Post: #1
Title: طائرة اميرية خاصة تنقل جثمان القدال واسرته للسودان
Author: بدر الدين الأمير
Date: 07-05-2021, 01:47 PM
12:47 PM July, 05 2021 سودانيز اون لاين
بدر الدين الأمير-دولة قطر
مكتبتى
رابط مختصر
الطائرة تغادر مطار حمد الدولى
السابعة مساء بتوقيت الدوحة
|
Post: #2
Title: Re: طائرة اميرية خاصة تنقل جثمان القدال واسرت
Author: بدر الدين الأمير
Date: 07-05-2021, 01:49 PM
Parent: #1
شكرا دولة قطر حكومة وشعب
|
Post: #3
Title: Re: طائرة اميرية خاصة تنقل جثمان القدال واسرت
Author: بدر الدين الأمير
Date: 07-05-2021, 03:32 PM
Parent: #2
ارقد بسلام ياقدال
في ثرى الحيلوة الوطن
والوطن الحليوة
|
Post: #4
Title: Re: طائرة اميرية خاصة تنقل جثمان القدال واسرت
Author: بدر الدين الأمير
Date: 07-05-2021, 04:41 PM
Parent: #3
حمدوك وجانب من طاقمه
الوزارى حيكونو في استقبال
جثمان القدال
|
Post: #5
Title: Re: طائرة اميرية خاصة تنقل جثمان القدال واسرت
Author: بدر الدين الأمير
Date: 07-05-2021, 08:48 PM
Parent: #4
هل رايتم
|
Post: #6
Title: Re: طائرة اميرية خاصة تنقل جثمان القدال واسرت
Author: محمد محمد قاضي
Date: 07-05-2021, 11:36 PM
Parent: #1
أحسن الله العزاء يا ود الأمير علي هذا الفقد الجلل العظيم والحزن الكبير المقيم
ما في زول حزين ومتأثر زي صحبك الخال عماد عبد الله وهو يكتب ويرسم:
Quote: لا يكتب إلا بالحبر الأسود..
قعدت جنبو في الاجتماع ٢٠٠٨م، خلص الاجتماع شال قلمي ابو حبر اسود دخلو في جيبو، قلت ليهو ده قلمي وما بعرف اشتغل إلا بالأسود، قال: انا برضو.
دي كانت اول مره اتكلم مع القدال..
ولمدة اربعة سنوات وشوية بعدها كنا بنتكلم يوماتي، في اي شي وعن أي شي.
...
كنت زي كل الناس، بعرف سيدي القدال الشاعر..
معهد الموسيقي والمسرح كان في عمارة فندق دي باريس.. والفندق جنب بيتنا، نقلوا المعهد للعمارات، فمارسنا المشي ليهو كل عصرية بعد المدرسة.. وبلا اي سبب غير الفرجة على المغنين المشاهير والممثلين المشاهير.
والقدال كان ايامها مشاهير جداً.
...
بعد انتفاضة ابريل كان في ليلة شعرية في المعهد.. مشينا شلة، شفت القدال على المسرح بفنيلة زرقا بولو.. وبنطلون جينز وشعر غوفة آفرو.. اول ما مسك المكرفون، قال: الحمدلله الذي أذهب عنا الأذى.. (سكت.. ثم): والعفانة.
صفقنا.. فضلت اصفق بعد الناس بطلت صفقة.. عجبني اني سوداني والمكان ده فيهو زول بيقول كلام سوداني برضو. عجيب!!!
...
في فندق في اسطنبول جاني صداع كعب جدا.. صداعي الشهير، كل الزملا نزلو تحت.. عشا ومزيكة و و .. انا ما قدرت اتحرك من سريري بالصداع، قدال رفض يمشي معاهم وقعد معاي.. قدر ما حنستو يتخارج قال لي: صدع صداعك وبس، مالك ومالي؟.. شويتين وقال لي قوم الحمام، انا مليت ليك البانيو.. امشي اغطس فيهو وغمض واسترخي. غطست وغمضت واسترخيت، كب لي كمية موية في راسي ومرق. فتحت بعد ساعة يمكن والصداع خفيف جداً.. لقيتو قاعد يقرا في الصالة. شال كتابه وقال لي: بعد ده نوم طوالي، ومرق.
...
كل يوم بنفطر تحت شجرة "الرضية الشريفية"، أنا وقدال و Ishag Abdulgafour وSamer Hassan Osman وعدد من الزملا. (دال) عندها كافيتيريا العاملين، كافيتيريا خمسة نجوم، ومدعومة، ما بنمشيها.
