوالي
تلقاني جايب سيرتو فيالهينة والقاية ماني ناسي العُشرة.
© أها قتا لي هسي هو منقكع في جزيرة نائية ،
أها للعبادة و لا للتأمل الإيحائي' و لا گمان تلقاه
شغال يصطاد في (اللحم الأبيض المتوسط؟!!)
أها و إن ساء الله بس تگون السنارة غمزت؟!

(14)
(Aya Omer Sinnar)
[} دا عشان تآمن بس إنو نحنا قاعدبن نتعاطى ذاگ الأفيون القاتل ، بل و مدمنين علية.
و لگن طبعن، إنما على على طريقة :"إياگ أعني و اسمعي يا جارة" و لگل شيخ طريقته.

® ذى ماانتو..ياالحلوين وذى ماانتو ياالحلوين خالين بال و مرتاحين تأكلو رغيف وكلو خفيف
وكلو ظريف نحنا هناك كمان عايشين نضرب خضرة بالكاتو نتمها مويه بالمرغوبة نأكل لوبة
تخلى الزول يقيف انبوبة تستفو تب تبرشمو تب توقفو تب تبقى انفاسنا فيها صعوبة.

© و برضو استايل نكون عايشين. ذى ماانتو يا الحلوين فى جو القصور ساكنين
هناك الناس كمان ساكنين ولو فى ضل راكوبة بشوك الكتر مزروبة وفى حر الهجير
موكوبة بابها حصير و عادمة سرير و السوسيو وقع فى الزير و الخماره ليها هدير وابوك
بغادى ليهو شخير وكان زرتونا ياالحلوين بدل لفدور تشمو لعود وتلقو هناك طقم بنوت .

@ و ديك شافعة ميرودة ناشفة تقول كراع شرموط تشوفها تقول هسى
تموتواريتها تموت مااصلو الناس كتير بتموت وديك بيغادى تتونس وواحدة
كمانبتتحنن وشوف السمحة ديك مخطوبة قاعدة تفلى فى الحبوبة وتلقى الحاجة
بقرقوبة قاعدة هناك تهز فى روبه و شافع لونو ذى الطوبة فى نص راسو
قامت قوبة وشافع هناك يقلب الهوبة.

∆ و برضو ستايل نكون عايشين اساميكم: ديك ياسمين وداك نزار وديك سوزان
وداك امجد وديك هزار .. نحنا هناك اسمونا كتار: اخوك حنكوك وابوك قرجة
واختنا عوجة وودعقربا وام بلى وام الطور وام كابور وجبر الدار وعوض
الجيد وود سفار وبت تيه وأسامى كتيرة منسية.

¶ اصلكم انتو ياالحلوين اكلتو حقوقنا ذندية وطرتو هناك على النفحة الأوربية.
نسيتو الكعة وام دلدوم بقيتو تضربوا كارتيه وقلتو دى هى المثاليه.

¶ الاإنتو ياالحلوين حياتكم مرة مابتندار حياة النفخة والبوبار وابدا
مابتكرمو الضيف و مابتعرفوا حق الجار.. وعاد يوم يقطع التيار
نلقاكم كبار وصغار تقولوا صبرا ضرب حجار
.......

Quote: // ناكل لوبة // (15) كتب أبو إيثار تمنياتي لك دوماً بالصحة والعافية أستاذي الرائع .. باللول بدور أسعلك إنت القعونج ده مخمختو حرام ولا حلال ؟؟ زمان عندي أخوي دخل القوات الخاصة وتخرج برتبة ضابط و كان بجينا البيت وبحكي لينا إنو أكل كم قعونجة كدة وكان بشرح طريقة سلخها وقتلها و للأسف بتم كل ده في ثواني عن طريق جوانب البوت اللابسو؟ تخيل كم مسكينة هي اللوبة ياا أستاذ اللوبة سمحة و مشهية ومفيدة بس والله أنا مابحبها لأنو بتفخني توقفني تِتِقْ ألفاً احمر؟ طبعن مش لأني حنكوش والله أكلتها لمن بقيت برويتيناريا بس عشان جواي في ماكنتوش؟ لك المودة وكل التقدير ياوريف .. مشلعيب : ************************************

و الله يا أثير ، الواحد بقي يتوقع أي شي من جماعتك كان ديل
وكان ديلك داك الرماد و دا قدحو، بس ربك المستعان .كدي اول
تبادي إنتا زاتك تفسر لي مشلعيب دي اسم حركي ، كان كدي حاشاك
الحنكشة.اما اكل القعونج تستفتي عمك /محمد حسن، لكن كتلو حرام دي
علي حسابي. بس لسة ما شفتو حاجة ، الغريق كمان جاييكم.

