رسالة الى والي الخرطوم والخريف كبس حرام عليك ياخي

12:16 PM July, 05 2021

سودانيز اون لاين
حسن حماد محمد-نيويورك
مكتبتى
رابط مختصر

الأسواق ومناطق بيع الطعام قرف شديد

الطرق والشوارع داخل الخرطوم ، حفر ومطبات

ومستحيل تتنبأ بحال الطريق لأكثر من عشرة أمتار

التقاطعات وإشارات المرور ، دفسيبة وكبسيبة لا يعلم حالا الا الله.

يعني بعد تعبر ليك إشارة مرور معطلة ولا شغالة تشعر بالفخر والإنجاز وتكاد تطير من الفرح

يا خوي الحكاية لا محتاجة امكانيات لا دراسات لا غيرو

انت قبل ما تبقى والي حصل اشتريت خضار ولحمة من أي سوق من الأسواق الكبيرة

حصل جلست في مطعم شعبي وضربت ليك طلب فول

حصل سقت عربيتك وحاولت تعبر اشارة في أي تقاطع من شوارع الخرطوم

الأشياء دي أكييييد في الولاية عندها إدارات وموظفين وميزانية وهيلمانة

دحين استدعيت أي مدير ادارة منها وسألتو عن شغلو عمل فيهو شنو والمشاكل شنو؟

ياخي عندك أي فكرة معاناة المواطن في النقاط اعلاها قدر شنو؟

وانتو بالضبط شغلكم شنو ؟

الشوارع حفر ومطبات

الاسواق عفانة ووسخ وجوطة لأب جد

الحركة رجالة عديل

التقاطعات وقبل ما تعديها تلقى الركشات والشرائح والحافلات قافلات الاشارة يرفعن وينزلن في الركاب في نص الاشارة

وبوليس الحركة واقف ومغلوب على امرو وما عارف يوجه الحركة على وين ..

والله حقيقة أشك في انك عارف مهام شغلك شنو

ومسئوليتك تجاه الادارات دي شنو

ياخي ما معقول ياخي منظر السوق والناس والعربات في السوق المحلي

خلف استاد الخرطوم ومنظر الناس فارشين بضاعتهم على الأرض وفوق كراتين..

وفي ماسورة مكسورة في السوق الورا استاد الخرطوم دا وحفر ليها خمسة سنين ممكن تتردم بي طنين تلاتة اسمنت ورملة ممكن انت براك تتشمر وتردما

ياخي عليك الله انت جاد كدا بتمشي مكتبك من الصباح وبترجع الساعة خمسة..

ياخي عليك الله مرة أمشي السوق المركزي في السجانة ولا شمبات ولا الحاج يوسف ولا الكلاكلات...وشوف بي نفسك كمية الزبالة والعفن والطين

والله حقيقة أشك في انك عارف مهام شغلك شنو

ومسئوليتك تجاه الادارات دي شنو

ياخي ما معقول ياخي منظر السوق والناس والعربات في السوق المحلي

خلف استاد الخرطوم ومنظر الناس فارشين بضاعتهم على الأرض وفوق كراتين..

وفي ماسورة مكسورة في السوق الورا استاد الخرطوم دا وحفر ليها خمسة سنين ممكن تتردم بي طنين تلاتة اسمنت ورملة ممكن انت براك تتشمر وتردما

ياخي عليك الله انت جاد كدا بتمشي مكتبك من الصباح وبترجع الساعة خمسة..

ياخي عليك الله مرة أمشي السوق المركزي في السجانة ولا شمبات ولا الحاج يوسف ولا الكلاكلات...وشوف بي نفسك كمية الزبالة والعفن والطين

في حاجات كدا ما عندها أي علاقة لا بي امكانيات لا علم ذرة

ياخي بس امشي الاسواق دي بي نفسك وسوق عربيتك بالنهار من الاستاد لحدي الحاج يوسف وأرجع بيتكم وشوف المهازل والاستهتار بحقوق المواطن انو عربيتو ما تقع جوا حفرة عمقها نص متر ، ولاحظ الكلام دا جوا الخرطوم ولو ما مصدق امشي شارع المؤسسة تقاطع شارع الشعبية واتجه تاحية كوبري المك نمرة ، ياخي تحتاج لي مجنزرة عشات تتفادي الحفر وتصل الكوبري...

والله حرام عليكم البتسوو فيهو دا

انتو بتمشوا المكاتب وتشغلوا التكييف وتنوموا ولا شنو؟

ما بتصلك تقارير ولا عندك نسئولين بيزوروا الأسواق دي ،،، بس كدا مخلين المواطنين في السهلة يعوسوا ويفركوا براهم..