بنجي للرضية الشريفية تحت الشجرة، نضرب الفول المصلح العجيب.. يطلع قدال من جيب صديرته كيس صغيروني فيهو موليته مسحونة.. يكبها في الأكل. لو في ملاح الرضية الشريفية بتغرف لينا، لكن لازم هي والقدال يدخلوا في حوار شعري وغنا حكامات.. السيدة الرضية الجميلة خلقة واخلاق، هي وبنياتها بيشتغلوا الفطور، جنبهم فاطنة موسى (الله يرحمها).. المثقفة ست الشاي الجميلة.. والراديو العجيب حقها، راديو بس بيجيب غنا.. وما اي غنا، غنا عتيق سمح سماحة، نضرب فولنا عند الرضية راضين ومرضى علينا.. ونزحف ببنابرنا لفاطنة.. تضحك: شاي بالحطب وللا بالقش؟؟ نشرب ونسمع غنا. كل الخلايق هناك في الشجرة النيم الكبيرة في الصناعية بحري.. عمال وموظفين وسواقين وباعة وشحادين وبتاعين اورنيش وسريحة بالهدوم والاحذية و و .. فوران بشر غلابة مسحوقين، كلهم يبتسموا للقدال وهو يرفع ايدو: اتفضل يا فلان.. تعال يا علان.. ارح جاي يا فرتكان.
لما اتوفى زوج الرضية الشريفية، الشغال غفير في واحد من المصانع؛ فضل قدال يجي يومياتي من امدرمان عشان يعصر برش الفراش في المنطقة الصناعية بحري.
ولما اتوفت ست الشاي وستنا، الخالة المثقفة الوديعة فاطنة موسى فجأة بالسكتة.. الحزن الدخل قدال فضل كبير للآن.. ما نقص.
...
لأربعة سنوات جميلات كنت وهذا الإنسان الجميل متلازمين بالجوار والزمالة وادمان الغنا والرسم والشعر واللسان السوداني العجيب، قدال يحفظ معظم ألسنة قبايل السودان ويجيد اللكن بيها بإدهاش، وهو عازف عود ومغني بديع.. ويحفظ للأجانب غناهم وشعرهم، وفصيح في اللغة الإنجليزية وأدبها، وفي الاجتماعات يجبرك هدؤ نبرات صوته والثقة الفيهو على السماع، حتي لو كنت مختلف معاهو في الراي.
...
ولا بيكلمني، إلا واختي تقول لي: امبارح القدال جانا. يقعد لصق أمي -تقول عواطف- وياخد ويدي معاها في الكلام والونسة والضحكات والقرقراب و و .. ويمشي، يغيب فترة ويجيها تاني.
...
محمد طه القال حالة إنسانية كاملة السودانوية..
لو قعدت اكتب عنه الحكاية ما ح تخلص..
....
من سنين طويلة داير ارسمو.. كل الصور المتاحة ليهو هي صور القدال الشاعر.. ملامحها بتقول كده، القدال الشاعر.
لكن كنت داير القدال البنو آدم صاحبي واخوي، اخيراً لميت في صورة .. دي، اول ما شفتها لقيتو ده ياهو القدال .. زولي.
ـــــــــــــ
محمد طه القدال: فحم/ رصاص |
|
Post: #7
Title: Re: طائرة اميرية خاصة تنقل جثمان القدال واسرت
Author: بدر الدين الأمير
Date: 07-06-2021, 02:16 AM
Parent: #6
محمد القاضى
من العسير على خالك الفنان عماد عبدالله
تحمل فكرة ان القدال رحل
|
Post: #8
Title: Re: طائرة اميرية خاصة تنقل جثمان القدال واسرت
Author: بدر الدين الأمير
Date: 07-06-2021, 05:57 AM
Parent: #7
الكرم لا يقاد لبيت الاكارم
شكرا دولة قطر التى اكرمت
القدال
|
Post: #9
Title: Re: طائرة اميرية خاصة تنقل جثمان القدال واسرت
Author: زهير عثمان حمد
Date: 07-06-2021, 07:29 AM
Parent: #8
مقام أمتنان وعرفان واعتراف بما تقدمه دولة قطر
تعجز الكلمات في هذا المقام عن التعبير والايضاح لما هو في خاطرنا لدولة قطر قيادة وشعب لما قدموه لنا في كل القضايا التي تهم السودان الوطن وأخرها هذا الموقف الانساني بعلاج شاعرنا الراحل القدال ، كيف لا وانتم أصحاب فضل عميم علينا ومتعكم ربي بفضل اليد العليا دوما
واكررالشكر لدولة قطر لرمزها الامير المفدي وقائدها الملهم الذي يطوّع الصعاب ويواجه المستحيل لتحقيق طموحات شعبه وإسعادهم، وأخير بكلمة مخلصة أو مشاعرة معبرة عن امتنانناً وعرفاناً لسموّه ولكل أهل قطر .
|
Post: #10
Title: Re: طائرة اميرية خاصة تنقل جثمان القدال واسرت
Author: أبوذر بابكر
Date: 07-06-2021, 06:06 PM
Parent: #1
علو في الحياة
علو في الممات
مع انه القدال ما مات
قدال شنو البموت كمان
الناس بقولو للكريم وللزول السمح
ان شاء الله يوم شكرك ما يجي
لكن بنقولا والله ل قطر وأهل قطر
لأنهم جديرين بالشكر
وجديرين بالمحبة
|
|