ولا تكون قاصد بي مشلعيب دي الديب فريزر اللي
اخترعوها حبوباتنا للملمة ماتبقي من شغث الطعام البايت.
المقصود ماعارفين بكرة البعلّقو شنو في مشلعيبهم .عمومن
مساك عافية بدون نفاخات..مشلعيب بعرفا بلحيل ، وكمان نزيدك
في الشعركيل بعير، نحن مسمنو دوا كلب ودوا كديس. بس الكنت
الداير لأعرفو ، اذا كاناسم حركي لشحصكم الكريم . و لو ما الكيبورد
معصلج كنا هريناك تراتيات و كنوز من سحارة حبوبتي بت ود لتاي .
عليالأقل اللوبة القاعد تنفخك دي براها ليها براها مية اسم حركي!
كن كصندلة ٍ ، تعطر فأس قاطعها
كن وردةً ، عطرها حتى لسارقها
لا دمنةً ، خبثها حتى لساقيها

(16)
تشتهيگ العافية ، أبا إبثار ؛؛؛؛ طؤب اسمع: أهلنا ناس تنوب من أرض
اىمحنة وفي قلب الجزيرة (ودي فرصة برضو الواحد بحييهم من هنا ونترحم
علىارواح أعمامنا الراحلين/ اللمين عبد الغفار و عبد المنعم الخالدي)
[} الحلة مقسومة على خشم بيتين: كناباب و منللَّاب يعني (عيال كنان) و (أولاد من الله).
و عايشين فيما بيناتم حرباًباردةً شعواء. فيها مداقرات و مناقرات و سجالات تقيلة تقول بالله
و لا في (سوق عكاظ) و معاهم شوية بويتات مجدعات متل الأباريق، نازحين من قرى مجاورة
زي ناس شادلي ومريود و ود حسين ود أب لقمة، عاملين (جبهة بوليساريو) وجنبهم كمبو
شُركيلة معصور هنوووك دقار سفة بين الحلة و الترعة متل الزايدة الدودية.
[} الشاهد بقى حبيبنا/ الحاج كنان عربي ممسوخ لسانو فلقة
و قاعد يقرق على الفريق المنافس يقول: ديل يوم تجي مطرة دا
هو اليوم الوحيد الممكن يضوقو فيه دعة اللحم. فيقومو يجيبو ليهم عديد
(ابن العنز) بجغور كدا و يمرقو بيه يصنقرو فوق ضهر الترعة الجاية
من المناقل، و يلا يبدو ينخسو ليك في الواطة و هم يتفاوضون حول
قضية تقسيم اللحم و العفشة قبال الضبيحة ظاطا ما تتم.
[} و بهنا ، و السخيل المسكين تلقاه واقف منتظر حيران و متململ
يحدر جاي و جاي، ليس خوفاً من شفرة ذابحه بقدرما هو قرفان من
كترة النقة و اللت و العجن و مفاوضات شرق أوسطية لا تنتهب ، و لا
تودي لا تجيب. و ذلگ لعلمه علم اليقين أنها ستنتهي بفشل محتوم و لامحالة
ثم ينفض السامر، بعدما يدوه قشطتين على صلبه و ينكشح ؛ ليعلنها كبير القوم
صرخة مدوية إنو: الليلة مافي لحمة، إذاً ، عاد (يلا ناكل لوبة)، فسرعان ما
تصظح بها حناجر الغاشي و الماشي و تنطلق الهتافات بطرؤقة كورالية تشق
عنان الافق وتطوف بها المظارات هادرة عبر أزقة ونفافيج تنوب: ناكل لوبة!!
ناكل لوبة!! و بالنسبة للنفاخات بعدين: نلعب عيتنوبة و نقلب هوبة!!!
كن كصندلة ٍ ، تعطر فأس قاطعها
كن وردةً ، عطرها حتى لسارقها
لا دمنةً ، خبثها حتى لساقيها