لا وكود لمحلية ولا للجان ولا حتى شرطي ساى يختا ليهو علامة خطر قبل الحفر ديح

اهل المنبر سلام

بعد غياب خمسة أعوام

كيفكم. ، معليش على الدخول بدون استئذان

حقيقة حاجة تمغس وانت تتجول في شوارع وأسواق الخرطوم

وتشوف الفوضى وعدم الإكتراث من السلطات ، كأنما الأمر لا يعنيهم

وين دينق يا جماعة

الكع ما تتأخر كوز نيويورك وصل

Quote: والله حقيقة أشك في انك عارف مهام شغلك شنو ومسئوليتك تجاه الادارات دي شنو

هلا الأخ حسن حماد وعودت حميدا
ولماذا تشك كن متيقنا بأنه لا يعرف ما هي مهام وظيفته
إذا كان حمدوك السجم نفسو ما عارف وظيفتو شنو؟!
ولا البطبلو ليهو!
شغل مجالس البلدية هو الذي يعكس وجه الحكومة
من أدناه لأعلاه وللأسف هو الأن كما ترى من خلال صورة
الشوارع والخدمات وكل نواحي الحياة المتأثرة بسياسات حكومة
قحت حمدوك من أدناها لأعلاها
تعكس قبح منقطع النظير أو بحسب ما ترى العين
وما سترى أيام المطر الذي على الأبواب
وربك يلطف ويستر

سلام كوز نيويورك ... ههههه ... كيتن في دينق ...
يا حسن يا خوي البلد دي من رئيس مجلس سيادتا
لي غفيرا مافي زول عندو job description سمعت
بالجبانه الهايصه ولا سوق الملجا ... ناس الوالي ديل
لعلمك مخصصاتم أكتر من رواتبم فالمحافظة على
المكاسب تفوق مواجهة التحديات لأي وظيفة يعني
الأفضل هو if you find it close don't open it and
If you find it open don't close it
وتنطبق على كل العاملين في الدولة الصفات الآتيه :-
nonprofessional, unprofessional skilled, , incapable, incompetent, clumsy, inexperienced, unintelligent, unskilled, untalented ...

حبابك الف منتصر

والله يا حبيب الحكاية دي لا حمدوك لا برهان

لو رجينا ديل جرجيرنا بنشف

الوالي والمعتمد ورؤساء المحليات والشرطة المحلية ولجان الأحياء

المواطن بتأثر بشغل الناس ديل تأثير مباشر أكثر منوغيرهم

والحكاية ما صعبة ، ياخي هل يعقل على بعد أميال قليلة من مجلس الوزراء تقع فيوخفىها متر عرضا وطولا ، الناس ديل بمشوا بيوتم بي شنو..الشوارع دي ولا بيوتاكسي جوي

نعم حمدوك رئيس الحكومة ولا يعفى من المسئولية لكن ياخي دي كمان

اشياء بديهية ومن أهم اولويات الوالي والمعتمد وما دونهم..

ما عارف انت حاليا وين لكن المنطقة شرق استاد الخرطوم فضيحة وعار على حكومة الولاية

Quote: سلام كوز نيويورك ... ههههه ... كيتن في دينق ... يا حسن يا خوي البلد دي من رئيس مجلس سيادتا لي غفيرا مافي زول عندو job description سمعت بالجبانه الهايصه ولا سوق الملجا ... ناس الوالي ديل لعلمك مخصصاتم أكتر من رواتبم فالمحافظة على المكاسب تفوق مواجهة التحديات لأي وظيفة يعني الأفضل هو if you find it close don't open it and If you find it open don't close it وتنطبق على كل العاملين في الدولة الصفات الآتيه :- nonprofessional, unprofessional skilled, , incapable, incompetent, clumsy, inexperienced, unintelligent, unskilled, untalented ...

با صلاح اهليييين بيك

كلامك في محلو

بس واجبنا نحاصر الناس ديل

قدرنا رمانا في النوع دا من المسئولين

الواحد ما مصدق انو وصل للكرسي

وكل همو يحافظ عليهو

بنقول عسى ولعل يصلم الكلام دا

لي متين نحن عايشين بعقلية العصور الوسطى

ولي متين المسئول عايش في برج عاجي والمواطن يعاني ومحروم من ابسط الحقوق

Quote: يعني بعد تعبر ليك إشارة مرور معطلة ولا شغالة تشعر بالفخر والإنجاز وتكاد تطير من الفرح

هههههههههههههههههههههههههههه


الظاهرة عليك اربعة

سوق سواقتك يا زول ونجض دركسونك بلاش مجمجة معاك

حسن حماد حياك الغمام يا غالي بركة الجيت ...

خليها مستورهـ