+من أرشيق أخونا النفاجي ود المطامير وهو كائنٌ
دايانصوريٌّ شبه منقرصض السُّلالة غنيٌّ التعريف بأنه
كان يشكل معنا و صفردته التنين( نفاخ النار) وسوُّاح نعشق
الترحال و وغبيالإيثار وشخصنا الفقير إلى الله ، ثورةً كونية
يثول: الجمعة اللى فاتت دى أخوكم إنزنق زنقة عدوكم زنقة
بالطريقة الصاح ، وحاة أمى زنقه خلتنى أعرق وأجف
+أهاا .. يوم الخميس كنا متغديين كسرة بي لوبة عفِن،
وقلنا نفسح حبوبة ناس عمرو ومشينا مدينة بدع زايد ، لجماعة
أصحابنا ومشينا ويوم الجمعة المغرب صاحبى قال نمشى لواحد
صاحبو مهندس وسقنا الأولاد ومشينا وما شاء الله بيت حلو خلاص
ودخلنا وجابو البارد والشاى وضيفونا وما قصرو معانا تب
+بعد فتره تقوم بطنى تقوم على عوارتها وأنا عارفها فضيحة
وفضحتنى فى الجومره وعلى الواطه مرات عيييييييييييييك غايتو
وصلتنى مرحه لازم أمشى بيها الحمام وسألتهم ودلونى على الحمام
لكن هو حمام نُصاح ؟ وحاتك ممكن تشيل سندوتش وتدخل بيهو وتقعد
وتقعد تاكل عادىرخام يرقش ومقعد مريح جد وأخوكم أخد راحتو تمام

+أهااا ... إتا أتاريك يا الشفاط ما شغال ولأ أكان شغال وأنا أديتو عين
ما عارف المهم أبى كلو كلو يشتغل لى وقعدت أجقلب وإتوترت وأنا أسأل
نفسىأها أعمل شنو أنا هسى ؟ أطلع وأخلى ليهم الهوامير دى عايمه كدا ؟ لا
والله دى فضيحهعديل كدا ، وأكان خليتهم كدا أودى وشى منهم وين أنا تانى؟
وبقيت أحاول فى الشفاط وهو يكب لى سرسار سرسار وما يشيل ليهو حق
شافع رضيع وبقيت أعرق وأجف وكمان التأخير ذاتو وترنى زياده ،
يا ربى تلقاهم بقولو على شنو ؟
+ غايتو .. قلت لنفسى يا ود كسرهم حته حته ، اى ، أشققهم النص
النص وأقطعهم صغار صغاروبخرطوش المويه حق الغسيل أرشهم
ويسافرو ويا دار ما دخلك شرعاينت جاى وجاى وما لقيت لى حاجه
أفرتنهم بيها وفى النهايه طلعت مفتاح السيارهوبديت أطعن ليك فيهم.

+ وحاة الله كبيرهم التقول فيهو روح ألكزو كدا أكان يغطس ويغيب
من عينى وأقول خلاص سافرأكان بعد شويه يجينى جمبلق مقلع ، كرهنى
ذاتو وقلت دا النخليهو آخر واحدلميت ليك فى الباقين كسرك كسرك كسرك
لما لون المويه إتغير وبقيت ما شايفهن كويس
+وجيت لكبيرهم وأطعنو بالمفتاح والمفتاح يدخل جت ولا بعمل
ليهو شئ ، غايتو زهجنى زهج جدقمت طلعت كيس التمباك وفضيتو
معاهم ولبستو بأصبعينى ولميت ليك فيهو ( موص بس )دهجتو دهيج
وغسلت الكيس ولفيتو تمام وختيتو فى جيبىوجبت الخرطوش حق الغسيل
ورشيتهمأكان لقيت ليك نفسى بخج فيهم ومافى أى فايده وحالة المقعد
بقت حاله والمويه بقت معكّرهوأخير أول
+أهااا ... قامت جاتنى فكره تانى .. وإتكيفت ليها وطلعت من الحمام
وجيت قعدت معاهم إتكيت على عمرو وقلت ليهو نحنا راجعين البيت
والمشوار طويل أمشى الحمامعاين لى كدا وقال لى ما عاوز ، جريت
ليهو نور حق زعل تمااااااااااموإتكيت على عمار الصغيرونى
وقلت ليهو نفس الشئ وقال لى أبييييت وقلت ليهو الببو
+وطلعنا منهم .. وناس البيت ديل لو لاقونى
فى أبوظبى بفك ليهم الشارع